Dr.Hanan Farouk's Nutrition Clinic

03/10/2025

👩‍⚕️د. حنان فاروق
طبيب بشري استشاري الباطنة و
التغذية العلاجية و الاكلينيكية
ماجستير الامراض الباطنة- جامعة الاسكندرية.
عضو الجمعية الاوروبية للتغذية المعوية و الوريدية
الدبلومة الاوروبية للتغذية العلاجية ESPEN
ترخيص الاتحاد الفيدرالي للسمنة
بانجلترا SCOPE
عضو الرابطة المصرية العامة لأطباء التغذية العلاجية EPNA
📍عنوان العيادة :
٥٣ ش الفتح فلمنج على الترام الدور الثاني
📇للحجز والاستفسار اتصل او أرسل رسالة واتس اب على ٠١٢٨٥٢٠٦٧٢١

26/09/2025

مساء الصحة والسعادة
لو شكيت.. اعمل اللي بقولك عليه
إيه الحكاية؟
الحكاية إن الصداع النصفي من كتر ماهو مؤلم عملوا له يوم للتوعية عنه في شهر سبتمبر.. وازاي نتعامل معاه ونتلافاه ومسبباته الكتير من لخبطة هرمونات وضغوط وأكل وأدوية وإجهاد..والنهاردة حنتكلم ع الأكل او الأغذية اللي بيتقال عنها بتكون سبب مباشر لحدوث الصداع النصفي.. هو فعلا الكلام ده بجد؟
الحقيقة مفيش تأكيدات.. لكن بعض الدراسات المحدودة وتجارب المرضى قالت ان الحاجات اللي حاكتبها دي لها علاقة بحدوث الصداع النصفي بعد تناولها بحوالي من ١٢ الى ٢٤ ساعة.. زي إيه؟
-الأسبرتام وهو من المحليات الصناعية او نوع من سكر الدايت
- الكافيين( محدش يستغرب) اللي في القهوة والشاي وخصوصا بكميات كبيرة
-الزبادي والجبن المصنعة خصوصا المعتقة زي الجبن الرومي مثلا عشان فيها تيرامين
- اللحوم المصنعة زي السلامي والسجق والهام عشان فيها نيترات
-الشيكولاتة
- الكحول طبعا
- كمان الناس اللي بتاخد وجبات كبيرة مش كتير وبتقعد فترات طويلة من غير أكل شبه كده الصيام المتقطع

دول اللي الكلام عنهم كتير وبيختلف من شخص لشخص.. ومن وقت لوقت.. النصيحة اللي ممكن تتقال في الحالات دي انك لو شكيت ان في انواع أكل بعينها بتعمل كده يبقى عشان تتأكد تعمل اللي حقولك عليه:
- تكتب يوم بيوم انت كلت إيه بالظبط ونوبات الصداع جات لك إمتى بالظبط عشان تقدر تربط بين اللي بتاكله وحدوث الصداع،وماتنساش ان الصداع بييجي بعد الأكل المشكوك فيه ب ١٢ إلى ٢٤ ساعة مش بعده على طول
- ممكن كمان لو عندك مجموعة من الأكل شاكك فيها امنع نوع واحد أربع اسابيع وبعدين رجعه تاني وشوف الفرق بين تكرار حدوث الصداع وقت المنع وبعده وكرر ده مع الأنواع التانية..
ماتعملش المنع ده لا للأطفال ولا المراهقين ولا الحوامل خاصة لو كانت الأصناف المشكوك فيها أصناف صحية
* من النصايح اللطيفة كمان انك لو بتعاني من الصداع النصفي قسم وجباتك لخمس ست وجبات صغيرة بدل وجبتين او تلاتة كبار وطبعا زود مضادات الأكسدة في اكلك زي الخضار الملون والفواكه والكركم ومضادات الالتهاب زي الأوميجا ٣ .. ده حيفرق كتير..
*للحق مفيش دايت بعينه ثبت إنه حيعالج الصداع النصفي.. طبعا أكيد انتوا فاهمين ان الغذاء الصحي والنمط الصحي للحياة بيقلل كتير من المشاكل الصحية اللي منها الصداع النصفي..
وبس كده
وصحتكم بالدنيا
.
للحجز اتصل أو ارسل رسالة واتس اب على ٠١٢٨٥٢٠٦٧٢١
-

23/09/2025

10/09/2025

خلي بالك 🚨🚨🚨



للحجز والاستفسار اتصل بنا أو أرسل رسالة واتس اب على 012 85206721

31/08/2025

مساء الصحة والسعادة
البوست بتاعنا النهاردة دمه خفيف.. جايبة لكم دراسة لطيفة عن تقنية الكاربوكسي في تقليل دهون البطن بالذات.. هي بتستخدم تجميليا في حاجات كتير زي علامات التمدد والسيليوليت والترهلات.. بس الدراسة دي على اختزال دهون البطن الموضعية.. مش الحشوية..
جابوا حوالي ٥٨ حالة رجال وسيدات حالت معندهاش امراض مزمنة خاصة الصرع والتشنجات وامراض القلب المزمنة وقصور الكلى والاورام.. يعني حالات عندها زيادة في الوزن ومحيط البطن عندها كبير واخضعوهم للعلاج بالكاربوكسي اللي هو حقن ثاني اكسيد الكاربون في مناطق السمنة الكوضعية في البطن من مرة الى مرتين اسبوعيا بالاضافة لنمط صحي وتغذية صحية منخفضة السعرات.. لمدة من ٦٠ الى ٩٠ يوم.. وعدد جلسات الكاربوكسي تراوح من اقل حاجة ٨ جلسات واكتر حاجة ٣٥ جلسة فلقوا انه حصل في المتوسط عند الناس اللي عندهم سمنة في منطقة البطن نزول ٩ سم تقريبا من محيط البطن في المتوسط وده رقم حلو جدا.. ليه بقى:
عشان حقن ثاني اكسيد الكاربون في المناطق الدهنية بيحسن من الدورة الدموية وبيساعد على اكسدة الخلايا الدهنية وبيحسن كتير بناء الكولاجين كمان اللي بيقلل من الترهل وبيحسن من وصول الاكسجين للأنسجة فبيزود حيويتها..
والدراسة قالت انه الاعراض الجانبية بتاعته قليلة جدا.. هو بيدي شعور بعدم الراحة اثناء الحقن لكن أثره كويس وبيرضي جدا اللي بيخضع له بس طبعا حسب تقييم طبيبك اللي بيبقى على دراية بعلاقة ده بأجهزة الجسم المختلفة وعارف تاريخك المرضي من الألف إلى الياء..
وبنأكد ان لازم يبقى مع ده التزام بنمط صحي وتغذية صحية سليمة .. عمر ما الإجراء التجميلي مابيبقى بديل للحياة الصحية والوزن الصحي.. كلها حاجات بتكمل بعض عشان نحلي الحياة أجمل وألطف وأصح ودمها أخف
وصحتكم بالدنيا




للحجز فضلا اتصل أو أرسل رسالة واتس اب على ⁨012 85206721⁩

31/08/2025

مساء الصحة والسعادة
البوست بتاعنا النهاردة دمه خفيف.. جايبة لكم دراسة لطيفة عن تقنية الكاربوكسي في تقليل دهون البطن بالذات.. هي بتستخدم تجميليا في حاجات كتير زي علامات التمدد( Stretch marks) والسيليوليت والترهلات.. بس الدراسة دي على اختزال دهون البطن الموضعية.. مش الحشوية..
جابوا حوالي ٥٨ حالة رجال وسيدات حالت معندهاش امراض مزمنة خاصة الصرع والتشنجات وامراض القلب المزمنة وقصور الكلى والاورام.. يعني حالات عندها زيادة في الوزن ومحيط البطن عندها كبير واخضعوهم للعلاج بالكاربوكسي اللي هو حقن ثاني اكسيد الكاربون في مناطق السمنة الكوضعية في البطن من مرة الى مرتين اسبوعيا بالاضافة لنمط صحي وتغذية صحية منخفضة السعرات.. لمدة من ٦٠ الى ٩٠ يوم.. وعدد جلسات الكاربوكسي تراوحت من اقل حاجة ٨ جلسات وأكتر حاجة ٣٥ جلسة فلقوا انه حصل في المتوسط عند الناس اللي عندهم سمنة في منطقة البطن نزول ٩ سم تقريبا من محيط البطن في المتوسط وده رقم حلو جدا.. ليه بقى:
عشان حقن ثاني أكسيد الكاربون في المناطق الدهنية بيحسن من الدورة الدموية وبيساعد على اكسدة الخلايا الدهنية وبيحسن كتير بناء الكولاجين كمان اللي بيقلل من الترهل وبيحسن من وصول الاكسجين للأنسجة فبيزود حيويتها..
والدراسة قالت انه الأعراض الجانبية بتاعته قليلة جدا.. هو بيدي شعور بعدم الراحة أثناء الحقن لكن أثره حلو قوي وبيرضي جدا اللي بيخضع له بس طبعا حسب تقييم طبيبك اللي بيبقى على دراية بعلاقة ده بأجهزة الجسم المختلفة وعارف تاريخك المرضي من الألف إلى الياء..
وبنأكد ان لازم يبقى مع ده التزام بنمط صحي وتغذية صحية سليمة .. عمر ما الإجراء التجميلي مابيبقى بديل للحياة الصحية والوزن الصحي.. كلها حاجات بتكمل بعض عشان نحلي الحياة أجمل وألطف وأصح ودمها أخف
وصحتكم بالدنيا




للحجز فضلا اتصل أو أرسل رسالة واتس اب على 012 85206721

25/08/2025

مقال علمي مبني على دراسات متعددة حديثة اتنشر عن أهمية العائلة الصليبية في النبات .. أو الكرنبية او الخردلية واللي منها البروكلي والكرنب والقرنبيط والفجل واللفت في علاج ومنع والتأثير الإيجابي على المراحل المختلفة لسرطان الثدي.. ده بسبب
* احتواء النباتات دي على مركبات كبريتية وبوليفينولات بتأثر على السرطان نفسه بشكل مباشر
* ان المركبات الموجودة في العائلة الكرنبية دي كمان بتأثر وبتتأثر بالبيئة الميكروبية الموجودة في الجهاز الهضمي واللي لها دور قوي على السرطان
* كمان المركبات الكبريتية دي بتقوي شغل العلاج الكيماوي وبتساعد انه يبقى اقوى في التأثير على اورام الثدي السرطانية وهزيمتها
المقال حلو فعلا وتفاصيله كمان رائعة ومبشرة ..فياريت اللي عنده وقت يقراه حيستفيد كتير

https://www.annualreviews.org/content/journals/10.1146/annurev-nutr-062222-024321
مع تحيات عيادة د حنان فاروق للتغذية العلاجية
للحجز نأمل الاتصال او ارسال رسالة واتس اب
على 012 85206721
العنوان ٥٣ ش الفتح فلمنج على الترام الإسكندرية

23/08/2025

نظراً لوجود بعض الاماكن الغير مرخصة و التي تعمل بتخصص التغذية العلاجية
يمكنك الان التأكد من أن مقدم الخدمة الصحية الخاصة بالتغذية العلاجية طبيب بشري متخصص في التغذية العلاجيةمن خلال طريقتين:
1- طلب ترخيص مزاولة المهنة أو الاطلاع على شهادة ترخيص العيادة (مع التأكد من أن المستندات تحمل شعار نقابة الاطباء و التخصص).
2- من خلال موقع نقابة الاطباء على الانترنت حيث تتيح نقابة الاطباء خدمة الاستعلام عن الاطباء و تخصصاتهم بالاسم فقط و الموقع لا يحتاج لتسجيل رابط الموقع https://www.ems.org.eg/ar/inquiries/doctor-specialist

23/08/2025

19/08/2025

مساء الصحة والسعادة
دراسة لطيفة قوي بتتكلم عن ايه بقى.. بتتكلم عن ان الاطفال اللي من ٦ سنين الى ١٩ سنة بيظهر عندهم ارتفاع ضغط ( أي والله زي مابقولكوا كده) اذا كانوا مدخنين سلبيين.. يعني ايه بقى مدخنين سلبيين حضرتك؟
يعني عايشين في نفس البيت مع واحد ع الاقل بيدخن.. او ان نسبة الكوتنين( وده ناتج من النيكوتين) في الدم امتر من او تساوي ٫٠٥ نانوجرام/مل.. المهم يعني ماطولش عليكوا قولي طولي.. اتعملت دراسة على اكتر من حداشر الف طفل عندهم المشكلة دي وادوا بعضهم فيتامين ب٢طبيعي ومكمل وقارنوهم بالباقي.. الدراسة لقيت ان اللي خدوا فيتامين ب ٢بنسب معينة موضوع ارتفاع الضغط ده عندهم قل جدا .. واستنتجوا التأثير الإيجابي الرائع لفيتامين ب١٢ على حالات ارتفاع الضغط عند الاطفال اللي بيتعرضوا للتدخين السلبي أو التدخين بالعافية يعني..
طيب فيتامين ب ٢ او الريبوفلاڤين موجود في ايه حضراتكم..
ب٢ موجود في اللحوم الحمراء والالبان والجبن والبيض والاسماك والدجاج والمكسرات والخضروات الورقية، موجود في الفاصوليا الخضراء وفي الحمص والسوداني، موجود كمان في السوداني ودقيق الذرة ودقيق الشعير ودقيق الصويا…

يعني زي مااحنا شايفين مش صعب اننا ناخده ونديه لولادنا بس والله الاسهل اننا نرحمهم ونرحم نفسنا من التدخين السلبي والإيجابي كله..
ياللا ماعلينا
صحتكوا بالدنيا
للحجز بعيادة د حنان فاروق للتغذية العلاجية يرجى الاتصال او ارسال رسالة واتس اب على ٠١٢٨٥٢٠٦٧٢١

#تدخين

05/06/2025

عيد أضحى مبارك وسعيد
تقبل الله طاعاتكم..
من حقنا في العيد نفرح ونستمتع بالأكل..
بس ياريت نخلي الضمير صاحي… منديهوش أجازة..
وكل سنة وانتم طيبين وسعداء ومبسوطين..
عيادة د حنان فاروق للتغذية العلاجية والسمنة والنحافة
٥٣ ش الفتح فلمنج على الترام
012 85206721