04/12/2025
💥💥💥
حابب أتكلم فيه بصفتي ((طبيب نساء وتوليد)) عامل لغط كبير.....وبيتكرر كتير
شفت النهاردة فيديو مؤلم قوي للبنت دي #
البنت دي أهلها اخدوها للبشعة ((البشعه دي دجال بيسخن معلقه كبيره ويحطها علي لسانها ليثبت مدي صدقها أو كذبها)))
بعد ما جوزها اتهمها أنها مش بنت بنوت
فراحوا علشان يتأكدوا هي صادقة ولا كذابة
البنت مرعوبة وخايفة وبيتعاملوا مع خوفها أنها خايفة علشان كذابة
لحد ما عملت البشعة والراجل قالهم صادقة
الام بقت تزغرط وتقول بنتي بريئة
مشهد عبثي مؤلم
مجرد من الانسانيه
وكل من شارك في الموضوع ده المفروض يتحاسب حساب عسير
#التوضيح💥💥💥
البنت اتجوزت عادي جدا
وكانت صدفه انها متجوزه في ايام التبويض
يعني بعد بدايه الدوره ب 10 او 11 يوم
فحملت على طول
بعد اقل من ثلاث اسابيع من الجواز عملت اختبار طلعت حامل
فراحت لدكتور النسا والتوليد
دكتور النساء والتوليد حسب الحمل من اول يوم الدوره وده ما كانتش هي اتجوزت فيه
وده اللي جاب اللغط
🙏🙏🙏
رفقا ....ياريت .... ونحاول نصبر قبل اصدار لاحكام دائما في حياتنا
الموضوع ده بيتكرر كثير عندي في العياده
وبكررها وبفهم كثير
ان احنا لما بنحسب الحمل
ما لناش علاقه الجماع حصل امتى...خالص
احنا بنحسب الحمل من اول يوم في اخر دوره
يعني ممكن الحمل يتحسب قبل الجماع ب 10 ايام
وده اللي بيعمل اللغط
فبيبقى تاريخ الحمل قبل الجواز
والحساب ده علمي..... يعني الحمل بيتحسب من اول البويضه من نزلت
مش من لما الحيوان المنوي ألتقي بالويضه وهو تاريخ الجواز
فطبيعي جدا نحسب الحمل من قبل ميعاد الجواز
وبنفهم الاهل بكده..... وبشرحها ببساطه خالص
بقولها بالحرف ما لكمش دعوه الجماع حصل امتى احسبوا اخر دوره حصلت امتى
الموضوع ملهوش علاقه بالشرف خالص
والبنات بتبقى بريئه
وشريفه
وربنا يحفظ بناتنا وأخواتنا وأمهاتنا
ويستركم جميعا
#شير💥💥💥 لتعم الفائده
د.ياسر حسن
امراض النساء والتوليد والعقم
مستشفى الهلال الاحمر التخصصي باسوان
01096665822......
