د.وائل كمال استشاري علاج الإدمان والطب النفسي

19/04/2021

في ريكافري احنا مش مجرد مركز للصحه النفسية .. احنا عيلة بتكمل بعض و بتكبر يوم بعد يوم .. بنشارك بعض النجاح و ندعم بعض في الوقت الصعب.
زي ما احنا جزء من قصتكم انتم كمان جزء مهم من قصتنا.

14/07/2019

24/09/2018

كتير مننا يعرف ان الترامادول كان بيستخدم في البداية كمسكن قوي للألم, قبل ما يتم انتشاره كمخدر.
طيب تعرف ان الترامادول في تركيبه الكيميائي بيصنف كأحد مضادات الإكتئاب القوية ! وعلشان كدا في أعراض الانسحاب بيصاب المريض بإكتئاب لو ماتعالجش صح ..

الكلام دا بيقولنا حاجه مهمة, إن الأدوية اللي بنستخدمها لعلاج مشكلة ما, وفعلاً بتكون فعالة, قد يكون لها تأثير جانبي إيجابي أو سلبي غير معروف ..

النهاردة هنتكلم عن دواء مهم جداً وهو البريجابلين أو اللي ناس كتير تعرفه بأسماء تجارية مختلفة زي الليريكا أو الليرولين أو البرجدين ٍ.

القصه بتبدأ سنة 1981 لما الدكتور ريتشارد سيلفرمان كان بيحاول يصنع مضاد للتشنجات, وكان عنده نظريه إن في ماده معينه وهي ال GABA هو محتاج يقلل تكسيرها في المخ لإنها بتساعد على تقليل النشاط الكهربي وبالتالي الصرع, لكن لما حاولوا يصنعوا المواد دي بناء على النظريه دي, وجدوا إن المواد المصنعه بتشتغل بطريقة مختلفة تماماً عن اللي كانوا بيحاولوا ينفذوها.

إلا إن النتيجة المرجوة وهي زيادة ال GABA اتحققت.

بعد سنين من ترخيص العقار دا ونزوله للسوق كمضاد للصرع له تأثير قوي, اكتشف الباحثون إن طريقة عمله مختلفة تماماً للمرة التانيه عما كان متوقع ومسلم إنه واقع .. ولكن مره تانيه بيجيب نفس النتيجة.

البريجابلين بيستخدم في علاج التشنجات, وآلام الإلتهابات العصبية العضلية, والآلام الناتجة عن إصابة النخاع الشوكي, أو الأعصاب بصفة عامة
ودي الاستخدامات اللي وافقت عليها منظمة الصحة العالمية ممثلة في هيئة الغذاء والدواء.

ولكن البريجابلين بيستخدم في الواقع بأغراض أخرى زي إنه له تأثير مهديء للقلق والتوتر. ودا اللي أدى إن ناس كتير تسيء استخدامه.

فبقينا بنلاقي كتير من الناس بيتناولوه بجرعات كبيرة جداً, كمحاولة للحصول على التأثير المهديء للتوتر والقلق, لكن المشكلة ان الإحساس بالهدوء دا بيكون إحساس مزيف, ودا بيظهر لنا مشكلة خطيرة متعلقة بالبريجابلين وهي التعود والاعتمادية (الإدمان)

وأصبح الدواء على الرغم من إنه له تأثير قوي جداً وفعال جداً في مرضى السكر والصرع وأمراض الأعصاب, إلى إنه أصبح يساء استخدامه وبيتم إدمانه من بعض المستخدمين له.

ودا حرك مزيد من الأبحاث, واللي بدأت فعلاً تحذر من الجرعات العاليه في استخدامه, وطول فترة تناوله بالجرعات دي.

وبقى يفكرنا بقصة الترامادول اللي كان في فترة ما ممكن يتواجد في دولاب بيت أي حد فينا.

الرسالة مش إننا نخاف من البريجابلين, هو دواء قوي جداً وفعال جداً .. لكن الرسالة هي إنه قد يساء استخدامه ودا له ضرر كبير جداً.

فبنأكد على إن أي حد بيستخدمه,لازم يكون تحت إشراف طبي. ولو حاسس إنك في مشكله بسببه, ماتتأخرش في طلب المساعده.

بقلم د / محمد عبد الوارث

كلمونا على رقمنا: ‪01006931218
‏‎أو زوروا مركزنا في:
‏فرع لوران :‎ 7 شارع محمد دري باشا - لوران
فرع الكينج ماريوط: الكيلو 5.5 طريق الكافوري
او عبر زيارة موقعنا www.recoveryalex.com‬‬‬‬‬

25/08/2018

الأستروكس

"دكتور إحنا خايفين يكون بياخد استروكس"

كتير بيجيلنا أباء و أمهات قلقانين جداً وعايزين يطمنوا على أولادهم, ويسألونا السؤال دا ..

هو صحيح يا دكتور اللي بيتقال على الاستروكس والفودو دا ؟!

الكلام المنتشر عن الاستروكس والفودو .. ومعظم الأخبار اللي تناقلت عنهم بتحكي عن إنهم نباتات أو أعشاب, بيضاف إليها مواد مخدرة أو مهدئات مصنعه غير طبيعية عن طريق الرش, وإن المخدر بيتم تدخينه عن طريق لفه في السجائر مع التبغ, زي الحشيش, ولكن له تأثير أكبر بشكل كبير.

وانتشرت كمان فيديوهات للناس اللي بيتقال إنها بتتعاطاه وهي بتصورهم في حالة هذيان أو توهان وعدم إدراك للواقع اللي حواليهم.

وكعادة الأخبار بتميل للتشويق والإثارة, فغالباً مش هتخلو من المبالغة ..
فهنلاقي في مبالغة في وصف تأثير وسرعة المخدر دا, او إن اللي بيستخدمه بيتحول لحالة الزومبي أو الموتى الأحياء, وبيقتل الناس القريبين ليه أو مبالغات تانيه كتير.
الصحيح من الكلام دا هو إن فعلاً المخدر دا سواء الاستروكس أو الفودو, هو ببساطه مادة مصنعه, تم تصنيعها معملياً, وبتستهدف نفس المستقبلات اللي بتستهدفها مادة الحشيش في الدماغ. المواد دي بجرعات معينة بتتسبب في ظهور الهلاوس وخصوصاً الهلاوس البصرية. ودي ببساطة إن الشخص يشوف حاجه مش موجودة ويكون مصدق ومقتنع تماماً إنها حقيقية.

طيب وإيه المشكلة, مافي مخدرات تانية بتعمل كدا !!

المشكلة ان المواد دي على الرغم من إنها انتشرت بسرعة جداً وفي فترة قصيرة, وبشكل غير قانوني ودا بيخلي الأبحاث اللي اتعملت عليها قليلة جداً, والمعلومات المتوفرة عنها مش كتير. ولكن الدراسات القليلة اللي اتعملت وكل الشواهد بتأكد إنها بتسبب ضرر دائم في المخ. وبتتسبب في تدمير خلايا الدماغ, وفرصة تحول المستخدم ليها لمريض عقلي مزمن كبيرة جداً. فعلى عكس بقية المواد المخدرة, الهلاوس أو الضلالات اللي بتحصل للشخص دا وارد جداً ماتكونش حاجه مؤقتة, وارد جداً تستمر معاه للأبد..

و بواقع خبرة مركز ريكافرى فى مجال علاج الأدمان, شهد المركز فى السنين الاخيرة عدد كبير من الحلات اللى بتعانى من مشاكل نفسية ناتجة عن استخدام الاستروكس و للاسف اغلب الحالات فى مراحل عمر مبكره و ده بيرجع لسهولة تداوله و الحصول علية بين طلبة المدارس و الكليات.

طيب أعمل إيه لو إبني بياخد المواد دي أو شكيت في دا ؟
ماتتأخروش في طلب المساعده من المختصين, استخدام المواد دي هو نتيجة لمرض الإدمان, والإدمان مرض له أسباب كتير, وعوامل كتير بتجتمع وبتساعد في ظهوره بأعراضه المختلفة. ودا اللي هنتكلم عنه في المرات القادمة.

ماتتأخروش في طلب المساعدة ومعرفة تفاصيل أكتر عن طريق التحدث لأحد أعضاء فريق ريكافري.

بقلم د / محمد عبد الوارث

كلمنا على رقمنا: ‪01006931218
‏‎أو زور مركزنا في:
‏فرع لوران :‎ 7 شارع محمد دري باشا - لوران
فرع الكينج ماريوط: الكيلو 5.5 طريق الكافوري
او عبر زيارة موقعنا www.recoveryalex.com

11/08/2018

يوم الوقفة من الأيام اللي كلنا بننتظرها بمختلف أعمارنا.
وكتير مننا بيكون عنده عادات معينة لليوم دة ونقدر نقول انها بمثابة طقوس
فى ناس بتحب الراحة فى البيت و تقضية الوقت مع العائلة، و في ناس بتشغل نفسها بالتجهيز لعزومة أول يوم العيد ببهجتها ولمتها و بيقدروا يلاقوا المتعة في ده.

لكن لطبقة كبيرة من الشباب, يوم الوقفة بمثابة "اليوم المفتوح" اللي مفهوم المتعة فيه عامل أساسي جدا، و بتكون هذه المتعة عن طريق المخدرات, وده بيرجع لتوافرها بكثرة فى اليوم دة بالذات بانواعها المختلفة, و بيكون دافع لتجربة انواع جديدة.

و ده بيرجع لأسباب كتير و منها:

توافر الفلوس بكثرة و بدون حساب
السماح بالخروج لوقت متاخر من الليل
انعدام الرقابة من الأهل و إعطاء حرية مطلقة تحت بند "احنا فى عيد خلو الولاد تنبسط"

لكن هل لازم ندفع فاتورة الانبساط بحياتنا؟!!

من واقع خبرة مركز ريكافرى فى علاج الادمان وجدنا ان أعلى حالات حوادث زيادة الجرعة تحدث في يوم الوقفة، واللي أحيانا وللأسف بتؤدي للوفاة، ده غير الحوادث الخطيرة بمختلف انوعها.

فبيهمنا زيادة الوعى عند الأهل و الشباب لتفادى المشاكل اللي ممكن تحصل من النوع ده، و لذلك بننصح الشباب بالتالى:

المتعة لا تقتصر على تعاطى المخدرات فقط، اتعود تحط خطة مسبقة للنشاطات اللى ممكن تتعمل، ومتخليش المخدرات الاختيار الوحيد.
اختيار الاصدقاء بعناية، زي ما بيقول المثل "الصاحب ساحب " حدد انت عاوز تمشي في اي اتجاه واختار صحابك اللي يكونوا معاك في وجهتك.

و ننصح الأهل بالتالى:
معرفة خطة الأبناء لليوم ده و المشاركة بتقديم اقتراحات مناسبة إن أمكن.
متابعة الابناء على مدار اليوم.
عدم المبالغة فى المصروف (العدية).

شاركونا بالعادات اللى متعودين عليها يوم الوقفة, عيد مبارك و كل عام و انتم بخير 🙂




كلمنا على رقمنا: ‪01128233334‬‬‬
‏‎أو زور مركزنا في:
‏فرع لوران :‎ 7 شارع محمد دري باشا - لوران
فرع الكينج ماريوت: الكيلو 5.5 طريق الكافوري
او عبر زيارة موقعنا : www.recoveryalex.com

06/08/2018

بتحبي تجمعي علب البرطمنات الفاضية و الأكياس يمكن تحتاجيها بعد كدا ؟
مابتقدرش تتخلص من الأقلام بتاعتك بعد ما الحبر يخلص؟
آه عادي إيه المشكلة يعني ..

كتير مننا بيحب يحتفظ بحاجات ملهاش قيمة, ولكن بيجيلنا شعور إنها ممكن تكون مفيدة بشكل أو بآخر بعدين.
ساعات كتير بتكون مفيدة فعلاً, بس ساعات بيكون التفكير بعيد شوية..
"ما هو ممكن أجمع التذاكر بتاعة الترام دي وأعمل بيها عمل فني أو لوحة"
"وممكن أعمل بأكياس الشيبسي زينة لرمضان اللي جي"

وأحياناً الموضوع بيتجاوز الحد ويعطلنا عن حياتنا الطبيعية, ويعملنا مشاكل مع اللي حوالينا, وممكن يوصل لإنه يبقى تكديس قهري !!
التكديس القهري مرض, بيجد صاحبه صعوبة شديدة في التخلص من الأشياء حتى لو ملهاش قيمة, لإن الاحتفاظ بيها بيديله شعور بالراحة والأمان, ولكن احتفاظه بالأشياء دي بيوصله إنه ميلاقيش مكان في البيت يقعد فيه مع أسرته, او إنه يتعرض للإصابة بسبب تكديس الأشياء فوق بعضها, أو العدوى في بعض الأحيان. ودا بيأثر بالتبعية على علاقاته مع كل اللي حواليه.

التكديس القهري كان لحد فترة قريبة بيعتبر أحد أشكال الوسواس القهري وبيتعالج بنفس طريقته, لكن الأبحاث في الفترة الأخيرة صنفته على إنه مرض مختلف عن الوسواس القهري, وله علاج نفسي مخصص.
قولولنا إيه الحاجه اللي مش بتقدروا تتخلصوا منها ودايماً محتفظين بيها سواء هتستخدموها أو لأ ..

كلمنا على رقمنا: ‪01128233334‬‬‬
‏‎أو زور مركزنا في: ‎ 7 شارع محمد دري باشا - لوران
أو فرع الماريوت: الكيلو 5.5 طريق الكافوري

09/05/2018

https://www.facebook.com/alexrecoverycenter/videos/601412350223447/

08/03/2018

https://www.facebook.com/MaamouraTA/posts/606291776384053

محاضرات كورس الإدمان بمستشفى المعمورة للأسبوع القادم

20/02/2018

الـ ترامادول Tramadol....
بدأ تداول عقار الترامادول عام 1977 وكانت البداية في ألمانيا واستخدم كمسكن قوي يشبه بشكل أو بآخر مادة الكودايين ويستخدم لعلاج الآلام الشديدة.
**الامتصاص والفاعلية:
عند تعاطي الترامادول عن طريق الفم يمتص من خلال الجهاز الهضمي ليبدأ في الظهور بتركيز ملحوظ في البلازما بعد مرور 15 إلى 45 دقيقة من التعاطي ويصل إلى ذروة التركيز في البلازما بعد مرور ساعتين.
يتعامل الجسم مع مادة الترامادول لتكسيره أو ما يعرف علميًا بعملية الأيض أو Metabolism وذلك اعتمادًا بشكل رئيسي على الكبد حيث أن الكبد يقوم بتكسير أكثر من 85% من الجرعة ويتم التخلص من مادة الترامادول عبر الكلى بعد حوالي 6 – 10 ساعات وتطول هذه المدة في مرضى الكلى والكبد.
**آلية عمل الترامادول داخل الجسم:
يأتي تأثير عقار الترامادول داخل الجسم من خلال عمله بشكل مركزي (أى داخل المخ) وبشكل طرفي في باقي الجسم.
***العمل على مستوى المخ (التأثير المركزي):
مادة الترامادول ترتبطط بمستقبلات ميوالأفيونية وهى نفس المشتقبلات التي تعمل عليها مادة الهيرويين والكودايين، كما وجد أن مادة الترامادول بعد أيضها داخل الكبد تتحول إلى مادة ديكسامثيل وهذا المركب شديد الارتباط بهذه المستقبلات بالمخ.
كذلك وبشكل مركزي داخل الدماغ فإن الترامادول يعمل على تثبيط المستقبلات السيروتونين 5HT2c والذي بدوره يؤدي إلى زيادة الاحتمالية للإصابة بالتشنجات وهو أمر شائع بين متعاطي الترامادول والذي قد يؤدي إلى موت مفاجئ أحيانًا..
كما يساعد في زيادة احتمالية الإصابة بنوبات تشنجية هو تثبيط مستقبلات الجابا GABA بالمخ ويحدث ذلك مع الجرعات العالية.
***آلية العمل الطرفية:
تأتي آلية العمل الطرفية على الأعصاب الطرفية وهو ما يظهر دوره كمسكن قوي، ويحدث ذلك نتيجة قدرته على ضبط وتعديل النواقل العصبية (السيروتونين – النورإبينفرين).
كذلك فإن هناك الكثير من الأدلة العلمية التي تؤكد على عمل الترمادول من خلال دوره المثبط لمستقبلات النمدا NMDA والذي يسبب فاعلية في علاج الأطراف العصبية والتهاب الأعصاب.
لذلك ولقدرته على رفع السيروتونين وضبط مستواه بالجسم فقد يبدو للترامادول دورًا في تحسين الحالة المزاجية يشبه ما تفعله مضادات الاكتئاب من خلال تأثيره في تثبيط مستقبلات السيروتونين 5HT2c ولكن بسبب باقي آثاره الجانبية الخطيرة بالإضافة إلى درجته الإدمانية فلا يشفع له دوره في تحسين المزاج ليستعمل كمضاد للاكتئاب.. فالخسائر ستكون أضعاف المكاسب.
**الاستخدامات الطبية:
بالفعل الترامادول له استخدامات طبية منها:
علاج الآلام الشديدة سواء الحادة أو المزمنة كالأورام والكسور والحوادث وكذلك في علاج مرض الفيبرومالجيا.. ويظهر تأثيره كمسكن قوي للألم بعد ساعة تقريبًا من تناوله ويصل لذروة التأثير بعد ساعتين إلى 4 ساعات بعد تناوله بالفم.
وفاعليته كمسكن قوي قد تعادل مادة المورفين، فهو يصنف كأحد أدوية “قتل الألم” أو ما تسمى Pain Killer.
الصورة المتوفرة:
يتوفر في صورة أقراص وكبسولات وأمبولات ومنها ما يتوفر في صورة لبوس أو ممتدة المفعول.
**الآثار الجانبية لاستخدام الترامادول:
مادة الترامادول لها الكثير والكثير من الآثار الجانبية، ولكنها تختلف في معدل حدوثها فمنها الشائع ويحدث مع الكثير، ومنها قليل الحدوث.. لذا سنذكرها حسب شيوعها:
---الآثار الجانبية الشائعة جدً:
احساس بالدوار والغثيان.
إمساك.
الصداع.
قئ.
أرق.
-----الآثار الجانبية الشائعة الحدوث
(تحدث في حوالي 10% من متعاطي الترامادول):
هياج – قلق – تقلب في المزاج – عصبية.
احساس مؤقت بالانبساط.
شد في العضلات – اضطراب التحكم في الحركة – زيادة التوتر في العضلات.
عسر هضم – اسهال آلام في البطن – انتفاخ.
هرش.
جفاف الحلق.
الشعور بالارهاق – اضطراب النوم.
اتساع الأوعية الدموية.
اضطراب الوعى – اضطراب الرؤية ضيق حدقة العين.
فقدان الوزن.
اضطراب الدورة الشهرية.
دخول الحمام بشكل متكرر، واحتباس البول عند البعض.
-----تأثيرات “آثار” غير شائعة
(تحدث في 1%):
اضطراب ضربات القلب.
انخفاض ضغط الدم وربما يحدث هبوط حاد في الدورة الدموية نتيجة اتساع الأوعية الدموية المفاجئ الشامل.
القئ المتكرر والاحساس بالانتفاخ في المعدة.
حساسية (أرتيكاريا).
ارتجاف ورعشة.
إحمرار الوجه والأطراف.
-----آثار نادرة الحدوث
(تحدث في أقل من 1%):
بطء ضربات القلب.
اضطراب الشهية.
هلاوس.
ارتعاش الأطراف.
انخفاض معدل التنفس.
تشنجات (نادرة الحدوث مع التعاطي لكنها شائعة خلال الأعراض الانسحابية).
النهجان.
طنين الأذن.
الصداع النصفي.
حدوث متلازمة ستيفن جونسون Steven Johnson .. وهى متلازمة تحدث فيها الكثير من الفقاعات المائية في الجسم قد تؤدي إلى الوفاة.
زيادة مادة الكرياتين في الجسم.
ارتفاع إنزيمات الكبد.
الإصابة بالالتهاب الكبدي.
التهاب تجويف الفم.
ارتشاح بالرئتين.
النزيف بالأمعاء الغليظة والدقيقة.
جلطات القلب.
اضطراب الكلام.
انخفاض في الهيموجلوبين.
الفشل الكلوي.

**الأعراض الانسحابية للترامادول:
لأن مادة الترامادول تسبب اعتمادًا جسديًا ونفسيًا فعند التوقف عن التعاطي تظهر الكثير من الأعراض..
غالبًا ما يحدث الاعتماد الجسدي (وهو ارتباط الجسم بالمخدر ويصبح غير قادر على الوصول إلى حالة الاتزان بدونه، وعند التوقف عن تعاطي المادة المخدرة تظهر أعراضًا مزعجة تسمى الأعراض الانسحابية).
يحدث الاعتماد الجسدي بعد تعاطي الترامادول لفترات طويلة، وتزيد الاحتمالية أكثر مع الجرعات الأكبر، ولا يعني هذا أن من يتعاطى الترامادول لفترات قصيرة أو بجرعات صغيرة في مأمن.. بلى فهو ليس في مأمن لأن من خواص الترامادول أنه يسبب “التحمل” أو “Tolerance” وهو ما يعني أن نفس الجرعة تفقد تأثيرها على الجسم بمرور الوقت ولابد من زيادة الجرعة حتى يصل الشخص لنفس التأثير.. ولذا فإن من على بداية الطريق فلا محالة سيصل يومًا ما إلى جرعات أعلى حتى لو حاول أن يحجم من كمية تعاطيه.
الأعراض الانسحابية تشبه إلى حد كبير تلك الأعراض التي تحدث مع التوقف عن باقي الأفيونات كالهرويين بالإضافة إلى أعراض غير نمطية أخرى لا تحدث مع الهيرويين لكنها تحدث مع الترامادول مثل حدوث التشنجات عن التوقف عن التعاطي، وربما السبب في حدوث أشكال مختلفة من الأعراض الانسحابية هو آليتى العمل المركزية والطرفية اللاتي سبق الإشارة لهن وبسبب أماكن العمل، لذا تظهر مجموعات مختلفة من أعراض الانسحاب.
من أشهر الأعراض الانسحابية:
==أعراض جسدية.
الشعور بالاكتئاب والقلق والتقلب الشديد والسريع في المزاج.
العنف والعصبية.
احساس بومضات كهربية على الجلد.
متلازمة اهتزاز الرجل المتكررة.
العرق الشديد.
الأرق الشديد.
كوابيس.
صداع.
آلام بمختلف الجسم.
رعشات بالأطراف.
الشعور بالتنميل.
متى تبدأ ومتى تختفي؟
تبدأ الأعراض بعد 12 – 20 ساعة من آخر جرعة بينما تطول مدة الأعراض الانسحابيةأطول من الهيرويين لتستمر 7 أيام.
***علاج إدمان الترامادول:
لأن الترامادول يعتبر واحدًا من المواد المخدرة العالية الارتباط بالجسم والتوقف عنها فجأة يؤدي إلى أعراض انسحابية نفسية وجسدية، كذلك الاستمرار على تعاطيه يؤدي إلى عواقب وخيمة لذا فإن علاج إدمانه يحتاج إلى قرار سريع والاستعانة بالمتخصصين في علاج الإدمان ونحن في مركز ريكافري نولي ذلك عناية خاصة من خلال مرحلتين للعلاح
إقرأ العلاج بالتفصيل على موفع مركز ريكافري على هذا الرابط
http://www.recoveryalex.com/2018/…/03/الـ-ترامادول-tramadol/

06/02/2018

https://www.facebook.com/MaamouraTA/posts/590240831322481

المحاضرة العاشرة من Substance Use Disorder
Comprehensive course
-------------
Cognitive Behavioral Therapy In Addiction Management
للدكتور وائل كمال

02/01/2018