19/10/2025
تأخر الكلام مش دايمًا “كسل” أو “هيتكلم لما يحب”،
أوقات بيكون وراه مشكلة سمع، أو تأخر في التواصل، أو اضطراب نمائي محتاج تدخل مبكر
لو حسيتي إن في تأخر، متستنيش “لحد ما يدخل حضانة”
فيه فرق بين إن الطفل “يتأخر شوية” وبين إن يكون فيه تأخر فعلي محتاج تدخل.
خلينا نعرف الطبيعي الأول 👇
👶 من ٦ شهور لسنة:
يبدأ يناغي ويقول أصوات زي “ما ما – با با”.
👦 من سنة لسنة ونص:
يقول كلمتين أو تلاتة مفهومين، ويفهم أوامر بسيطة زي “هات الكورة”.
👧 من سنة ونص لسنتين:
يبدأ يجمع كلمتين زي “عايز مية” أو “بابا راح”.
🧒 من سنتين لتلات سنين:
يتكلم جمل أطول والناس حواليه يفهموه كويس.
لازم نراجع دكتور لو:
• الطفل عنده سنتين ولسه ما قالش ولا كلمة.
• مش بيقلد أصوات أو كلام.
• مش بيتفاعل أو ما بيردش لما تنادي عليه.
• كان بيتكلم وبطل فجأة
