Dr.mai magdi morsy

25/09/2025

📌دور طبيب الكلي في الفحص الدوري ⁉️
⚠️تحديد كفاءة الكليتين عن طريق عمل الأشعة والتحاليل اللازمه
⚠️إجراء التعديل المناسب الي أدوية الضغط والسكر بما يتناسب مع كفاءة الكلية
⚠️استبعاد الامراض الوراثيه في حالة وجود تاريخ مرضي بالعائلة
⚠️تجهيز مريض القلب الذي يخضع القسطره قبل وبعد اجراء العمليه لتقليل خطورتها علي الكليتين
⚠️وصف الغذاء المناسب للمريض خلال مرحلة القصور الكلوي
بما يفيد صحة الكليتين ويقلل من معدل التدهور

23/09/2025

🔴أمتي لازم تزور دكتور كلي⁉️
⚠️لو مريض ضغط أو مريض سكر
⚠️لو عندك تاريخ مرضي لأي مشكله الكلي
⚠️لو عندك مشكله في تحليل البول املاح صديد كرات دم حمراء
⚠️لو حد عندك في العيله بيعاني من مشاكل في الكلي
(الأب ـالام ـالاخوات)
⚠️لو رجليك بتورم أو بتصحي من النوم حوالين العين منفخ أو فيه رغاوي كتير بالبول
⚠️ لو مريض قلب بتعمل قسطره تشخيصيه أو علاجيه متكرره باستخدام الصبغه
⚠️لو مريض أورام بتاخد علاج كيماوي أو إشعاعي

22/09/2025

📌كتير من المرضي بيكون مش عارف إمتي يزور طبيب الكلي ⁉️
⚠️للاسف بينتظر لما يتحول في مرحلة متقدمه من معمل أو طبيب القلب أو الجراح لأن ارتفاع وظائف الكلي عائق لإجراء تدخل ضروري
✴️لان الوقايه خير من العلاج هنتكلم عن
🔅أمتي لازم نزور طبيب كلي ⁉️
🔅ويا تري ايه اللي بيقدمه طبيب الكلي للمريض⁉️

14/09/2025

📌🔅البنت دي طول عمرها بتتعرض لتنمر من الأهل والاقارب والمدرسين والجيران وأصدقاء المدرسه
🔅هي طول عمرها نفسها تلبس مناسب بينها(للاسف مش بتلاقي بسبب وزنها)😥
🔅ام مره قلتلها بتلبس معايا يا دكتوره
🔅طول عمرها لتتابع مع كل دكتور شويه وبعد كده ترجع تاني وهتلاقيها تابعت مع كل دكاترة البلد للسمنه و النحافه
وكثير ممكن تاخد ادويه من النت (الضاره والغير مصرح بيها )علشان بس تخلص من كابوس السمنه
🔅البنت دي علي فكره نفسها تتخبطب زي زميلتها وبنت خالتها وجواها مقتنعه أن محدش هيوافق بيها عشان شكلها ووزنها
🔅عايزاكم تاخدوا بالكم أن الدراسات أثبتت أن فيه جزيء كبير من اسباب السمنه مع الاستعداد الجيني وطبيعة الاكل ليه علاقه قوية بالضغوط النفسيه (الاكل العاطفي)
🔅غير أن اضطرابات الاكتئاب وغيرها ليها علاقه قوية بنمط الاكل
السمنه مرض زي اي مرض ليها ابعاد نفسيه وإبعاد وراثيا
رفقا لمرضي السمنه ساعدوهم وادعموهم علموهم الاول يحبوا نفسهم وبعد كده يغيروا عشان صحتهم
لينك البوست الاول اول تعليق

12/09/2025

📌الحاله دي متكرره
بنوته بتكون من اول الاعدادي لحد بداية الكلية
وزنها زياده طول عمرها وجاية والدتها تطمن هل عندها مقاومة انسولين أو بداية سكر لا قدر الله
البنت بتكون محرجه جدا مش عايزه تتكلم مش متقبله نفسها ولا جسمها
والام كل كلامها لو للبنت أنها مش بتقدر تمسك نفسها بتاكل من وراها ..
وما وراء الكواليس في البيت والأهل
(شايفه جسمك -شايفه وزنك ـشايفه بنت عمك وبنت خالك وزنهم ايه ـمحدش هيرضي بيكي كده ـ مش هتخلفي عمرك )
عايزين تعرفوا البنات دول إحساسهم ايه ؟

10/09/2025

حالة دخلت العياده ..حزينه جدا
بتشتكي من تعب في معدتها مش بتاكل ولا بتنام
عرفت أن ابنها اتوفي من ٢٠ يوم وصفتلها علاج مناسب وحاجه بسيطه تساعدها تنام
في الاستشاره عرفت أنه ابنها الوحيد وكان بيساعدها وبيشتغل لانه يتيم لدرجة أنه مسالش عن بداية الامتحانات
عدي عليه مادتين ولما عرف راح الصبح الامتحان المدرس تطاول عليه وشتمه بالام والولد رجع اخد علبة برشام كامله واتحجز يومين في الرعاية واتوفي 😥

09/09/2025

🔶حالتي النهارده مختلفه
الحقيقه هو عنده اكتر من مرض وابتلاء(ربنا يعافيه وبكتبله الأجر )
رغم كده ماشاء الله متفائل ومتعاون جدا
مريض سكر مرتفع لسنوات وقالي انا يا دكتوره لقيت كتير اوي ودائما مش مظبوط
الحقيقه لما شفت التحاليل والتراكمي طلبت نبدا انسولين
رفض وطلب مهله وهيلتزم علي نظام الاكل وعدلت بعض الأدوية الحديثه ليها نتائج ممتازه
بعد ٣شهور وصلنا المعدل الطبيعي وتراكمي ٦.٥
مثال للصبر وقوة الاراده 👍💪

09/09/2025

21/08/2025

📌سيدة ٣٠ سنه
🔅اول زياره بتشتكي بمعدتها ووجع في جسمها
🔅التاريخ المرضي :كانت عايزه تزود وزنها بتاخد كورتيزون وترايكتين قرص ٣مرات يوميا
⚠️النتيجه صحيح وزنها زاد لكن كمان التفتيحات في البطن زادت /نسبة الدهون زادت والعضلات قلت /صحتها العامه ضعفت /هشاشة عظام🤷
⚠️غير التهابات شديدة بالمعده 😥
⚠️ بلاش ناخد علاج بدون استشارة طبيب مختص 🤦
جارتك وصاحبتك مش هتنفعك

21/08/2025

21/08/2025

عايزين نعمل سلسلة فيديوهات جديده تحبوا نتكلم عن ايه ؟