Bani Sweif STEM Psychology club

11/11/2025

22/10/2025

🧠 Psychology Club Recruitment is NOW OPEN!

Are you passionate about psychology and want to make an impact?
Join a team that inspires, creates, and changes minds 💭✨

Choose the committee that fits you:

👥 HR – Support, organize, and keep the team strong from behind the scenes.
📢 PR – Represent the club and build meaningful connections.
🎭 Psychodrama – Express emotions through the art of performance and psychology.
🎤 Speakers – Share powerful ideas and make your voice heard.
✍️ Content Writing (CW) – Craft creative and insightful psychology content.
🎬 Video Editing – Turn our ideas into stunning visual stories.
🎨 Graphic Design (GD) – Design visuals that speak our club’s identity.
🚀 Marketing – Think outside the box and help us reach more people.
📦 OC (Organizing Committee) – Make every event come to life perfectly.

💫 Applications are open for a limited time —
If you’re ready to leave your mark, apply now!

🔗 [https://docs.google.com/forms/d/e/1FAIpQLSfM3qRar9GOGiuWWil4QhOr9ItFsWVs_qeSSwBNm_aHj_-EaA/viewform?usp=header]

deadline: 28/10/2025

22/03/2025

< هل تعلم ما معنى أن تكون في غرفة مليئة بالناس لكنك تشعر وكأنك غير مرئي، كأنك تطرق باب الاهتمام ولكن لا أحد يسمع." هذا هو *شعور النبذ والرفض الاجتماعي* وده سيكون موضوعنا في المسدج دي 🔎🔥
السلام عليكم عاملين ايه ؟ حابه اتكلم في المسدج دي عن موضوع مهم وهو "الرفض الاجتماعي Social Rejection" او زي م بيتقال بينا الشخص ده منبوذ 😤.

* #عاوزين نعرف هو مين الشخص المنبوذ ده ؟ وليه ممكن يكون منبوذ؟ أيه احساسه نتيجه الشعور بالنبذ؟ ازاي يتعامل مع الاحساس ده ويتغلب عليه ؟*

*| خلينا في الاول نتكلم عن : هو مين الشخص المنبوذ 🤔؟*
-بكل بساطه الشخص المنبوذ ده هو شخص بيحس بالتهميش والاستبعاد من مجتمعه ودايما بيحس ان الي حواليه مش بيحبوه ، ممكن شعور النبذ يكون ناتج عن سلوكيات الشخص نفسها او لأسباب خارجه عن إرادته .
*| تاني حاجه هو لي ممكن يكون منبوذ 🤔 ؟!!*
زي م قلت ممكن شعور النبذ
يكون ناتج عن سلوكيات الشخص نفسها او لأسباب خارجه عن أراده الشخص
* *لو ناتج من سلوكيات الشخص ممكن بسبب :*
*' سلوكيات غير مقبولة*: الكذب، الخيانة، الغدر، أو ارتكاب أفعال بيعتبرها المجتمع غير أخلاقية.

*' الأفكار المختلفة*: لو كان بيحمل أفكارًا تتعارض مع ثقافة أو قيم المجتمع.

*' التصرفات الغريبة*: لو كان سلوكه غير مألوف أو بيصعب على الناس فهمه أو التعامل معه.
* *لو ناتج لأسباب خارج ارادته:*
لو هنتكلم على اسباب اجتماعيه ف هتكون زي:
*' لاختلاف الثقافي أو الديني*: في بعض المجتمعات ،بيتم نبذ الشخص بسبب انتمائه لدين أو ثقافة مختلفة.

*'التنمر*: أحيانًا بيتم نبذ الشخص بسبب إشاعات أو صور نمطية عنه.

*'الاختلاف الطبقي* : في بعض المجتمعات، ممكن ينبذ الفقراء أو حتى الأغنياء إذا كانوا مختلفين عن السائد.
وممكن بسبب الإصابة بمرض معين،الإعاقة الجسدية أو النفسية.

*| ويا ترى ايه هيكون ناتج التعرض للنبذ 🤔؟!*
الشخص المنبوذ بيمر بتجربة صعبة نفسيًا واجتماعيًا، لأن النبذ بيأثر بشكل مباشر على مشاعره وثقته بنفسه. من بين الاثار الي هيعاني منها:
1. الآثار النفسية:
*الشعور بالوحدة*🙍🏼‍♂️
*الإحباط والحزن*
*انخفاض الثقة بالنفس*😕
*الخوف من التفاعل مع الناس*
*الغضب بعده التمرد*😠
2. الآثار الاجتماعية:
*العزلة والانطواء*🫠
*صعوبة بناء علاقات جديدة*😩
3. الآثار السلوكية:
*محاولة التكيف بأي وسيلة حتى لو على حساب نفسه وقناعته*😖
*اتخاذ قرارات متهورة*
*الإصابة بمشاكل نفسية(الاكتئاب،القلق)* 😓

‼️ لكن مش كل شخص منبوذ بيستسلم لشعور النبذ منهم الي بيخلو الشعور ده فرصه لاعاده اكتشاف ذاتهم وايجاد مكانهما الحقيقي في الحياه وعشان يتغلب الانسان على الشعور ده لازم :

*1. بتقبلو ذاتهم ويعززو ثقتهم بنفسهم*
* مش راي الناس الي هيعرفك انت مين وانت مش مجرد صوره في عينهم
* تحدد نقاط قوتك وركّز عليها بدلً من التركيز على الرفض الي بتواجهه.
* مارس الأنشطة الي بتخليك تحس بالانجاز
*2. البحث عن بيئة مناسبة وداعمة*
* متجبرش نفسك انك تقعد في مكان انت وجودك مش مرغوب فيه دور على الناس الي تتقبلك زي ما انت
* حاول تكوين صداقات جديدة مع أشخاص يشاركونك اهتماماتك وأفكارك.
*3. تحسين العلاقات مع الي حواليك*
* لو كان سبب النبذ مرتبطًا بسلوك معين، حاول تقييم نفسك وتحسين الجوانب الي تحتاج إلى تعديل.
* متتصرفش برد فعل عنيف أو سلبي.
*4. التعامل مع المشاعر السلبية بشكل صحي*
* متخبيش مشاعرك جواك طلعها بالكتابه او بكلام مع شخص بتثق في
* مارس انشطه الاسترخاء ومتفكرش كتير
*5. تحويل المحنة إلى فرصة للنمو*
* استغل التجربة دي في بناء شخصية أقوى
* استخدم النبذ كدافع لتطوير نفسك وإثبات قيمتك بعيد عن آراء الناس

📌خليك دايما فاكر أن كثير من الأشخاص الناجحين الي تعرضوا للرفض في البداية، لكنهم مسمحوش له بتحديد مصيرهم.
*واخيرا*⬅️ "النبذ هو انك بتحس وكأنك صدى في عالم أصم، بتطرق الأبواب ومش بيفتح لك أحد. لكنه مش حكم أبدي، لكنه اختبار لقوتك الداخلية.افتكر دائما أن قيمتك مش بيحددها الي بيرفضك، لكن الي بتؤمن أنت بأنك عليه. اصنع عالمك الخاص، وهتلاقي الي هيقدرك فيه."

15/03/2025

سكيتش تمثيلي من psychology club تحديداً ابطال كومتي psychodrama 🤩
حاولنا نناقش مواضيع دارجة في المجتمع زي التنمر والنبذ الاجتماعي عن طريق سكيتش بسيط و لطيف قدمه لينا زملائنا تحت إشراف د. أحمد عاطف الاخصائي النفسي ✨🤍

الممثلين:
احمد سامح G10
سيف حمادة G10
محمود محمد G10
زياد عبدالفتاح G11
محمود ياسر G11

الاخراج:
يوسف جابر G11 و Psychodrama boys head

المونتاج:
أحمد علي G11 و Video editing head

متنساش انك تقدر تبقى فرد من عيلة ال psychology في اي وقت و في اي مكان عن طريق انك تملى الفورم ده:

https://forms.gle/XhyVaCHVDgBU3ABEA

تحت اشراف:
د/ احمد عاطف
الاخصائي النفسي

11/03/2025

ازيكم يا شباب 🤩
اخباركم ايه 🙃
حبينا نرجع لمسابقة معلومة فى دقيقة ونشوف افضل التيمات اللى قدمتلنا معلومة ودا مش هتكمل غير برأيكم عن طريق أن اكتر فيديو هياخد لايكات هو الفيديو الكسبان 🤩

اسم التيم: Vid-dit

الفيديو: Fibonacci sequence "the nature's favourite sequence"

متنسوش أن ممكن تكونوا جزء من رحلتنا و تنشروا العلم و يبقى ليكم فرصة انكم تكسبوا عن طريق المشاركة في المسابقة في اللينك ده:

https://forms.gle/Nqhk3ToQUVvr2t756

11/03/2025

ازيكم يا شباب 🤩
اخباركم ايه 🙃
حبينا نرجع لمسابقة معلومة فى دقيقة ونشوف افضل التيمات اللى قدمتلنا معلومة ودا مش هتكمل غير برأيكم عن طريق أن اكتر فيديو هياخد لايكات هو الفيديو الكسبان 🤩

اسم التيم: رفقاء الحروف

الفيديو: قاعدة 20-20-20 لحماية عينيك من الإجهاد الرقمي

متنسوش أن ممكن تكونوا جزء من رحلتنا و تنشروا العلم و يبقى ليكم فرصة انكم تكسبوا عن طريق المشاركة في المسابقة في اللينك ده:

https://forms.gle/Nqhk3ToQUVvr2t756

05/03/2025

🌙 قامت أسرة التربية النفسية تحت إشراف د. احمد عاطف الاخصائي النفسي بتنفيذ محاضرة دينية بعنوان صلة الرحم بالتعاون مع الهيئة العامة لقصور الثقافة ومديرية الأوقاف ببني سويف حاضر فيها فضيلة الشيخ عمر صابر عبد الله امام وخطيب ومدرس بمديرية أوقاف بني سويف استمع فيها الطلاب والمعلمين إلى المحاضرة وقام بعدها فضيلة الشيخ بتلقى العديد من الأسئلة الفقهية للإجابة عليها واستمتع الطلاب والحاضرين بهذه المحاضرة المهمة، وقدموا الشكر لفضيلة الشيخ 🌙
وكيل المدرسة: ا. ماجد نادي
مديرة المدرسة:ا. سعاد الدفتار 🌺

26/02/2025

👈في حاجة في دماغك عايزة تقولها او معلومة ونفسك تفيد غيرك بيها وفى نفس الوقت ممكن تكسب جائزة، تقدر تطلع المعلومة اللي حابب تتكلم عنها في دقيقة و نشوف مين اكتر حد هيكون عنده القدرة أنه يوصل المعلومة ويكسب معانا...
المسابقة اسمها "معلومة في دقيقة" ودى خاصة بالBNS Psychology club ✨
📌 خطوات المسابقة.
تصور فيديو بتشرح فيه كونسيبت معين فى دقيقة
راعى أن الصوت يكون واضح الصورة تكون كويسة
لو م حابب تظهر بصورتك ممكن تستعمل بعض الحاجات زى الوايت بورد ف انك تصمم فيديو بسيط
التقييم هيتم عن طريق عرض الفيديو على لجنة وبتلاحظ المعايير بتاعته و صحة المعلومة

هنشوف احسن فيديوهات و دي اللي هتنزل على صفحة الclub ك متأهلين للround اللي جاية

طب المعلومة دي هتكون في ايه بالظبط ؟؟
هتكون في مجال علمي أو ديني أو نفسي
و التيم بيتكون من 1 لحد 3 أفراد
*الديدلاين: السبت 8/3*

لينك المسابقة:

https://forms.gle/Rr6M1yaWVncER88F8

05/12/2024