Dr/omnia

01/10/2025

التواصل الاجتماعي ونجاح العلاقات يأتي بعد التواصل الجيد مع الذات والتعرف علي أفكارها وإدارة مشاعرها

01/10/2025

التعامل مع ضغوطات الحياة يحتاج الي اكتساب سلسله من المهارات الحياتية والوعي بالذات الحقيقه

Send a message to learn more

04/08/2025

الراجل اللي بيعود مراته على الغياب ، مش بيغيب عنها بس،
ده بيمسح نفسه من جوه دماغها بالراحة.

🧑‍⚕️الست لما بتحب؟
بتحب بحواسها كلها بدماغها ، بقلبها ، بجسمها ، بتفكيرها.
يعني الحب عندها مش شعور بس ده بيبقى جزء من كيانها
جزء من أمانها النفسي.

لكن لما الراجل يغيب كتير؟
العقل البشري بيبدأ يشتغل بطريقته.

🧠 علم النفس بيقول إن الدماغ البشري بيكره الفراغ.
فلما بيحصل غياب متكرر من شريك الحياة الدماغ بيبدأ يتأقلم ، يعوض ، ويتعلم يعيش من غير الشخص ده.

🧑‍⚕️يعني ببساطة:
الست اللي جواها كانت بتستناك.
دماغها بيبدأ يقولها:
مافيش فايدة هو مش بييجي ، طب ليه نستناه؟
فتبدأ تتحول من مشتاقة لساكتة
ومن ساكتة لباردة
ومن باردة لحد خلاص بقى وجودك مش فارق
وهنا الخطر

👈 الخطر مش في إنها تزعل ولا في إنها تعيط.
الخطر الحقيقي لما تفصل منك عاطفياً
وده بيحصل في مراحل:
1. أولها: الصدمة – "هو ليه بيبعد؟"
2. بعدها: التبرير – "أكيد مضغوط"
3. ثم الإهمال النفسي – "ما أنا كمان هسكت"
4. وبعدين: الانفصال الداخلي – "أنا لوحدي وخلاص اتعودت"
5. وأخيراً: اللامبالاة – يرجع ميرجعش عادي

💡 وده اسمه في علم النفس: "التكيف العاطفي القهري"
يعني الإنسان بيضطر يتأقلم مع ألم مزمن علشان ميقعدش يتوجع على الفاضي.

فالست مش بتنسى بسرعة بس دماغها بيحميها من انها تنهار
فبيفصلها من جواها وأنت مش واخد بالك.

❗ ودي أكبر كارثة:
تبقى شايفها قاعدة معاك بس روحها خلاص مش جنبك.
مفيش لهفة.
مفيش نظرة.
مفيش سؤال.

كل ده مش علشان هي اتغيرت لكن لأنها اتعذبت بصمت.
لحد ما المخ قالها: كفاية.

📌 فلو بتحبها بجد متعودهاش على البعد.
لأن البعد بيقفل مستقبل العلاقة حتى لو في الحاضر مفيش مشاكل باينة.

خليك موجود مش بجسمك.
بإحساسك.
بسؤالك.
بتفكيرك فيها.

الست محتاجة أمان عاطفي ولو الأمان ده غاب بتبني حيطان حوالين قلبها.
ولما تبنيها؟ صعب توصل لها تاني

25/01/2025

25/01/2025

مصطفي حسني قال "لو اتأذيت من حد كمل الحياه كناجي منه مش كمُصاب!
انت مسئول عن علاج نفسك من آثار الناس اللي مش كويسة، طبيعي تحزن وتتجرح، لكن لازم تدرك إن في وقت معين محدش هيعرف يطلعك من أحزانك أهم منك ..
انت صاحب قرارك".
والحقيقة إن فعلا انت المسئول الأول عن تعافيك من أي صدمات وفترات حزينة بتمر بيها ..
الناس مش هيقدمولك غير دعم نفسي - لو حصل - بس محدش هيحس باللي جواك زي ما انت حاسس بيه بالظبط وبالتالي مفيش غيرك هيقدر يخرجك من اللي انت فيه
على قد ما هي مسئولية صعبة شوية على قد ما هتخليك إنسان تاني بتفكير تاني خالص!
وخليك فاكر إن الندوب اللي بيسيبها أي جرح هي خريطة الكنز للحزن اللي دفنته عشان تفتكره بعدين لما توصل إنه كان بداية التغيير اللي خلاك انت دلوقتي. ❤

06/12/2024

كل يوم الصبح بيكون قدامك شوية اختيارات..

من أهم الاختيارات دى: أنا هابذل طاقتى فى إيه النهاردة؟ والحقيقة الإجابة على السؤال ده والوعي بيه فى منتهى الأهمية. وأنا باتكلم عن الطاقة النفسية وليس الطاقة الحركية.

هاتبذل جزء من طاقتك النهاردة فى الاهتمام بحد بتحبه؟ فى السؤال عليه؟ فى وصله والاستثمار فى علاقتكم؟
والا هاتبذل هذا الجزء فى الشكوى من الناس.. وانك مظلوم.. ومش متقدر.. وضحية.. ومحدش فاهمك ولا حاسس بيك..
فيه ناس محور حياتهم الشكوى.. وأبرع هواياتهم المظلومية.. ومايعرفوش -بسبب نرجسيتهم- غير دور الضحية..

هاتستخدم طاقتك فى إنك تعمل حاجة بتحبها.. أو على الأقل تحب اللى بتعمله..
والا هاتستخدمها فى الدخول فى صراعات صغيرة.. تخرج منها خسران- حتى لو كسبتها..
فيه ناس بتتغذى على الصراعات.. ومش بتحس بوجودها إلا فى التفاهات والصغائر.. ومنتهى انتصاراتها انهم يثبتوا انهم صح..

هاتخلى طاقتك تساعدك إنك تتجاوز اللى فات.. وتبص لقدام.. وتكمل رغم الألم والخذلان وكدمات الماضى..
واللا هاتحرقها فى إنك تلوم نفسك.. أو تلوم غيرك.. أو تقف ولا تتحرك عند أسئلة سرطانية تتوالد من بعضها بلا نهاية عن ليه ده حصل؟ وازاى؟ وليه؟ وبعدين؟
فيه ناس وظيفتها انها تثير فيك هذا النوع من الأسئلة.. وتستمتع بمشهدك وانت محتار.. أو مش فاهم.. أو بتلف حوالين نفسك..

هاتتعلم حاجة جديدة؟ هاتساعد نفسك؟ هاتساعد حد؟
والا هاتسيب حد يستدرجك لسلسة من الألعاب النفسية اللى تستهلكك وتستهلك طاقتك لشهور وربما سنوات قادمة..
فيه ناس ماتعرفش تعمل غير كده..

طاقتك غالية..
ودايماً فيه اختيارات..

#محمدطه

07/02/2024

تم بحمد الله الإفتتاح الرسمي لعيادة أثر للطب النفسي وعلاج الإدمان 😍😍😍👏👏
آملين من الله ان يوفقنا فيما هو قادم ويجعلها تترك أثراً طيباً في نفوس الآخرين 🌷🌷🤲

وقد شرفنا بحضوره وزيارته دكتور /محمد الششتاوي
أخصائي الطب النفسي وعلاج الإدمان 🙏🙏🙏

Dr Mohamed El-Sheshtawy - د. محمد الششتاوي

و بحضور نخبه كبيره من فريق العمل من الأطباء والاخصائيين النفسيين
Dr. Roa Gamal Alamrawy - د. رؤى جمال العمراوي
Dr. Ahmed Zidan
د/إسراء صادق
د/لؤي ابو بكر اسماعيل
د/منه خليل
د/ امنيه سعيد

09/11/2023

المناعة النفسية لها دور كبير في تكوين المناعة الجسمانية

Send a message to learn more

30/07/2023

قبل نتيجة الثانوية العامة.. خليك عارف:
- أنت لا تساوى مجموعك ولا نسبتك.
- مستقبلك الحقيقي مالهوش أى علاقة بدرجاتك.
- حياتك ونجاحك أو فشلك فيها قصة تانية خالص غير نتيجتك فى الثانوية العامة.
بالتوفيق للجميع.

23/07/2023

على فكرة ...

لو لقيت حد فاجر في خصومته فاعرف إن الخصومة اللي بينكم مش هي السبب في الفجور ده.. لأ الخصومة هي اللي أظهرته بس.

فكم من معدنٍ خبيث وارته محبة مصطنعة فلما خاصم انكشف معدنه وبان خبثه .. وكم من نبيلٍ لا تغيره الخصومة بل تزيده نبلاً ومروءة

اوعى تصدق جملة "انت اللي خلتني اعمل فيك كده".. التصرفات الغير سوية بتخرج من شخص أصلاً غير سوي .. مفيش مبرر في الدنيا للظلم ولا الأذية ولا قلة الأدب ولا الفجور .

ربنا يحفظنا يارب من الناس دي..