10/07/2025
حج فلان، 45 سنة، مريض سكري بقاله 10 سنين، كان دايمًا ملتزم بقياس السكر، وكل ما يلاقيه مضبوط كان بيطمن، ويقول:
"طالما السكر كويس، يبقى مفيش مشاكل تانية!
لحد ما في زيارة روتينية، الدكتور طلب منه تحليل:
Albumin/Creatinine Ratio (ACR)
الحج استغرب:
"هو أنا عندي مشكلة في الكلى؟ ده تحاليل البول دايمًا سليمة!"
🟡 رد الدكتور كان واضح:
"يا حج، تحليل الشريط مش كفاية!
في حاجة اسمها ميكروألبومينوريا (Microalbuminuria) ده عبارة عن تسريب وظهور كميات صغيرة من الالبيومين في البول ، بمستويات أعلى من الطبيعي، ولكنها أقل من أن تُكتشف باستخدام شرائط الفحص الروتينية (Dipstick)، مش بتبان في تحاليل البول العادية ،
ودي أول علامة على إن الكلى بدأت تتأثر من السكر!"
فبتكشف بداية اعتلال الكلى في مرضى السكر
diabetic nephropathy
وده ممكن نلحقه بدري ونمنع تدهوره
🟡 ليه الميكروألبومينوريا مهمة؟
أول علامة مبكرة على اعتلال الكلى السكري (diabetic nephropathy)
لو اكتشفناها بدري، ممكن نوقف تدهور الكلى
مؤشر خطر لأمراض القلب
مرتبطة بارتفاع الضغط وسوء التحكم في السكر
🟡 طيب إيه هو Albumin/Creatinine Ratio (ACR)؟
المؤسسة الوطنية للكلى (National Kidney Foundatio - NKF) تعتبر نسبة الألبومين إلى الكرياتينين في البول من أهم الفحوصات للكشف المبكر عن أمراض الكلى، خاصة في الأشخاص المعرضين للخطر مثل مرضى السكري وارتفاع ضغط الدم.
هو اختبار معملي يُستخدم لقياس كمية الألبومين (نوع من البروتين) في البول مقارنةً بنسبة الكرياتينين، وهو ناتج طبيعي من عمليات العضلات.
في عينة بول ( تاني عينة بول صباحية أو عينة عشوائية )
🟡 ليه بنستخدم الكرياتينين؟
لأن تركيز البول يختلف حسب شرب الماء، يتم تصحيح تركيز الألبومين بكمية الكرياتينين للحصول على نسبة دقيقة.
🟡طيب ليه بنعمل تحليل ال ACR لو عندنا eGFR؟
لأن Microalbuminuria بيكشف عن ضرر مبكر في الكلى قبل ما eGFR يتأثر ، ممكن eGFR يكون طبيعي لكن الزلال في البول بدأ يظهر، وده إنذار مبكر خصوصًا لمرضى السكر والضغط.
🟡 إمتى نعمل التحليل؟
النوع التاني من السكري: من يوم التشخيص
النوع الأول: بعد 5 سنين من التشخيص
لو التحليل طلع طبيعي: مرة كل سنة
لو فيه ميكروألبومين: المتابعة بتكون حسب الحالة، وغالبًا بتتكرر كل 3–6 شهور مع بدء علاج.
🟡 مين لازم يعمل التحليل؟
🌱أي مريض سكر (النوع الأول بعد 5 سنين من التشخيص، والنوع التاني من أول يوم)
🌱مرضى ضغط الدم المرتفع
🌱أي حد عنده تاريخ عائلي لأمراض الكلى أو القلب
🟡 طريقة التحليل في المعمل:
الخطوات كالتالي:
1. نقيس Microalbumin in urine ( بمحلول خاص به)
والنتيجة هتكون بال Mg/L ، هاخد النتيجة دى واقسمها على 10 عشان احولها من
Mg/L to Mg/dl
2. نقيس Creatinine في البول
بنفس كاشف الدم ، ولكن نقوم بتخفيف اليورن 50 مرة ولكن نضرب النتيجه ف معامل التخفيف ثم نقوم بقسمه النتيجه على 1000 لتحويلها من
mg/dl to gm/dl
علشان في الاخر تكون النتيجة :
ACR= ALb( mg) /Creat(gm)
3. نقسم نتيجة الألبيومين على الكرياتينين
وده اسمه ACR
🟡 نأكد بمثال 🫣❤️👇
Albumin in Urine = 45 mg/L ➡️ ÷10 ➡️ 4.5 mg/dl
Creatinine in Urine = 150 mg/dl ➡️ ÷1000 → 0.15 g/dl
ACR = 4.5 / 0.15 = 30 mg/g
وده معناه بداية ميكروألبومينوريا!
🟡 المعدلات الطبيعية !؟
قديما كان يتم استخدام : 👇
ACR أقل من 30 ➡️ Normal
ACR بين ( 30-300 ) ➡️ known as microalbuminuria, and it may indicate early kidney disease.
ACR فوق 300 ➡️ macroalbuminuria, and it indicates more advanced kidney disease.
بروتينوريا واضحة ( تظهر في شريط البول )
💡👈ولكن أظهرت الأبحاث الحديثة أن أي مستوى من uACR يتجاوز المعدل المطلوب يُعتبر عامل خطر للمضاعفات. ولهذا، أصبح يُطلق على أي مستوى يتجاوز 30 ملجم/جم مصطلح "ألبومينوريا" فقط، بدلاً من تقسيمه إلى ميكرو وماكرو.
🟡 شوية ملاحظات مهمة:🧪🧪
✅ يمكن لأيّ من العوامل التالية أن يؤدي إلى نتيجة أعلى من الطبيعي:
وجود دم في البول
الحُمّى
ممارسة الكثير من التمارين الرياضية قبل التحليل مباشرة
أمراض كلى أخرى
الجفاف
عدوى في المسالك البولية
بعض الأدوية :
السلفوناميدات (Sulfonamides)
الأسبرين (Aspirin - Bufferin)
الإيبوبروفين (Ibuprofen - Advil)
فينازوبيريدين (Phenazopyridine - Pyridium
✅✅✅ لو نتيجة التحليل طلعت إيجابية⬅️ لازم نكرر التحليل على 3 عينات مختلفة خلال 3 إلى 6 شهور، ونعتبر التشخيص مؤكد لو 2 من 3 طلعوا إيجابيين.
🟡 واخيرا .. طب إيه اللي حصل مع حج فلان؟
بعد ما اكتشف بداية اعتلال كلى، بدأ علاج للضغط، ظبط السكر أكتر، واخد أدوية تحافظ على الكُلى.
يعني باختصار... الكشف المبكر أنقذ كليته!
د. ايمان علي 🔬
#الميكروألبومينوريا
