02/12/2025
(أولادكم هما كل حياتكم )
1) إسمعوا أولادكم جيدا ولا تملون من كلامهم و بعد سمعاهم بكل هدوء يكون الرد ده صح وده غلط ✋🏻
2) علموا أولادكم الصلاه وقراءة القرآن خطوه خطوه هيحب يصلي عرفوهم إن كل ما تصلي وتقرأ قرآن إنت كده بتكلم ربنا ، ربنا بيحبك وسامعك وإدعيلوا بكل حاجه إنت عايزها وهيستجب لك 😊
3) التنمر عرفوهم إنه غلط ومينفعش أتنمر على غيري وأقول ده شكله حلو و ده لأ ✋🏻
4) علموهم إنهم لازم يحترموا الأكبر منهم وإنهم يتعاملوا إزاي مع اللي حواليهم ✋🏻
5) شجعوهم على المذاكره قولوا لأولادكم انا عارفه ان المواد صعبه لكن إنتم أقوى وهتقدروا تنجحوا وتجيبوا score أعلى تشجيعك ليه هو اللي هيخليه ينجح في حياته 😊
6) إتكلموا مع أولادكم وإعرفوا إيه أهدافهم
7) علموا أولادكم إن ده حلال و ده حرام ده نقدر نعملوا و ده مينفعش حرام
8) دايما إسألوا أولادكم في حاجه مضيقاك حد ضايقك في المدرسه يوميا لازم تعرفوا لأن في أطفال مش بتقول و ده بيعمل ضغط نفسي فيما بعد ✋🏻
9) على قد ما تقدروا إبعدوا التليفونات من إيد أولادكم لأن في ناس تيجي تقول إحنا مش بنقول الكلام ده وإبني بيقول كلام غير سوي متنسيش حضرتك إن في حد تاني في البيت التليفون بيتعلموا منه كل حاجه التيك توك والفيس بوك والإنستا السوشيال ميديا كلها فالازم إبني أو بنتي يتغيروا فنحاول نبعدهم نتكلم معاهم ، نعلمهم حاجه مفيده لكن مش نسيبهم يدمروا✋🏻
10) علموا أولادكم يكون عندهم ثقه في نفسهم وإسمعوا آراءهم ، علموهم إنهم يشاركوا في تنظيم البيت وترتيبه
11) بلاش تخلوا أولادكم إعتماديين لأن من حبي المفرط ليه يخليه يا شخص إعتمادي يا نرجسي خلي في توازن في التربيه
12) أي مشكله ما بين الأب والأم تكون بعيد عن أولادكم عشان نتجنب الإضطرابات النفسيه اللي بتحصل ليهم لأن اغلب الاضطرابات النفسيه بتكون ناتجه لجروح الطفوله ✋🏻
Dr _Rania Emara
