Dr. Mohammed Arnous - د. محمد عرنوس

Dr. Mohammed Arnous - د. محمد عرنوس Contact information, map and directions, contact form, opening hours, services, ratings, photos, videos and announcements from Dr. Mohammed Arnous - د. محمد عرنوس, عمارة 1 ، ش ٢٨٩ من شارع كمال الدين صلاح خلف كونتينيتال تاورز، بجوار مستشفى المدينة للمرأة ، سموحة, Alexandria.

أول حلقة من بودكاست الكلام على إيه ❤️الحلقة الأولى عن: البداية والاستمرارية بما إنها تجربة جديدة واستنوا حلقة جديدة كل ي...
01/01/2026

أول حلقة من بودكاست الكلام على إيه ❤️

الحلقة الأولى عن: البداية والاستمرارية بما إنها تجربة جديدة واستنوا حلقة جديدة كل يوم خميس الساعة ٨ مساءًا

لينك الحلقة :
https://youtu.be/FRSY8Is9G5A?si=aXjLoDqdTuISLQOt

ومستني رأيكم اللي أكيد هيفرق معانا ❤️

مين يعرف يخمن وصلنا للنتيجة دي خلال كام شهر ؟
30/12/2025

مين يعرف يخمن وصلنا للنتيجة دي خلال كام شهر ؟

إيه رأيكم في التغيير ؟القشور التجميلية UltraThin Veneers ❤️
27/12/2025

إيه رأيكم في التغيير ؟

القشور التجميلية UltraThin Veneers ❤️

في بعض الحالات تكون الحشوات التجميلية حل مناسب وبسيط وبتكلفة أقل ❤️احجز موعدك دلوقتي في
22/12/2025

في بعض الحالات تكون الحشوات التجميلية حل مناسب وبسيط وبتكلفة أقل ❤️

احجز موعدك دلوقتي في

علاج سن مكسور بإستخدام الحشو التجميلي .. ❤️ابعتلنا رسالة لحجز موعدك في
22/12/2025

علاج سن مكسور بإستخدام الحشو التجميلي .. ❤️

ابعتلنا رسالة لحجز موعدك في

18/12/2025

خلصت تقويم وأسناني لسه بارزة ؟ 😢

فرق 8 شهور مع تقويم الأسنان ❤️
17/12/2025

فرق 8 شهور مع تقويم الأسنان ❤️

تزاحم الأسنان (Crowding): ليه بتحصل؟ وهل الخلع هو الحلدايماً؟هكلمكم عن مشكلة بنشوفها كتير جداً، وهي إن الأسنان مش واخده ...
17/12/2025

تزاحم الأسنان (Crowding): ليه بتحصل؟ وهل الخلع هو الحل
دايماً؟

هكلمكم عن مشكلة بنشوفها كتير جداً، وهي إن الأسنان مش واخده مكانها ومتركبة فوق بعض أو شكلها مش منتظم .. دي اللي بنسميها "تزاحم الأسنان".

​إيه اللي بيسبب "التزاحم" ده؟

​التزاحم مش سبب واحد، وزي ما دايما بقول، التشخيص الصح هو اللي بيفرق. المشكلة ببساطة هي عدم تناسب بين حجم الأسنان وحجم عظام الفك اللي المفروض تستوعبها.

​🟢 حجم الأسنان كبير والفك صغير: وده أشهر سبب. الأسنان بتكون حجمها طبيعي أو حتى كبير، لكن عظمة الفك نفسه صغيرة ومش كافية إنها ترص كل الأسنان جنب بعض بشكل منتظم. فتبدأ الأسنان "تتخانق" على المكان وتطلع مايلة أو متداخلة.

​🟢 فقدان مبكر لأسنان لبنية: لما الطفل يفقد سنة لبنية (سواء بسبب خلع أو سوس) بدري عن ميعادها، ممكن الأسنان اللي جنبها تتحرك وتسد المكان بتاع السنة الدايمة اللي لسه هتطلع. لما تيجي السنة الدايمة تطلع، مش بتلاقي مكانها فتطلع في مكان غلط أو متزاحمة.

​🟢 أسباب وراثية وعوامل نمو: أحياناً بيكون فيه عوامل وراثية بتؤدي لعدم تناسب بين حجم الفك العلوي والسفلي أو بين حجم الأسنان وحجم الفكين.

​🟢 أسنان زيادة أو مدفونة (Supernumerary/Impacted Teeth): وجود سنة زيادة (أو أكثر) في الفك أو أسنان مدفونة مش عارفة تطلع، ده بيستهلك مساحة مهمة وبيخلي باقي الأسنان تتزاحم.

​⬅️ إزاي دكتور التقويم بيشخص حالتك؟

​التزاحم مش بس شكل وحش، ده بيأثر على النظافة وصحة اللثة!

عشان كده التشخيص الدقيق من دكتور تقويم مختص هو الأهم:

​الفحص الإكلينيكي اللي هو الكشف: الدكتور بيقيس المسافات ويشوف حجم كل سن، ويحدد لو فيه مساحة كافية للأسنان كلها. وبيشوف كمان وضع الأسنان بالنسبة لبعضها وطريقة الإطباق.

​قوالب الدراسة (Study Models): دي بتخلي الدكتور يشوف شكل الفكين والأسنان من كل الزوايا ويقيس المسافات بالمللي عشان يحدد كمية التزاحم بالظبط.

​الأشعة البانورامية (Panoramic X-Ray): مهمة جداً عشان نشوف لو فيه أسنان مدفونة أو أسنان زيادة أو أي مشكلة في جذور الأسنان وعظام الفكين.

​⬅️ حلول علاج التزاحم: هل الخلع هو الحل الوحيد؟

​الخلع مش دايماً هو الحل، لكنه أحياناً بيكون الضرورة اللي بتضمنلك أفضل نتيجة!

​التوسيع (Expansion): لو المشكلة بسيطة أو متوسطة، ممكن نستخدم أجهزة لتوسيع الفك (خصوصاً العلوي) في مرحلة النمو، أو حتى في الكبار بشكل محدود، وده بيوفر مساحة كافية لترتيب الأسنان.

​برد الأسنان (Interproximal Reduction - IPR): لو التزاحم بسيط جداً، ممكن الدكتور يبرد جزء صغير جداً (لا يتجاوز جزء من الملليمتر) بين الأسنان ودي عملية آمنة جداً وإجراء طبيعي وآمن احيانا بنلجأله خاصة في حالات التزاحم البسيطة لأنها بتوفر مساحة صغيرة لكن مؤثرة.

​الخلع: لما يكون التزاحم كبير جداً أو مثلا في مشكلة تانية مع التزاحم زي بروز الأسنان ، بتكون المساحة اللي محتاجينها عشان نرتب الأسنان صعب نوفرها بالتوسيع أو البرد لوحده. هنا بيكون خلع ضرس (غالباً الضاحك) هو الخيار الأفضل والأكثر أماناً عشان نرجع باقي الأسنان لوضعها الصحيح ونحقق ابتسامة متناسقة ومستقرة. قرار الخلع ده بيكون محسوب بالمللي وبيطلع من الأشعات والقياسات عشان يضمن نتيجة مثالية.

نصيحة مهمة بقى لحالات التزاحم:
​مهم جدا تلتزم بالنظافة لإن الأسنان المتزاحمة بتكون عرضة أكتر لتراكم بقايا الطعام والبلاك، وده بيزود خطر التسوس والتهاب اللثة. لو هتبدأ تقويم لتصحيح التزاحم، خلي بالك إن العناية بالأسنان هتكون أصعب ومحتاجة مجهود مضاعف منك عشان تحافظ على أسنانك أثناء العلاج.

لو عندكم اي حاجة تخص تقويم الأسنان محتاجين اوضحها واتكلم فيها اكتبوهالي في الكومنتات وان شاء الله اوضحهالكم ❤️

هكلمكم عن مشكلة شائعة بنشوفها دايما عند الأطفال أو الكبار وهي بروز الأسنان ..إيه اللي بيسبب "البروز" ده؟ أولًا لازم نعرف...
12/12/2025

هكلمكم عن مشكلة شائعة بنشوفها دايما عند الأطفال أو الكبار وهي بروز الأسنان ..

إيه اللي بيسبب "البروز" ده؟

أولًا لازم نعرف إن البروز مش سبب واحد، والتشخيص الصح هو
اللي بيفرق

​🟢 يعني ممكن يكون البروز في الأسنان أو الفك العلوي : يعني الأسنان الأمامية طالعة لقدام بزاوية أكبر من الطبيعي (سواء بسبب عادات غلط زي مص الإصبع زمان عند الأطفال اللي بتستمر بعد سن ٦ سنين، أو تزاحم الأسنان خلاها تندفع للأمام).

ونخلي بالنا إن في فرق بين بروز الأسنان العلوية أو إن البروز والسبب يكون في الفك العلوي هو اللي بارز وممكن تكون المشكلة في الاتنين مع بعض، يعني الأسنان بارزة والفك بارز. ومفيش حد هيقدر يفيدك ويشخص المشلكة دي ويوضحلك السبب غير دكتور تقويم الأسنان المختص بعد ما يشوف والاشعات ويكشف عليك.

​🟢 أو السبب يكون في الفك السفلي: وهنا المفاجأة! إن المشكلة مش في السنان اللي فوق، لكن الفك اللي تحت اللي راجع لورا بسبب تأخر نمو الفك السفلي ، فبيبان إن الفك العلوي والأسنان العلوية بارز زيادة.

​🟢 المشكلتين مع بعض: وده بيخلي البروز يكون أوضح وأكبر، لأن المشكلة بتكون مزدوجة مشكلة في الأسنان والفك العلوي مثلا وكمان الفك السفلي متراجع.

⬅️ إزاي دكتور التقويم بيشخص حالتك ؟

​البروز مش بيتشاف بالعين بس ولا انت اللي تقدر تشخص نفسك، وده اللي بيخلي
التشخيص الصح هو أهم خطوة:

​الفحص الإكلينيكي: وده معناه إن الكشف في العيادة ومع دكتور مختص علشان يشوف الابتسامة وشكل الوجه الجانبي (البروفايل) وطريقة قفل الشفايف. ويشوف ويقيم وضع وميل الأسنان والإطباق بين الأسنان العلوية والسفلية.

​الأشعة الجانبية (السيفالومتري): دي الأهم! الأشعة دي بتخلينا نعرف العلاقة بين عظام الفك العلوي والسفلي ووضع الأسنان بالنسبة لبعض، وساعتها نعرف المشكلة جاية من الأسنان ولا من عظم الفك نفسه.

​ ⬅️ نصيحة لحالات البروز:

​التدخل المبكر: لو المشكلة في الفك السفلي (تراجع)، التدخل بالتقويم في سن صغير (مرحلة النمو من سن ٩ سنوات لحد 12 سنة) ممكن يجنبك جراحة كبيرة في المستقبل.

​الخلع : أحياناً بيكون خلع ضرس (عادة الضاحك) هو الحل علشان نلاقي مساحة كافية ترجع فيها الأسنان الأمامية لورا بشكل طبيعي ومتناسق مع الوجه. الدكتور بيقرر ده مش عشان يصعبها، لكن عشان يضمنلك نتيجة مثالية إن شاء الله.

​خطة العلاج مفصلة ليك: مافيش خطة بروز زي التانية ومش كل الحالات زي بعض (ماتقيسش حالتك على حالة حد تعرفه)، علشان كده اختار الدكتور المتخصص اللي هتروحله عشان هذياخد وقته في التشخيص ويشرحلك خطتك بالظبط.

10/12/2025

اللي محتاج يعمل تقويم أسنان أو يعرف حد محتاج يعمل بس غير مقتدر ماديًا ..❤️ هختار إن شاء الله ٣ حالات للعلاج مجانًا

⛔ ملحوظة هامة :
برجاء ترك المجال فقط للحالات الغير مقتدرة ماديًا ومحتاج تقويم للأسنان

الشروط:
- سن الحالة لا يتعدى 18 سنة ( الأولوية هتكون للأطفال )
- هيتم الكشف على الحالات المختارة مجانًا للتشخيص وتحديد خطة العلاج وتوضيحها.
- قبول الحالة أو عدمه هيتم بعد الكشف على الحالة.

📌 اكتب كومنت بالفرع اللي حابب تشرفنا فيه وهيتم اختيار حالة واحدة لكل فرع بشكل عشوائي من الكومنتات يوم ٢٠ ديسمبر إن شاء الله ❤️

06/12/2025

ثم يُرضيك الله كأنك لم تحزن يومًا ♥️

02/12/2025

ازاي تاكل أي حاجة ممنوعة مع تقويم الأسنان 😄 ؟!

كل اللي عامل تقويم أسنان عارف إن في ممنوعات ماينفعش ناكلها خلال رحلة العلاج علشان التقويم مايتكسرش .. ومن الحاجات الممنوعة خلال فترة التقويم هي المكسرات بكل أنواعها واللي أكيد كلنا بنحبها 🤓 ..

طبعاً المسكرات ممنوعة لإنها بتكون ناشفة وبسهولة ممكن تكسر تقويم الأسنان وبكده ممكن فترة العلاج تطول أكتر من اللازم ..

السؤال المهم بقى ازاي ناكل المكسرات واحنا عاملين تقويم ؟ 🤔

⬅️ الحل الأول :
إنك تكون عامل Aligners وده نوع من أنواع التقويم الشفاف المتحرك والغير ثابت وإللي بتقدر تشيله قبل الأكل .. وبكده تقدر تاكل كل حاجة نفسك فيها ومفيش أي حاجة ممنوعة.

⬅️ الحل الثاني :
إنك لو عامل تقويم أسنان ثابت سواء معدني أو شفاف وحابب تستفيد من فوائد المكسرات ومش عارف تاكلها خلال فترة العلاج .. أبسط حل هو طحنها .. وتقدر تضيفها على أنواع مختلفة من المشروبات زي اللبن أو عصائر الفواكه!

طحن المكسرات واضافتها لأي مشروب بتحبه هيخليك تقدر تستفيد من فوائد المكسرات إللي بتحبها وفي نفس الوقت تستمتع بطعمها من غير ما تكسر تقويم أسنانك ..

وفي بعض المشروبات ممكن أرشحهالكم عن تجربة دكتور تقويم أسنان 😅❤️

1- عصير فستق بالحليب.
2- عصير شيكولاته مع البندق.
3- عصير اللوز مع الحليب والعسل.

وياريت لو حد عنده أي تجارب وحلول حلوة تانية يشاركها معانا .. علشان يستفيد منها أى حد في رحلته مع تقويم الأسنان ❤️

Address

عمارة 1 ، ش ٢٨٩ من شارع كمال الدين صلاح خلف كونتينيتال تاورز، بجوار مستشفى المدينة للمرأة ، سموحة
Alexandria

Telephone

+201205810871

Website

Alerts

Be the first to know and let us send you an email when Dr. Mohammed Arnous - د. محمد عرنوس posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram