25/11/2025
والله يا جماعه مفيش حرارة هتنزل تانى يوم ولا من جرعتين تلاته للدوا وخصوصا لو الدور فيروسى يعنى مينفعش نكتب مضاد حيوى
مش زى ما أم مرة قالتلى حضرتك نسيت تكتب مضاد حيوى .. انا منسيتش اكتب مضاد حيوى .. انا مكتبتوش عشان مينفعش يتكتب ف الادوار الفيروسية
الميكروب بياخد ع الاقل يومين عشان نسيطر عليه والاعراض تخف وخصوصا ادوار الشتا
انا دايما بنبه الاهل وبفهمهم ان الحرارة مش هتنزل قبل يومين
بس طبعا بعد اول جرعه من الدوا اللى هو يا دوب معداش ع الكشف ١٢ ساعه الاقى الرساله المشهورة يا دكتور الحرارة مبتنزلش طب واللى قلتهولك اثناء الكشف طب مجهودى اللى خلص ف انى بفهمك الحرارة هتستمر يومين ليه طب نستنى حتى يوم ونسال 😁
ع العموم طالما واثقه ف الدكتور بتاعك وهو طمنك ومشخص صح يبقى متقلقوش من الحرارة طالما متحكمين فيها ومحصلش اى مضاعفات تانية
