دكتورة/ أميرة بدوى أستاذ النساء والتوليد وعلاج العقم

  • Home
  • Egypt
  • Alexandria
  • دكتورة/ أميرة بدوى أستاذ النساء والتوليد وعلاج العقم

دكتورة/ أميرة بدوى أستاذ النساء والتوليد وعلاج العقم أستاذ أمراض النساء والتوليد وعلاج العقم
استشاري الأورام النسائية والمناظير المتقدمة Page Managed by AdMedica
https://www.facebook.com/admedica

تتشرف عيادة الدكتورة اميرة بدوى بتقديم الكثير من الخدمات الطبية المتخصصة فى مجال أمراض النساء والتوليد وعلاج العقم:

1- الكشف المبكر عن الأورام النسائية:
أخذ عينة من جدار الرحم بدون الحاجة الى تخدير.
أخذ عينة من عنق الرحم.
الفحص الدورى للثدى.
المتابعة الدورية بالموجات فوق الصوتية.

2- التطعيم الوقائي من سرطان الرحم.

3- المناظير النسائية:
المنظار الرحمى.
تشخيص وعلاج حالات تأخر الحمل وحالات النزيف.
المنظار البطني.

4- علاج حالات تأخر الإنجاب:
تشخيص وعلاج حالات تأخر الحمل.
تشخيص أسباب آلام الحوض المزمنة.
علاج حالات الحمل خارج الرحم.
استئصال أورام وأكياس المبيض.
إجراء العمليات مثل استئصال الأورام الليفية واستئصال الرحم بالمنظار.

4- توفير وتركيب وسائل تنظيم الأسرة مثل:
اللولب، كبسولة تحت الجلد، الحلقة المهبلية.

5- خدمات المتابعة المعتادة:
متابعة الحمل والحمل الحرج.
تشخيص وعلاج الالتهابات والنزيف.
الفحص الشامل والتوعية الطبية للمقبلات على الزواج والمتزوجات حديثًا.
المتابعة الطبية للسيدات بعد سن انقطاع الدورة.

وتعتبر عيادة د/ اميرة بدوى من المراكز النادرة المتخصصة في تشخيص وعلاج الأورام النسائية، وإجراء عمليات المناظير الدقيقة بأنواعها،
كما تتميز بوجود فريق طبي نسائي متميز أثناء الكشف بالعيادة، وخلال العمليات الجراحية المختلفة لمراعاة رغبة وخصوصية المريضات في العيادة.

نحن حريصون على متابعة كل جديد فيما يخص صحة الآنسة الصغيرة و السيدة الناضجة و على استعداد للإجابة والتواصل مع كل من لديها سؤال او استفسار.

ساعات الرحم بيكون "مش طبيعي".. لكن مفيش أعراض واضحة!تشوهات الرحم الخِلقية ممكن تكون موجودة من يوم الولادة، ومفيش أعراض ل...
25/09/2025

ساعات الرحم بيكون "مش طبيعي".. لكن مفيش أعراض واضحة!
تشوهات الرحم الخِلقية ممكن تكون موجودة من يوم الولادة، ومفيش أعراض لحد ما يحصل:
🔸 تأخر حمل.
🔸 إجهاض متكرر.
🔸 مغص شديد مع الدورة.

زي إيه؟
🔹 رحم ذو قرنين.
🔹 رحم حاجزي.
🔹 رحم غير مكتمل التكوين.
في عيادة د. أميرة بنعتمد على الأشعة الدقيقة والسونار ثلاثي الأبعاد والمنظار لتشخيص الحالة بدقة، وكتير من التشوهات ممكن تتعالج بمنظار بسيط.
عيادات أ.د أميرة بدوي… دايمًا معاكي 💜

ركبتي لولب وبتشتكي من ألم أو نزيف؟ ممكن يكون محتاج مراجعة عند طبيبة النساء. اللولب وسيلة فعالة وآمنة، لكن في حالات بيكون...
23/09/2025

ركبتي لولب وبتشتكي من ألم أو نزيف؟ ممكن يكون محتاج مراجعة عند طبيبة النساء.
اللولب وسيلة فعالة وآمنة، لكن في حالات بيكون فيه:
🔸 نزيف غير منتظم.
🔸 مغص مزمن.
🔸 التهابات متكررة.

ده مش طبيعي، وممكن يكون سببه:
🔹 تحرك اللولب من مكانه.
🔹 عدم ملاءمته لجسمك.
🔹 نوع مش مناسب ليكي.

في عيادة د. أميرة بدوي، بنعمل سونار بعد تركيب اللولب وبنتابع وضعه بشكل دوري علشان نتجنب المضاعفات دي.
اختيار وسيلة منع الحمل الصح بتبدأ من استشارة دقيقة.
عيادات أ.د أميرة بدوي… دايمًا معاكي 💜

جفاف المهبل ممكن يظهر في أي سن، ومالوش علاقة دايمًا بانقطاع الدورة.لو بتحسي بجفاف مستمر، أو ألم وقت العلاقة، أو حكة مقلق...
21/09/2025

جفاف المهبل ممكن يظهر في أي سن، ومالوش علاقة دايمًا بانقطاع الدورة.
لو بتحسي بجفاف مستمر، أو ألم وقت العلاقة، أو حكة مقلقة فده مش طبيعي، ومش لازم تفضلي متحملة.

السبب؟ ممكن يكون خلل هرموني، الرضاعة الطبيعية، بعض أنواع وسائل منع الحمل، أو حتى التوتر والضغط النفسي.
إهمال العلاج مش بس بيأثر على العلاقة الزوجية، لكنه كمان ممكن يؤدي لالتهابات متكررة، حكة، وألم مستمر، علشان كده التشخيص الصح والعلاج المناسب يفرقوا كتير في راحة السيدة ونمط حياتها بالكامل.
لو بتحسي بجفاف أو عدم راحة، مفيش داعي للتأجيل... راجعي طبيبة نسا وابدئي خطوة لاسترجاع توازنك.

في عيادة د. أميرة بدوي، بنحدّد السبب بدقة، ونعالج الجفاف سواء بكريمات موضعية أو علاج هرموني مناسب، حسب حالتك.
عيادات أ.د أميرة بدوي… دايمًا معاكي 💜

مش كل حالة سرطان مبيض سببها جيني.لكن وجود طفرة في جينات معينة زي BRCA1 أو BRCA2 بيزوّد بشكل كبير احتمالية الإصابة بسرطان...
18/09/2025

مش كل حالة سرطان مبيض سببها جيني.
لكن وجود طفرة في جينات معينة زي BRCA1 أو BRCA2 بيزوّد بشكل كبير احتمالية الإصابة بسرطان المبيض وسرطان الثدي، ولو في تاريخ عائلي لأي نوع من السرطان، خاصة سرطان الثدي أو المبيض، مهم تفكري تعملي اختبار جيني.

الاختبار بسيط، بيتعمل مرة واحدة بس، ونتيجته ممكن تغيّر مصيرك الصحي، بس ليه مهم؟ لأن لو كانت النتيجة إيجابية، وقتها تقدر الطبيبة تقترحلك خطوات استباقية:
فحوصات دورية دقيقة ومنتظمة - أدوية وقائية أو حتى إجراءات جراحية وقائية في بعض الحالات، وكل ده مش عشان نخوّفك، لكن عشان تكوني مستعدة، وتاخدي قرارات مبنية على المعلومة، مش على الافتراض.

معرفة تاريخك الجيني خطوة مهمة في طريق الوقاية.
🩺 عيادات أ.د أميرة بدوي دايمًا معاكي

في ٧٠٪ من الحالات، بيتم اكتشاف سرطان المبيض في مراحل متقدمة.مش علشان صعب يتشخّص، لكن علشان محدش بيربط بين الأعراض المتفر...
16/09/2025

في ٧٠٪ من الحالات، بيتم اكتشاف سرطان المبيض في مراحل متقدمة.
مش علشان صعب يتشخّص، لكن علشان محدش بيربط بين الأعراض المتفرقة وبعض والمشكلة الأكبر مفيش تحليل روتيني موثوق بيكشف المرض في بداياته.

علشان كده، الوعي الذاتي والفحص الدوري هما خط الدفاع الأول، يعني لو فيه تاريخ عائلي لأي سرطان نسائي (مبيض، ثدي، رحم)، يبقى لازم تبقي تحت المتابعة الطبية الدقيقة.
الفحص هو الأمان المبكر واللي بيتم عن طريق وسائل بتساعد زي:
- تحليل CA-125: بروتين ممكن يزيد مع وجود أورام، بس غير كافي لوحده.
- السونار المهبلي (Transvaginal ultrasound): أداة مهمة لرصد أي تغيرات في المبيضين.
- الرنين المغناطيسي أو الأشعة المقطعية في بعض الحالات.

الدقة بتكون دايمًا في الجمع بين الأعراض، التاريخ العائلي، والفحوصات.
🎗️ فحصك مش بس للطمأنينة.. ده خطوة استباقية علشان تفضلي بخير.
🩺 عيادات أ.د أميرة بدوي دايمًا معاكي

14/09/2025

طول الوقت بتسمعي دي عملت منظار علشان تخلف، ودي عملت منظار علشان عندها أورام ليفية، بس عمرك ما عرفتي المنظار الرحمي التشخيصي بيعمل إيه بالظبط ولا بنستخدمه أمتى ولا شكله إيه، علشان كده النهاردة دكتورة أميرة بدوي هتعرفك عليه بشكل بسيط جدًا.
عيادات أ.د أميرة بدوي دايمًا معاكي 💜

مين في خطر أكتر الستات اللي بتحس بأعراض لسرطان المبيض ولا اللي عندها الأعراض صامتة؟ مش كل ست معرضة بنفس الشكل، لكن في عو...
14/09/2025

مين في خطر أكتر الستات اللي بتحس بأعراض لسرطان المبيض ولا اللي عندها الأعراض صامتة؟
مش كل ست معرضة بنفس الشكل، لكن في عوامل بترفع احتمالية الإصابة بسرطان المبيض، منها:
- وجود تاريخ عائلي (سرطان مبيض، ثدي، قولون).
- التقدُّم في السن، خاصة بعد الـ ٥٠.
- الطفرات الجينية (زي BRCA1 وBRCA2).
- عدم الحمل مطلقًا أو الحمل بعد سن متأخر.
- استخدام طويل المدى لعلاجات الخصوبة بدون متابعة.
لو في عامل أو أكتر بينطبق عليكِ، لازم يبقى في متابعة دورية وفحص دقيق وافتكري التوعية مش بتخوّف، التوعية بتحمي.

🩺 عيادات أ.د أميرة بدوي دايمًا معاكي

في كل سنة، بيتم تشخيص مئات الآلاف من النساء حول العالم بسرطان المبيض.لكن ليه دايمًا بيتوصف بإنه "القاتل الصامت"؟ لأنه في...
11/09/2025

في كل سنة، بيتم تشخيص مئات الآلاف من النساء حول العالم بسرطان المبيض.
لكن ليه دايمًا بيتوصف بإنه "القاتل الصامت"؟ لأنه في بداياته بيكون صامت فعلاً… أعراضه مش واضحة، أو ممكن تتفهم غلط: نفخة مستمرة، تغيرات في المعدة، ألم في الحوض، أو حتى احتياج متكرر للتبول.

كلها أعراض بنعديها… لكن جسمك دايمًا بيحاول يقولك حاجة، وكل ما اكتشفنا السرطان بدري، كل ما زادت فرص النجاة والعلاج الفعّال.

مش لازم تكون الأعراض دي دليل قاطع، لكنها علامات تستحق الاهتمام… خصوصًا لو مستمرة أو جديدة عليكِ..🎗️ الشهر ده مش بس للتوعية… ده دعوة إننا نسمع لجسمنا كويس، لأن وعيّك هو أقوى سلاح في وجه أي مرض.
عيادات أ.د أميرة بدوي دايمًا معاكي.

10/09/2025

لو بتلاحظي افرازات دم في وقت غير الدورة، ضروري تهتمي بالتشخيص وتعرفي سببها.
لأن إفرازات الدم دي ممكن تكون لأسباب طبيعية بسيطة، وممكن تدل على مشاكل كبيرة لازم تبدأي في علاجها

07/09/2025

خبر مهم لكل الستات خصوصًا الحوامل واللي على وش ولادة..وزارة الصحة قررت تقليل عدد الولادات القيصرية نتيجة لنسبة ارتفاعها فى مصر بشكل ملحوظ جدًا.
اعرفي أكتر عن أسباب إجراء زي ده وهل فى مصلحتك ولا لا مع أ.د أميرة بدوي.
عيادات أ.د أميرة بدوي دايمًا معاكي

04/09/2025

إيه أخبار الدورة الشهرية عندك؟
بتيجي يومين وتخلص؟
بتقعد بالأسبوعين؟
بتيجي بنزيف جامد؟
مش بتيجي غير كل 3 شهور مرة؟
إنتي مين في دول؟

كل عام وأنتم بخير بمناسبة ذكرى مولد نبينا وشفعينا محمد صلى الله عليه وسلم (المولد النبوي الشريف)🥰
04/09/2025

كل عام وأنتم بخير بمناسبة ذكرى مولد نبينا وشفعينا محمد صلى الله عليه وسلم (المولد النبوي الشريف)🥰

Address

Port Said St, Cleopatra Square, Cleopatra Class Building
Alexandria
21618

Opening Hours

Tuesday 1pm - 5pm
Wednesday 1pm - 5pm
Thursday 1pm - 5pm
Saturday 1pm - 5pm
Sunday 1pm - 5pm

Telephone

+201118244487

Website

Alerts

Be the first to know and let us send you an email when دكتورة/ أميرة بدوى أستاذ النساء والتوليد وعلاج العقم posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to دكتورة/ أميرة بدوى أستاذ النساء والتوليد وعلاج العقم:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category