عيادة د/ محمد الشناوي بالقبابات لطب الاطفال وحديثي الولادة

21/05/2019

بيقولك بكره وبعده الحراره عاليه 🤔

😰القواعد العشرون للجوّ الحرّ ده😰

١. متخرجوش الولاد أبوس أيديكم 😢

٢. اقعدوا في التكييف ،، ولو في مروحة شغلوها ،، ولو هنضطر نفتح الشباك يبقى فوط أو قماش مبلول على السلك عشان الهوا يبرد شويه..

٣. حمّوا الأطفال ولو مش سخنين ،،، ومياه وسوايل وعصير طول اليوم ،، ونخفف اللبس لقطعة واحده ،، أو نقعد البيبيهات بالبامبرز بس 😆.

٤. ثلاث أكواب مياه بارده قليلاً صباحاً وعصراً ممكن يعوضوا كمية الفقد من المياه مع الحرارة العالية.

٥.متخرجوش ولادكم من البيت ☝️

٦. الأطفال هم أكثر الفئات عرضة للجفاف -لأسباب كتير جداً- المهم ،، الحرارة العالية أخطر عليهم من غيرهم،، عشان كده خلينا ف البيت بكرة

٧. لو مضطرين نخرج اولادنا ، يبقى بعد المغرب ،، ولو قبله يبقى معانا زجاجة أو ببرونة مياه ساقعه ،، نمشى في الظل ،، كل شوية نشرب البيبي أو الطفل "رشفة" ،، اللبس يبقى أبيض أو ألوان فاتحة ،، كاب أو برنيطة ،، نرجع بسرعة وناخد دش!

٨. علامات الجفاف :

الضعف العام ، العطش الشديد ، النوم وقلة النشاط، دخول العينين ، قلة التبول ، الزنّ المستمر مع اللهفة على الماء .
لو لقيتى حاجه منهم ،، نشترى محلول جفاف ونحل الكيس على ٢٠٠ مل ونشرب واحده واحدة لغاية ما الطفل يشبع ويتحسن.

٩. متخرجوش من العمارة 😓

١٠. الحرارة ممكن توصل ل ٤٩-٥٠ ،، واحتمالات "إرهاق الحرارة" و"ضربة الشمس" بيزيد جداً وأول الأعراض دى ارتفاع درجة حرارة الجسم > ٣٨ ،، الفكرة ان قياس الحرارة بالفم والإبط وحتى الأذن مش هيبقى دقيق ،، لازم نقيس الحرارة عن طريق الشرج ،، ونطرح نصف درجة .

١١. متخرجوش من الشقة😡

١٢. "الإجهاد الحرارى Heat exhaustion"

لو طنشنا الموضوع والطفل قعد فترة في الحر الشديد ،،، بيبدأ بدرجة حرارة بين ٣٨-٤٠ ،، وبييجى بإسهال !! آه ،، إسهال بدون نزلة معوية ،، دوخه او دوار ،، ضعف ، صداع ، ترجيع ، وساعات شد عضلى !!لو لقيتى الحاجات دى وابنك مأكلش حاجة من بره وريحة البراز مش سيئة للغاية ،، أرجوكى متتلخبطيش وتدى أنتينال وسمكتا ونانازوكسيد ،، لأ ،، انقلى الطفل لمكان بارد ، سوايل كتير ومياه بأه ومحلول جفاف ،، وطبعاً دش بارد..!

١٣. متخرجوش من أوضة النوم 😱

١٤. " ضربة شمس Heat stroke "

لو الموضوع زاد ،، الحرارة بتعلى فوق ٤٠ ،، الطفل فاقد الوعى او بادئ في إغماء ،، بالبلدى كده "مفرفر" ،، هلوسه ، صداع ، ترجيع !! فوراً نحطه تماما ف مياة بارده جداً ،، او كمادات مياة باردة ،، مع خوافض حرارة ،، ننقل مستشفى ونعلق محلول صوديوم وريدى !!

١٥. التمارين و الألعاب الحركية ممنوعة تماماً في الحر الشديد ،، لانها بتفقد السوايل عن طريق العرق ،، وده للأسف بيساعد على الجفاف وضربة الحرارة Exertional heat stroke،،
محبكتش النادى يا حبيبي دلوقتى نبقى نروح بالليل😁

١٦. متخرجوش من التلاجة 😂

١٧. المشكلة الكبيرة لو ابنك أصلاً عنده جفاف -عشان نزلة معوية- مع الجو الصعب ده ،، ساعتها هنضطر نزود جرعات محلول الجفاف ،، ونزود السوايل بشكل عام ،، وأول ما تحس بان ابنك "مدروخ " أو " نايم " أو " سخن جامد" او بيرجع كل حاجة " ،، عالمستشفى فوراً 😰

١٨ . متخرجوش م الفريزر 😂😁

١٩. خوافض الحرارة :

سيتال آمن من عمر يوم ،، بروفين من ٦ شهور ،، في لبوس سيتال وابيمول كبديل .

٢٠. نأجل المواعيد اللى ممكن تتأجل ،، حتى زيارات الطبيب لو ممكن نتعامل في البيت بلاش نروح( ما عدا العيادة بتاعتى طبعاً عشان في تكييف😂😂) ،، ومنقلقش خالص يعنى ،، يوم زى أى يوم بس حرّ شوية ،، ناخد قزازة مياه ساقعة نديها للغلبان اللى بيكنس الشارع😭 ،، والتعبان اللى واقف ع الإشارة😭 ،، وأى بنى آدم تقابله ف وشك بكرة في الجوّ ده صدقنى غلبان😭 ،، وهيفرح بالمياه دى جداً ،، وهتاخد ثواب إرواء عطشان 👍

ومننساشً

..!

منقول عن د.أحمد الخطيب

مصادر :

‏http://www.aafp.org/afp/2011/0601/p1325.html

06/05/2019

29/04/2019

تقرير منظمة الغذاء والدواء FDA

بعد رصد ٢٢حالة اطفال من عمر خمس شهور ل ٣ سنوات
دخول طوارئ والبعض منها كان وفاه بسبب جرعات زائده او استعمال خاطئ
لل teething preparations containing lidocaine
يعني للعامة جيل الفم المستخدم لعلاج الام التسنين والمحتوي علي مخدر موضعي ليدوكايين،

اسماؤهم في مصر :
Oracure gel
Micoban oral gel
Mundisal gel
(وده أخطرهم)
الاباء بتعطي الجيل للطفل لتخفيف الام اللثه لكن لما يبلع الطفل كميه كبيره
أو متكرره منه أو جرعه زائده طبقا لدراسة منظمة FDA ممكن يتعرض لـــ
1- نوبات تشنج
2- زيادة عصبية وهياج الطفل
3- اضطراب في نظام ضربات القلب
4- اضرار بالجهاز العصبي
5- ترجيع وصرع
6- اضطراب في الرؤية
7- ربما الوفاة
8- وسجلت حاله نادرة للاصابة بنوع من الانيميا يسبب عجز الهيموجلوبين عن حمل الاكسجين للخلايا وهي حاله مهدده للحياة

ونصحت المنظمة بإعطاء الطفل عضاضة لينة بعد تبريدها في الثلاجة
أو أن تقوم الام بتدليك اللثة المتورمة بأصبعها برفق والامتناع التام عن اي مخدر جيل للفم.

كما نصحت المنظمة مقدمو الخدمة الطبية بعدم وصف اي مستحضرات تحتوي علي ليدوكايين او بنزوكايين للاطفال و الرضع وكذلك الصيادلة بوصفها أدويه OTC (مسموح بيعها بدون روشتة)
اخطر نوع فيهم هو دينتينوكس جيل بسبب أنه عليه #بيبي ومكتوب أنه وبيعطي للرضع.
وده تضليل كبير وممكن يسبب الافراط في استخدامه ظنا أنه آمن للطفل.

كمان الجيل بيخدر اللسان وسقف الحلق واللهاه وكل أجزاء البلع عند الطفل مش اللثه بس يعني ممكن يخليه يبتلع جسم غريب أو عمله معدنيه دون أن يشعر ويختنق

تحديث مصدر الخبر من موقع منظمة الغذاء والدواي بتاريخ 26-4-2014
https://www.fda.gov/drugs/drug-safety-and-availability/fda-drug-safety-communication-fda-recommends-not-using-lidocaine-treat-teething-pain-and-requires

وده رد وزاره الصحة بعد 3 سنين من التقرير 2017
https://www.elwatannews.com/news/details/2262340

شاركوا البوست ده للاهميه لان ال gel ده في كل بيت وللجميع فائق الاحترام

The .gov means it’s official.Federal government websites often end in .gov or .mil. Before sharing sensitive information, make sure you're on a federal government site.

19/04/2019

👈👈👈👈👈 اللحمية عند الاطفال او الناميات الانفية 👉👉👉👉👉

ا👈يه هي اللحمية اصلا وعبارة عن ايه ؟؟

اللحمية هي نسيج ليمفاوي في نهايه الانف او البلعوم الانفي يعني زي اللوز كده وعشان زي اللوز ممكن يحصله تضخم

وينتج عنه االاعراض دي ..👇👇👇🤔🤔🤔

1-التنفس عن طريق الفم ويكون الفم مفتوح .😬
2- شخير اثناء النوم باستمرار .
3-افرازات من الانف سواء امامية او من نهاية الانف. .
4- رائحة كريهة من الانف .😷
5-الكسل والخمول بسبب قلة النوم قد تصل الي حد البلاهة(السحنة الغدية)
6-تؤثر علي السمع من خلال تكون سوائل رشحية خلف طبلة الاذن نتيجة انسداد قناة استاكيوس .😱😱😱
7-الاحساس بالعطش المستمر وشرب المياه بكثرة .
8-تشوه الاسنان علي مستوي الفك العلوى بحيث يكون بارز عن الفك السفلي .😬😬
9- تضخم بحجم اللثة بما يعرف باللثة الاسفنجية وتسوس الاسنان .😱😱

👈👈الفئة العمرية الاكثر تأثرا مس سنتتين الي 5 سنوات وتبدأ اللحمية في الاختفاء تماما من سن 7 الي 9 سنوات. .👉👉👉

👈👈المضاعفات 👉👉☠️☠️☠️

الارتشاح خلف طبلة الاذن مما يؤثر علي حاسة السمع وبالتالي التأثير علي المستوي الدراسى
وتضخم اللثة والتهاب الجيوب الانفيةوتضخم اللوزتين

👍👍👍👍العلاج 🙏🙏🙏🙏

في حالة الاعراض المزمنة والمتكررة علاج جراحي عن طريق استئصال اللحمية مما يؤدي الي سهولة التنفس وتقليل التأثير علي حاسة السمع لاطفالنا

✋✋✋✋مع تحياتي د محمد سعيد معوض الشناوي 🖐🖐🖐🖐
👌👌👌👌طب الاطفال وحديثي الولادة بالقبابات👌👌👌
👍👍👍👍لايك وشير لكل الامهات 👍👍👍👍

13/04/2019

☠️تاخر التسنين عند الاطفال.👇👇👇
التسنين بيبدأ عند سن من 4 الي 6شهور وممكن يوصل لسن 9 شهور
لكن لو وصل لسن 18 شهر مافيش تسنين نبدأ نقلق،🤔🤔 وندور علي السبب

☠️اعراض التسنين معظم الامهات عارفاها اللي هي ارتفاع درجة حرارة الطفل وسيلان اللعاب وبيكون مقريف بيعيط كتير ونومه مش منتظم واللثة بتكون متورمة وفيها احمرار .

ولكن التسنين مايرفعش الحرارة اكتر من 38.5 ولابيعمل اسهال ولا كحة دي كلها اعتقادات خاطئة،☠️☠️☠️ ......

☠️اسباب التأخير في التسنين.... 👌👌👌👌
اول حاجة سوء التغذية ونقص الكالسيوم وفيتامين د في اكل الطفل
تاني حاجة نقص هرمون الغدة الجاردرقية ودي بتتحكم في نسبة الكالسيوم والفوسفور في جسم الطفل
تالت حاجة ممكن يكون ده تاريخ عائلي وده مانقلقش منه

☠️العلاج.👇👇👇👇👇👇
طبعا اهم حاجة في العلاج هو فيتامين د اللي بنبدأه بعد اول اسبوع من الولادة
التعرض للشمس ودي حاجة مهمة جدا لانها بتنشط فيتامين د
الاهتمام بنوع الاكل الغني بفيتامين د زي صفار البيض وده قبل الطفل مايكمل سنة.
اخيرا هو علاج السبب سواء كان كالسيوم او مشكلة غدة وده عن طريق تحاليل بيطلبها الطبيب....

☠️شير البوست لكل الامهات 👉👉👉

مع تحياتي 👈👈عيادة الدكتور محمد سعيد لطب الاطفال
وحديثي الولادة👉👉 بالقبابات بجوار مسجد الحشايشة المدخل القبلي
مواعيد العمل : يوميا ماعدا السبت والاربعاء من الساعة الرابعة الي الساعة العاشرة مساءا