16/04/2025
العلاقات بين الناس اساسا قائمة على الاحتياجات المتبادلة بينهم
زي الأم و ابنها مثلا
الأم محتاجه تشبع مشاعر الأمومة
حد يحبها بجد
هي كل عالمه
هي سنده
دايما شايفها ( هي متشافه 🥰)
لما تكبر الام محتاجه حد يساعدها، يسندها
يلبى احتياجاتها الماديه و النفسيه
و الابن محتاج يبقا متشاف، محبوب بدون شروط، تلبي له احتياجاته الماديه الاساسيه و هكذا...
كل علاقات الناس فيها احتياجات متبادله.. ده طبيعي 👌
المشكله تبدأ تظهر لما طرف من الطرفين يبقا مراهن على احتياجات الطرف الآخر منه
و إنه مهما عمل فيه لازم يعدي ، عشان يقدر يحصل منه على احتياجه النفسي او المادي!!!
الرهان ده خاسر في كل الاتجاهات للأسف
إما أن الطرف الأخر هيستمر لاستمرار الحصول على احتاجاته
زي الام اللي طول الوقت تسبب أذيه لاولادها بتكرار العصبيه و الكلام الموجع و بعد كده العلاقه تكمل عادي و ولادها يتعاملوا عادي
أصلها امهم 😐
لكن جواهم موجوع و مكسور ، كرامتهم و عزة نفسهم طول الوقت مستفزة 🥺
أو أن الطرف الأخر يقرر يستغني عن احتياجه النفسي او المادي للحفاظ على احترامه لنفسه و كرامته 🙂
و يبقا كده انت خسرت حد، غالبا كان انسان كويس و بيحبك 🌸
بلاش تراهنوا على احتياجتكم من بعض
خلوا جبر الخاطر ركن اساسي في اي علاقه
أصل احترام الذات و تقديرها، من أهم احتياجات اي انسان ❤️
Dr. Somaya Abasirry
