https://www.facebook.com/164444990564067/

Dr.Mahmoud Draz - د.محمود دراز, Alexandria (2025)

22/10/2021

قل للطبيب اذا ما جئت تنصحه ..كن يا طبيب قبل الطب انسانا..
نصف الدواء بثغر منك مبتسم ..يسقي العليل علي الآلام تحنانا ..
ازالة كيس من عالمببض بوزن حوالي 15 كيلو جرام
اللهم لك الحمد والشكر ..🙏
كل الشكر لفريق العمل بداية من طبيب التخدير الي طاقم التمريض وكل العاملين ♥️

24/09/2021

داليا ولدت اشهد ان لا اله الا الله😂
بعد ما كانت بتعملي زياره كل يوم ولدني وبتكتب علي فيسبوك وبتكلم مراتي وتقابل بتاع السوبر ماركت تقوله عايزه اولد😂
ويوم الولاده قعدت مأخرانا ٣ ساعات عشان بزين الاوضه وبعمل ذكريات حلوه وفوتو سيشن 😁
وجننت التمريض عشان يحضروها للولاده وكانو ينزلولي العياده يا دكتور الحاله داليا بتقول اصبرو علي شويه 😁🤭
حمد الله علي سلامتك يا داليا ربنا يباركلك في زين ويجعله ذريه
صالحه♥️
Dalia Said

22/02/2021

فما ظنكم برب العالمين 💙💙

19/02/2021

الحمد لله الذي بنعمته تتم الصالحات 😊
"عائشه وآدم" نورو الدنيا ونورو المركز حقن مجهري وتحديد لنوع الجنين بعد تأخر 8 سنوات وفشل حقن مجهري مرتين قبل كده ❤️❤️

مش ناسي من 10 شهور بالظبط زوج الحاله داخل علي يقولي بص بقي قالتلي هنعمل الحقن عند أهلي ف القاهره قولتلها بينا علي محمود دراز محدش هيعملك الحقن غيره 😊
قد ايه كانت مسؤليه كبيره لما تحس إن حد حاطط كل ثقته فيك بعد ربنا خصوصا بعد فشل مرتين حقن😊

رحلة تنشيط وإخصاب وإرجاع للبويضات رحله كانت كلها عذاب وأمل وتفاؤل برغم كل الصعوبات والتوتر ال مرينا بيه بس لازم بيكون في نور ف آخر الطريق ❤️❤️

قد إيه بحب ولادات حالات الحقن جدا من الفرح ال بيكون ف المركز ببيقي ف العمليات وسامع الزغاريط ال مش بتخلص 😊

اختارو يحددو نوع الجنين مش ناسي لما قالتلي "يااااه يا دكتور لو ربنا كرمني علي إيدك بولد وبنت والله يارب ابقي راضيه رضا وأشكرك طول عمري وبصت لجوزها وعنيهم كلها أمل "❤️❤️

فاللهم ارزق كل مشتاق واستخدمني ولا تستبدلني واجعلني دايما من وسائل رحمة الله❤️❤️

للحجز ليوم حالات الحقن تواصل علي الرقم 01017864427

.. ❤️

03/02/2021

ولادة أي حالة حقن مجهري ف المركز بتبقي من أسعد لحظات صوت الزغاريط والفرحه بتبقي معبيه المكان ❤️
الحمد لله الذي بنعمته تتم الصالحات
ولادة "يوسف" بعد انتظار أكتر من 7 سنوات ..
حقن مجهري وتحديد جنس الجنين 😊
وطول ما احنا بنعافر و بناخد بالأسباب ربنا كرمه كبير وفضله لا ينتهي ..
وانا شايفه دلوقتي قدام عيني بكامل صحته اللهم بارك عدي عليا شريط ذكريات رحلة الحقن والتنشيط والإخصاب والإرجاع فاللهم لك الحمد ❤️
محاولات مامته أول ما سمعت صوته بإنها عاوزه تقوم من مكانها تشوفه دي عندي بالدنيا ❤️😊
سجدة باباه ف أوضة العمليات أول ما شافه فرحه ما بعدها فرحه ❤️
الحمد لله الحمد لله 😊
ربنا يباركلكم فيه ويجعله ذريه صالحه ويجعل له نصيب من إسمه ❤️❤️

23/11/2020

✅دلوقتي ف مركز د.محمود دراز للحقن المجهري وجراحة المناظير حقنة التاب بلوك والولاده بدون ألم 😍😍
الفتره ال فاتت اتسألنا كتير علي حقنة التاب بلوك وتجربة الولاده بدون ألم ❤️
يعني إيه حقنة التاب بلوك يعني تقومي من الولاده تحضني رضيعك وترضعيه وتتحركي بمنتهي السهوله 😊

🔸حقنة "التاب بلوك" احدث وسيلة لمواجهة الالم بعد الولادة

🔸"تاب بلوك" عبارة عن حقن تركيبة مخدرة في الأعصاب المغذية لمنطقة أسفل البطن (مكان جرح الولادة القيصرية) بطبقات معينة بين العضلات.
🔸 مدة تخدير حقن "تاب بلوك" تتراوح بين 24ل72 ساعة، وهي أكثر الفترات صعوبة على الحامل بعد الولادة، فتقلل حقن التاب بلوك الألم بشكل ملحوظ، ويمكن أن تعطى للحالة بواسطة طبيب التخدير بعد العملية.
وتعتمد فكرة "تاب بلوك" ببساطة على عمل بلوك، أي وقف عمل الأعصاب المسؤولة عن الإحساس في منطقة القيصرية (الجلد، العضلات) باستخدام مخدر موضعي.
🔸 فاعلية هذه الحقنة تعتمد على استخدام جهاز السونار، الذي يساعد على الحقن في المكان الصحيح. من مميزات حقنة "تاب بلوك" انها أثبتت فاعليتها في التغلب على الألم مع جميع السيدات. وهى تعتمد على طبيب التخدير الكفء الذي يقوم بالحقن في المكان الصحيح 👌
🔸أسألي علي عروض باكيدچ الولاده بدون ألم [التاب بلوك]
🌹

03/07/2020

🌿🍄🌿 كيفية حساب ايام التبويض واهميتها ؟؟؟

🍄 كيفية حساب عدد ايام الدوره الشهرية:
اولا يجب ان نعرف الفرق بين مصطلح الحيض او الطمث والدوره الشهريه

🌿🍄 الحيض او الطمث :هى فترة نزول الدم بدايه من اول يوم وحتى نهاية الدم متمثلا فى الكدره والصفره. متوسط عدد ايام الحيض ٣-٧ايام

🌿🍄 الدورة الشهرية : هى الفترة من اول يوم فى الحيض وحتى اليوم الذى يسبق الحيض التالى . المتوسط لعدد ايام الدوره من ٢١-٣٥ يوم

🌿🍄 لحساب ايام الدوره الشهريه :

اول يوم من الحيض (نزول الدم) هو اليوم ١ وثانى يوم هو اليوم ٢وهكذا ..... الى ان نصل الى اليوم الذى يسبق الدوره التاليه .
لان بنزول دم حيض الدوره التاليه نبتدى العد من جديد للدوره الجديده

🎀🦋🎀🌸🌹🌸🎀🦋🎀

🌿🍄 🌿ايام التبويض :

هى الايام المتوقع فيها وجود بويضة
صالحة للاخصاب وحدوث حمل إن شاء الله

🌿 🍄 كيفية تحديدها :
يعتمد تحديد فترة التبويض على مدى انتظام الدورة الشهرية وعدد ايامها وهناك طريقتين لحسابها طريقة حسابية وطريقة عملية

🕰 الطريقة الحسابية
اذا كانت الدورة الشهرية (من اول يوم الى اخر يوم ) ٢٨ يوم وهذا هو المثالى فيكون اليوم المتوقع للتبويض هو اليوم ١٤ اذا طبقنا هذه المعادلة ( عدد ايام الدورة - ١٤)
ولزيادة فرص حدوث الحمل او منعه يتم حساب فترة التبويض اسبوع اوسطه اليوم المتوقع للتبويض بحيث يكون من اليوم ١١ الى اليوم ١٧
هذا هو الحال ان كانت الدورة الشهرية منتظمة نطبق المعادلة
يوم التبويض = عدد ايام الدورة -١٤
فترة التبويض =اسبوع اوسطة يوم التبويض

اما اذا كانت الدورة غير منتظمة فيتم الحساب كالتالى
فترة التويض تكون
ابتداء من اليوم = عدد ايام اقصر دورة -١٨
وتنتهى فى اليوم = عدد ايام اطول دوره -١١
علما بان العدد الطبيعى لايام الدوره الشهرية من ٢١ الى ٣٥ يوم فاذا كان غير ذلك يرجو مراجعة الطبيب وغالبا فى هذه الحاله لا يحدث تبويض

🎈 الطريقة العملية
وتعتبر هذة الطريقة كمكمل للطريقة الحسابية ولزيادة الدقة
وهى عن طريق اختبار الاباضة او التبويض وهو متوفر بالصيدليات ويعتمد على نسبة الهرمونات فى البول وهو اختبار سهل وبسيط يشبة اختبار الحمل ويساعد فى تحديد يوم التبويض ويتم عمله خلال فترة التبويض

🌿🍄 اهميتها :

🌹 بعض التحاليل مثل تحليل (هرمون البروجيستيرون )والفحوصات مثل السونار يتم تحديد وقت اجرائها بناء على التبويض

🌹لتحديد الايام المهمة فى العلاقة الزوجية لحدوث الحمل ( الافضل ان تحدث فى هذه الفتره يوم بعد يوم )

🌹لتحديد الايام المهمة لتجنب حدوث الحمل بطريقة طبيعية عن طريق الامتناع عن العلاقة الزوجيةفى هذه الايام

🌹بعض الادوية تتعلق بفترة التبويض

🌹تقبل حدوث اعراض مصاحبة للتبويض مثل الم فى المبيض نتيجه التبويض (وهذه علامة صحية جدا لجدوث التبويض) ومن الممكن نزول قطرات دموية قليله مصاحبة

🌹تقبل حدوث اعراض تالية للتبويض بحوالى اسبوع وهى متلازمة ما قبل الحيض مثل صداع ..الم فى الثدى ..تغير فى الحالة المزاجيه ..اضطرابات فى النوم والشهية ولكن ان كانت الاعراض شديده يجب مراجعة الطبيب

21/04/2020

السلام عليكم
مطلوب بمركز دراز تمريض داخلى وعاملات للمركز
للتواصل01211309482

25/03/2020

مع القلق المنتشر بين الناس بسبب فيروس كورونا، أكيد الحامل أكترهم قلقاً على سلامتها وسلامة جنينها 🙂
وعلشان نطمن قلق كل حامل، وحرصاً منا على سلامتها بننصحها إنها ..

- تقلل الخروج من المنزل إلا للضرورة.
- تعقم المنزل جيداً وتمسح الأسطح بالكحول.
- تغسل إيديها كويس جداً كل ساعة بالماء والصابون مدة لا تقل عن 20 ثانية.
- تتجنب مخالطة الأشخاص المصابة، وتتجنب وضع الإيدين على الأنف أو العين أو الفم.
- تنبيه الزوج بغسل اليدين جيداً بمجرد عودته للمنزل، وتعقيم أدواته خاصة الموبايل.

وفي النهاية بنحب نطمن كل الحوامل اللي بتابع معانا في مركز محمود دراز إننا بنحرص على تعقيم العيادة والأدوات بشكل كبير جداً.

وزيادة أكتر لسلامتكم بنطلب من كل الحوامل اللي بيشرفونا في العيادة إنهم يكونوا موجودين في العيادة مع مرافق واحد فقط وعدم اصطحاب الاطفال تجنباً للإزدحام وحرصاً على سلامتكم 💙

05/07/2019

نتكلم عن موضوع مهم و الأسئلة عليه كثير .. اللولب الهرموني ..
اللوب الهرموني فكرته مختلفة تماما عن اللولب العادي .. لأنه بيحتوي على هرمون بيشتغل على بطانه الرحم .. كل الفكرة انه بيقشر البطانه و بيخليها غير قادرة على استقبال جنين .. طيب بيحصل معاه نزيف ؟؟
الإجابة طبعا لا .. كل اللي بيحصل بعد التركيب أن ممكن تنزل نقط بسيطة و تستمر من اسبوع ل 10 ايام .. طيب ليه بيحصل كده؟؟
لأن الرحم ببساطة شبه اوضه ليها عدد جدران .. اللولب بيشتغل على كل جدار لحد ما يخلص جدران الرحم كلها .. بعدها الدم بيقف و الدورة بتخف و شوية و ممكن تختفي .
طيب مش غلط الدورة متنزلش؟؟
لا طبعا مش غلط .. لأنها مش بتكون اصلا . يعني البطانة مبتتخنش عشان يحصلها نزيف و تنزل دورة ..
طيب الالتهابات و وجه الظهر و الصداع و الأنيميا.. هل اللوب السبب ؟؟
الإجابة طبعا لا.. اللولب العادي ممكن يسبب كل ده .. بس الهرموني شغله زي ما شرحها كده.. و لا بيعمل التهابات و لا وجع و لا اي حاجة .. كل شغله على بطانه الرحم فقط .. و تأثيره موضعي عليها بس .. لا الهرمون بيدخل الجسم و لا بيعمل اي مشاكل .. ده كمان بيحل مشكلة الأنيميا لأنه بيقول كمية الدورة و بيمنعها بعد تركيبه بفتره ..
طيب في حد مينفعش معاه اللوب الهرموني ؟؟
طبعا لا .. هو تقريبا وسيلة منع الحمل المناسبة لكل الناس .. حتى الناس اللي عندها تاريخ مرضي بجلطات أو أورام أو أمراض قلب أو سكر .. لأنه ببساطة تأثيره موضعي مبيوصلش لباقي الجسم ..
طيب لو عايزه اشيله و يحصل حمل.. ينفع ؟
طبعا اه .. عادي جدا بعد لما يتشال البطانة بتكون تاني و بيحصل حمل عادي خالص .. الفترة من شهرين ل 3 شهور بالكثير زي اللوب العادي ..
طيب ايه الاستخدامات التانية للوب الهرموني .. غير أنه وسيلة منع حمل ؟
طبعا في حالات اللولب الهرموني لها علاج .. عشان متتعرضش لأي جراحة .. زي حالات الأورام الليفية اللي بيشتكي من نزيف مستمر و حالات التضخم الحميد لبطانة الرحم .. في الغالب الحالات دي بيبقى سنها كبير و التعامل الجراحي معاها غير مستحب .. فاللوب بيحل مشاكل النزيف معاهم تماما.

03/07/2019

تشخيص سكر الحمل

يحدث سكر الحمل بسبب عدم قدرة البنكرياس افراز كميات كافيه من الانسولين للتحكم فى ارتفاع سكر الدم الذى يحدث طبيعيا فى اى حمل تحت تاثير هرمونات المشيمه ..و يظهر عند السيدات الذين لا يعانون من اى مرض سكر قبل الحمل غالبا بعد الشهر السادس ...

التشخيص يكون بعمل سكر صائم و تشرب الحامل ٧٥ جم جلوكوز و يتكرر التحليل بعد ساعتين بين ٢٤ -٢٨ اسبوع حمل و يكون الصائم اعلى من ١٠٠ و بعد ساعتين اعلى من ١٤٠ ...

اما السكر العشوائي فلا قيمة له فى تشخيص سكر الحمل كذلك عمل السكر الفاطر بعد وجبة افطار كما يحدث للاسف احيانا ...

30/04/2019

انا حامل ..لكن البيبى حجمه صغير !!
سؤال بتسأله كتير
تعالو نعرف سوا ايه اسباب صغر حجم الجنين مع ان الام بتتغذي كويس😊

قد يكون حجم الجنين اصغر من المتوقع لاسباب وراثيه و فى هذه الحاله تكون كل مؤشرات النمو و الصحه مثل معدل النمو و سرعة تدفق الدم فى الحبل السرى (الدوبلار) و كميه الميه المحيطه سليمه ...

لكن قد يكون نتيجه عدم اداء المشيمه لوظيفتها بشكل سليم و هو السبب الاغلب او نتيجه فيروسات او مشكله فى المادة الوراثيه للجنين (جينات او كروموسومات ) ..و هنا تظهر علامات ضعف المشيمه فى الدوبلار و كميه الميه او تظهر تشوهات فى الجنين ..و يصبح الجنين اكثر عرضه للوفاه داخل الرحم او بعد الولاده لو تاخرت الولاده حينما تشير مؤشرات الدوبلار و رسم قلب الجنين الى ضروره الولاده

التدخين (سلبى او ايجابى) تسبب ضعف اداء المشيمه ..كذلك لو سن الام فوق ٤٠ سنه او وجود مشكله فى وظائف الكليتين او مضاعفات مرض السكر او الضغط العالى ..حدوث تاخر نمو الجنين فى حمل سابق يزيد احتمال حدوثه فى الحمل التالى

الاسبرين بجرعه ٧٥ مج يوميا يقلل احتمال ضغط الحمل بدا من الشهر الرابع (لايفيد قبل ذلك)..و لايوجد دليل علمى مؤكد على فعالية حقن السيوله و لا ننصح باخدها الا فى حالات متلازمة انتيفوسفوليبيد او وجود جينات تجلط متحوره و يكون ذلك من اول الحمل و ليس بعد تشخيص تاخر النمو.. كذلك لا ننصح بادويه البروجيسترون .. التغيير فى تغذيه الام كذلك لا يفيد

Dr.Mahmoud Draz - د.محمود دراز

22/10/2021

24/09/2021

22/02/2021

19/02/2021

03/02/2021

23/11/2020

03/07/2020

21/04/2020

25/03/2020

05/07/2019

03/07/2019

30/04/2019

Address

Telephone

Website

Alerts

Shortcuts

Share

Category