عيادة د شروق الهيتمى للتغذية و الرضاعة الطبيعية

07/10/2025

الان الحجز فى برنامج اعداد استشاري دولي في الرضاعة الطبيعية باللغة الإنجليزية
و برنامج اخر باللغة العربية نفس المحتوي و نأمل في موافقة الهيئة الدولية على عمل الامتحان باللغة العربية
البرنامجين يؤهلوا تماما للتعامل مع حالات عيادة الرضاعة الطبيعية.

ريفيو على البرنامج ككل
فى الكومنتات

ازاى الكورس ساعدك فى حياتك الشخصية؟

https://www.facebook.com/ibclcpreparation/videos/405326215918775

هل ساعدك البرنامج في الامتحان الدولي؟
https://www.facebook.com/ibclcpreparation/videos/406961135777189

ليه تبقي استشاري دولي فى الرضاعة الطبيعية؟
علم يضاف لعلمك ربنا جعله سبب فى انقاذ الكثير من الاطفال من الوفاة و امراض الإسهال و الجهاز التنفسي و عشرات الأمراض.
كل أم هيجي يوم و تحتاج للعلم ده مهما كانت فى أعلي المراتب هتلاقيها بتخبط عليكي و تقولك ساعديني و تساعديها بكل حب.
هتتدربي ازاى تفكرى فى الحالة بطريقة احترافية و توصلي للتشخيص و تحققى نجاحات حتي مع الحالات الصعبة زى حالات الإرضاع لكي تكفل طفل.
هتتعلمي مهارات التواصل مع المرضي اللي هتخليكي الطبيبة اللى كل الامهات بتفضل تكشف عندها و تتابع معاها أيا كان تخصصك.
هتقضي سنة في دراسة ممتعة شيقة و تتعلمي أساسيات الجودة و البحث العلمى و تغذية الطفل.
هتنضمي لنخبة من الأطباء اللامعين اللى عاملين مجتمع مبهر فى مساندتهم لبعض و تزويد بعض بأحدث الأبحاث العلمية .
هيبقي كل الزملاء بيبعتولك الحالات لو انتي الوحيدة فى مدينتك.

الحجز وباقى التفاصيل علي الرقم ده واتس 01207927220

01/10/2025

رفض الرضاعة مشكلة مؤلمة للأم
اول حاجة بقولها للام
هوه مش رافضك
هوه عايز يمص من الببرونة فلا تؤلمي نفسك بجملة رافضنى.
علاج رفض الرضاعة يعتمد علي tips و نصايح مهمة جدا جدا جدا:
1- وقف الببرونة و اللهاية تدريجي مع استشاري الرضاعة لو معرفتيش لوحدك
2- عدم تجويع الطفل
3-تجربة الثدي و الطفل شبعان
4-هتعلمى الطفل الكوب او السوفت كب و هو شبعان.ممكن ده يخليكي تعملى رضعة اكبر
بعض الاطفال لو شبعان نص بطن هيجرب
بعضهم لازم يبقي تقريبا شبعان تماما علشان يتقبل التعلم
5- ابنك لو علمتيه المشي هيمشي و يقع.لو علمتيه يشرب بالكوب لازم فى الاول يوقع فنصبر
6- ان يقع شوية لبن متعصر من صدرك,اهون ما يتعود على الببرونة و اللبن يقل و يروح خالص.فالمكسب البعيد بنبص عليه مش ببنبص لخسارة كام مل لبن
7-تلامس الجلد اساس فى العلاج بدون ملابس الا البامبرز
8-وضع الرضاعة الغلط يخلى الطفل مش عارف يمسك و يرفض الرضاعة
و بالتوفيق يا رب

26/09/2025

مساء الخير
د ايمان حمدى
اخصائى الرضاعة الطبيعية
تقدم الدعم الطبي و النفسي و الطبي لأول 5 امهات ترسل على الصفحة اليوم الصفحة اليوم باذن الله
ننتظركم

12/09/2025

رفض الطعام أهم مشكلة بتيجي عيادة تغذية الأطفال.
حاولت اجمع اهم نصايح للتركيز عليهم:
1-ممنوع تجري وراه بالطبق
2-ممنوع الغصب
3-ممنوع العصبية و الاكل يتقدم بابتسامة
4-ممنوع حد يقول فلان مش بياكل او يسخر منه
5-ممنوع توفر الاكل كل الوقت.الوقت بمواعيد و مدة الوجبة تلت ساعة
6- تقليل الحليب تحت اشراف الطبيب
عملتى كل ده و لسه رافض ,بقي فيه تخصص و جلسات لعلاج المشكلة دى.لا تترددى فى طلب المساعدة

30/08/2025

https://www.facebook.com/share/p/179s42SqJp/
الجميلة د اسماء صادق
رجاء النشر فى جروبات الامهات

د.أسماء صادق استشاري طب الأطفال وحديثي الولادة تتحدث عن دخول الأطفال الرضع وكيف يتعامل الأب والأم مع دخوله الحضانة وتهيئته بعد الخروج ...

29/08/2025

https://www.facebook.com/share/1F7WN1TzHm/
الف مبروك د مي عيادة الرضاعة الطبيعية و تنظيم الاسرة و طب الاسرة فى العريش
ابعتوا اسئلتكم لدكتورة مي

. د. مي وحيد
اخصائية طب الأسرة
اخصائية الرضاعة الطبيعية
Care for Mom and baby 💕

26/08/2025

تبرعاتها الهائلة ساعدت في إطعام أكثر من 350 ألف طفل مبتسر وذوي احتياجات طبية خاصة، معظمهم عبر بنك الحليب "Mothers’ Milk Bank of North Texas"، حيث أن لترًا واحدًا فقط قادر على تغذية نحو 11 رضيعًا.

بدأت أليز رحلة العطاء عام 2010 بعدما أدركت أنها تنتج كميات تفوق ما يحتاجه طفلها. ومنذ ذلك الحين، التزمت بجدول مرهق يقوم على الضخ كل ثلاث ساعات، ليلًا ونهارًا، لسنوات، ليصبح تفانيها مصدر حياة لآلاف المواليد الضعفاء، ويمنحها اعترافًا عالميًا بفضل الأثر الإنساني الكبير الذي صنعته.

26/08/2025

بحث عظيم لحماية اطفالنا من الامراض المناعية.
رجاء ملء الاستبيان لكل ام عندها مرض مناعي حتى لو اولادها كبروا
الاستبيان فى الكومنتات

21/08/2025

تلامس الجلد للجلد لازم بدون ملابس من الامام خاااااااااالص.و حل مشكلة البيبى اللى كل ما يتحط على الصدر ينام
الرسالة دى جتلى:
د شروق
بنتى على طول بتعيط واول ما احطها فى السرير تصحى.
رغم ان ده مش اول طفل بس فقدت الثقة فى لبني و انها بتشبع.
و كمان مش عارفة اصحيها.
كل ما اعطيها صدرى تنام.
كان ردى :اعملى تلامس الجلد للجلد بدون ملابس.
ردت: ما انا هدومى مفتوحة و حطاها على جسمى طول اليوم
قلتلها :لا
لازم بدون ملابس من الامام خالص.
بعد يوم جه الرد ده:
ربنا يباركلك دكتور شروق .
عملت الجلد للجلد فرق كتير جدا.
واللهم لك الحمد بدات ترضع كويس كنت الاول مفكره اني لابسه مفتوح وهي لابسه مفتوح دا كافي.
لاني كنت مكسله اقلع والبس.. خصوصا اني والده قيصري
بس اللهم لكل الحمد الدنيا اتحسنت.
وهي هديت عن الاول كتير.
شكرا لحضرتك.