عيادة الصدر والحساسية د. محمد سالم

08/12/2025

IP Unit
Alex Police Hospital
Egyptian Fellowship Training
Medical Pleuroscopy

تدريب الزمالة المصرية
وحدة التداخلات الرئوية
مستشفي هيئة الشرطة
منظار التجويف البللورى
Ayman Rizk Ayman Baligh

02/12/2025

في أحد الليالي الصيفية 🥵و الجو هادئ فى العيادة..
دخل كشف عندي شاب في اوائل التلاتينات من العمر بيشتكي من شكوي بسيطة جدا..
الم في الجانب الايمن من الصدر من اكتر من ٣ ايام..

بالنسبة لمعظمنا الام الصدر بالذات لو بعيد عن القلب بتكون غير ذات أهمية اوي لأنها غالبا بتكون الام عضلات او القفص الصدري..

بس في حالة الشاب ده كان فى حاجة غريبة شوية.. غير إن هو مدخن 🚬🚬 ( ودي لوحدها علامة خطورة كبيرة).. هو كمان نفسه مش كويس.. بينهج ونفسه قصير..😵‍💫

أول لما بدأ يتعب راح وكشف وعمل أشعة مقطعية كمان وتم تشخيصه انه التهاب رئوي .. لكن مش لدرجة النهجان دي الحقيقة.. وبدأ ياخد علاج مضادات فعلا لكن بعد ٣ ايام كان التحسن معدوم تقريبا.. مفيش خالص.. الألم بيزيد والنهجان بيزيد..🤕🥹

لما نحط المعطيات دي مع بعض زي لعبة المكعبات كده..🧩🧩

شاب مدخن⚠️
الم بالصدر⚠️
ضيق التنفس⚠️
وكمان مفيش تحسن علي المضادات الحيوية⚠️

زود عليهم الحاسة السادسة عند الدكتور بتقول إن فى حاجة مش صح..👼

يبقى لازم نفكر في حاجة مهمة جدا..
جلطة رئوية

وبعد حوار طويل جدا مع الاهل و الزوجة عشان يرضوا انه يعمل أشعة بالصبغة علي الشريان الرئوي (بسبب الخوف الفطري من الصبغة)
وإنه شاب استحالة تجيله جلطة.. وبعد إصرار مني

عمل الأشعة وطلع التشخيص..
جلطة رئوية الرئة اليمني ومش صغيرة للأسف لأننا بقالنا اكتر من ٣ ايام بدون علاج او تشخيص صحيح

بدانا علاج فورا وحجز فى مستشفي طبعا وبفضل الله و توفيقه تحسنت الحالة جدا وخرج بالسلامة بعد أسبوع تقريبا وعدينا مرحلة الخطر الحمدلله لكن هيفضل مستمر علي أدوية سيولة طول عمره.

⛔الغرض من البوست اولا الضرورة القصوي بتقدير شكوى المريض.. لازم ندور وراها ماينفعش ياخد علاج وخلاص
⛔
حالة واحدة يتم تشخيصها بحاجة خطيرة زي دي قصاد عشر حالات سليمة افضل من انك تفقد حالة زي دي.. الشاب ده كان ممكن يموت منها حرفيا
⛔
ثانيا حاليا مفيش عمر معين للإصابة بالجلطات.. في اي مكان.. بالذات في المدخنين. . الفكرة القديمة بتاعة أنا لسة صغير مابقتش موجودة..
🚭🚯🚱🚷
تدخين مع عادات غذائية غلط مع توتر وضغط عصبي.. مثلث مرعب لأي سن

خلي بالكم من صحتكم


#اسكندريه

29/11/2025

كل مرة نحذر من مجموعة البرد.. أهو طلع مجموعة البرد برو ماكس
🤗

28/11/2025

كثيرا من المرضي الأعزاء اول لما بيدخلي بيبدأ كلامه بجملة لطيفة جدا
(علي فكرة أنا مش بحب الدكاترة 🫣)
فبيكون ردي بكل بساطة
(ولا أنا والله😂)

لأن دي حقيقة واقعة.. محدش فينا بيحب الدكاترة ولا بيحب الانتظار عند الدكتور ولا بيحب الأدوية وأكيد أكيد مش بيحب المرض..🥵

أنا شخصيا لو اضطريت أروح اكشف عند حد من زملائي او اساتذتى بيكون يوم صعب جدا.. وده الطبيعي والمتوقع😓

عشان كده جزء كبير آوي من دور الطبيب المهني والإنساني انه يكون رحيم ويقدر حالة القلق اللي عند المريض ويقدر يطمنه و يشرحله حالته بهدوء وبساطة ❤️

الراحمون يرحمهم الله 💝

24/11/2025

❤️شير علي أوسع نطاق❤️
#مصر #كوفيد #كورونا
#اسكندريه

24/11/2025

- الڤيروس المنتشر مش كورونا، ومش قاتل بالدرجة الأولى ومش بيعمل تجلطات زي الموجة الأولى.

- الفئات المهدَّدَة بالعدوى أكتر هما الاطفال بطبيعة الحال وكبار السن

- الطفل يرجع يختلط عادي في المدرسة بعد مرور ٢٤ ساعة من عدم ارتفاع الحرارة بدون مساعدة خوافض حرارة.. ويختلط بحذر مع كمامة.

- العدوى بالرذاذ والأدوات الشخصية والنَفَس.

- ممنوع أي أدوية سيولة لو حتي بدون استشارة الدكتور

- متديش مضاد حيوي إلَّا لو حصل زيادة فى الأعراض او أنك هتلاقي إفرازات لونها متغير وسخونية ممتدة اكتر من يومين وعلامات تانية ، وبرضه لازم استشارة الدكتور اولا.. متاخديش مضاد حيوي من نفسك

- متديش كورتيزون غير باستشارة الطبيب بعد الفحص وهو يحدد.

- الرضع ننضَّف الأنف باستمرار بمحلول ملح هو افضل حاجة وامنة تماما .

-) سوائل كتير دافية( وزعتر وينسون وزنجبيل.
وعسل بالليمون كويس جدا

- العلاج في المراحل الأولى خافض حرارة باراسيتامول كل ٦ ساعات وطارد بلغم، والجرعة طبقًا للعمر والفئة.. ولو الحرارة عليت خلال الست ساعات ندخل بروفين بالتبادل برضه حسب العمر.
بلاش كتفلاي ولا دولفين لبوس ولا فولتارين حقن

- متروحش بالطفل للمستشفى غير في الحالات دي (قلة شهية بالأيام ممكن توصل لجفاف - نهجان مستمر وملحوظ - صعوبة تنفس شديدة ملحوظة زي زرقان أو ظهور الضلوع مع النفس الشديد أو خروج صوت مع كل نفس)

- المرحلة الأشد في الأعراض أول ٣ أيام، وخصوصًا اليوم التاني.

- مفيش حاجة للعزل زي ايام الكورونا الموضوع مش مرعب ولا مقلق بإذن الله

- ربنا يعافي الجميع.

د. محمد سالم
استشاري الأمراض الصدرية

05/10/2025

من أفضل أطباء التغذية

التغذية السليمة… علاجك المستمر ✨

فخورين بانضمام د/ نهى سالم – أخصائية التغذية العلاجية لفريق ترياق.

هدفنا نوفر خطط غذائية متكاملة تساعد مرضانا في كل مراحل رحلة العلاج…
لأن العلاج مش أدوية بس… التغذية العلاجية هي أساس حياتك الصحية، ووسيلتك تعيش يومك بطاقة وتوازن، وتبني أسلوب حياة يحافظ على صحتك كل يوم 🌿💙
ــــــــــــــــــــــــــــــــــــ
📞 للحجز والاستفسار: 01103600787
📩 أو من خلال رسائل الصفحة
💬 واتس آب: wa.me/201103600787
📍 247 طريق الحرية – أمام نادي سبورتنج – الإسكندرية

#ترياق

15/03/2025

بلاش الجو يخدعكم وتصيفوا للعيال..🚫🚨
الحرارة هتنزل ١٦ درجة الخميس القادم ان شاء الله

05/03/2025

أمتي الحساسية هتروح من إبني ؟

#اسكندريه #مصر #حساسية #اطفال

04/03/2025

هل بخاخات الصدر بتفطر في رمضان ؟
#اسكندريه #مصر #حساسية #كحة #

02/03/2025

عزيزي المدخن 🤔