10/09/2025
عشان المدارس هنزلكم بالبرطمان الصحي الغالي علي قلبي ‼️
الناس كلها عمالة تعمل وصفات لانش بوكس ومدارس قولت لاااااا قومي ياجي قوليلهم الطعم التحفة ده بيتعمل ازاي😋
✅ لان لو عندك اي نوع جبنة مش بياكلوة هيتنسف بالطريقة دي 👇
المقادير:
ربع كيلو جبنة اي نوع
ربع كيلو طماطم
١ فلفل احمر حلو
فصين توم صحيح
ربع كوباية زيت زيتون
رشة ملح وفلفل وكمون وزعتر وبابريكا
الطريقة:
هنقطع الطماطم والفلفل نصين والتوم صحيح وعليهم زيت الزيتون في صنية وعالفرن من ٢٠ ل ٣٠ دقيقة وتاخديهم عالكبة مع الجبنة والبهارات تديهم ضربة وبس كدة
✨ بقي عندك احلي برطمان جبنة كريمي سبريد للفرد في السندوتشات😉
انا بعملة في اي وقت للسنة بصراحة مش للمدارس بس 👌
