https://www.facebook.com/2121766261442652/

Menna Ahmed, Alexandria (2026)

16/07/2024

كتير بيقول أكل السمك لأليفك بيوقع شعره
❌❌❌❌
السمك مش بيوقع شعر أليفك
السمك يحتوي على العديد من المواد الغذائية
ولكن بالرغم من ذالك ألا إنه غير متكامل لأليفك وبيحرمه من مغذيات أخري كثيره مفيده ليه
والتغذية السيئه هي سبب سقوط الشعر 🐱

لذالك ماتزودش عن مرة في الاسبوع أو قم بتقديمها مع الوجبه الاساسيه لأليفك . والكميه ماتكونش كبيرة زي الفراخ أو اللحم
دمتم وأليفكم بخير 🐱♥️

30/01/2023

تسمم Naproxen للقطط 🙀
⏪ دواء Naproxen مضاد للاتهابات البشري ويعطي منه للقطط في حاله الالتهابات والألام
(Non steroidal anti inflammatory drug)
يمكن للمربي ان يعيطيه لأليفه بدون وصفه طبيه وهذا السبب الشائع في تسمم القطط بهذا الدواء لعدم معرفه المربي بالجرعه السامه ...
طب تعرف ازاي ان قطتك حصلها تسمم بالدوا بعد تناوله !
🐈ضعف الشهية.
🐈التقيؤ في الحالات الخفيفة،
🐈الإسهال.
🐈براز أسود.
🐈تقيؤ مدمم في الحالات الشديدة.
🐈وجع البطن.
🐈جفاف.
🐈ضعف، وخمول، وكآبة.
🐈تعثر.
🐈شحوب اللثة (ناتج ثانوي عن فقدان الدم)
لذالك ينصح بعدم إعطاء أليفك اي دوا بدون استشاره الطبيب البيطري ومعرفه الجرعه المناسبه له حسب وزن الحيوان ❤️

20/07/2022

بعض الاكلات غير مستحب اعطاءها لكلبك
Follow...
⏪1- الشوكولاته : تسبب له أعراض القئ أو الجفاف، أو آلام البطن، انفعالات شديدة، عدم انتظام ضربات القلب وارتفاع درجة حرارة الجسم وقد تصل إلى الموت.
⏪2- اللبن : قد يؤدى إلى التقيؤ والإسهال ومشاكل الجهاز الهضمى
⏪3- الجبن مثل اللبن يؤدي إلي التقيؤ والإسهال
⏪4- البصل
⏪5- المكسرات:
من أكثر المأكولات السامة للكلب، تجعله غير قادر على المشى وتحديداً أرجله الخلفية. وتسبب له اكتئاب وانخفاض حرارة الجسم.
⏪6-التوم
⏪7- العنب:
العنب والزبيب يمكن أن يسبب للكلب فشل كلوى سريع، بالإضافة إلى أعراض القئ والإسهال ونقص الشهية
⏪8-الأفوكادو
⏪9-التفاح
⏪10- العجين الخميرة:
تناوله بكثرة يتسبب فى تمزق الأمعاء والم في البطن وخمول
عشان تحافظ على صحه أليفك تجنب تناول هذه الاطعمه 🤍🐶

17/02/2022

كتير من الأوقات بنلاقي أليفنا مره واحده سلوكه اتغير وبدأ يتقيئ ( يرجع) 😱
طب الترجيع لونه ايه ؟؟؟
الترجيع عند البيتس انواع والوان
لو القطه بترجع لون اصفر او برتقالي أو بني ⬅️ يبقي عندها مشكله في الكلي
لو القطه بترجع لون احمر ( دموي ) ⬅️مشاكل في الجهاز الهضمي أو نزيف في الأسنان أو التهاب اللثه
لو القطه بترجع رغاوي بيضاء ⬅️ احيانا بيكون عسر هضم أو التهاب معده / بنكرياس
لو القطه بترجع لون اسود ⬅️ نزيف في الجهاز الهضمي
وفي كل الأحوال ديه لازم تحضر قطتك للطبيب البيطري لعلاجها فورا

13/02/2022

اللبن مش وجبه اساسيه للقطه 😱
ازاي يا دكتوره اومال توم طول اليوم في الكارتون بيشرب لبن ازاي 😂
طبعا توم وجيري خدعنا بالمعلومه ديه
بعض القطط معندهاش الانزيم اللي بيكسر سكر اللبن ( Lactase enzyme)
والقطط اللي عندها بتكون بنسبه بسيطه خالص
طب ايه اللي ممكن يضر أليفك لو شرب اللبن كتير ؟
ممكن يحصله قيئ و اسهال
طب معني كده يا دكتوره اني مديش القطه لبن خالص ؟
لا اديها بس بنسبه بسيطه خالص
يعني متعتمدش عليه كوجبه اساسيه لقطتك🤍

21/11/2021

يا دكتوره القطه بتاعتي حساها بقالها يومين مش كويسه كده وتعبانه ...
Follow 🐈
كتير من القطط نشاطها بيتغير وبنكون قلقانين عليها جدا
لاحظ لو لاقيت النشاط بتاعها متغير لفتره روح للدكتور البيطري ممكن تكون بتعاني من أمراض
⬅️لو بتنام كتير عن المعتاد ممكن تكون عندها حمه
⬅️لاحظ نشاطها لو نشاطها قل ومش بتلعب كتير يبقي بتعاني من ألم
⬅️ انتبه لوزنها لو لاحظت انها بتقل في الوزن بسرعه
⬅️شعرها لو بيقع كتير
⬅️ لو بتتنفس بسرعه شديده وبتفتح فمها أثناء التنفس
⬅️لو القطط بتحك جلدها كتير جدا وبصوره مستمره يبقي كده في حشرات
كل الأعراض ديه لو لاحظتها على قطتك أو اي عرض أو نشاط غريب عن المعتاد ارفقها للطبيب البيطري عشان تحافظ على صحه أليفك ❤️

15/10/2021

اتعضيت من كلب مأخدتش تطعيم السعار ..😱
Follow...
السعار ده مرض بيصيب الكلاب في حاله أنه مأخدتش التطعيم بتاعه
المرض ده بيكون في لعاب الكلب
وبالتالي لو الكلب ده عض الإنسان أو لعابه جه في الإنسان هينقله المرض !!
الفيروس ممكن يؤدي للوفاه لو لم يعالج
طبعا ممكن نمنع المرض أنه يجيي للكلاب والإنسان عن طريق تطعيم الحيوانات من السعار
وبيكون في الكلب عند سن 4 شهور
🐕
اخذ الاحتياطات لمنع السعار
1- تجنب ان اي كلب يعضك
2- لو اي كلب عضك اغسل الجرح بمياه متدفقة وصابون لمده 15 دقيقه
3- التصرف الصحيح ان تذهب لاقرب عياده لتلقي تطعيم السعار
🐾🐾🐾
كتير بيبقي عايز يخلي كلبه شرس ويقول أنا عايز اسعره عشان يحميه وكده
بس مش معني كده أنه ميدهوش التطعيم
انت ممكن تدربه بطرق تانيه أو عن طريق Dog trainer

29/09/2021

هل في علاقه بين السمع ولون القطه ؟
Follow...
اه في علاقه بين حاسه السمع ولون القطه
عشان كده تلاقي ان معظم حالات الصم بتبقي في القطط البيضاء واللي لون عنيهم ازرق
يعني معني كده ان كل القطط اللي عنيها زرقاء عندها صم !! ❌
⬅️لا طبعا في كتير بيسمعوا
✅ وجدت الاحصائيات أن 65% ل 80% من القطط البيضاء اللي عنيها زرقاء عندهم صم ( مش بيسمعوا)
✅ 40% من القطط اللي عندهم عيون مختلفه ( عين اللون الازرق وعين لون اخر ) عندهم صم
✅ 17-20% من القطط اللي عنيهم مش زرقاء مش بيسمعوا ( يعني نسبه قليله ) .. 🐾🐈
⬅️ طيب اعرف ازاي أن قطتتي مش بتسمع
احرك جمبها المفاتيح واعمل بيها صوت .. المفروض تنجذب ليها لو بتسمع
او اسقفلها بإيدي وأشوف هتنجذب للصوت ولا لاء
🤍

24/09/2021

من اكتر الحالات الشائعه اللي بنشوفها في القطط هي الحشرات ( البراغيت) في جسم القطه
ديه بنشوفها ازاي ؟
⬅️بنشوفها تحت شعر القطه وغالبا اللي بيبان هو نقط سودا اللي هو فضلات البراغيت
ولو القطه شعرها طويل اوي فانت تسرح شعرها عكس اتجاهه وهتبان
طيب ايه الأعراض ؟
نلاقي القطه بتهرش كتير في المنطقه ديه بطريقه ملحوظه وفي حكه مستمره فيها
ساعتها لازم تروح للدكتور البيطري عشان يكشف عليها ويديها الدواء المناسب ليها وهو دواء بيتحط على ظهرها وبيمنع الحشرات ( دهان )
🐾🐈
طيب ايه الاحتياطات اللي ممكن اعملها عشان احميها من الحشرات
✅ اديها كل التطعيمات بتاعتها ضد الحشرات وديه سنويه أو كل 6 شهور
✅ ابعدها عن أي قط تاني عنده حشرات عشان العدوى
✅ ابعدها عن أي مصدر للحشرات زي الاحذيه اللي بنمشي بيها في الشارع بتكون مصدر للعدوى

20/09/2021

القطط بتجيب عقم للبنات !! ....
Follow ...
Toxoplasmosis داء القطط
كتير مننا بيخاف يربي القطط عشان هي بتجيب عقم للبنات
وعشان كده عايزين نعرف
⬅️ ايه أسباب ال toxoplasmosis
⬅️ازاي ممكن يجي للقطه بتاعتك وازاي يوصلك عن طريقها
⬅️الاحتياطات اللي انت تعملها عشان قطتك متصابش بيه
🐾🐈🐈
⬅️اولا هنعرف بإختصار ايه أسباب ال toxoplasmosis عامه وأنه ممكن يجيلك من غير ما تكون مربي قطه اصلا
الطفيل ده بيبقي موجود في اللحمه النيه وبالتالي لو اكلت لحمه ملوثه هتصاب بيه زي لحم خنزير .. .. أو خضار او اطعمه ملوثه . أو استخدام السكاكين اللي لامست اللحمه النيه ديه
✅عشان كده لازم تكون حريص انك تغسل الادوات اللي قطعت بيها اللحمه النيه كويس قبل ما تقطع بيها الخضار
🐾
⬅️ثانيا هنعرف هيجي ازاي للقطه
عن طريق ان قطتك تاكل لحمه مش مستويه زي اللانشون مثلا او لحمه نيه هتصاب بالطفيل ده وهينزل مع البراز بتاعها
وبالتالي انت لو لامست البراز ده هتنتقلك العدوي
او عن طريق القوارض اللي بتحتوي على الطفيل من براز قطه اخري
🐾
⬅️ثالثا الاحتياطات
✅عشان كده كن حريص انك تلبس gloves وانت بتنضف براز ( stool ) القطه وبعدها تغسل ايدك
✅وابتعد خالص عن انك تأكلها لحمه نيه

Menna Ahmed

16/07/2024

30/01/2023

20/07/2022

17/02/2022

13/02/2022

21/11/2021

15/10/2021

29/09/2021

24/09/2021

20/09/2021

Address

Website

Alerts

Contact The Practice

Shortcuts

Share

Category