Lactcare Clinic د.منة الله كلاوي

11/09/2025

https://www.facebook.com/share/p/ZJmAr1mPSLbfD8eW/?mibextid=qi2Omg

امتي بينزل اللبن؟🤔
لبن السرسوب بيتكون في الثدي خلال 16:22 أسبوع من الحمل و هو ده أول تطعيم بياخده طفلك لانه غني بأجسام المناعة 🦸‍♂️
و علي اليوم التالت للخامس بيبدأ اللبن الكامل يظهر و ده بيتسمي " هجمة اللبن"↖️
و حيحصل احتقان للثدي و ممكن سخونية أو اللبن يسرب من الثدي
ساعتها لازم تفضي الثدي كتير و بطريقة سليمة سواء بالرضاعة أو التعصير 🤱
و تزوري استشاري الرضاعة الطبيعية

د. منة الله كلاوي
اخصائية الصحة العامة
استشاري دولي رضاعة طبيعية IBCLC

09/09/2025

https://fb.watch/ip1CJpShK-/?mibextid=RUbZ1f

06/09/2025

https://fb.watch/jtrL17BNQ1/

25/08/2025

حقيقه ام خرافه 🧐🧐
التوام مينفعش يرضعو رضاعه طبيعيه مطلقه ⁉️

❌اكيد خرافه
الام تقدر ترضعهم الاثنين رضاعه طبيعيه مطلقه وده لان زي ما هرمونات الحمل اعلي هرمون اللبن برضه حيكون اعلي و يكفي التوأم 👶👶

وده عن طريق ان الام تبدأ رضاعه في اقرب وقت ممكن بعد الولادة 🤱🤱 وتنبه مخها انها بترضع طفلين وده من خلال
🔰-انها ترضع الطفلين في نفس الوقت
🔰-او من خلال روتين تشفيط منتظم قصاد كل رضعه لو لاقدر الله احتاجوا حضانه
عشان تحافظ علي كميه اللبن وتزوده
ولو واجهت اي صعوبه في كده متستسلمش وتتوجه لاقرب استشاريه رضاعه 🧑‍⚕️🧑‍⚕️
عشان الاطفال يستفادو بالرضاعه لاكبر وقت ممكن ❤️

22/08/2025

البيبي بيقشط دم او لما بشفط بينزل دم مع اللبن!!!
دكتور الاطفال يفحص الطفل الاول
غير كده الشكاوي ديه بتبقي مصاحبه لحلمات ملتهبة او مجروحة
الأول اطمني علي طفلك لان الدم ده مش بيضره في اي حاجه اما حيقشطه او حينزل مع البراز
لبنك من نفس مكونات دمك
تاني حاجه بقي نعالج ماما و ده اولا و عاشرا بضبط الالتقام كريمات الحلمات كلها مش حتفيد
و بعد ضبط الالتقام علاج الالتهاب حسب نوع العدوي
بالنسبة بقي للشفاط اضبطي المقاس و قللي السرعة لحد ما تخفي


د. منة الله كلاوي
اخصائية الاطفال
استشاري دولي رضاعة طبيعية IBCLC

21/08/2025

11/08/2025

🔰 شفاط الثدي 🔰
الشفاط جهاز مهم معانا في رحله الرضاعه 🤱
بتسهل الرحله علي الام كتير ♥️
وده لو استعملناه بالطريقه الصح و مقاس مناسب وفي التوقيت الصح ✅

🔷الشفاطات انواع كتيره منها اليدوي والكهربا بتختاري حسب راحتك
🔹بس يراعي اختيار المقاس المناسب ليكي عشان ميسببش الم وتشققات اثناء التشفيط و تحافظي علي كمية اللبن
🔹كمان يفضل نمشي علي جدول بانتظام تكون استشاريه الرضاعه موصيه بيه علي حسب حالتك و حاله طفلك عشان نلاقي اسرع النتايج ان شاء الله

⛔️السرعات الكبيره مش هي الافضل عشان نشفط كميات لبن كبيره بالعكس احيانا الحل بيبقي في السرعات الأقل
التشفيط ليه طرق مختلفة علي حسب كل حاله

🔰الشفاط ممكن يساعدنا وقت هجمه اللبن في تقليل التحجير و فك التكتلات

🔰وفي نفس الوقت بيساعدنا نحافظ علي كميه اللبن لو حصل اي ظرف ومعرفناش نرضع البيبي سواء كان في حضانه لا قدر الله او اي سبب منع الرضاعه المباشرة

د. منة الله كلاوي
اخصائية الاطفال و حديثي الولادة
و استشاري دولي رضاعة طبيعية IBCLC


Edited by
Yasmine Hazem Mohamed

07/08/2025

⛔️رفض الرضاعه والتباس الحلمات ⛔️

⁉️من اسباب التباس الحلمات؟ هو ان احنا ندخل الببرونه بدري في اول ٦ اسابيع من عمر الطفل
لان الطفل في اول ٦ اسابيع مش بيفهم غير طريقه واحده للرضاعه

✅ممكن بعد ال ٦ اسابيع ندخل الببرونه لو فيه ضرورة بس لازم بطريقة paced feeding زي ما شرحنا قبل كده علشان نحاول نتجنب التباس الحلمة

🔴لو حصل التباس الحلمات يفضل التوجه لاستشاريه الرضاعه في أقرب فرصة عشان توصفلك وتشرحلك افضل الطرق ليكي ولطفلك لارجاع الرضاعه و لحد ما تروحي انصحك ب

🔹 ملامسه جلد لجلد اطول وقت ممكن
🔹استخدام بدايل الببرونه زي الكوب او السرنجه او الرايل
🔷استخدام الشفاط بانتظام للحفاظ علي كميه اللبن

د. منة الله كلاوي
اخصائية الاطفال و حديثي الولادة
و استشاري دولي رضاعة طبيعية IBCLC


Edited by
Yasmine Hazem Mohamed

28/07/2025

⛔️تجهيز الحلمه قبل الولاده خرافه ان حقيقه ⁉️

كتير بينصحوا الامهات الحوامل بترطيب الحلمه 🚫
او عمل تمارين ليها 🚫
بدون وجود اي داعي او مشاكل في الحلمه
بالعكس تماما

🔰الحلمه مش بنتعامل معاها غير بعد الحمل
لان ممكن التدليك و التمارين تسبب انقباضات في الرحم او ولاده مبكره
والترطيب بدون سبب طبي ملهوش داعي

🔰ومعظم الالتهابات او تشققات الحلمه
بتحصل بسبب الاوضاع الخاطئه في الرضاعه و الالتقام الخاطئ

🔰فيفضل بعد الولاده التوجه لاستشاريه الرضاعه لتعليم الوضع الصحيح للرضاعه الطبيعية و طريقة الالتقام
و زي ما اتعلمنا الالتقام بيكون علي الهاله مش الحلمه
عشان نبتعد بقدر الامكان عن اي مشاكل ممكن تحصل للحلمه

🔴ولو في اي سبب منعنا من الرضاعه الطبيعيه مباشره بعد الولاده يفضل استعمال شفاط بمقاس مناسب و سرعة مناسبة عشان نحافظ علي كميه اللبن لحد ما البيبي. يعرف يلتقم
وندي البيبي اللبن ده بوسائل اخري غير الببرونه زي الاصبع و السرنجة او الرايل عشان ميحصلش التباس حلمات

د. منة الله كلاوي
اخصائية الاطفال و حديثي الولادة
و استشاري دولي رضاعة طبيعية IBCLC


Edited by
Yasmine Hazem Mohamed

23/07/2025

🔷العنايه بالاسنان وقت الرضاعه 🔷

🔰تسوس الاسنان عند الاطفال مش بيكون بسبب الرضاعه الطبيعية
🔰لبن الأم مش بيسبب تسوس للاسنان
⛔️اللبن الصناعي او استخدام البيرونه هي من اسباب تسوس الاسنان بالإضافة الي الأمراض الوراثية المتعلقة بالأسنان

⛔️السكر والمواد الحافظه والمياه الغازيه والالوان الصناعيه من اهم الاسباب للتسوس
وممنوع ادخالها قبل عمر السنه ويفضل عدم استخدامها في العموم

✅لازم يكون في روتين للعنايه بالاسنان 🦷😬بمجرد طلوعها
وده بيكون بفرشه الاسنان الناعمه🪥 بالمايه بنضف اي بقايا اكل بمجرد إدخال التغذية التكميلية و كمان قبل النوم
ولما يوصل لسن مناسب نقدر نستعمل معجون خالي من الفلوريد

د. منة الله كلاوي
اخصائية الاطفال و حديثي الولادة
و استشاري دولي رضاعة طبيعية IBCLC


Edited by
Yasmine Hazem Mohamed

14/07/2025

⛔️Flat ni**le
الحلمه المسطحة ⛔️
شكل من اشكال الحلمة الشائعة
و مش مانع للرضاعه الطبيعية

🔴سمعنا اكيد نصايح زي شد الحلمه باي وسيله اثناء الحمل او حتي تمارين الحلمة وده مش بننصح بيه لانه بيأذي الأنسجة و قد يحفز انفباضات الرحم
مش مطلوب منك اي حاجه اثناء الحمل بس تجهز للولادة و تتعلمي اكتر عن الرضاعة الطبيعية و طريقة الالتقام الصحيحة

🔰 فمهم جدا التوجه لاستشاريه الرضاعه خلال الحمل و بعد الولادة مباشره عشان تعلمك ازاي الوضع الصحيح للرضاعه وده بيكون اسمه ال deep latch
يعني الطفل بياخد الهاله مش الحلمه وبكده تكون مفيش مشكله من الحلمه المسطحه

🔴ولو حصل تاخير لاي سبب عن التوجه لاستشاريه الرضاعه يفضل يكون في شفاط مناسب لتشفيط اللبن للحفاظ علي كميه اللبن ونديه للبيبي باي وسيله بدون ادخال ببرونه او تيتينه عشان مندخلش في مشكله التباس الحلمات

د. منة الله كلاوي
اخصائية الاطفال و حديثي الولادة
و استشاري دولي رضاعة طبيعية IBCLC


Edited by
Yasmine Hazem Mohamed

07/07/2025

هجمه اللبن

تحدي الام بتواجه في رحله الرضاعه بتاعتها 🤱🤱
بيحصل بعد ٣ ل ٥ ايام من الولاده 🤰🤰🤰
الثدي بيتملي لبن وديه بتبقي حاجه مفرحه ومؤلمه في نفس الوقت
مفرحه🥰 لان نزل لبن كتير للبيبي
مؤلمه 🤒لان بيبقي مليان ومحجر وسخن لو متعملناش معاه بتعليمات استشاريه الرضاعه و فضناه كويس
لاقدر الله ممكن يوصل لاحتقان والم شديد و ده يعرضك لالتهاب و يقلل اللبن

🔴التعليمات ديه هي :.

🔹نفضي الثدي سواء بالرضاعه الصحيحه او التشفيط بشفاط مناسب او تعصير يدوي كل ساعتين
ونعصره لغايه لما يفضي مع مساج بتكنيك معين استشاريه الرضاعه🧑‍⚕️🧑‍⚕️ بتشرحه في العياده

🔹يفضل الكمادات تكون بارده في الوقت ده بعد التعصير او التشفيط عشان تقلل الالتهاب
لان الكمادات السخنه هتزود اللبن وهتزيد المشكله

🔹ورق الكرنب المثلج🥬🥬 من الافكار الممتازه بيحتوي علي مواد مضاده للالتهاب ومسكن للالم

🔺لازم نستغل وقت هجمه اللبن بطريقه صحيحه لان ده الي هيحدد كميه اللبن بتاعتك بعد كده فممكن تخزني اللبن بعد ما البيبي يشبع من نفس الجنب اللي رضع منه و تحفظيه في الثلاجه او الفريزر زي ما اتعلمنا قبل كده طريقة حفظ و تخزين لبن الأم

🔰لو معرفناش نتعامل مع هجمه اللبن يفضل نلجاء لاستشاريه الرضاعه 🧑‍⚕️🧑‍⚕️في اقرب وقت

د. منة الله كلاوي
اخصائية الاطفال و حديثي الولادة
و استشاري دولي رضاعة طبيعية IBCLC


Edited by
Yasmine Hazem Mohamed