الدكتور : محمود عزت الحسيني - Kids clinic

الدكتور : محمود عزت الحسيني - Kids clinic مركز Kids Clinic😍
أحدث مركز لطب الأطفال و حديثي الولادة
📍 السنبلاوين - 📍 تمي الأمديد https://maps.google.com/?q=30.882689,31.461550
(1)

02/12/2025

مهم جداً السوشيال ميديا ضرر كبير علي الأطفال ⚠️⚠️🫨
#اكسبلور

01/12/2025

الحمد لله
حاجه كده تفتح النفس على الصبح
شكرا جزيلا لصاحب الفيديو

فعلا احلي دعوة من احلي مكان

شكرا ام يوسف محمد

خطر السوشيال ميديا علي الأطفال ⚠️⚠️الفيديو الجاي مهم جداً جداً لكل أولياء الأمور 🤝مين منتظر الفيديو ؟ 🤔
30/11/2025

خطر السوشيال ميديا علي الأطفال ⚠️⚠️
الفيديو الجاي مهم جداً جداً لكل أولياء الأمور 🤝
مين منتظر الفيديو ؟ 🤔

شكرا جزيلا علي الكلام الجميل ده ده واجبي والكلام الجميل ده بيدي ليا دفعه جامدةاللهم استخدمنا ولا تستبدلنا
28/11/2025

شكرا جزيلا علي الكلام الجميل ده
ده واجبي
والكلام الجميل ده بيدي ليا دفعه جامدة
اللهم استخدمنا ولا تستبدلنا

اقسم بالله رساله زي دي تنسي الواحد تعب اليوم وتديله دفعه قويهشكرا جزيلا بس دا واجبييا رب استخدمنا ولا تستبدلنا
23/11/2025

اقسم بالله رساله زي دي تنسي الواحد تعب اليوم وتديله دفعه قويه
شكرا جزيلا بس دا واجبي
يا رب استخدمنا ولا تستبدلنا

22/11/2025

دمتم سالمين 😊👌

#اكسبلور #ريلز

20/11/2025

الذكرى السنوية لوفاة والدي
الاستاذ الدكتور عزت الحسيني
نسالكم الدعاء

16/11/2025

انتظام العمل بالعيادة بفرعيها
الرجاء الالتزام بالمواعيد
تمي من 1ل٣
السنبلاوين من 4ل8

والله حقيقهاتقوا الله في اولادكم
16/11/2025

والله حقيقه
اتقوا الله في اولادكم

15/11/2025

***حقن البنسيلين ****

احذر من مقلب حقن البنسلين طويل المفعول مع التهاب اللوز

من اكثر المصايب الطبيه الموجوده اليومين دول واللي تخلي الواحد هيطق .... هو كميه الاطفال اللي الدكاتره بتكتبلها حقنة البنسلين طويل المفعول شهريا بحجه الحمايه من الحمي الروماتيزميه ... الحقن دي ماساه لانها مؤلمه جدا ومعظم الاطفال اللي بتاخدها.... بتاخدها علي الفاضي وبتكون حالتهم مش مستدعيه ولا في داعي طبي لاخدها .....

يتم الاسراف في كتابتها بواسطه الدكاتره من مبدا ترييح الدماغ وجيب من الاخر هو احنا لسه هنشخص يا راجل ??? يا راجل كبر مخك ... والضحيه في الاخر هو الطفل اللي بيكون مستني حقنه الاعدام اول كل شهر ....

الحمي الروماتيزميه هي مرض ليه معايير عالميه حطها العلماء ويحدث نتيجه تكرار الاصابه بالميكروب السبحي اللي بيسبب اللوز عند نسبه كبيره من الاطفال ... حلو اوي كده .... علشان نشخص المرض ده يا كبير لازم تنطبق الشروط بحذافيرها وايه هي الشروط والمعايير دي ???

اول حاجه المعايير الاساسيه زي :

1- التهاب المفاصل في اكتر من مفصل بالترتيب زي مفصل الركبه والكوع والفخد اللي بييجوا ورا بعض وبيتنقل الالتهاب من مفصل للتاني ... وتعالي هنا بقه .... التهاب المفصل ده يعني ورم جامد في المفصل وعدم قدره علي تحريكه او لمسه بمعني الكلمه ويقعد كده ايام .... مش اه يا ركبي ياني اصل اللوز نزلت في ركب الواد اصل ركبه بتوجعه ... ده كلام فارغ ومش التهاب مفاصل ده همدان ووجع عظم نتيجه السخونيه ..

2- التهاب القلب: وده التهاب مش هزار يعني مصيبه كبيره وسخونيه عنيفه ونهجان وظهور اصوات علي القلب بالسماعه وعدم قدره علي المجهود ولخبطه في ضربات القلب ودي اللي بيشخصها الدكتور وغالبنا بتحتاج اشعه تلفزيونيه علي القلب وغالبا بتحتاج حجز في المستشفي...

3- ظهور كتل تحت الجلد : كتل صلبه مبتوجعش وتظهر حوالين المفاصل وبالذات الكوع والركبه وبتقعد ايام وممكن اسابيع

4- طفح جلدي بس له طابع خاص يظهر ببطش كبيره باهته في النصف ويروح علطول ويظهر في مكان تاني وهكذا وبتيجي في الظهر والبطن بالذات وعلي الذراعين

5- حركات لا اراديه نتيجه التهاب المخ : ودي بقي التقيله تلاقي الواد مش علي بعضه وايده ورجليه شغاله حركات ميقدرش يمنعها وبيكون فايق عادي وبتبان اوي علي اللسان لما يطلعه من بقه يقعد يلعب وميقدرش يوقفه وحركات تانيه كتير مميزه وبتتشخص اكتر بواسطه الدكتور.

ثاني حاجه المعايير غير الاساسية ودي حاجات بسيطه وبعضها بيتعمل في المعمل زي :

1- السخونيه
2- الم المفاصل .. اللي هو بيحصل نتيجه الهمدان والسخونيه
3- ارتفاع نسبة تحليل سرعة الترسيب ومعامل العدوي CRPونسبه كرات الدم البيضا وكل ده بيتعمل في المعمل.
4- شكل معين بيظهر في رسم القلب وده بيعرفه الدكاتره
5- ارتفاع نسبة معامل الميكروب السبحي ASOTودي اللي كل الدكاتره خاوتانا بيها وبيعملوها

- حلو اوي ... كده عرفنا المعايير تخيل بقه علشان نشخص الحمي الروماتيزميه صح زي ما العلما قالوا لازم يتوفر اتنين معيار اساسي او معيار اساسي واحد واتنين معيار غير اساسي ...مش بس كده لا ده كمان مع توافر المعايير السابقه لازم يكون في مسحه حديثه من الحلق طالع فيها الميكروب السبحي positive ... تخيل يا مؤمن ...

كل ده لازم يتوفر علشان نشخص الحمي الروماتيزميه وبعدها نكتب البنسلين طويل المفعول ... وانت ابنك خدها ازاي ?? اصل الواد جاله اللوز ونزلت في ركبه فخد خوازيق البنسلين طويل المفعول علشان تحليل الميكروب السبحي طلع عالي ... يا راجل حرام عليك ابنك هريته وعقدته في حياته علشان كلام فارغ ??? طبعا دي مهزله

امال ايه المطلوب لو طلع معامل الميكروب السبحي عالي ?? كل المطلوب اننا نقضي علي الميكروب باننا ناخد مضاد حيوي 10 ايام من مجموعه البنسلينات زي الاوجمنتين والهايبيوتيك او 3 ايام من مجموعه الماكروليد زي الزيسروماكس.

ايه بس كده يا دكتور 😨😨😨😨??? يعني لو معامل الميكروب السبحي عالي هو ده المطلوب بس هو كده😱😱😱😱😱 ?? اه هو ده المطلوب ... طيب يا دكتور امال ابني قعد السنين دي كلها ياخد حقن البنسلين طويل المفعول ليه ?? .... كان بياخدها محبه 😃😃😃😃😃😃

- ويا ريت اي طفل مصاب بالتهاب الحلق ياخد العلاج مظبوط والمضاد الحيوي يكون شرب عادي مش لازم حقن بس ياخد الفتره المظبوطه وهي 10 ايام للقضاء علي الميكروب السبحي وساعتها التهاب الحلق مش هيتكرر كتير زي ما بيحصل ان كل اسبوع ابنك حلقه يلتهب وهتبق يصحته كويسه جدا ب

10/11/2025

أهل جايبن ابنهم المستشفي مغمي عليه وبيبكي نتيجه إنهيار عصبي فهمنا من الأم إن حصل خناقة بين الأب والإبن والابن إتعصب جامد وبدأ يتشنج لحد ما وصلنا كده
الغريب إن ملامح الأب مكانش متأثر نهائي مش فارق معاه وجاي معاهم غصب عنه ، واقف برة المستشفي كل الي فارق معاه إنه عايز الموضوع يخلص ويروحوا

شباك الاوضه بتاعتي فاتح علي قدام المستشفي فكنت شايف الموقف من أول وصولهم ..

فضلت شوية متابع الأب غصب عني لحد ما جاتله مكالمة وفضل يزعق ويقول هو كل يومين يعمل نفس الموضوع ونجيبه المستشفي ..

المكالمة كانت طويلة وكلها قسوة

" لفت نظري جملة قالها في وسط المكالمة "
أنا عايز اطلعه راجل و قسوتي عليه علشان يجمد كده ،
لا مش هدخله أمه معاه جوة هبقي أراضيه بكلمتين لما يخرج ونروح "

فات ساعة وأنا كل شوية اخلص حاجه و عيني تقع تاني علي ملامح الأب اللي مش باين عليه اي حاجة غير الجحود ، لحد ما جت اللحظة اللي الامن نده فيها علي اسم وقام الراجل بأمتغاض شديد يرد وعرفت ان ده اسم ابنه

وقاله كلمتين .. البقاء لله ابنك توفي
و تعالي عشان والدته مغمي عليها جوه !!

كانت الكلمة كافيه إن الاب يوقع في لحظتها علي الارض واتحول الجحود لبكاء شديد وصراخ وهستيريا طفل مش راجل كبير

" خلاص والله قولوله يرجع وانا مش هزعله تاني مش هضايقه مش همد ايدي عليه خلاص انا غلطان والله انا كنت فاكره بيكدب لما كان بيقول قلبي بيوجعني منك "

الولد أتوفي نتيجه الإصابه بمتلازمه القلب المكسور او ما يعرف Broken heart syndrome واللي احد اهم أسبابها فعلا الشعور بالخزن المستمر و الضيق و الضغط العصبي

كل الناس من حواليا رايحين نحية الراجل يطبطبوا عليه ويشيلوه من علي الارض وانا رغم إشفاقي علي حاله وإبتلائه لكن كان جوايا كلام عاوز أقولهوله كتير
كان نفسي اقوله شوفت ان الحياة مش دايما هتديلك فرصة تصلح الي خربته !

شوفت ان قسوتك عليه معملتش منه راجل دي خدته منك خالص !!
رفضت تدخله تراضيه بكلمتين كان ممكن يكونو فارقين معاه
رغم ان القدر نافذ
لكن علي الاقل متعيش محسور من بعده وحاسس بالذنب

رغم ان انا معرفش ايه اللي حصل بينهم وهل هو كان كويس ولا لأ ،
بس اللي شوفته ان القسوة مجابتش غير قسوة ، والتربيه السليمه مش كده يا جماعه لازم تشد شويه و ترخي شويات لازم تبقي قريب من ابنك مش تعاديه

" كلكم راع و كلكم مسئول عن رعيته "

بلاش القسوة وبلاش العند وبلاش تأجلوا تصليحكم للغلط ،
الحياة مش علي مزاجك هتسيبك تختار الوقت الي تصلح فيه غلطك

الحياة مش دايما هتديلك الفرصة اللي انت عايزها !

منقول

Address

السنبلاوين/أرض المحلج/الشارع المقابل لسنتر مكة/أمام صيدلية الشعب/عيادة تمي الأمديد/شارع هشام الميسري/بجوار إستديو فينوس
As Sinbillawayn
35511

Opening Hours

Monday 1:30pm - 4:30pm
5pm - 9:30pm
Tuesday 1:30pm - 4:30pm
5pm - 9:30pm
Wednesday 1:30pm - 4:30pm
5pm - 9:30pm
Thursday 1:30pm - 4:30pm
5pm - 9:30pm
Saturday 1:30pm - 4:30pm
5pm - 9:30pm
Sunday 1:30pm - 4:30pm
5pm - 9:30pm

Telephone

+201001739466

Website

Alerts

Be the first to know and let us send you an email when الدكتور : محمود عزت الحسيني - Kids clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to الدكتور : محمود عزت الحسيني - Kids clinic:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category