23/10/2025
الحالة دي جاتلي و كانت تعاني ان الاطفال ال بيتولدوا بيبقى عندهم مرض وراثي اسمه “zellweger syndrome” ال تم تشخيصة عن طريق دكاترة الوراثة، أول حاجة عملنا حقن مجهري و تم فحص الاجنه ل "single gene mutation” و ده نوع فحص بيتعمل في ألمانيا عن طريق معمل وراثة هنا في مصر.. ف انتوا متخيلين ان الاجنه بناخد منها عينه و العينات دي تتبعت ألمانيا عشان تتفحص!! و بعد شهرين اتبعتت النتيجة بأرقام الاجنه الخالية من المرض الوراثي 🦠 بعد ما طلعت النتيجة بدأت اظبط بطانه الرحم عشان نرجع الاجنه السليمة، طبعاً أنا كنت مرعوبة ان بعد كل ده ماتحملش عشان نسبة الحمل في الحالات دي بتبقى ٥٠٪، يعني ممكن نرجع اجنه سليمة و مايحصلش حمل!! المهم رجعت ٢ اجنه و فضلت حاطة ايدي على قلبي مستنية نتيجة الحمل و الحمدلله حملت فيهم 😍💃🏻 و حفضل ٩ شهور حاطة ايدي على قلبي لحد ما تولدهم بخير يا رب 🙏🏻❤️ يا ريت ال يقرأ البوست يدعيلها ربنا يفرح قلبها و قلبي و تكمل حملها على خير 🩷💕
