https://www.tiktok.com/@dr_resha

Dr. Amr Abou Resha - د.عمرو أبو ريشة, Alexandria (2025)

02/12/2025

تعالى أقولك على تحالف عظيم تحالف الذكاء الصناعي مع المناعة البشرية بتاعتنا إحنا عشان نحاصر السرطان

في بعض الأبحاث بدأت تتكلم عن دمج أقوى سلاح بيولوجي (CAR-T) مع أذكى عقل إلكتروني (AI)

كلنا عارفين ثورة الـ CAR-T Cell Therapy وإزاي بناخد خلايا المريض المناعية (T-cells) ونعدلها جينياً عشان تبقى قناصة محترفة بتنشّن على السرطان وتدمره

بس المشكلة كانت دايما الاستجابة مش واحدة و الأعراض الجانبية (CRS) ممكن تكون خطيرة

وهنا دخل الـ AI عشان يغير قواعد اللعبة ويعمل Update للطب كله

الـ AI مخبر سري (Target Discovery) 🕵️‍♂️
الخلايا السرطانية بتعرف تتنكر كويس الـ AI بيقدر يحلل مليارات البيانات الجينية (Big Data) ويطلع أهداف (Targets) جديدة ومستخبية البشر مكنوش قادرين يشوفوها ده بيخلي الهجوم قاتل للورم و آمن للخلايا السليمة

ده طبعا غير تصميم على الفرازة (Design Optimization)
بدل ما نجرب في المعمل ونضيع وقت وفلوس الـ AI بيعمل آلاف المحاكاة (Simulations) لتصميم مستقبلات (CARs) بتركيبات مختلفة ويتوقع مين فيهم اللي هيمسك في الورم بأسنانه ومين اللي هيفك كل ده قبل ما نلمس المريض

التنبؤ بالمستقبل (Prediction)
أخطر حاجة في الـ CAR-T هي الـ Toxicity

الـ AI دلوقتي بيقرأ الملف الجيني للمريض ويقولنا
المريض ده هيستجيب بنسبة كام؟

هل جسمه هيدخل في عاصفة مناعية (Cytokine Storm) ولا لأ؟

إيه الجرعة التفصيل المناسبة ليه بالمللي؟

الطب مبقاش One Size Fits All الطب بقى Haute Couture أو تفصيل عالي الدقة

التحالف ده ممكن يفتح الباب لعلاج الأورام الصلبة زي الرئة والقولون اللي كانت مستحيلة زمان

شايفين إن الـ AI في المرحلة دي هيسرع اكتشاف الأدوية ولا هيخلي دور العنصر البشري في البحث العلمي مجرد مُشرف ؟ وبس كده يا سادة وكالعادة دمتم سالمين ❤️

02/12/2025

لاء مفيش حابينا نقولكم بس إن عيلة الـ (SGLT2 Inhibitors) زي الـ Dapagliflozin والـ Empagliflozin دي مش مجرد أدوية سكر يبيه لأن الـ Cardiology Guidelines غيرت النظرة دي تماماً

دلوقتي الأدوية دي بقت ركن أساسي (Pillar) من الـ 4 Pillars لعلاج هبوط عضلة القلب (Heart Failure with reduced Ejection Fraction - HFrEF) حتى لو المريض مش مريض سكر أصلاً

تعالوا نفهم إيه اللي حصل وازاي دواء سكر بقى منقذ للقلب

1️⃣ مش بس جلوكوز في البول (Beyond Glycosuria)
الآلية التقليدية إنها بتمنع إعادة امتصاص الجلوكوز في الكلى (Glucosuria) بس ده ظاهر الموضوع العبقرية الحقيقية في الـ Hemodynamic Effects
هي بتعمل (Natriuresis) و (Osmotic Diuresis) فبتقلل الـ Preload والـ Afterload على القلب بشكل ذكي جداً من غير ما تعمل Activation للـ Sympathetic Nervous System زي مدرات البول العادية

2️⃣ طاقة نظيفة للقلب (Metabolic Shift)
القلب المنهك في الـ Heart Failure بيعاني عشان يلاقي طاقة الـ SGLT2 Inhibitors بتحفز القلب إنه يستخدم الـ Ketone Bodies كمصدر للطاقة بدلاً من الجلوكوز أو الدهون ودي بنسميها "Super Fuel" لأنها بتدي طاقة أعلى باستهلاك أكسجين أقل (Oxygen Efficient)
يعني ببساطة بنريح موتور القلب ونخليه يشتغل بكفاءة أعلى

3️⃣ الخوف من الهبوط (Hypoglycemia Concern)
السؤال الأشهر هنا طب يا دكتور لو اديته لمريض قلب سكره مظبوط مش هيدخله في هبوط
والله سؤال منطقي برضه بس لأء لأن
الآلية بتاعتها (Insulin Independent) يعني لو السكر في الدم مش عالي هي مش هتشتغل بعنف وبالتالي خطر الـ Hypoglycemia في مرضى الـ Non-diabetic HF يكاد يكون منعدم

الـ SGLT2i مبقتش أدوية سكر بتخدم على القلب.. دي بقت أدوية قلب عندها آثار جانبية مفيدة للسكر
تحديث معلوماتك وتطبيق الـ Guideline-Directed Medical Therapy (GDMT) هو اللي بيفرق بين روشتة تقليدية وروشتة بتنقذ حياة وتقلل الـ Hospitalization

وبس كده سيبكم من التريند .. ودمتم سالمين ❤️

01/12/2025

وأنا شغال في معامل ال R&D بنصنع أدوية عمري مسمعت الي أنا بسمعه دلوقت لكن في سوق تصميم العطور ومستحضرات التجميل كل يوم بيعدي عليا الجملة دي سواء وأنا بعمل فورميلا لمستحضر تجميل أو بصمم عطر معين يادكتور عاوز المنتج طبيعي 100%

يا جماعة مفيش حاجة اسمها ببحث عن عطر أورجانيك أو عاوز المستحضر الفلاني أورجانيك مش عايز كيماويات تضر جلدي

هنا لازم أقف دقيقة عشان أواجه وحش التسويق المسمى بـ (Chemophobia) أو "فوبيا الكيمياء"
خلوني أكشفلكم 3 حقائق تجار "الأورجانيك" مش عايزينكم تعرفوها

1️⃣ الطبيعي مش دايماً "ابن ناس" وطيب
سم التعبان طبيعي الزرنيخ طبيعي واللبلاب السام طبيعي 100%

في العطور الزيوت الطبيعية (Essential Oils) هي عبارة عن "كوكتيل" معقد من مئات الجزيئات الكيميائية كتير منها مصنف كـ Allergens (مسببات حساسية) ومهيجات قوية للجلد لو متعملتش معاها بحرفية صيدلانية واتحطت بنسب دقيقة
فكرة إن "الطبيعي أمان مطلق" دي خرافة علمية

2️⃣ الصناعي هو "صديق البيئة" الحقيقي
عشان نطلع كيلو واحد من زيت الورد الطبيعي بنحتاج نعدم حقول كاملة ونقطف آلاف الأطنان من الورد وعشان ناخد المسك زمان كنا بنقتل غزال المسك

البديل الصناعي (Synthetic) النهاردة هو اللي بينقذ الطبيعة من الاستنزاف وبيدينا جزيئات "نقية" (Pure Molecules) معروفة الهوية آمنة وثباتها أعلى بكتير من الطبيعي المتذبذب

3️⃣ السر في "الجرعة" مش المصدر
مبدأ الصيدلة الأول "الجرعة هي التي تصنع السم" حتى في الدواء

وأنا بعمل فورميلا أو بصمم أي عطر مفيش عندي عاطفة ناحية "الطبيعي" أو "الصناعي" المعيار الوحيد هو
هل المكون ده آمن (Safe)؟
هل هو مستقر (Stable)؟
هل بيخدم القصة اللي بيحكيها العطر؟

العطر "الآمن" هو نتاج علم دقيق وحسابات مش نتاج قطف عشوائي من الغابة
ماتخافش من كلمة "كيمياء".. إحنا نفسنا كبشر عبارة عن "تفاعلات كيميائية" بتمشي على الأرض وبس كده دمتم سالمين .. ♥️

29/11/2025

لو لسه بتطلع الـ Ventolin لوحده كـ Rescue لأي مريض ربو (Asthma) يبقى لازم نقف دقيقة هنا لأن الـ GINA Guidelines غيرت قواعد اللعبة تماماً
التوصية القوية دلوقتي بقت استخدام (ICS–Formoterol) هو الـ Preferred Reliever وقت الأزمة (Acute Setting) وده مش مجرد تغيير بروتوكول ده تغيير مبني على كيميا عبقرية
تعالوا نفهم الـ "ليه" والـ "إزاي":

1️⃣ سر "الفورموتيرول" (The Smart Molecule) 🧬

الـ Formoterol ده مركب محير.. هو مصنف كـ LABA (مفعول طويل 12 ساعة)، بس عنده ميزة كيميائية خطيرة اسمها (Intermediate Lipophilicity)

يعني إيه؟ يعني بيقدر يخترق جدار الخلية بسرعة البرق ويوصل للمستقبلات في 1-3 دقايق بالظبط زي الـ SABA!

النتيجة بقى عندك دواء بيجمع "سرعة" السالبيوتامول في الإنقاذ مع "طول مفعول" الـ LABA عشان كده هو المرشح المثالي للـ Rescue

2️⃣ ليه الـ SABA (زي الفنتولين) طلعت مكّارة ؟ 🤔
الـ GINA أخدت موقف حاسم ضد الـ SABA-only treatment وقالت إنها "غير آمنة" بس تعرف ليه ؟

الخداع الاستراتيجي الـ SABA بتفك التشنج العضلي (Spasm) فالمريض يرتاح وياخد "إحساس مزيف بالأمان" لكنها بتسيب "النار" والعة جوه (التهاب الشعب الهوائية Eosinophilic Inflammation) بيفضل يزيد في الخلفية من غير ما حد يحس

الكارثة الفسيولوجية مع الاستخدام المزمن للـ SABA المستقبلات بيحصلها Downregulation (بتتبّلد) فالمريض يدخل في Rebound Hyper-responsiveness ولما تيجي النوبة الكبيرة بجد.. الرئة مابتستجيبش وده سبب رئيسي لوفيات الربو

3️⃣ الحل الذكي (Anti-inflammatory Reliever Therapy) ✅
فلسفة الـ GINA الجديدة بتقول لحظة الـ Attack المريض محتاج حاجتين في نفس الثانية

نفس سريع (Bronchodilatation)

فرملة للالتهاب (Anti-inflammatory Hit)
وهنا بييجي دور الـ Symbicort (أو أي ICS-Formoterol)

المريض بياخد بخة.. الـ Formoterol يفتح صدره فوراً وفي نفس اللحظة جرعة الكورتيزون (ICS) بتنزل تضرب الالتهاب وتمنع تطور الموضوع لـ Exacerbation خطيرة

ببساطة إحنا بنعمل Auto-titration كل ما الأعراض تزيد المريض بياخد علاج للالتهاب أكتر فيحمي نفسه بنفسه

💡 الخلاصة
الربو مش مجرد "ضيق شعب" الربو "التهاب"
علاج العرض (SABA) وترك المرض (Inflammation) رهان خسران المستقبل دلوقتي للضربة المزدوجة الذكية وبس كده دمتم سالمين ❤️

28/11/2025

الكيمياء الشبكية (Reticular Chemistry) لما الكيمياء تقلب للعبة ليجو تخيل تأثيرها على الكوكب! 🧩🌍

طول عمرنا في الكيمياء بنخلط مواد عشان تطلعلنا مادة جديدة وأحياناً النتايج بتبقى عشوائية شوية لكن تخيل لو تقدر "ترص" الجزيئات دي جنب بعض زي مكعبات الليجو بالظبط، وتعمل بيهم "شبكة" إنت اللي مفصل مقاساتها بالمللي؟
ده باختصار سحر الكيمياء الشبكية اللي العالم كله بيتكلم عنها دلوقتي

🔬 يعني إيه "شبكية" أصلا
؟
الفكرة مش مجرد تفاعل الفكرة "هندسة" العلماء (وعلى رأسهم البروفيسور عمر ياغي) بقوا يقدروا يربطوا وحدات بناء عضوية ومعدنية ببعض عشان يعملوا هياكل مفتوحة (MOFs و COFs)

تخيل "سفنجة" ذكية جداً المسام بتاعتها متفصلة عشان تمسك جزيئات محددة وتسيب الباقي

طيب ليه الابتكار ده هيغير المستقبل؟

التطبيقات هنا خيال علمي بيتحقق بجد

صيد المياه من الصحراء: مواد بتتحط في الجو، تمتص بخار الميه وتكثفه، وتطلع ميه شرب نقية حتى في عز الجفاف! 💧

كنس الكربون: مواد بتشفط ثاني أكسيد الكربون من الجو وتخزنه، يعني حل جذري للاحتباس الحراري

توصيل الدواء (Drug Delivery): كبسولات نانو بتشيل الدواء وتوصله للخلية المصابة بالظبط وتفرغه هناك

الكيمياء مبقتش بس "أنابيب اختبار" الكيمياء بقت "تصميم معماري" للجزيئات إحنا داخلين على عصر المواد الذكية اللي بتتصمم عشان تحل مشاكل الكوكب الكبيرة، من أول أزمة الميه لحد تلوث الهوا وبس كده دمتم سالمين

23/11/2025

عطر الليمونين (Limonene)

المكون الأساسي اللي في قشر البرتقال والليمون وكل الحمضيات، واللي معروف بخصائصه المضادة للأكسدة والمنشطة للمزاج والمُعززة للمناعة (Antioxidant, Mood Booster, and Immune Support)

🎯 يعنى إيه الكلام ده؟

يعنى العطر ده هترشّه وهيدي ريحة منعشة جداً بتصحي وفي نفس الوقت هيساعد جسمك يدخل في وضع "النشاط والدفاع" ضد التعب والإرهاق

عطر الليمونين رشة بتدي مناعة وبتصحّي المزاج

1️⃣ الليمونين هو المكون الرئيسي في زيت قشر الحمضيات من زمان والناس بتستخدم قشور الليمون والبرتقال مش بس عشان ريحتها لكن كمان عشان تنظف وتطهر الليمونين نفسه تم عزله و دراسته على إنه واحد من أقوى مركبات الـ Antioxidant اللي بتحارب الشقوق الحرة في الجسم

2️⃣ طيب ايه تعريفها العلمى وتركيبها الكيميائى
هو عبارة عن تيربين أحادي حلقي (Cyclic Monoterpene) التركيب الكيميائي بتاعه: C_{10}H_{16} بييجي في شكل سائل عديم اللون وريحته حمضية منعشة نظيفة تشبه قشر الليمون (Citrusy, Zesty, Clean)

3️⃣ الليمونين هو ملك النوتات العُليا (Top Notes) في عطور كتير

بيستخدم عشان يدي انطباع أول منعش وقوي (Initial Blast) هو اللي بيخلي ريحة العطر "تطير" في أول ربع ساعة

وظيفياً بقى في (الـ Aromatherapy) بيشتغل بطريقتين

تنشيط المزاج استنشاق الليمونين بيحفز إفراز السيروتونين والدوبامين في المخ وده بيرفع المزاج وبيقلل أعراض الاكتئاب الخفيف

دعم المناعة الأبحاث بتشير إلى أن الليمونين ليه خصائص مضادة للجراثيم خفيفة وكمان بيدعم قدرة الجسم على محاربة الأكسدة وده بيقوي الجهاز المناعي بشكل غير مباشر

4️⃣ الابتكار هنا هو تصميم عطر يكون الغرض الأساسي منه هو "عطر الطاقة الإيجابية" أو "عطر الصباح المنشط"

عطور عالمية شهيرة مبنية عليه الليمونين هو مكون أساسي في أي عطر حمضي أو كولونيا

Acqua di Gio من Giorgio Armani فيه تركيز عالي من الحمضيات المنعشة

Light Blue من Dolce & Gabbana بيعتمد على قوة الليمون

5️⃣ نيجي لفقرة التركيزات بقى

الليمونين آمن جداً في التركيزات العادية لكنه ممكن يتأكسد بسرعة

في الزيت العطري يُستخدم بتركيز عالي من 30% لـ 80% (زي زيوت البرتقال والليمون)

في العطر النهائي (EDP) التركيز الكلي بيكون عادةً ما بين 5% لـ 15% وده كافي لـ "الرشة المنعشة" والتأثير الوظيفي

6️⃣ كميائي وفزيائيا هو عبارة عن
سائل زيتي متطاير جداً (High Volatility) لونه شفاف أهم خاصية إنه بيتأكسد بسرعة لما بيتعرض للهواء والضوء (بيتحول لـ Limonene Hydroperoxide) وده ممكن يسبب تهيج للجلد لازم يُحفظ في عبوات غامقة

7️⃣ التوافقات اللى تنجّح التركيبة مع باقي مكونات الزيت العطري
يتوافق مع الروائح المنعشة والقاعدية الخفيفة

البرغموت والجريب فروت لتعزيز النوتة الحمضية المنشطة

النعناع والسينول لزيادة اليقظة والتركيز

المسك الأبيض الخفيف أو الـ Ambroxan كقاعدة نظيفة بتثبت الريحة

8️⃣ هو طبعا آمن بالتركيزات المسموح بها يجب الحذر من استخدامه في صورته المؤكسدة الدراسات أثبتت تأثيره المضاد للاكتئاب وتحسين المزاج كمان

9️⃣ مقارنة بين المواد المنافسة

المنافس: اللينالول (Linalool)

الليمونين منشط للمزاج وداعم للمناعة بينما اللينالول مهدئ للنوم والأعصاب هما عكس بعض وظيفياً

🔟 تركيبتين جاهزين نحاكي عطور عالمية لو عاوز تشغل ايدك كده يبرفيومر ياجميل

تركيبة "شحنة الصباح" (Morning Charge EDP)

ليمونين (برتقال وليمون) 50%

سينول (يوكاليبتوس) 5%

أخشاب الأرز (Cedarwood) 45%

تركيبة "بخاخ الطاقة الإيجابية" (Positive Energy Spray)

ليمونين: 15%
ماء مقطر ومذيب 85%

خطوات التصنيع بالتفصيل

نوزن الليمونين كونه النوتة الأقوى في العلو

نخلطه مع باقي النوتات السريعة التطاير

التعتيق (Maceration) شهر ضروري لدمج النوتة الحامضية مع المثبتات

نصائح لأهل التصنيع من أرض المعمل

النصيحة الأهم استخدم عبوات زجاجية معتمة (لونها غامق) وحط مادة مضادة للأكسدة (Antioxidant) خفيفة في العطر (زي Vitamin E) عشان تحمي الليمونين من الأكسدة وتأثير الضوء وده يحافظ على جودة العطر وسلامة الجلد

الفئات المناسبة لاستخدامها
كل الفئات مناسب كـ عطر نهاري/صباحي وفي الربيع والصيف بيبقى في عز جماله

سؤال شائع بقى هل استخدامه كتير ممكن يسمّر الجلد (Phototoxicity)؟

الليمونين نفسه مش بيسبب تصبغ لكن بعض زيوت الحمضيات الكاملة (زي البرغموت) بتعمل كده العطر المصنّع منه بيكون آمن لو التركيز مظبوط

الأخطاء اللى بتبوّظ التركيبة او الزيت العطري
أكبر غلطة عدم استخدام مضاد أكسدة وده بيخلي ريحة العطر تتحول لـ "ريحة زيت طبخ قديم" بسرعة بسبب أكسدة الليمونين

وبس كده دمتم سالمين يابشر

21/11/2025

سمعتوا عن "الإكسوسومات" والـ PGA ؟ شكلنا داخلين على عصر "المكونات الذكية" بجد! 🧬

يا دكاترة يا صيادلة يا مهتمين..

فاكرين أيها الأفاضل طبعاً ضجة "الريتينول" وإزاي قلب الدنيا في علاج التجاعيد ؟ الظاهر إن قواعد اللعبة هتتغير تاني في 2025

مع القرارات الجديدة في أوروبا بتحجيم نسبة الريتينول لـ 0.3% بحد أقصى على آخر 2025 المعامل العالمية ماقعدتش ساكتة وبدأت تطلع "التقيل" وبدايل مش بس قوية دي كمان أذكى
تعالوا نتعرف على النجوم الجدد

1. 🔬 الإكـسـوسـومـات (Exosomes) ده بنسميه ساعي بريد الخلايا

يعني إيه؟ دي حويصلات صغيرة جداً الخلايا بتفرزها (زي الخلايا الجذعية النباتية) عاملة زي "طرود شحن" جواها بروتينات ودهون

وظيفتها باختصار هي "الواتساب" بتاع الخلايا! 📱 بتنقل رسايل ومواد فعالة من خلية للتانية عشان تحفزها تتجدد
بتعمل إيه برضه؟ بتزود كولاجين وإيلاستين وهايلة جداً في تحسين شكل الندبات

العيب الوحيد التقنية دي لسه غالية نار 🔥 فهتلاقوها غالباً في البراندات الـ High-end أو الـ Niche حالياً

2. 💧 حمض بوليغلوتاميك (PGA) وحش الترطيب الجديد
إيه ده؟ بوليمر بييجي من تخمير فول الصويا وجزيئاته صغيرة بتخترق الجلد بسهولة

ليه أحسن من الهيالورونيك؟

الهيالورونيك يا سيدي بيشيل 1000 ضعف وزنه مياه؟ حلو..

الـ PGA بقى بيشيل 5000 ضعف وزنه! 🤯 (يعني أقوى 5 مرات في الترطيب)
و مش بس بيرطب ده بيحفز الهيالورونيك الطبيعي بتاع بشرتك وبيعمل طبقة عازلة تمنع المياه تتبخر من الجلد

التريند الجاي مش "المكون الواحد القوي" زي ما كنا بنعمل مع الريتينول اللعبة بقيت في "طريقة التوصيل" الذكية زي الإكسوسومات والترطيب العميق زي الـ PGA

مستقبل الـ Skincare مش بس بيعالج المشكلة من بره ده بيعلم الخلية نفسها تشتغل صح وبس كده استنونا البوست الجاي سلام 😉🧪

20/11/2025

لما التخسيس يجي على حساب جمالك تبقى كارثة💉😱

النهاردة هنفتح ملف شائك جداً بيجمع بين عالم الأدوية وعالم التجميل كلنا شايفين ثورة حقن التخسيس (زي أوزمبيك ومونجارو) والناس بتخس عليها أرقام خيالية.. بس خدت بالك إن فيه ضريبة بتتدفع؟

بوست النهاردة عن ظاهرة "الوجه الأوزمبيكي" (Ozempic Face) وإزاي شركات التجميل بدأت تخترع منتجات مخصوصة عشان تعالج الكارثة دي

🎯 يعني إيه الكلام ده
يعني إنت بتخس دهون بس كمان بتخسر "الدهون الحلوة" اللي كانت ساندة وشك ومخليه مشدود وشكله صغير والنتيجة وش هابط جلد مترهل وشكل أكبر من سنك بـ 10 سنين

ظاهرة Ozempic Face دي عشان تفهمها لازم تعرف ايه الي بيحصل
لما الجسم بيخس بسرعة رهيبة (Rapid Weight Loss) بسبب حقن الـ GLP-1 الجسم مش بينقي يحرق دهون البطن بس ده بيحرق من مخازن الدهون العميقة في الوش (Deep Facial Fat Pads) الدهون دي هي "العواميد" اللي شايلة الجلد لما تسيح فجأة الجلد بيقع (Sagging) لأن مفيش وقت للكولاجين إنه يلم نفسه أصلا

نيجي بقى للحل مستحضرات تجميل لمرضى السمنة دلوقتي فيه فئة (Category) جديدة تماماً في السوق العالمي اسمها "GLP-1 Companion Skincare"
دي مش كريمات ترطيب عادية دي منتجات مصممة لتعويض الحجم (Volumizing) وشد الجلد المترهل (Firming) مخصوص للناس اللي بتخس بسرعة

تفتكر آلية شغلها ايه
هنا اللعب كله.. الشركات دي بتستخدم تكنولوجيا ذكية جداً

محاكاة الدهون (Adipose Stimulation) مواد فعالة زي (Sarsasapogenin) أو مستخلصات نباتية معينة بتحفز الخلايا الدهنية في الوش إنها تخزن دهون أكتر شوية (Lipogenesis) عشان تعوض اللي راح

النفخ بالماء (Hyper-Hydration) استخدام أنواع مختلفة من الهيالورونيك أسيد (Multi-weight HA) عشان يملى الفراغات بين الخلايا بالمية فيديك إحساس الامتلاء (Plumping Effect)

أهم المكونات الفعالة في المنتجات دي
لو إنت صيدلي وبتعمل تركيبة للحالات دي لازم تدور على

الببتيدات (Peptides) خصوصاً الـ Hexapeptides اللي بتحفز الكولاجين والإيلاستين عشان تشد الجلد

الريتينول (Retinol) عشان يسرع تجديد الخلايا ويشد الجلد بس لازم بحذر لأن بشرة اللي بيخس بتكون جافة وحساسة

السيراميد (Ceramides) عشان يرمم حاجز البشرة اللي بيتدمر مع سوء التغذية أثناء الرجيم

طيب ايه التركيزات الصح والبروتوكول
المنتجات دي مش سحر هي "عكاز" جنب العلاج

السيروم (Serum) يكون غني بالببتيدات والهيالورونيك أسيد ويتحط مرتين يومياً

الكريم (Cream) لازم يكون تقيل (Occlusive) عشان يحبس الرطوبة ويفضل يكون فيه زيوت طبيعية (Squalane) لتعويض الدهون السطحية

نيجي للسؤال الي بنتسأله على طول المقارنة بين الكريمات و الفيلر

الحقن (Fillers) حل سريع وفوري بس غالي وممكن يدي شكل مش طبيعي (Overfilled) لو الدكتور مش شاطر

مستحضرات GLP-1 SkinCare حل بطيء (بياخد 3-6 شهور) بس بيحسن "جودة الجلد" نفسه وبيدي شكل طبيعي ومشدود وسعره أرحم بكتير

نصائح من أرض المعمل بقى

أكبر غلطة بيعملها اللي بيخس إنه بيستنى لما وشه يقع خالص وبعدين يبدأ يعالج

النصيحة الذهبية ابدأ استخدم منتجات الشد والترطيب المكثف (Anti-sagging routine) من أول يوم تاخد فيه حقنة التخسيس مش لما تخلص الكورس

فقرة الأسئلة الشائعة بقى

سؤال هل لو بطلت الحقن وشي هيرجع زي الأول؟

جزئياً ممكن الدهون ترجع بس الجلد المترهل لو متلحقش مش هيرجع لوحده بسهولة عشان كده الروتين التجميلي مهم جداً

وبس كده.. خاف على "خدودك" وإنت بتخسس "كرشك"! 😉🧴

19/11/2025

هيئة الغذاء والدواء الأمريكية (FDA) بتدي الضوء الأخضر لأول دواء من نوعه بيستهدف "بروتين" كان العلماء فاكرينه مستحيل السيطرة عليه لعلاج سرطان الدم (اللوكيميا) يا سيدي الفاضل

البوست النهاردة عن دواء زيفتومينيب (Ziftomenib) الأمل الجديد لمرضى اللوكيميا الحادة (AML) وده تطبيق عبقري لمفهوم "الطب الدقيق" Precision Medicine

🎯 يعنى إيه الكلام ده؟
يعنى بدل ما ندي كيماوي يضرب في الجسم كله الدوا ده عامل زي "القناص" بيدور على طفرة جينية محددة موجودة عند 30% من المرضى ويقفل المفتاح اللي بيشغل السرطان عندهم

1️⃣ لسنين طويلة كان مريض اللوكيميا (AML) اللي عنده طفرة اسمها (NPM1) بياخد علاجات تقليدية ولو المرض رجع (Relapse) كانت الخيارات بتبقى قليلة جداً

يوم 13 نوفمبر 2025، شركة (Kura Oncology) أخدت الموافقة النهائية على "زيفتومينيب" كأول مثبط لبروتين اسمه "مينين" (Menin Inhibitor)

2️⃣ الاسم العلمي ليها Ziftomenib
ده عبارة عن مثبط جزيئي صغير (Small Molecule Inhibitor) لتفاعل المينين-KMT2A بييجي في شكل كبسولات فموية (Oral Capsules) يعني المريض بياخده في البيت مش محتاج حجز في المستشفى عشان محاليل وريدية

3️⃣ طيب بيشتغل ازاي على مرض السرطان في الخلية السرطانية اللي عندها طفرة NPM1 فيه بروتين اسمه "مينين" (Menin) بيشتغل كأنه "سواق باص" بياخد بروتينات تانية ويروح يفتح جينات بتخلي الخلية تتكاثر بجنون وتتحول لسرطان الزيفتومينيب بيعمل إيه؟ بيدخل يمسك في مكان السواق (Menin) ويمنعه إنه يرتبط بالبروتين التاني (KMT2A)

وبالتالي بتكون النتيجة "الباص" بيقف الجينات السرطانية بتتقفل والخلية السرطانية بيحصلها حاجة من اتنين يا تموت يا تتحول لخلية دم طبيعية (Differentiation)

4️⃣ الدوا ده مش لأي حد، ده مخصص لـ:
البالغين المصابين بـ Acute Myeloid Leukemia (AML)

شرط أساسي يكون عندهم طفرة NPM1-mutated (لازم تحليل جيني قبل البدء)

المرضى اللي الحالة انتكست عندهم (Relapsed) أو مقاومة للعلاج السابق

5️⃣ الجرعات بتاعته المعتمدة حالياً هي 600 مجم مرة واحدة يومياً
بيتاخد مع الأكل أو بدونه (ميزة كويسة للامتثال الدوائي Adherence

6️⃣ شوية خصائص فارماكولوجية بقى كده المادة دي (Lipophilic) بتعدي وتوصل للأنسجة كويس وأهم ميزة إنها Highly Selective يعني بتنقي "المينين" ومالهاش دعوة بباقي العمليات الحيوية وده بيقلل الآثار الجانبية مقارنة بالكيماوي العام

7️⃣ طب هل الدنيا وردي كده ولا في تحديات
أهم تحدي بيواجه الدوا ده هو حاجة اسمها "متلازمة التمايز" (Differentiation Syndrome)
لما الخلية السرطانية تبدأ تتحول لخلية طبيعية بتطلع مواد كيميائية (Cytokines) ممكن تعمل التهاب شديد وسوائل في الرئة ولكن الدكاترة بيكون عندهم حل بيدوا كورتيزون (Dexamethasone) وقائياً أو علاجياً مع بداية الكورس

8️⃣ طيب هل الدواء ده الأول من نوعه 🤔

لاء في أدوية الـ FLT3 inhibitors (زي Gilteritinib)
بس طبعا الأفضلية هنا لل زيفتومينيب لأنه بيشتغل على مسار (Pathway) مختلف تماماً فممكن ينفع المرضى اللي فشل معاهم علاج الـ FLT3 وممكن مستقبلاً يتاخدوا مع بعض (Combination Therapy) لعمل "حصار شامل" للسرطان قاتله الله

حاول تحلم معايا كده إن في خلال سنة
تخيل روشتة مريض AML مثلا

التحليل المبدئي NGS Test للكشف عن طفرة NPM1

العلاج الأساسي Ziftomenib 600mg (كبسولة يومياً)

العلاج الداعم: Venetoclax + Azacitidine (جرعات مخفضة) الهدف منها تحويل السرطان لمرض مزمن مسيطر عليه بدل ما يكون قاتل سريع وننهي معاناة البشر من هذا المرض

سؤال لازم نجاوب عليه هل الدوا ده كيماوي وبيوقع الشعر؟

حقيقي فرحان وانا برد على السؤال ده وبقول لأ ده علاج موجه (Targeted Therapy) مش بيوقع الشعر بنفس طريقة الكيماوي وأعراضه الجانبية مختلفة (زي الغثيان أو التأثير على انزيمات الكبد) لكنها أخف بكتير على الجسم بشكل عام

طيب الدوا ده متوفر فين؟

هو طبعا لسه واخد موافقة FDA أمريكا (نوفمبر 2025)، وهينزل السوق الأمريكي باسم Komzifti غالباً هياخد من 6 شهور لسنة عشان يوصل الشرق الأوسط أو عن طريق برامج "توفير الدواء للمحتاجين" (Access Programs)
وبس كده... ده كان أجمل خبر الأسبوع ده في عالم الصيدلة خبر بكتبه وانا مبتسم وبس كده دمتم سالمين ❤️

17/11/2025

💊 ثورة مش بس ع الميزان إزاي عيلة أدوية GLP-1 بترسم خريطة الطب من جديد؟

(الـ GLP-1) من حرب السكر والتخن... لحماية القلب والكلى! 🛡️❤️

أكيد سمعت عن "الأوزمبيك" و"الويجوفي" و"المونجارو" كحل سحري للتخسيس والسيطرة ع السكر بس الحكاية أعمق من كده بكتير طب ايه القصة عيلة الأدوية دي (GLP-1 Agonists) مبقتش مجرد "موضة" أو أدوية وقتية دي بقت في قلب أبحاث طبية بتوعد إنها "هتغير قواعد اللعبة" في التعامل مع الأمراض المزمنة

🔬 طيب ايه الميكانيزم بتاعها و بتشتغل ازاي ؟

الـ GLP-1 ده هرمون طبيعي الأمعاء بتفرزه، شغلته الأساسية إنه يحفز خروج الأنسولين (لما سكر الدم يعلى) ويقلل خروج الجلوكاجون بس الأدوية اللي بـ"تقلد" الهرمون ده بتعمل أكتر من كده

تأثير ع المخ: بتشتغل دايركت على مراكز الشبع في المخ فتقلل إحساسك بالجوع وتزود إحساس الشبع

تأخير تفريغ المعدة وده بيخليك تحس إنك شبعان ومعدتك مليانة لوقت أطول

✨ المفاجأة بقى في بعض الأبحاث وجدوا تأثيرات مكنتش ع البال
النتائج الأخيرة عملت صدمة إيجابية في المجتمع الطبي وكشفت إن تأثيرات الأدوية دي بتتجاوز بكتير مجرد إنها بتنزل الوزن والسكر

حماية القلب والأوعية الدموية (CVD Protection)

التجارب السريرية الكبيرة بينت إن استخدام الأدوية دي بيقلل جامد من خطر الإصابات القلبية (زي الجلطات والسكتات الدماغية) عند مرضى السكر اللي عندهم مشاكل في القلب وحتى عند مرضى السمنة اللي معندهمش سكر

طيب إزاي ده بيحصل؟ المعتقد إن ده بسبب تأثيرها المزدوج بتنزل الوزن بتحسن الضغط بتظبط lipid profile وبتقلل الالتهابات المزمنة

درع الكلى (The Kidney Shield)
البيانات الجديدة بتشير لدور قوي للعيلة دي في تبطيء تدهور أمراض الكلى المزمنة عند مرضى السكر وده بيفتح باب أمل جديد عشان ننقذ وظايف الكلى

فيه أبحاث شغالة دلوقتي بتدور على دور الـ GLP-1 في علاج الكبد الدهني (NASH) وحتى في تحسين شوية اضطرابات عصبية

الأدوية دي يا سيدي الفاضل بتقدم نموذج لـ "العلاج الشامل" اللي مش بيستهدف عَرَض واحد لأء ده بيعالج "المتلازمة الأيضية" (Metabolic Syndrome) كلها على بعضها هي كده بتحط معايير جديدة للعلاجات اللي لازم يكون ليها فوايد واضحة للقلب والكلى مش بس بتنزل سكر أو وزن وخلاص

طبعا على قد الفوايد المذهلة دي الأدوية دي ليها برضه آثار جانبية خصوصاً اللي ليها علاقة بالجهاز الهضمي كمان التطورات الأخيرة في تصنيعها في شكل "أقراص" (Oral GLP-1) زي الأورال سيماجلوتيد (Oral Semaglutide) بتوعد بمستقبل أسهل للمرضى بس التحدي لسه موجود في إنهم يوصلوا لنفس كفاءة وفاعلية الحقن وبس كده سلام 😉🧪

17/11/2025

تفتكر نعمل ايه عشان نبقى زي عمرو دياب مبنكبرش 🤔

الخلايا الزومبي (Senescent Cells) وخط الدفاع الجديد للجمال والصحة 🧟
يا ترى سمعت قبل كده عن خلايا "الزومبي" اللي في جسمك؟ الموضوع ده مش مجرد خيال علمي ولا فيلم رعب، دي حقيقة بيولوجية هي السبب ورا علامات كبر السن والأمراض اللي بتيجي معاه. لما نفهم إزاي نتعامل مع الخلايا دي، هنكون عملنا ثورة حقيقية في الطب، الصيدلة، وحتى في عالم الميك آب وكريمات التجميل!
إيه هي الخلايا الزومبي (Senescent Cells) دي؟

دي ياسيدي خلايا كانت شغالة وزي الفل زمان، بس وقفت عن الانقسام خلاص ومبقتش بتتقسم تاني. ده بيحصل بسبب التلف اللي بيصيبها (سواء إجهاد، أو الـ DNA بتاعها اتدمر، أو التيلوميرات بتاعتها قصرت).

بس الغريب إنها موصلتش لمرحلة الموت! 💀
ليه سموها زومبي؟ عشان هي مبقتش بتعمل وظيفتها الخلوية الطبيعية، بس بتفضل عايشة وتطلع مواد التهابية وحشة (زي SASP - Senescence-Associated Secretory Phenotype) بتضر بالخلايا السليمة اللي جنبها وتعمل مشاكل زي:

الشيخوخة بدري: يعني تجاعيد ووشك ميبقاش مشدود زي الأول.

الأمراض المزمنة: زي السرطان، السكر من النوع التاني، مشاكل القلب، والزهايمر.

✨ الثورة بقى في الصيدلة: الـ "سنوليتكس" (Senolytics)

الأبحاث دلوقتي وصلت لمرحلة متقدمة أوي في إنهم يطوروا أدوية جديدة اسمها السنوليتكس (Senolytics).

فكرتها إيه؟ المركبات دي بتستهدف الخلايا الزومبي وتقتلها بس، من غير ما تأثر على الخلايا الكويسة، وده بيخلي الخلايا السليمة تجدد الأنسجة.

التجارب السريرية المبشرة لبعض المركبات دي (زي خليط من Dasatinib و Quercetin) أظهرت تحسن كبير في حاجات صحية كتير، بالذات في الأمراض المرتبطة بالسن.

كمان فيه دراسات أثبتت إن مادة الـ Fisetin (اللي موجودة في المكملات الغذائية والفراولة والتفاح) ممكن تقلل من الخلايا الزومبي وتحسن الصحة العامة في حيوانات التجارب.

🧴 الجمال ماشي مع العلم منتجات العناية بالبشرة اللي بتحارب الشيخوخة
بما إننا فهمنا دور الخلايا الزومبي في شيخوخة الجلد، شركات التجميل الكبيرة بدأت تحط مكونات نشطة في منتجاتها تقدر تقضي على الخلايا دي، وبيسموها "Senomorphics".

الجيل الجديد من المكونات و الفورميلات مستخلصات نباتية معمول حسابها إنها يا إما تموت الخلايا الزومبي (Senolytics) أو على الأقل تمنعها إنها تطلع المواد الالتهابية الوحشة (Senomorphics).

الهدف مش اننا نخفي التجاعيد بس لأ ده إحنا بنعالج السبب الأساسي لشيخوخة الخلايا في الجلد، وده بيخلي البشرة صحية أكتر وفيها حيوية.

الأبحاث دلوقتي مركزة على بيولوجيا شيخوخة الخلايا، وده بيفتح الباب لحاجات كتير

💊 أدوية وعلاجات شخصية جديدة يعني ممكن نستخدم السنوليتكس عشان نحارب أمراض الشيخوخة بشكل أحسن.

🥦 مكملات غذائية موجهة: زي فيتامين D (اللي الأبحاث الأخيرة بتشير لدوره في إطالة العمر) ومضادات الأكسدة القوية اللي ممكن تشتغل كـ سنوليتكس طبيعية.

🌟 مستحضرات تجميل خرافية: بتنقل العناية بالبشرة من مجرد ترطيب وحماية لمستوى تجديد الخلايا نفسها وهلم جرة العلم مدهش ياصديقي وبس كده أشوفك البوست الجاي 😉🧪

16/11/2025

ثورة كيميائية – محفز يحوّل "الميثان" الضار إلى مركبات دوائية!

النهاردة هنتكلم عن حاجة ممكن تقلب صناعة الدواء والكيماويات رأساً على عقب: إزاي ناخد غاز "الميثان" (أحد أقوى غازات الاحتباس الحراري) ونحوّله لمواد فعالة بيولوجياً (Bioactive) تُستخدم في الأدوية؟!

بوست النهاردة عن اكتشاف "محفز" (Catalyst) جديد عبقري، تم تطويره بواسطة فريق من مركز CiQUS في إسبانيا، وده تطبيق مذهل للكيمياء الخضراء.

🎯 يعنى إيه الكلام ده؟

يعنى بدل ما الميثان يكون غاز بنحاول ندفنه ونتخلص منه، هنستخدمه كمادة خام رخيصة جداً لبناء مركبات كيميائية معقدة بتدخل في صناعة الأدوية والمبيدات الزراعية.

المحفز الجديد: الخلطة السحرية لتحويل التلوث إلى دواء!

1️⃣ تعالى نشرح القصة باختصار

الميثان (CH4) هو مكون رئيسي للغاز الطبيعي، ولكنه أيضاً غاز دفيئة أقوى بـ 25 مرة من ثاني أكسيد الكربون. وفي نفس الوقت، "المواد الفعالة بيولوجياً" (زي اللي في الأدوية) صعبة ومكلفة جداً في التصنيع. الاكتشاف ده بيربط الخطين ببعض.

2️⃣ نيجي بقى للاكتشاف العلمي بتاعنا
هو "محفز" (Catalyst) جديد. المحفز ده مادة بتسرّع التفاعل الكيميائي من غير ما هي نفسها تتغير. المحفز ده تحديداً بيقوم بعملية اسمها "الوظائفية الموجهة لذرة الكربون-الهيدروجين" (C-H functionalization)، ودي عملية صعبة جداً في الكيمياء.

3️⃣ إزاي بيعمل كده؟

ببساطة، جزئ الميثان مستقر جداً. المحفز الجديد ده عنده القدرة "ينشّط" الرابطة بين الكربون والهيدروجين (C-H)، ويكسرها، ويبدأ يركّب عليها مجموعات وظيفية (Functional Groups) جديدة، فيحوّله من غاز خامل لمادة أولية (Precursor) جاهزة لبناء مركبات معقدة.

4️⃣ الاستخدامات بتاعته

الابتكار هنا هو استخدام الميثان كمادة بناء (Building Block) رخيصة:

صناعة الأدوية: بناء الهياكل الكيميائية الأساسية للأدوية الجديدة.

الكيماويات الزراعية: تصنيع مبيدات حشرية أو أسمدة متطورة.

البوليمرات (Polymers): ممكن يُستخدم لإنتاج بوليمرات زي اليوريا-فورمالدهيد، اللي بتدخل في صناعة المواد اللاصقة والألواح الخشبية.

5️⃣ أهم نقطة في الاكتشافات اللي زي دي هي الظروف:

قديماً: التفاعلات دي كانت بتحتاج درجات حرارة ضخمة وضغط عالي جداً، وده بيستهلك طاقة رهيبة.

حديثاً (مع المحفز ده): بعض الأبحاث المشابهة (زي أبحاث MIT) نجحت في تشغيل التفاعل في درجة حرارة الغرفة والضغط الجوي العادي! وده معناه توفير جبار في التكلفة والطاقة.

6️⃣ الأبحاث في المجال ده بتدور حول محفزات هجينة (Hybrid Catalysts)، زي:

الزيوليت (Zeolites): وهي معادن شبه الصلصال رخيصة ومتوفرة، وبيتم تعديلها (مثلاً بالحديد أو النيكل) عشان تكتسب القدرة التحفيزية دي.

الأنزيمات: أحياناً بيتم دمج الزيوليت مع أنزيمات (زي alcohol oxidase) عشان التفاعل يتم على خطوتين بكفاءة أعلى (ميثان -> ميثانول -> فورمالدهيد)

7️⃣ التأثير الأكبر بقى هو إن المحفز ده مش بس بيصنع مواد جديدة، ده كمان بيحل مشاكل بيئية:

معالجة تسريب الغاز: تخيل يتم طلاء أنابيب الغاز الطبيعي بالمادة دي. لو حصل تسريب ميثان، المحفز يحوّله لـ "بوليمر" صلب يسد مكان التسريب ذاتياً! (زي ما فريق MIT بيقترح).

تقليل الانبعاثات: تحويل غاز ضار من مزارع الماشية أو محطات الطاقة لمواد نافعة.

8️⃣ طيب هل الدراسة تعرضت للأمان الدراسة (المنشورة في phys.org) بتعتبر "اختراق" (Breakthrough). هي لسه في مراحلها البحثية (Proof of Concept) لكنها بتفتح باب جديد تماماً في الكيمياء الصناعية.

9️⃣ طيب ليه بنقول اختراع عشان لو عرفنا الطرق القديمة هنعرف إن الاكتشاف ده لو تم للنهاية هيكون اختراع فعلا

الطرق التقليدية لتصنيع الأدوية اللي بتبدأ من مواد بترولية معقدة ومكلفة.

الاكتشاف ده بيستخدم "نفايات" (الميثان) كمادة خام، وبيتم في ظروف تشغيل أرخص بكتير (في حالة نجاح تطبيق ظروف حرارة الغرفة).

🔟 خلينا نحاكي المستقبل ونسرح في التطبيقات بتاعته مستقبلا

تصور "مصنع الميثان الدوائي":

المرحلة الأولى: يتم سحب الميثان من مصادر الانبعاثات.

المرحلة الثانية: يمر الغاز على "مفاعلات" (Reactors) مغطاة بالمحفز الجديد.

المرحلة الثالثة: يتم فصل المركبات البيولوجية الأولية الناتجة وتوجيهها لخطوط إنتاج الأدوية.

نصائح باحثين من أرض المعمل

التحدي الأكبر: هو "الانتقائية" (Selectivity). إزاي تخلي المحفز ينتج المادة (أ) اللي إنت عاوزها، ومينتجش المادة (ب) أو (ج) بالصدفة.

الخطوة الجاية: هي زيادة "العمر الافتراضي" للمحفز، عشان يفضل شغال لأطول فترة ممكنة قبل ما يحتاج يتغير أو يتنشط من جديد.

الأسئلة الشائعة الي بتيجي في عقولنا كلنا

يعنى الدوا اللي هاخده هيكون مصنوع من غاز الميثان؟

أكيد لأ، هو مصنوع من "مركبات" تم بناؤها باستخدام ذرات الكربون اللي كانت في الميثان. الميثان مجرد "الطوبة" الأولى في البناء. المنتج النهائي مختلف تماماً كيميائياً، وهيخضع لكل تجارب الأمان الدوائي زي أي دوا تاني.

التحديات الي بتواجه الاكتشاف ده ايه

أكبر تحدي هو "تسمم" المحفز (Catalyst Poisoning). لو الغاز اللي داخل فيه شوائب (زي مركبات الكبريت)، الشوائب دي ممكن "تقفش" على سطح المحفز وتخليه يتوقف عن العمل.

المواد دي طبعا لسه في مرحلة الأبحاث والتطوير (R&D). الشركات الكبرى زي BASF أو Johnson Matthey هي اللي غالباً هتشتغل على إنتاجها بكميات تجارية (Scale-up) لما التكنولوجيا تنضج.
وبس كده... نشوفكم في اكتشاف الغد 😉🧪

Dr. Amr Abou Resha - د.عمرو أبو ريشة

02/12/2025

02/12/2025

01/12/2025

29/11/2025

28/11/2025

23/11/2025

21/11/2025

20/11/2025

19/11/2025

17/11/2025

17/11/2025

16/11/2025

Address

Website

Alerts

Shortcuts

Share

Category