22/10/2025
💫 عن الحب اللي نعرفه بعقلنا… ومش قادرين نحسه بقلوبنا
> "هو انتي بتحبيني؟"
"هو انت بتحبني؟"
سؤال بسيط،
ممكن ييجي من ابن أو بنت،
من زوج أو زوجة،
من حبيب أو صديق.
لكن وراه وجع كبير.
مش دايمًا اللي بيسأل بيكون شاكك،
أحيانًا بيكون عارف بعقله إنك بتحبه
بس مش حاسس بده.
بين "عارف" و"حاسس" في فجوة صغيرة،
لكنها كفيلة تغيّر شكل العلاقة كلها.
لأن العقل يعرف بالمعلومات والادله والبراهين والأفعال
أما القلب فيصدق بالإحساس بالشعور
علم النفس العصبي بيقول إن الجهاز العصبي مش بيصدق الكلام،
لكنه بيصدق الإشارات الآمنة المتكرّرة:
نغمة صوت هادية،
نظرة فيها حضور، حب.فخر .اعجاب
لمسة فيها دفء.
وجود صادق، من غير استعجال ولا حكم.
لما الإشارات دي تغيب،
الحب يفضل موجود…
لكن في الذاكرة، مش في الإحساس.
بنعرف إننا محبوبين، بس ما بنحسّهاش.
فنبدأ نلوم نفسنا، أو نلوم غيرنا،
وننسى إن المشكلة مش في وجود الحب،
لكن في الطريق اللي بيوصل منه الحب.
الكلام لوحده مش كفاية.
الحب محتاج يتقال بالجسد قبل اللسان.
محتاج وجود حقيقي،
نسمع ونحس ونشوف،
لحد ما ترجع الثقة بين الإحساس والمعرفة.
ساعتها بس…
القلب يصدق،
والمخ يهدى،
ويصبح الحب مش فكرة نعرفها،
لكن أمان نحسه.
# magymahmoud
