https://www.facebook.com/117177728142940/

Psychotherapist Randa Ayad, Asyut (2026)

02/01/2026

(كبسولة تربوية)

28/12/2025

(كبسولة تربوية)
اخلقوا ذكريات حلوة تعيش مع ولادكوا العمر كله:-
****فى بدايات السنة الجديدة وأيام الأعياد الحلوة دي حاولوا تخلقوا ذكريات حلوة تعيش مع ولادكوا العمر كله
****ابنك لما يكبر مش هيفتكر انت جبتله طقم العيد بكام بس ممكن يفتكر اليوم اللى جاب فيه لبس العيد
انا انبسطت فيه
وكان يوم حلو
وخرجت مع بابا وماما
وبابا كان بيسألنى تختار ده ولا ده وانا اللى اخترت الطقم بتاعىي
وبابا قالى ذوقك حلو اوى وبحب اختياراتك
وكل سنة وانت طيب حبيبى تتهنى بيه وعقبال كل سنة وهكذا
****وممكن اليومًيكون بالشكل الصعب دا :
كان يوم وحش
وبابا كان متضايق علشان مش فاضي وعنده شغل
وماما كانت متعصبة علشان انا تعبت ومش عايز اقيس اللبس كل شوية
وتعبت من كتر اللف ورجليا وجعتنى
وكنت جعان
وفى الاخر بابا وماما اختاروا هما الطقم بتاعى
وكنت عايز حاجة حلوة بس بابا مرضيش
وروحت البيت وانا بعيط وزعلان
****مواقف كتير وى شبه كده ومناسبات حلوة بتقلب نكد على أتفه الأسباب
****تحسوا أن ضغوط الحياة في الشغل والبيت والأسعار والمعيشة الصعبة أثرت علينا كتير
والأب ممكن يكون بيشتغل في حاجة واتنين وتلاتة وطول الوقت مش فاضي
والام عليها مسؤولية البيت والولاد بالكامل
لدرجة إن حتى الأيام الحلوة اللى بنستناها من السنة للسنة واللى المفروض نكون مبسوطين فيها اكتر
بقت اكتر أيام نكد وزعل
****كلنا الايام دي بنمر بأوقات صعبة
لكن ولادنا ملهمش ذنب يكون كل اللى فاضل فى ذاكرتهم معانا عصبية وزعيق وخناق من حقهم يكون عندهم ذاكرة كافية من الحب والضحك والأمان يسندهم ويقوى مناعتهم..
****الذكريات الحلوة درع بيحمى ولادنا من أمراض نفسية كتييييير أوى زى الوحدة والخوف والاكتئاب.
****ممكن يوم عادى يتحول لذكرى حلوة من غير تكليف ولا فلوس ولا تجهيزات بضحكة لعبة ابتسامه حضن كلمة لطيفة
****خلينا نكون ذكرى حلوة فى حياتهم يفتكرونا بيها فى مناسباتهم الحلوة بعد كده

23/12/2025

(كبسولة تربوية)
تعفن الدماغ
يعني إيه تعفن الدماغ؟
تعفّن الدماغ مش مرض طبي، لكنه مصطلح شائع بيعبّر عن حالة من الكسل الذهني و #التشتت وضعف التركيز اللي بتظهر على الاطفال بسبب تعرضهم كتير لمحتوى سريع وسطحي، خصوصًا الشاشات (موبايل – تابلت – يوتيوب – ألعاب).
وبيحصل امتى؟
بيبدأ يظهر لما:
• الطفل يقعد على الشاشة ساعات طويلة يوميًا
• يتعود على محتوى سريع ومثير طول الوقت
• ما يكونش في بديل حقيقي للعب أو التفاعل
• يقل الكلام، الحركة، التخيل، والتجربة
وده بنلاحظة اكتر قبل سن المدرسة أو مع أطفال الروضة اللي بيتساب لهم الموبايل علشان يهدوا او يسبونا في حالنا
ايه سببه
لما يكونوا قدام الشاشات مده طويله ايه اللي هايحصل؟
• فيديوهات قصيرة وسريعة
• ألوان وصوت عالي
• تغيير مشاهد مستمر
١-يخلي المخ يتعود على الإثارة السريعة
٢-ونلاقى نظرة ضعف وكمان تركيزه
٣-لما مايلعبش لعب حقيقى
• مفيش جري، بناء، تمثيل أدوار
المخ ما بيتمرّنش على التفكير وحل المشكلات
٤-لما يعتمد على الموبايل كمسكن
• كل زعل = موبايل
• كل ملل = شاشة
الطفل ما يتعلمش ازاى ينظم مشاعره
هنلاقى كلامة بقى قليل
• مش بيحكي
• مش بيسأل أو يسمع
ضعف اللغة والتعبير
***ازاى اعرف ان ابنى / بنتى عندهم تعفن دماغى
١-هنلاقهم بيملوا بسرعة من اى حاجة
٢-وتركيزهم بقى ضعيف
٣وعندهم عصبيه من غير سبب
٤-رافضين يرسموا او يلعبوا
٥-كلامهم محدود او متأخر
٦-عندهم صعوبة في التخيل والابداع .عندهم تعلق شديد بالموبايل وده بيخلى دماغهم فاضية وسطحية
طيب ايه الحل؟
١- ننظم وقت الشاشة أقل من 5 سنين يكون محدود جدًا ، مفيش شاشة قبل النوم ، مفيش شاشة وقت الأكل
٢- ندور على بدائل ذكية للشاشة زى لعب حر (مكعبات – عرايس – كورة) ، رسم وتلوين ، تمثيل أدوار (دكتور – مدرسة – سوبر ماركت)
٣- لازم تفاعل يومى معاهم نحكي لهم نسالهم عن يومهم ونسيبهم يحكوا حتى لو كلامهم بسيط
٤- نكون قدوة يعنى لو الموبايل في ايدنا طول اليوم هنلاقيهم بيقلدونا ومش هيسمعوا كلامنا
****الخلاصة
تعفّن الدماغ مش فجأة، هو نتيجة عادة يومية غلط
لكن الجميل؟ إن الوقاية سهلة
وتغيير بسيط في يومهم هيفرق جدًا في عقل وشخصية الطفل

17/12/2025

(كبسولة تربوية)
***لو عايز طفلك يكون هادي لازم تكوني انتى ماما / بابا هادي
***لو عايز طفلك يكون صبور لازم تكوني انتى ماما /بابا صبور
***لو عايز طفلك يعرف يتعامل مع مشاعره السلبيه من غير نوبات غضب انت كمان محتاج تتعامل مع مشاعرك السلبيه بنفس الطريقه
***لو عايزه ابنك يكون لطيف كون لطيف معاه.
***لو عايزا يكون معتمد على نفسه واثق من نفسه اسمح له ياخذ قرار واختيارات بنفسه
***لو عايز ابنك يكون مبدع اسمح له بارتكاب الاخطاء من غير معاتبه
***الاطفال لا يتعلمون من الحديث معهم والشرح ويفعلون ما نقول بل ينظرون الينا بما نقوم به نحن ويفعلون مثلنا
بصراحه الطريقه اللي المجتمع بتاعنا بيعامل بيها الاطفال هي طريقه غير صحيحه بالمره وطريقه عكسيه لتوقعاتنا منهم
***عليك ان تكون عطوف وحازم في نفس الوقت بطريقه تربيتك لطفلك علشان يكون شخصيه قويه واثق من نفسه عنده مهارات اجتماعيه مناسبه للحياه.

09/12/2025

(كبسولة نفسية)
شاعر/ه إنك مش قادر تكمل؟
يمكن تكون /ي فقدت الشغف
في أيام كده بنصحى وإحنا مش طايقين نعمل أي حاجة لا شغل، لا خروج، ولا حتى الحاجات اللي كنا بنحبها زمان.
تحس /ي إنك مطفي، فاضي من جوه، وكل حاجة بقت تقيلة.
ده مش كسل ده ممكن يكون:
فقدان شغف – إرهاق نفسي – احتراق ذاتي
طيب وايه الفرق بينهم
١-فقدان الشغف: لما تحس إنك فقدت الحماس لأي حاجة
٢-الإرهاق النفسي: تعب مش في الجسم، في الروح
٣-الاحتراق الذاتي: لما تفضل تضغط على نفسك لحد ما تخلص طاقتك كلها
***ليه بيحصل كده؟
١-ضغط مستمر من غير راحة
٢-توقعات عالية من نفسك
٣-كتم المشاعر
٤-مشاكل متراكمة
٥-وإهمال احتياجاتك النفسية
نعمل إيه علشان نتغلب علي الوضع دي بقي ؟
١-اعترف إنك تعبان... عادي
٢-خُد راحة حقيقية
٣-اتكلم مع حد ترتاحله
٤-خفّ التوقعات اللي على نفسك
٥-ارجع لحاجات بسيطة بتحبها
ولو كل ده ولسه مش قادر/ه
ارجع /ي لمتخصص يساعدك
***افتكر \ي دايمًا:
إنت مش لوحدك ومش لازم تستنى توصل للانهيار علشان تبدأ تهتم بنفسك.
راحتك النفسية مش رفاهية، دي أولوية

04/12/2025

(كبسولة تربوية)
مش دائماً شقاوة الطفل ، شقاوة محتاجة تعديل
ولا سلوكياته فيها مشكلة محتاجة تدخل
أوقات بتبقي " لفت انتباه
يعمل شقاوة أو يقوم بسلوك معين علشان بس يلفت الإنتباه له
بيقول بأفعاله وتصرفاته
أنا موجود ، أنا عاوز إهتمام ، أنا ناقصني احتياج معين ، أنا محتاج أحس بقيمتي
أوقات بنفسر سلوكيات الطفل أنها مشكلة ومحتاجة تدخل ونحتار ومانبقاش عارفين في أيه
وبيبقي كل اللي محتاجينه ، ننتبه للطفل ده ونركز علي أسلوبنا في التعامل معاه ، وطريقة تربيتنا عامله إزاي
والمرحلة العمرية اللي شقاوتها طبيعية وهتعدي ، وخاصية نمائية من خصائصه
مرحلة عمرية معينة من عمر ٢ ل٥ سنين الشقاوة فيها طبيعية
ليه؟
لأن الطفل بيحس بالاستقلال عن الأول ، وعاوز يعمل كل حاجة بنفسه
بيكتشف العالم حواليه
بيعبر وبيسأل لأن قدراته اللغوية بتتطور
فهي مرحلة طبيعية كل طفل طبيعي بيمر بيها ، وبيبقي شقي لأن مهاراته الحركية بتكون في ذروتها
لكن لفت الإنتباه
يقوم بسلوكيات مفاجأة في موقف معين زيادة عن الطبيعي
يقوم بسلوكيات معينه قدام أشخاص معينين
يعمل شقاوة وقت تجاهلك له ويبص لك يتأكد أنك شيفاه
السلوكيات مش عدوانية ولا مخربة ولا خطيرة لا له ولا لأي شئ حواليه
يبطل يقوم بالسلوك لما يحصل علي الإنتباه مجرد ما تكلميه أو تشاركية حاجة يتوقف عن السلوك
هنا الطفل مش محتاج تعديل سلوك ، ولا عنده مشكلة وعاوزين لها حل
هنا الطفل محتاج يحس بقيمته ووجودة وسط أسرته ومع أقرب الناس وأنه مسموع ومتشاف واحتياجاته مُلباه وأنه فرد مهم زيه زي باقي الأفراد
الأطفال أمانة تستحق الإهتمام

Psychotherapist Randa Ayad

02/01/2026

28/12/2025

23/12/2025

17/12/2025

09/12/2025

04/12/2025

Address

Telephone

Website

Alerts

Shortcuts

Share

Category