صيدليات البلتاجى

23/11/2025

اليومين دول لو ابنك راجع من المدرسة همدان ونشاطه قليل عن الطبيعي بتاعه أو ابتدى يشكي من صداع..
كده في مرحلة غزو فيروسي وجهازه المناعي بيحاول يقاوم.. طيب نعمل إيه..!!
- نريحه يوم من المدرسة ويشرب شوربة فراخ فيه بصل، عصير ليمون، يانسون، ورق جوافة ونغسيل أنف وندي مسكن خفيف..
اليوم اللي هيريحه هيساعده يقاوم ويتعافى وهيوفر عليكِ أسبوع غياب وكشف ودكتور وأدوية..
خدوا بالكم وعرفوا غيركم..
منقول ربنا يشفي جميع المرضي

20/11/2025

"يا أيتها النفس المطمئنة ارجعي إلى ربك راضية مرضية، فادخلي في عبادي، وادخلي جنتي" صدق الله العظيم

بقلوب مؤمنة بقضاء الله وقدره، تلقينا ببالغ الأسى والحزن نبأ وفاة حما دكتور محمود البلتاجي .

وعلى إثر هذا المصاب الجلل، تتقدم اسرة صيدليات البلتاجي بأحر عبارات التعازي وأصدق المواساة إلى الأسرة الكريمة للمشمول بعفو الله ومغفرته الحاج احمد حمدي سريه، سائلين المولى عز وجل أن يسكن الفقيد فسيح جنانه، وينعم عليه بواسع رحمته ورضوانه، ويلهم أهله وذويه جميل الصبر والسلوان.

وإنا لله وانا إليه راجعون.

16/11/2025

متوفر بصيدليات البلتاجي بالسرو حقن الأنسولين المستورد بعد نفاذ الكميه الأولي

15/11/2025

27/10/2025

المضاد الحيوي لازم لما ناخده نكمل جرعته كامله حتي لو بدأ الطفل يتحسن 🌹🌹
ومش بناخده لمجرد إن الطفل سخن لأن فيه فيروسات كتيييير ممكن تعمل سخونيه عاليه

دومتم سالمين

22/10/2025

إنت كمريض مصري لازم يبقى عندك خلاص الوعي إنك تبقى فاهم سوق الدوا ماشي إزاي في مصر.
لازم تبقى عارف إن كل يوم هتلاقي صنفين تلاتة تجاريين نزلوا.

لازم تبقى عارف إن المُسكّن اللي مكتوب لك في الروشتة عبارة عن اسم شركة مش أكتر، مش السحر اللي هيعالجك من كل وجع والتهاب في جسمك، أو هيضيّع لك الخشونة من أول قرص، وإنك لو خدت نوع تاني شركة تانية مش هيعمل حاجة!
لأن لو ماعملش حاجة، اللي كان مكتوب لك برضه مش هيعمل حاجة!

لازم تبقى واعي إن فيه حاجة اسمها (مادة فعّالة)، وحاجة اسمها (اسم تجاري).

لازم تكون خلاص فهمت الدنيا ماشية إزاي، وإن اللي بيحصل عندنا في مصر ده اسمه بظرميط!
آه والله زي ما بقولك كده… مش هتلاقي في أي حتّة في العالم روشتة مكتوب فيها اسم تجاري لدواء معيّن!
مش هتلاقي صنف تحت بير سلم مكتوب لك يخليك تلف الدنيا والآخرة علشان تلاقيه!
مش هتلاقي حد بيأكد عليك تجيب الدواء من الصيدلية الفلانية وتيجي تورهولي!
مش هتلاقي كل نص ساعة دوا معدة نازل، أو حديد وكالسيوم “يونيك فورميولا”، أو دوا شَرْب أعشاب جديد بقى مفيش زيه في السوق بخلاصة ورق اللبلاب، أو حتى مُسكّن جديد بقى سحر لعلاج الخشونة والالتهابات مادته الفعّالة “إيتوريكوكسيب”!

إحنا عدّينا، أو بالمعنى الأصح إنت كمريض عدّيت، بمرحلة قبل كده تقريبًا مكنش فيه أدوية خالص في السوق.
فاكر لما جه فترة مكنش فيه أي فوارات للأملاح، وكل ما يتكتب لك نوع ما تلاقيهوش!
لدرجة إني والله العظيم مرة جالي روشتة لحد عنده أملاح ونقرس مكتوب له بالحرف كده: فوار يورسولفين أو يوريفين أو يور إيد أو كولي يورينال… أي واحد فيهم، دلوقتي بقي البديل حلو!

طب بلاش أدوية الغدة نفسها!
مش جه فترة الدكتور بقى يكتب لك الأربع أسماء التجارية: إل-ثيروكسين، وإيوثروكس، وتي4-ثيرو، وثيروكسين… ويقولك اللي تلاقيه هاته!

بلاش… إنت دلوقتي كمريض قلب ومكتوب لك لانوكسين اللي منزلش بقاله فترة، والمثيل بتاعه اللي كان “معفّن” بـ11 جنيه قبل كده (40 قرص) واللي مكنتش بتفكّر فيه أصلًا… مش دايخ عليه دلوقتي وبتدوّخ لغاية ما تلاقيه!

أي نعم الكلام مش على كل الناس؛ لأن فعلًا في ناس خلاص اتعلمت وفهمت وبقى عندها الوعي، لكن للأسف الأغلبية لسه عندها نفس المشكلة.
نلتمس العذر أكيد، لأن في منهم ممكن يكونوا كبار سن أو مش متعلمين… بس للأسف إن فيه أكتر وأكتر عادي هتلاقيه متعلم ودارس وفاهم وما عندوش الوعي الكافي بالموضوع ده.

بالإضافة كمان—أنا ما بقولكش سيب الدوا اللي مكتوب لك وخُد البديل وخلاص، لأن فعلًا في بعض الأدوية يُفضَّل إنك لو هتاخدها تدوّر على المستورد:
يعني مثلًا زي أدوية الغدة، أدوية القلب، الأدوية اللي بتتتصنّع بطريقة معيّنة ومحتاجة Quality Control عالي على التصنيع—سواء بقى كانت أقراص مُغلّفة بتتتصنّع بطريقة معينة، أو محتاجة إنها تطلع في جسمك بمعدّل تحرير معيّن (Release Rate) زي دوا المعدة، أو الأدوية النفسية… وهكذا.
إنت لو قدّامك الاتنين—ساعتها اختار ماشي المستورد، أنا ما عنديش مشكلة في كده.

لكن يبقى مكتوب لك نوعين أو صنفين شركات مصري، وتقول لي: لأ أنا مش عايز ده، عايز المكتوب!
طب ما هم الاتنين نفس المادة الفعّالة يا حبيبي، والاتنين أصلًا ممكن تلاقيهم كمان بيتصنّعوا في مصنع واحد—ده طبعًا بعيدًا عن الأدوية اللي بتتتصنّع تحت بير سلم، كل يوم بنشوفها.

الخلاصة في البوست ده—أو الكلام اللي أنا بقوله—إنك كمريض مصري أو مستخدم مصري لازم يبقى عندك الوعي.
لأن للأسف: إن كان في طبيب ممكن يقول للمريض “لو ما لقيتش النوع ده هات أي بديل نفس المادة الفعّالة”، هتلاقي 10 قصاده بيأكدوا على المريض إنه يجيب اللي مكتوب بالضبط!

أنا لا بهاجم حد ولا بدافع عن حد؛ أنا عايزك إنت كمريض تبقى واعي:
اسأل—اللي مكتوب لك ده بكام؟ وهل مستورد؟ وهل بتستخدمه في حالة حرجة أو لحاجة ما ينفعش فيها الغلط؟ ولا مجرد مُسكّن مثلًا أو دوا بيحافظ على معدتك من الأدوية اللي إنت بتاخدها؟
ساعتها اسأل: الدوا ده بكام؟ وهل هو مصري؟ ولو مصري هل في مثيل ليه بنفس المادة الفعّالة أقل في السعر؟ وما تكسفش ولا تخاف.

خليك واعي.
منقول

05/10/2025

صيدليات البلتاجي تشكر 10000 عميل علي ثقتهم بصيدليات البلتاجي ومتابعتهم للصفحه ويارب نكون عند حسن ظنكم وان شاء الله مع بعض نوصل لمليون متابع
خدمتكم شرف لنا

03/10/2025

فرصه عمل
تعلن صيدليات البلتاجي عن حاجتها لبنات للعمل في فرع السرو يشترط الخبره والتفرغ
وعن حاجتها لشاب للعمل فتره مسائيه بفرع السرو
للتواصل 01060984534

13/09/2025

متوفر بصيدلية البلتاجي بالسرو أمام هايبر ديما حقن ديفارول

10/09/2025

تم توفير صابونه Derma 10 الأكثر بحثنا عنها من فتره طويله
بفرع البلتاجي بالسرو قبل مستشفى السرو

10/09/2025

السلام عليكم
بنعتزرللناس الي اجت سألت علي اللبن وكان خلص
تم بفضل الله توفير كميه تانيه منه
اهلآ بحضراتكم
خدمتكم شرف لنا
متوفر بفرع البلتاجي بالسرو قبل مستشفى السرو

27/08/2025

متوفر بصيدلية البلتاجي بالسرو فرع المستشفى بيبلاكAR