Dr. Reham Hassan

26/01/2026

شكراً موقع News Masr علي المقال الرائع للكتاب 🌹

صدر حديثا كتاب “العدوي النفسية لأبناء الأمهات المضطربات نفسيا” للدكتورة ريهام حسن استشاري الصحة النفسية، عن دار الأديب للطبع والنشر والتوزيع والترجمة، وتشارك به ...

25/01/2026

العدوي النفسية 💡
دار الأديب صالة رقم (1) جناح C22

24/01/2026

من كتاب العدوي النفسية 💡
#وعي

23/01/2026

الخذلان بيغيّرنا… بس مش لازم يقفلنا
بعد الخذلان، الطبيعي إن الثقة تهتز، وإن القلب يبقى حذر زيادة عن اللزوم.
مش كل حذر قوة، ومش كل انغلاق حماية.
الجرح محتاج وقت ووعي، مش قفلة كاملة ولا اندفاع أعمى.
اللي اتخذلوا غالبًا بيبقوا بين خوفين: يقربوا فيتأذوا، أو يبعدوا فيرتاحوا بس يحسوا بالوحدة.
💡 لما تدخل علاقة جديدة، خُد وقتك في القرب، راقب الأفعال مش الكلام، واسمح لنفسك تفتح مساحة صغيرة للثقة بدل ما تقفل الباب كله مرة واحدة.
#وعي

23/01/2026

العقل أحيانًا بيكبر الاحتمال لحد ما يتحول لكارثة
التفكير الكارثي 💡 هو إن دماغك تمسك احتمال صغير وتبني عليه أسوأ سيناريو ممكن، كأن النتيجة السلبية أكيدة قبل ما تحصل.
ده بيخلق قلق مستمر ويخليك تعيش الخوف بدل ما تعيش الواقع.
اللي بيحصل إن العقل بيحاول يحميك، لكنه بيعمل ده بطريقة مرهقة.
💡لو حصل تأخير بسيط أو خطأ صغير، ودماغك قالت “أكيد كل حاجة هتبوظ”، وقف لحظة واسأل نفسك: “إيه الدليل الحقيقي؟ وإيه أسوأ حاجة ممكن تحصل فعلًا؟ وغالبًا هتعرف إن الاحتمال أقل بكتير مما تتخيل”
#وعي

21/01/2026

بإذن الله هكون موجودة يوم السبت الساعة ٤ مساء 🌹
بمعرض الكتاب في دورته القادمة للعام 2026م بدار الأديب للطبع والنشر والتوزيع والترجمة بصالة رقم 1 جناح C22

19/01/2026

الراحة النفسية مش معناها الهروب
الهروب المؤقت بيخلّي المشكلة ترجع أكبر.
الراحة الحقيقية إنك توازن بين إنك تواجه، وإنك تدي نفسك فرصة تهدى.
مش كل موقف ينفع فيه المواجهة، ومش كل تعب محتاج حل فوري.
💡 لو حاسس بضغط، اسمح لنفسك بفاصل بسيط، وبعده قرّر هتكمّل إزاي بعقل أهدى.
#وعي

17/01/2026

بدل ما تقول “أنا مش المفروض أحس كده”، اسأل 💡 “الإحساس ده بيقول لي إيه؟”.
#وعي

16/01/2026

مش كل صوت جواكي يبقى صوتك… في أصوات اتزرعت زمان نقد، مقارنة، قسوة، وخوف. كبرنا… بس الصوت فضِل. كل مرة تقولي على نفسك “غبية” أو “حظي وحش” اسألي: ده رأيي؟ ولا صدى كلام قديم؟ الشفا مش في جلد الذات . طلّقي صوت الماضي وابدئي علاقة صحية مع نفسك 🤍
#وعي

13/01/2026

البساطة مش هروب… البساطة شجاعة 💡
البساطة اختيار… مش رفاهية. تعيشها ببساطة رغم إن البساطة بقت أصعب من زمان. الضغوط كترت لدرجة إننا بقينا محتاجين نرتّب ضغوطنا، ونحط أولويات لكل مشكلة قبل ما نحلّها. نخلّص واحدة ونبدأ اللي بعدها.
القلق بقى جزء من اليوم، والمسؤوليات بتزيد، ووسط كل ده بنسأل: ليه البساطة بقت معقّدة؟
مع إنها في الأصل قرار… قرار إنك تعيش أهدى، أبسط، وجواك هادي بعيد عن المقارنات والمظاهر. قيّم نفسك وظروفك بصدق، من غير ما تبص في ورقة حد تاني. قلّل السوشيال ميديا، لأنها بتعرض حياة مش حقيقية، ومع الوقت هتصدقها غصب عنك.
عيش على قد إمكانياتك، تقبّل واقعك، واشتغل واجتهد واتقن شغلك. ربّي ولادك على القيم بالحب و الرحمة، الانضباط، والمسؤولية. هتلاقي إنك بتخلق شخصيات متوازنة وقادرة تعتمد على نفسها.
البساطة مش مستحيلة… لكنها اختيار. اختيار إنك تحط نفسك فوق الضغوط، وتحمي حقيقتك من المقارنات.

#وعي

13/01/2026

كتابي الجديد بقى موجود🤲🤲
الكتاب ده كانت رحلته معايا مليانة شغف، تعب، أفكار، وكل صفحة فيه فيها جزء مني ❤️
ممتنة لكل اللي دعمني وشجعني طول الطريق، ولكل اللي ساعدوني أقدر أخلي حلمي حقيقة.🌹
قريب هشارك معاكم أماكن الحصول عليه وكل التفاصيل، ومستنية أعرف رأيكم وتجاربكم معاه
انتظروني قريبًا في معرض الكتاب 💡
الحمد لله 🤲

12/01/2026

التعب النفسي مش دايمًا واضح… بس إحساسه حقيقي
في أيام بتصحى فيها مش قادر، من غير سبب مباشر، وبتحس إنك مستنزف حتى لو معملتش مجهود كبير.
ده مش كسل، ده تراكم ضغط ومشاعر متقالتش.
الإنكار بيزود الحمل، لكن الاعتراف بيخفف.
💡لما تحس بثِقل من غير سبب واضح، اسأل نفسك “أنا محتاج إيه دلوقتي؟” مش “مالك؟” السؤال الصح بيفتح باب الراحة.

#وعي