https://www.facebook.com/270457871493729/

RJA - رَجَــا, الاسكندرية, Alexandria (2026)

28/09/2025

26 sep 2024 / Cairo - During John Gray’s first visit to Egypt …

في مثل هذا اليوم
بعض الصور من المؤتمر المنعقد لزيارة "چون جراي " للمرة الاولى لمصر / سبتمر ٢٠٢٤

02/09/2025

ورشة : حب الذات والاستحقاقية… من التوكيدات للكلام العملي ✨

في وسط دوشة الحياة ساعات بننسى نفسنا…
ونعاملها كأنها آخر واحد مستحق الحب والاهتمام.
مع إن ربنا قال:
“ولقد كرمنا بني آدم” 🌿

“حب نفسك” مش معناه تبص في المراية وتقول كلام حلو بس…
الحب الحقيقي أفعال:
• تحترم وقتك.
• تسمع لجسمك وعقلك وروحك.
• تقول “لأ” اللي تحميك.
• تختار علاقات صحية و توازن بين حقوقك و واجباتك .

ورشتنا “حب الذات والاستحقاقية” معمولة مخصوص ليك
عشان تاخد خطوات عملية تخلّي حبك لنفسك يكون ليه اثر و مردود حقيقي و ملموس ، و تشوفه في مرابتك و في عيون الناس … مش مجرد كلام خالى من المعنى و توكيدات لعقلك الباطن بدون دليل يدعمها 💫

الحب مش رومانسي وبس… الحب وقود الحياة ، وبداية الصحة النفسية انك تحب نفسك وتحب اللي حواليك والحب يعم ويكبر لله، ويبان في كل دوايرك و تعاملاتك مع الناس والحياة حوالَيك.

تعالَ نكتشف مع بعض إزاي نحب صح ❤️، ويعني ايه "استحقاقية" ؛ لإن كلنا ربنا خلقنا "نستحق"👌

***********************

تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية🙏

صفحتنا على الفيسبوك : https://www.facebook.com/RJA.Recovery.Journey.Academy/

صفحتنا على linked in :
‏https://www.linkedin.com/company/recovery-journey-academy/

‏

#الاستحقاقية

01/09/2025

مع بداية دخول أولادنا المدارس
بتظهر قدامنا مواقف كتير مع أطفالنا، ساعات نفهمها غلط ونفتكرها عناد أو تقصير، وهي في الحقيقة ممكن تكون مجرد فروق فردية، أو أنماط مختلفة للذكاء والتعلم، أو حتى مشكلات تحتاج تشخيص مبكر.

ديننا الحنيف علّمنا إن كل إنسان مكرم ومختلف، قال تعالى:
﴿وَرَفَعْنَا بَعْضَهُمْ فَوْقَ بَعْضٍ دَرَجَاتٍ﴾ [الزخرف: 32]
وده معناه إن ربنا سبحانه وتعالى خلق لكل طفل طريقته الخاصة في الفهم والسلوك والتعبير.

🔹 مهمتنا كآباء وأمهات إننا نفهم أولادنا، نميز بين السلوك الطبيعي والسلوك المضطرب، ونكتشف مبكرًا أي صعوبات في التعلم أو مشكلات سلوكية، علشان نساعدهم ونوجّههم صح.
🔹 وكل ما وعينا زاد، قدرتنا على التربية السليمة بتزيد، ونحقق المعنى الجميل لحديث النبي ﷺ:
"كلكم راعٍ وكلكم مسؤول عن رعيته".

🎯 الورشة دي معمولة مخصوص علشان تساعدك تفهم:

إزاي تفرّق بين السلوك العادي والمضطرب.

إزاي تكتشف الفروق الفردية والذكاءات المتعددة عند طفلك.

أساسيات تشخيص صعوبات التعلم والمشكلات السلوكية.

لأن أول خطوة لتربية واعية إنك تفهم طفلك ونمطه. 💡
لكل اب وام ومعلم واخصائي وباحث للعلوم التربوية
💬 طفلك أمانة.. افهمه عشان تربيه صح وتوصله لبر الأمان.

🤲 "اللهم احفظ أبناءنا وبناتنا، وافتح لهم أبواب الفهم والحكمة، وزيّن قلوبهم بالإيمان، وعلّمهم ما ينفعهم وانفعهم بما علّمتهم، واجعلهم قرة أعين لنا في الدنيا والآخرة."
***********************

تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية🙏

صفحتنا على الفيسبوك : https://www.facebook.com/RJA.Recovery.Journey.Academy/

صفحتنا على linked in :
https://www.linkedin.com/company/recovery-journey-academy/

‏

#أطفالنا

01/08/2025

هل الصلاة تحميني من المرض النفسى ؟؟؟؟
تعالوا ....نفرق الاول بين المرض النفسى ....الحالة النفسية .....أمراض النفوس
الحالة النفسية ...هى حاله مزاجية
حاسس انك قلقان شوية
متوتر من موقف بتفكر فى ...عندك مشكلة
هنا ....توقف عن التفكير
وروح جرى لروحانياتك والوعظ الدينى
واقرا القرآن...وصلى ....والأذكار
وتعالى !!.............افهمك يعنى ايه علاج بترجمته الحرفية
هل الضيق مرض ؟
إِنَّ الْإِنسَانَ خُلِقَ هَلُوعًا إِذَا مَسَّهُ الشَّرُّ جَزُوعًا وَإِذَا مَسَّهُ الْخَيْرُ مَنُوعًا إِلَّا الْمُصَلِّينَ
[المعارج ]
إلا المصليين!!!!!!
إذن .....الصلاة تحميك من انك تكون هلوعا ...جزوعا.....منوعا
كل ده .....اسمه ( الحالة النفسية )
لكن !!!
هل ربنا سبحانه وتعالى قال ان الصلاة تحميني من الاكتئاب ؟؟
هل الصلاة تحميني من المرض النفسى ؟؟؟
لا طبعا
المرض النفسي شانه شأن المرض العضوى
الخلط بين المرض النفسى وضعف الإيمان؟؟؟
دا ظلم كبير يقع على المريض النفسى
لانه عباره عن خلل كيميائي فى المخ ويسمى احيانا مرض عقلى والنتيجه اعراض نفسية وربما اعراض جسدية
نقول مثااااال !!!!
مرض السكر نقص الانسوليين
طيب الاكتئاب نقص سيروتونين
الفصام والاضطراب الوجدانى....خلل فى الدوبامين ......وهكذا
هل بنعالج مريض السكر ونقوله روح صلى ركعتين السكر حيتظبط
لا ؟؟؟؟
بقوله خد بالاسباب كما امرك الله عز وجل
واسأل ؟؟؟

فَٱسْأَلُواْ أَهْلَ ٱلذِّكْرِ إِن كُنْتُم لاَ تَعْلَمُونَ }

وأهل الذكر هنا الطبيب النفسى ان كان مرض نفسى
هناااااك ...شئ ثالث وهو ( أمراض النفوس )
دى علاجها التقرب من ربنا
مثل !!!
الكبر
الشح
وَمَن يُوقَ شُحَّ نَفْسِهِ فَأُولَٰئِكَ هُمُ الْمُفْلِحُونَ (9)
[ الحشر ]
يوق . ...نلاحظ هنا ايه ؟؟؟
وقايه !!!!!
وأمراض النفوس
الغيره
الحقد
الحسد
اذن ......
اذا كانت المشكلة حالة نفسية
او مرض من أمراض النفوس
فعليك
بالتقوى ....تقوى الله عز وجل وتعبد الله كما جاء بالقرآن والسنة
اما ....
اذا كان المرض نفسى
وله تشخيص .....تلجأ للمتخصيصين
وتأخذ بالاسباب
وإلا ......
فأنت متواكل ولست متوكل

صحتك تهمنا 💚

‏‎** تواصل معنا واحجز جلساتك للدعم النفسى
‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية
دكتورة .أمل سعفان

13/06/2025

لما بنجيب سيرة العلاج النفسي اول حاجة بتيجي ف بالنا انه للاشخاص المجانين -مع كامل الاحترام لمرضى العقول- لكن المشكلة فينا احنا ، احنا اللي حاطين البيض كله ف سلة واحدة …

فيه فرق كبير بين أنواع الاضطرابات، وكل نوع له طبيعته وتعامله.

تعالوا نشوف ….

🔹 الاضطرابات النفسية
دي زي الاكتئاب، القلق، الوسواس… الشخص بيكون واعي بكل حاجة حواليه، بس جواه ألم أو ضغط مش ظاهر.

🔹 الاضطرابات العقلية
هنا ممكن يحصل خلل في التفكير أو الإدراك للواقع، زي الفصام أو الذُهان.
الواقع بيتشوّه، وممكن الشخص يسمع أو يشوف حاجات مش موجودة
و هو ما يُسمى بالضلالات و الهلاوس
وبيدخل فيه عوامل وراثية ولكن بيكون احيانا نتيجة لتدهور المرض النفسي و اهماله ⚠️

🔹 اضطرابات الشخصية
الشخصية نفسها بتكون غير مرنة، وبتسبب مشاكل في العلاقات والحياة اليومية.
زي اضطراب الشخصية الحدّية أو النرجسية.
بس الشخص نفسه مش دايمًا شايف إن فيه مشكلة و عايش عادي جداً ، اللي حواليه بيعانوا و هو لا مش شرط

🔹 الاضطرابات النمائية العصبية
بتبدأ من الطفولة وبتأثر على النمو العقلي والسلوكي.
زي التوحد أو ADHD.
بيخلي ليهم طريقة مختلفة في الفهم والتواصل.

🔸 وفيه كمان أنواع تانية
زي اضطرابات الأكل، النوم، الإدمان، الصدمات… وكل نوع بيحتاج فهم ودعم مش وصمة ، ولازم تشخيص سليم عشان السكوت على اي اضطراب (ايا كان نوعه) بيوصل لمشاكل اكبر دايماً …

صحتك تهمنا🌱

‏‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏Contact us to book therapy sessions at affordable prices — or even just to help guide you in choosing the right therapist and finding the psychological support that truly fits your needs.

‏‎‏Follow us on our Facebook and LinkedIn pages to stay updated with all our training courses and interactive webinars.

#توعية

12/06/2025

علاج الإدمان مش مجرد علاج طبي بإننا نسحب السموم من الجسم ، لأن الإدمان اصلاً مش دايمًا بيكون لمادة زي المخدرات أو الكحول…
الادمان احياناً ( على المستوى الأقل خطورة من ادمان السموم) بيكون لعلاقات مؤذية والتعلق السام ، أو الإباحية ، أو أي عادة سلوكية سيئة

عشان كده في الجلسات النفسية، العلاج المعرفي (CBT) بيلعب دور مهم جدًا مع المدمن.
ليه؟ لأن ورا كل سلوك إدماني فيه فكرة مشوّهة بتتحكم فيه.

✅ الشخص بيصدق إنه ضعيف ومش هيقدر يعيش من غير الحاجة اللي متعود عليها.
✅ بيشوف نفسه فاشل، أو شايف إن الإدمان هو الهروب الوحيد من وجعه أو فراغه.
✅ أو بيبرر لنفسه: “أنا كده كده خسران، يبقى أغيب دماغي وخلاص”.

هنا بنبدأ نشتغل على التعديل المعرفي:
🔹 نفكك الأفكار السلبية دي ونفهمها سوا
🔹 نعيد بناء صورة الشخص عن نفسه
🔹 نزرع فكرة “أنا أستحق أعيش حياة أفضل”
🔹 ونربط بين السلوك والمشاعر والأفكار
بشكل واعي
🔹 نشرك الأسرة في كل خطوة في العلاج
🔹نحصنه بعد العلاج ببرنامج نفسي تأهيلي عشان ميحصلش انتكاس
المدمن مش بس محتاج بس حد يساعده ياخد قرار العلاج اد ما هو محتاج حد يكمل معاه رحلة العلاج و يطلع بشخصية جديدة مش محتاجة الادمان عشان تعوض اي نقص و واقفة على ارض صلبة

صحتك تهمنا 💚

‏‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏Contact us to book therapy sessions at affordable prices — or even just to help guide you in choosing the right therapist and finding the psychological support that truly fits your needs.

‏‎‏Follow us on our Facebook and LinkedIn pages to stay updated with all our training courses and interactive webinars.

02/06/2025

🧠✨ كلنا بنحتاج للدعم النفسي ، لكن اللي بيمنعنا نطلبه بيكون حاجة من 2 :
“ الحرج” أو “ التكاليف” …
و دول الحاجتين اللي حرصت اكاديمية رچا انهم ميقفوش عائق قدامك ، لان الصحة النفسية #رسالتنا قبل ما تكون #مهنتنا
و عشان كده بنقدم برنامج علاجي مختلف تماماً و خدمة دعم نفسي مفيش اسهل ولا اسرع منها :

✔️ بنقدملك اسرع و اسهل دعم نفسي بأفضل التكاليف ، و مش بس كده …
✔️ أول جلسة مجانية لـ اول٢٠ عميل من
‏linked in
✔️امكانية تغيير المعالج بعد جلستين
✔️ امكانية استرداد التكاليف العلاجية بعد الجلسة التالتة في حالة الشعور بعدم الراحة
✔️ خصوصية تامة

و الدعم النفسي ده مش مجرد للمرضى النفسييين زي ما تعتقد الاغلبية ، ده خدمة بنقدمها لأي شخص نفسه حياته تكون افضل ، مش لاقي شخص صح ياخد رايه او يستشيره او يساعده يتطور في حياته و علاقاته او في مجاله المهني و مهاراته

علشان كده، حرصنا إن الخدمة النفسية تكون سهلة، آمنة، وفي متناول الجميع:
ابدأ بخطوة صغيرة…
صحتك تهمنا🌱

‏‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏Contact us to book therapy sessions at affordable prices — or even just to help guide you in choosing the right therapist and finding the psychological support that truly fits your needs.

‏‎‏Follow us on our Facebook and LinkedIn pages to stay updated with all our training courses and interactive webinars.

‏

31/05/2025

🎯 ازاي بنختار الأخصائيين النفسيين عندنا ؟
و ازاي نحقق السهل الممتنع لما يكون سنوات الخبرة مش كبيرة
احياناً : بيكون الاخصائي لسه في اول مساره المهنى و رغم ذلك بنختار انه يتدرب معانا ويكون عضو من فريقنا ، بل و بنقدمله الدعم و التدريب الكافي لحد ما نوصل بيه لبر الامان ويكون مؤهل انه يتعامل مع العملاء و هو واقف ع ارض صلبة

طب احنا ليه مبنعتمدش على عدد سنين الخبرة كمعيار وحيد لاختيار الأخصائي النفسي.

لأن الشغل في الصحة النفسية مش “أقدمية”، ده شغل إنساني عميق، محتاج أكتر من مجرد CV مليان سنين و تفاصيل لا يخلو بعضها من الخيال و الطموحات ، و "امانة" انك بتتعامل مع "نفس بشرية" تستحق التحري و الدقة في كل تفصيلة ، مسئولية مش سهلة !

لذلك إحنا بندوّر على اللي عنده:
💛 حضور إنساني صادق – يعرف يحتوي مشاعرك من غير ما يحكم عليك.
🧠 وعي نفسي متطور – مش بس حافظ نظريات، لكن فاهمها وعايشها.
👂 إنصات فعّال – مش بيقاطعك بنصايح، بيسمعك علشان يفهمك.
📊 وضوح في الخطة العلاجية – يعرف يحدد معاك أهداف واضحة، ويشتغل عليها بخطوات مدروسة.
🔄 مرونة وتقييم مستمر – مستعد يراجع شغله معاك ويطوّر نفسه طول الوقت.
📚 شغوف و قاريء في مجال علم النفس الاكلينيكي بشكل مخليه مطلع ع كل جديد اول ب اول ، ده طبعا بالاضافة الى انه لابد يكون حاصل على شهادات معتمدة و من جهات و جامعات يُعتد بها .

في النهاية، إحنا بندوّر على أخصائي يعرف يخلق علاقة علاجية بشكل مهني : يكون فيها أمان، وصدق، وتقدير لإنسانيتك.
+ يكون ليه اثر حقيقي عليك، ويقدر يساعدك تتحرك فعلا مش مجرد يحمسك و يرفع معنوياتك مدة علاجك و يختفي الاثر بعدها ، لكن يسيب اثر مستمر و ملموس في شخصيتك و عقليتك يكمل معاك مدى الحياة باذن الله …..
دمتم بصحة نفسية و عقلية 💚

‏‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏
#لينكدإن

30/05/2025

🙋‍♂️ “أنا مش بعيط خالص!”

الجملة دي بنسمعها كتير في الجلسات النفسية…
وساعات اللي بيقولها بيكون حاسس إنه قوي 💪 أو بيحاول يقنع نفسه إنه تمام ✔️

بس الحقيقة إن ورا الجملة دي بيكون فيه حكاية طويلة وصلته للكتم ده ، بدابتها ممكن من طفولته او صدمة في حياته كانت سبب انه اتعلم يخبّي،
وإن البكاء ضعف،
وإن لازم “يشيل ويستحمل”.

🔻بس الحقيقة ان ده "كبت" و ده للاسف فخ كبير لأنه بيحل المشكلة وقتها و يرمي اثرها السلبي بعدين ف مشكلة تانية:
يعني : المشاعر اللي بنحبسها ما بتختفيش…بس بتلبس وش مختلف !
توتر، قلق، عصبية من غير سبب، قلة نوم، أو حتى وجع في الجسم مالوش تفسير طبي.

واكيد احنا في الجلسات مش بنطلب من الناس “يعيّطوا” !
لكننا بنساعدهم يتصالحوا مع فكرة العياط والتنفيس الانفعالي ب اي شكل ،
ويسيبوا نفسهم لده وقت ما يحسوا باحتياج في ذلك و ميمنعوش نفسهم ، بيساعدهم ع ده لما بيفهموا ان دي طبيعة بشرية ربنا خلقها عشان الجسم ينفّس ويتخلص من المشاعر السلبية ف وقتها بدل ما يخزنها لقدام…

🔹 وإحنا في الأكاديمية، بنعلم عملائنا إزاي يراقبوا المشاعر دي،وينظموها فلا يكبتوها ، ولا برضه اننا يغرقوا في لحظة الحزن

🟠 ولو إنت من الناس اللي بتقول: “أنا ما بعيطش خالص”… اسأل نفسك:
“هو أنا فعلًا كويس؟
ولا أنا بس متعود أستحمل وساكت؟”
في كل الاحوال جسمك أمانة ربنا ادهالك
حقه يرتاح بقا لما تبدأ تديره صح ❤️

‏‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏Contact us to book therapy sessions at affordable prices — or even just to help guide you in choosing the right therapist and finding the psychological support that truly fits your needs.

‏‎‏Follow us on our Facebook and LinkedIn pages to stay updated with all our training courses and interactive webinars.

‏

29/05/2025

سؤال بنسمعه كتير:
“هو إيه أفضل أسلوب علاجي في علم النفس للاضطرابات س او ص او ع … ؟”

والإجابة ببساطة:
“مفيش حاجة اسمها أسلوب واحد ينفع لكل الناس.”
اللي بينفع مع حد، مش شرط ينفع مع غيره، حتى لو نفس الأعراض!

ليه؟
علشان كل شخص هو حالة خاصة… بشخصيته، بتربيته، بخبراته، وبقدرته على التحمل والتغيير.
حتى لما بيكون فيه تشخيص متشابه، بنلاقي اختلاف كبير في طريقة التفاعل مع العلاج ، و كذلك تدخلنا احنا بالعلاج بعد مراقبة و متابعة التفاعل ده .

وعلشان كده، دورنا كمعالجين نفسيين يبدأ من أول المقابلة والتشخيص.
من هنا بنفهم طبيعة المشكلة، والأعراض، ونقدر نختار الطريقة اللي فعلاً تناسبك.

ممكن نستخدم العلاج المعرفي السلوكي،
أو نشتغل على الجذور والمشاعر بالعلاج الديناميكي،
أو حتى نمشي بخطوات داعمة وتقبلية زي العلاج الإنساني أو الجدلي.

في الآخر، “أفضل علاج؟ هو اللي بيشتغل معاك إنت، دوناً عن ناس تانية ممكن جدا يكونوا مشتركين معاك ف نفس المشكلة، بس مش في نفس الشخصية والظروف 👌….

⸻

‏‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏Contact us to book therapy sessions at affordable prices — or even just to help guide you in choosing the right therapist and finding the psychological support that truly fits your needs.

‏‎‏Follow us on our Facebook and LinkedIn pages to stay updated with all our training courses and interactive webinars.

25/05/2025

3 حقائق علمية عن العقل البشري:

١. الدماغ يفضل الألم المألوف على المجهول الآمن
- دراسة: 68% يرفضون ترقيات مهنية رغم استحقاقهم (Bravata, 2020)

٢. الحب يثير نفس مناطق الدماغ التي تثيره الصدمات
‎ - مسح دماغي يظهر نشاطًا متطابقًا (Van der Kolk, 2015)

٣. الشعور بعدم الكفاية مرتبط بنشاط مفرط في اللوزة الدماغية
- التصوير بالرنين يكشف زيادة 40% في الحساسية للرفض (Teicher, 2016)

مع اكاديمية رچا للارشاد والعلاج النفسي هتتعلم:

* تقنيات علاجية (في اقل عدد من الجلسات) ، و مهارات هتطبقها بنفسك و هنمرنك عليها لحد الاتقان ، عشان تمارسها لما تحس بالخوف او قلة الثقة او عدم الجرأة الكافية اللي هتبعدك عن كل الفرص و الحياة اللي انت تستحقها ❤️
* هنعلمك برضه ازاي تراقب افكارك و مشاعرك و سلوكك و تلحق المساعر السلبية من بدري قبل ما تسيطر عليك : تسيطر انت عليها 👌

—————————————

‌‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‌‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏Contact us to book therapy sessions at affordable prices — or even just to help guide you in choosing the right therapist and finding the psychological support that truly fits your needs.

‌‌‏Follow us on our Facebook and LinkedIn pages to stay updated with all our training courses and interactive webinars.

‏

#لينكدإن
‌‌‏
‏
‌‌‏
‌‌‏
‌‌‏
‌‌‏
‌‌‏
‌‌‏
‌‌‏

24/05/2025

لو عايز تبقى متميز في شغلك من أول يوم ؛ مهم جدا تقرا في علم النفس و فنون التواصل الفعال قبل ما تشتغل

👀 ايه ده ، هو إيه علاقة علم النفس بالشغل؟
علم النفس مش مجرد كلام نظري ولا بعيد عن الواقع.. ده علم تطبيقي بنحتاجله وإحنا بنتعامل كل يوم.

تعالا نشوف…

🧠 1. مشاعرنا بتأثر على شغلنا.. مش بس الشغل اللي بيأثر على مشاعرنا

الضغط، التوتر، التقدير أو عدمه، حتى نوع الكلام اللي بنسمعه في الشغل.. كل ده ليه تأثير مباشر على تركيزنا، قراراتنا، ونفسيتنا.
عشان كده، اللي فاهم نفسه وبيعرف يدير مشاعره، بيتعامل مع الشغل بذكاء أعلى و بيأدى افضل ، وبالتااالي المردود هيكون ايجابي والضغط عليه هيكون اقل لانه اولا مركز ثانيا عارف اللي ليه و اللي عليه و مش - لا مؤاخذة يعني- حمار شغل !
بيحدد المساحة اللي بيلعب فيها و بيأدي فيها باحتراف واتزان 👌

💬 2. التواصل مش بس شطارة في الكلام
طريقة الكلام، تعبير الوش، وطريقة الاستماع أهم من الكلام نفسه.
وفي الشغل، التفاصيل دي بتفرق بين تيم ناجح وتيم مفكك.

🌪️ 3. الناس مش بتتصرف بسبب اللي قدامهم.. لكن بسبب اللي جواهم
في كل مكان شغل هتلاقي الشخص اللي بينفعل بسرعة، واللي بيتهرب، واللي بيحب يثبت نفسه بأي شكل.
علم النفس بيساعدك تبص ورا التصرفات دي، وتفهمها ، و تكسب الناس و تطلع منهم اللي انت عايزه بذكاء بدل ما تتضايق منهم بلا جدوى

🧭 4. الكارير مش بس خطوات و مجهود عمال ع بطال .. ده رحلة بتبدأ نقطة انطلاقها من جواك الاول
في ناس كتير بتجري ورا الفرص، بس مش بتسأل نفسها:
“أنا عايز ده ليه؟”
“أنا بشتغل الحاجة اللي بحبها؟”
“هل أنا بلوم نفسي طول الوقت؟”
علم النفس هنا بيشتغل كمراية بنشوف فيها نفسنا و نقاط قوتنا و ضعفنا وايه اللي يناسبنا ع الاساس ده ..

💡 الخلاصة؟
علم النفس مش رفاهية في الشغل.. ده من أهم أدواتك لو عايز تنجح وتفضل متوازن.
تفهم نفسك، وتفهم اللي حواليك.. وتحب ما تعمل و تعمل ما تحب فتعيش أهدى 💚

⸻

‏‎** تواصل معنا لحجز جلسات نفسية بأقل الاسعار او حتى لتوجيهك ازاي تختار معالج نفسي و خدمة نفسية بشكل صح ويناسبك

‏‎و تابعنا على صفحتنا على فيسبوك و لينكد ان لتصلك كل دوراتنا التدريبية و ندواتنا التفاعلية 🙏

‏Contact us to book therapy sessions at affordable prices — or even just to help guide you in choosing the right therapist and finding the psychological support that truly fits your needs.

‏‎‏Follow us on our Facebook and LinkedIn pages to stay updated with all our training courses and interactive webinars.

‏‎‏
‏
‏‎‏
‏‎‏
‏‎‏
‏‎‏
‏‎‏
‏‎‏
‏‎‏

RJA - رَجَــا

28/09/2025

02/09/2025

01/09/2025

01/08/2025

13/06/2025

12/06/2025

02/06/2025

31/05/2025

30/05/2025

29/05/2025

25/05/2025

24/05/2025

Address

Website

Alerts

Shortcuts

Share

Category