27/09/2025
مساء السبت.. وإحساس "الدوشة" اللي محدش بيفهمه غير الأمهات!
بقلم: أم
مساء السبت.. اللحظة اللي بتلاقي نفسك قاعده مع دماغك بس، وتحسي إن الإجازة جريت كأنها دقيقه واحدة!
الليلة دي مش حزن.. لأ، دي دماغ عامله زي "كنترول" فيه مليون زرار:
هدوم المدرسة اتحضرت؟
الأكل اتجهز؟
الشنط اتقفلت؟
الواجبات اتسلمت؟
والأهم.. هو أنا نسيت حاجه؟!
وبين كل ده، بسأل نفسي: هو أنا أصلًا أخدت إجازة؟!
إجازة كلها غسيل وطبخ وتنضيف ودروس ومشاوير!
غروب السبت ليه طعم غريب.. بييجي معاه هم أول يوم مدرسة، هم صحيان الفجر، هم الأمراض اللي فجأة تقرر تظهر من أول الأسبوع!
وكأن في صوت عالي بيقول: "يلا يا بطلة.. المعركة بدأت!"
بس برغم الدوشة والتعب.. ضحكة ولادنا كفيله تنسينا كل حاجه، وتدينا أمل إن الأسبوع الجاي يبقى أسهل وأخف.
لكل أم عايشه إحساس "مساء السبت".. نقول لبعض: ربنا يقوينا، ويفرح قلوبنا بأولادنا، ويعديها على خير 💛
مساء السبت.. مش مجرد يوم.. دي رواية لوحدها مليانه مشاعر.
لو معانة فى نفس الدوامة اثبتي وجودك ايها المحاربة
