Aya Elgindy - Child Psychologist

20/09/2025

خطوات يمكننا اتباعها تعمل على زياده ثقه الطفل بنفسه

• عدم مقارنه الطفل بمن حوله و فى نفس سنه من الأطفال و مراعاه الفروق الفردية و معرفه ان لكل طفل قدرات خاصه به

• تشجيع الطفل على تحسين أداءه و مقارنته باداءه السابق حتى يشعر بالإنجاز

• التركيز على الجوانب الايجابيه فى شخصيه الطفل و مدح نقاط القوه لديه مع محاوله تطوير نقاط الضعف و تنميتها ليشعر بالقبول و الثقه

• الإنصات لحديث طفلك باهتمام و عدم مقاطعته مع الرد على كل الاسئله الموجهة منه باهتمام حتى يتمكن من التعبير عن نفسه و يوضح ما يدور بعقله

• عدم وصفه بصفات قبيحه هادمه حتى لا يترسخ ذلك فى ذهنه و يبدأ بترجمته إلى سلوكيات حقيقيه

• استخدام عبارات التشجيع و الاستحسان عند القيام بسلوك جيد حتى يتم تعزيز شعوره بثقته بنفسه مع عدم الاسراف فى العقاب و اللوم عند الخطأ على أن يكون العقاب متناسب مع حجم خطئه لا مع حجم غضبك

• عدم فرض السيطره على الطفل و قمع استقلاليته و إعطاءه مساحه للاعتماد على نفسه مع توجيهه و إعطاءه فرصه للاختيار

• تشجيع الطفل على كسب صداقات و تكوين علاقات مع من هم فى مثل سنه و توفير الظروف لممارسة هواياته و تدعيم مواهبه

أخصائيه نفسيه / آيه الجندى

20/09/2025

ايام و يبدأ عام دراسى جديد 😊

كيف نستقبل العام الدراسى الجديد ؟ 👍

1- تنظيم وقت النوم لطفلك من أهم العوامل اللى بتزود تركيزه و انتباهه أثناء اليوم الدراسى 🕘 .. احرصى على نومه مبكرا حتى يستقيظ بكامل نشاطه 👦

2- يمكننا أن نحبب الطفل فى المدرسه عن طريق الأدوات المدرسيه الجذابه و إشراك الطفل فى اختيار أدواته بنفسه 🎒📚📒📏✏.. احرصى على شراء الأدوات المدرسيه مع طفلك حتى تمنحيه الثقه بنفسه 👌

3- التوتر و الجو المشحون بالانفعال أثناء ايام الدراسه يجعل طفلك يكره المدرسه 😠😤 .. احرصى على عدم وضع الطفل تحت ضغط نفسى أثناء أداء الواجبات حتى لا يهرب من المذاكره بالنوم او البكاء 😢😩

4- منع الهوايات ايام الدراسه من أكثر الأخطاء شيوعا برجاء محاوله تفادى ذلك ✋ .. احرصى على تنميه هوايات طفلك و عدم منعه عنها ايام الدراسه حتى لا يشعر بالكابه و الملل 🏃🏊⚽🏀🎣🎨

5- تحفيز الطفل مهم جدا عند حصوله على الدرجات النهائيه .. احرصى على مكافئة طفلك بالمحفزات التى يحبها لتشجيعه 🎈🍭🍬🍫🍦🎡🎠

6- اجعلى يوم الجمعه فاصل بين ايام الدراسه .. احرصى على جعل طفلك يجلس مع الاسره 👪 و يستمتع باللعب فى هذا اليوم حتى يتم كسر حاله الملل من الدراسه و بدأ الاسبوع الدراسى الجديد بنشاط و حيويه 😄

7- لا تمنعى طفلك من الاجهزه الالكترونيه نهائيا بعد أن تعود عليها فى الاجازه و لا تفرطى فى استخدامه لها 💻📱.. حاولى ان تجعليها مكافئة لمده نصف ساعه فقط أسبوعيا عند التزام الطفل خلال ايام الاسبوع

أخصائية نفسيه / ايه الجندى

07/12/2024

اوقات بتحتاج من اللى بتحبهم طبطبه و احتواء و احساس بانهم حاسين بيك و بوجعك .. اهم من انك تسمع منهم نصيحه او لوم

07/12/2024

20/11/2024

Happy children's day ❤

الاهم من انك تسعى ان طفلك يكون متفوق دراسيا و يطلع الاول
اسعى انه يكون سوى نفسيا و يتمتع بصحه نفسيه جيده

طفلك صفحه بيضاء انت اللى بترسم شخصيته .. انت اكبر متحكم فى نفسيته .. انت اللى بتحدد ذكرياته فى المستقبل
و دى مسؤليه كبيره لازم تكون قدها
علشان طفلك يكون شخص سوى نفسيا
لازم تتقبله .. تحتويه .. تحسسه بالامان .. تسمعه .. تشاركه اهتماماته .. تدعمه و تشجعه
حبك لطفلك و حنانك عليه من اهم العوامل اللى بتساعد انه يكون متمتع بصحه نفسيه

كل سنه و اطفالنا سعداء ❤

09/11/2024

النور القوى اوقات بيتعب العين و يرهقها و لو زاد ممكن يعمى

اللى حواليك لو قربت منهم زياده عن اللزوم و نوروا اوى قدامك و شوفت اللى جواهم ممكن تتعب من تفاصيل كتير مكنتش شايفها و انت سايب مسافه و النور كان خافت

المسافه بتحافظ على الخصوصيه و الود .. حافظ عليها

15/06/2024

السعاده غايه بيتمناها كل البشر
السعاده موجوده فى أدق تفاصيل ايامنا بس ممكن تكون محتاجه شويه جهد مننا علشان نقدر نبصرها
العيد هديه ربانيه و فرصه عظيمه و غير مرهقه للحصول على السعاده
حاول تستغل الفرصه و تفصل شويه من دوامه الحياه
و تلاقى سعادتك فى ابسط تفاصيل العيد علشان تشحن طاقتك و تقدر تكمل ❤ 🥳🎊

كل سنه و انتم طيبين 😊💕


#العيدفرحه

15/06/2024

كل سنه و حضرتكم بكل خير
طبعا كلنا مستنين اول يوم العيد علشان نحضر الدبح و نوقف اولادنا يشهدوا الدبح علشان يبقوا أقوياء كده و يتشجعوا و يفرحوا بالعيد اصل فرحه العيد مش حتكمل غير بأنهم يشهدوا الدبح ! و لازم نحكيلهم بالتفصيل عن كيفية الدبح و قصه سيدنا إبراهيم و ازاى كان حيدبح ابنه بالتفصيل !!!!

الحقيقه الطفل قبل سن ١٠ سنوات بيكون إدراكه غير مكتمل للامور .. لما يشوف مشهد دبح و دم او يتحكاله القصه بتفصيلها ممكن جدا ميستوعبش الفكره و لا يفهم المغزى من القصه و اللى يترسخ فى ذهنه فقط طريقه الدبح و منظر الدم المرعب
ممكن جدا يظهر رعبه و خوفه الشديد فى وقتها و ساعتها خوفه حيتقابل بالهجوم من الاهل و يبدأ يسمع كلمات زى انت جبان ليه .. اجمد انت راجل .. ليه ابنك خايف كده ده انا ابنى كان بيساعد باباه فى الدبح من و هو سنتين كده غلط لازم تشجعيه علشان يبقى راجل
و ممكن جدا وقتها ميظهرش خوف الطفل لأن الكل بيشجعه و هو بيتظاهر أمامهم بالقوه لكن تظهر بعد ذلك سلوكيات تدل على تأثره النفسى بالمشهد المرعب 😨
ممكن يتخيل المشهد كل فتره و يحلم بيه أثناء النوم
ممكن تلاقى تهتهه فى الكلام .. قضم اضافر .. تبول لا ارادى أثناء النوم .. عنف مع أقرانه و اخواته .. كرهه لاكل اللحمه
ممكن كمان توصل للتقليد لو الطفل خياله واسع ممكن جدا يبدأ يقلد اللى شافه مع أخوه او اخته كنوع من اللعب فهو غير مدرك بالخطوره
لازم نراعى اننا بنتعامل مع طفل
كل طفل و له بناء نفسى قد يكون قوى و قد يكون ضعيف
مينفعش نجرب فى نفسيه اطفالنا
فيه حاجات كتير جدااااا ممكن نعرفها للطفل عن العيد غير شرح كيفية الدبح و رؤيه الدم
و كل سنه و حضرتكم جميعا بخير 😊😊
#تربيه

13/04/2024

على رأى اللى قال .. الاهتمام مبيطلبش 😂

الحقيقه فعلا الاهتمام مبيطلبش و كمان مبيتمثلش
يعنى لا ينفع تطلب من حد انه يهتم بيك و لا ينفع تمثل انك مهتم بحد

لان الاهتمام حقيقى و ملموس .. مش مجرد كلام بيتقال ممكن نزيف فيه علشان نقضى مصلحتنا من الشخص اللى قدامنا
اهتمامك بشخص بتحبه بيكون فعل لا ارادى ناتج عن حبك الحقيقى له

اظهر للى بتحبهم اهتمامك بيهم و قد ايه انت بتحبهم قبل ما تندم بعد ما الوقت يفوت انك معبرتلهمش عن حبك ليهم بالاهتمام 😍😍😍😍

و اوعى تطلب من حد انه يهتم بيك لانه ببساطه مش حيعرف يمثل انه مهتم 😎

13/04/2024

يظل الإنسان جميلا إلى أن يتكلم اما ان يتضاعف جماله او يزول تماما
الخيار متروك له !