https://www.facebook.com/108913051710322/

Dr.Sarah Hasham, شارع البحر/عمارة فيصل, Bashbîsh (2025)

07/12/2022

ياريت الناس تاخد بالها بقيت بشوفه كتير ورشتات اطفال
المضاد مش علاج سحري اكل حاجه
عندما تعجز الألفاظ المؤدبة وغير المؤدبة على التعبير

ال averozolid بقى بيتباع ( فرط ) مع مجموعة البرد !

أفيروزوليد تابع ل مجموعة قوية من المضادات الحيوية ؛ بنعينها ل العدوى التقيلة ، و بنحوّشها ل البكتيريا المقاومة ل المضادات الحيوية العادية ..

في بعض المستشفيات ف الخارج ؛ افيروزوليد لا يُصرف الا من قِبل طبيب ( الامراض المُعدية ) علشان ميطلعش هباء منثورا على اي عدوى عابرة

افيروزوليد ؛ ومعاه كمان ٥ او ٦ اصناف
دول في قمة هرم المضادات، دول ( اقوى الاسلحة ) اللي وصلنالها لمحاربة الميكروبات

تقوم انت تاخده زي ( الملبس ) ل دور برد ؛ واللي هو اصلا عدوى ( فيروسية ) مش محتاجة مضاد حيوي اصلا !!

ويكأنك ب الظبط ؛ بتضرب دبانة واقفة ع الحيط ب صاروخ نووي عابر للقارات !

البكتيريا عندها القدرة على انها تتأقلم وتقاوم اي مضاد حيوي ؛ هنوصل في يوم من الايام ؛ اننا معدش عندنا اي مضادات تنفع ل البكتيريا المميتة !

ارحمونا ياجماعة

عيب جدا على اي طبيب او صيدلي او حد واقف ف صيدلية ؛ انه يطلع افيروزوليد بدون داع حقيقي

أتمنى المضادات الحيوية ف مصر ؛ تكون ب روشتة رسمية ؛ زي معظم الدول التانية

وعلى رأي ايلون ماسك :
احنا مش هنموت من الذكاء الاصطناعي
احنا هنموت بسبب الغباء البشري

02/12/2022

المضادات الحيويه عن طريق الحقن و الشراب

الموضوع ده مهم ولازم نفهم كل الجوانب بتاعته من أول المريض و أهله و المرض نفسه حتى الدكتور اللي بيكتب علاج

أولا : وطبيا لا فرق بين الدوا عن طريق الحقن أو عن طريق الشراب كل دول ليه تركيبته و ليه طرق إمتصاصه داخل الجسم
يعني طبيا الحقن والشراب واحد الجسم بيستفاد بيهم إستفاده كامله و مفيش فرق بينهم

ثانيا : على نظرية التسلسل وتحميل كل واحد نصيبه في المسؤوليه
نيجي للأهل فيه إعتقاد خاطئ عند البعض إن الحقن أسرع و أقوى وبيطلبوا هم الحقن ودي ليها تناسب طردي مع الجهل الطبي سواء من الأهل أو الدكتور نفسه

ثالثا : الطفل اللي مبيحبش الدوا الشراب ومعظم الأطفال كده و ده مهم لأن الأم تحب تريح دماغها وتقول للدكتور إكتب حقن و ده خطأ و ليه مشاكل خطيره جدا ممكن تتجنبيها لو تعبتي نفسك شويه ودورتي على طريقه تدي بيها الدوا الشراب للطفل وممكن تسألي الدكتور اللي حضرتك هتكشفي عنده عنها

رابعا : والأهم الطبيب نفسه و ضميره و ثقته في شغله و ثقة الناس فيه
هل هيعامل الطفل زي ابنه أو بنته ولا بيبيع الطفل والأهل لشركات الأدويه والصيدليات
الحمد لله إني مش في البلد وانا باكتب بوست زي ده عشان ميتقالش إنه شكر في نفسي أو دعايه
بس فيه دكاتره كتير جدا وناس متعرفش تقف في عياداتها من الزحمه طبيا لا يفقهوا شيء والله
بيشتغلوا شغل سوق وبيع وشراء لكنهم بعيدين تمام عن الطب والضمير
مفيش طفل أو مرض محتاج حقن إلا لو المرض في حالات صعبه و المريض نفسه مش هيعرف ياخد الأدويه عن طريق الفم وفي الحاله دي هيحتاج حجز في المستشفى

طبعا الكلام لا يشمل الأدويه اللي ملهاش تركيبات غير الحقن
يعني مفيش منها حبوب أو شراب

حالات كتير جدا الأهل يتصلوا بيا إنهم كشفوا عند حد معين من تجار السوق وطلب منهم حجز واني أساعدهم في الحجز وبعد ما اسمع منهم مجرد السماع أعرف إن الموضوع مجرد دكتور معندوش ضمير أو حابب يريح دماغه من حاله ذنت عليه كتير وقالها كده عشان يرتاح من ذن الأهل

الطبيب أول واحد عارف إن المريض مش محتاج حقن وإلا يحجزه من أول كشف ولو بدأ حقن يبقى يوم واحد
لكن فيه دكاتره بتكتب أسبوووووووع حقن

ليه يا عمي كده

الحل الأمثل إن الأهل يفهموا ويتثقفوا طبيا ويفهموا من الدكتور طبيعة المرض نفسه وطول ما الطفل كويس ويتعالج في البيت يبقى مفيش حقن

وحتى لو فيه حقنه او اتنين يبقى من حقي على الطبيب أنه طالما كتب حقن لابني يديهاله هو

أجيب الدوا وارجعله يديهاله

في ظل موضوع إختبارات الحساسيه وامتناع الناس أنها تدي حقن يبقى ده حق كل مريض على الدكتور اللي كشف عنده

ونصيحه لله ابعدوا عن تجار الطب و مواصفاتهم معروفه
١ ٠ يطلب تحاليل في معمل معين عشان ليه نسبه معاه
٢ ٠ يطلب آشعه في مركز معين عشان برضه ليه نسبه معاه
٣ ٠ الروشته لا تخلوا من كمية حقن محترمه وأكتر من ٥ أصناف دواء لأنه من الآخر بيكتب كل حاجه تغطي كل حاجه عشان في الآخر الولد يملى جسمه من كمية أدويه تدمر أعراض المرض و تدمر الطفل نفسه
٤ ٠ التركيبات العجيبه اللي البعض بيتفنن فيها
حط كام قرص من الدوا ده على الدوا ده و ده أكبر غلط و جريمه طبيه أقسم بالله والدكتور نفسه ميعرفش نتيجة التركيبه هيكون إيه هل الدوا اترسب أو مفعوله قل أو زاد ولا مفعوله ضاع خالص ولا اتحول لمفعول جديد بعيد عن المادتين

اتقوا الله وتثقفوا طبيا
ربنا يحفظنا جميعا

د . كامل الشريف
أخصائي طب الأطفال و حديثي الولاده

20/11/2022

كحه ايفري وير مبتروحش 😅

27/09/2022

🛑 مصل الانفلوانزا 2022/2023. Influvac Tetra
👈تنبيه هام ..
بخصوص تطعيم الإنفلونزا هذا العام حيث يمثل تطعيم الإنفلونزا هذا العام أهمية قصوى(2023/2022)

حيث تحذر منظمة الصحة من تزامن الإصابة بالإنفلونزا مع إحتمالية الإصابة بفيروس كورونا

🛑 يعنى انا لو اخدت المصل ده مش هتجيلى انفلونزا؟
* المصل ضد الانفلونزا الفيروسية هيوفرلك 4 حاجات باذن الله :
1. حماية ٨٠٪ من الانفلونزا الفيروسية الموسمية.
2. بيقلل حدة الأعراض.
3. يقصر مدة الأعراض.
4. والأهم إنه بيمنع المضاعفات.
5-هيحمي الرئه بتاعتك جدا عشان متكونش ضعيفه وعرضه للاصابه بفيروس كور.و.نا المستجد نتيجه تكرار الاصابة بفيروس الانفلونزا .

🛑 طيب هو مين اللى لازم يأخذه ؟؟

كلنا بلا استئناء لازم نأخذه ، و خصوصا اننا محتاجين مناعة قوية علشان نحصن نفسنا
من اى دور انفلونزا ممكن يجيلنا
فيضعف مناعتنا و نكون عرضة لا قدر الله لاى فيروس تانى
بس لو حبيت اوجه كلامى لناس بعينها :
1. الاطفال ثم الاطفال ثم الاطفال
و خصوصا ان المدارس رجعت و احنا فى وقت صعب
2. مرضى حساسية الصدر
لإن دور الإنفلونزا والبرد من المثيرات اللي ممكن تدخله في ازمة تنفسية لا قدر الله.
3. مرضى الجيوب الانفية.
4. ذو المناعة الضعيفة ، اللى مع اى دور برد بيحصلهم مشاكل كتير.
5. كبار السن.
6. الحوامل بس يُفضل بعد الثلاثة اشهر الاولى.
7. المرضعات.

🛑 المفروض يتاخد إمتى ؟

يُفضل إعطاءه قبل دخول فصل الشتاء
عشان مفعوله يبدأ يظهر عند بداية موسم البرد
(بيستغرق من إسبوعين إلي ثلاثة أسابيع لظهور تأثيره)
يعني افضل توقيت
سبتمبر ولا يُنصح بإعطاءه أثناء أدوار البرد .

🛑 طيب ايه هى الجرعة ؟ وهل ينفع لكل الاعمار
ينفع لكل الاعمار فوق ال ٦ شهور
اقل من عشر سنوات بياخذ المصل كله
بس بشرط ان الطفل لو كان اول مرة يأخذه فى حياته
لازم يكرر الجرعة بعد شهر

ثالثا 10 سنين فيما فوق
بياخذ المصل مرة واحدة فقط

رابعا المصل يُعطى فى عضلة الكتف بعمق
و ممكن تحت الجلد (في الذراع مثلا)
🛑 هل ليه اعراض الجانبية ؟
1. فى بعض الحالات وجع بسيط وإحمرار أو تورم مكان الحقنة
2. نادرا ما يسبب سخونة أو صداع وآلام بالجسم
3. وحالات نادرة جدا جدا يحدث حساسية أو طفح جلدى

🛑 و بالمناسبة مفيش اى تعارض بين تطعيم الانفلونزا الموسمى و اى تطعيمات
و خلى بالك لازم التطعيم يكون محفوظ فى الثلاجة علشان ميبوظش
يعنى تتأكد انه ساقع قبل ما تأخذيه من اى مصدر
----------------------------------
** اللقاح يؤجل و لكنه غير ممنوع لو كان الشخص عنده عدوى او درجة حرارته عالية
** اللقاح بيتاخد حقن عميق ف عضلة الكتف ، و يجوز انه يتحقن تحت الجلد
** يجب وضع فاصل زمني بين لقاح كورونا ومصل الانفلونزا من اسبوعين إلى ٣ اسابيع

___________________

16/04/2022

النهاردة الساعة 5 قبل الفطار شاب 25 سنة جاي الإستقبال بألم في الصدر وصعوبة فى التنفس وترجيع
" typical acute chest pain "
Bp : 170/110
HR : 125
ECG : St segment Depression in antrolateral leads .
كل ده حصل بمجرد ما أخد حقنة يونيكتام 1500 وريدي ،
أقل من 5 دقايق و كل ده حصل .
الولد ده ممكن يدخل قسطرة وفعلا حولناه في ساعتها بعد ما أخد سوليوكورتيف .
بنبعت لباقي أطباء الرعاية نقول لهم:
دكتور أكد إن فيه بنت إمبارح حصل معاها نفس السيناريو ودكتور ثاني أكد إن فيه مريض متعود يأخد الحقنة قبل كده يعني مش أول مرة وبمجرد ماخد نص الفايل ضغطه علي 220/140 مع ألم فى الصدر و صعوبة في التنفس .
كل ده مش حد حكي لي ، دي حاجة انا شوفتها بعيني
فرجاءا لو دكتور ما تكتبش يونيكتام الفترة دي
ولو صيدلي رجاءا رجاءا بلاش تصرفه الفترة دي
و الله أم الشاب كان حالها يحزن كأن قلبها اللي واجعها مش هو وربنا يعينها واحنا بنقولها إن رسم القلب فيه جلطة ومحتاج قسطرة .
نقلا عن دكتورة هبة سلطان
فكل واحد ياخد باله و ربنا يحفظنا و احبابنا جميعا يارب .

26/02/2022

فوبيا البخاخات🙈
هنتكلم النهارده عن بعض الناس اللي بتعاني من أعراض الحساسيه الصدريه أو الربو وتخاف من استخدام البخاخات بحجة انها تتعود عليها
بالعكس البخاخه بتساعد بشكل سريع وفعال انها توصل الماده الفعاليه للشعب الهوائية وأكبر مساحه من الرئه بآثار جانبيه أقل من استخدام نفس الماده عن طريق الحبوب أو الشراب
ففي الحاله دي اللي هيريحك استنشاق الماده عن طريق البخاخة او جلسات الاستنشاق بواسطة النبيوليزر ودي مفيهاش خطوره خالص ولا تعود ان شاء الله ممكن توقف بعد كده حسب حالتها واستشارة الطبيب

15/02/2022

حبايبي بالنسبه للموجه اللي موجوده اليومين دول بدأ معاك دور برد كحه تكسير في الجسم مفيش مشكله لو في الاول عالجنا الأعراض وأخدنا فيتامينات
في حال الأعراض مرتاحتش الكحه مخفتش وبتزيد دور ع السبب واكشف وخاصة للناس الكبيره في السن وعندها أمراض مزمنه
في ناس بتتأخر وتيجي بعد ١٠أيام من بداية الأعراض وبتكون الحاله ساءت وتشبع الدم بالأكسجين بدأ يقل
أي استسفار تحت أمركم🌹

09/02/2022

أعراض نوبة الحساسية الصدرية

تختلف ظهور أعراض نوبة الحساسية الصدرية من شخص إلى اخر، فهناك من يبقى لفترات طويلة دون التعرض لنوبة الربو أو تفاقم الأعراض، على عكس البعض الاخر الذين يعانون من نوبات ربو متكررة، ويعتمد ذلك على مدى تعرض الفرد للمحفزات.

إضافة إلى أن أعراض نوبة الربو قد تختلف في شدتها والتي تتراوح من المتوسطة إلى الشديدة جدًا، وعمومًا تشمل أعراض نوبة الحساسية الصدرية ما يأتي:

التنفس بصعوبة كبيرة.
السعال المستمر.
التنفس بصورة سريعة.
ضغط وضيق شديد في الصدر.
الخضوع لنوبات الخوف والهلع.
ارتفاع صوت صفير التنفس.
صعوبة في التكلم.
شحوب البشرة.
التعرق الشديد.
تقلصات في عضلات الرقبة والصدر.
ازرقاق الشفتين والأظافر.
تفاقم الأعراض بشكل كبير حتى بعض استخدام البخاخات.
للاستفسارات والحجز عبر المسجات و رقم العيادة 01001546912

09/02/2022

أعراض الحساسية الصدرية

الحساسية الصدرية هي من أكثر أنواع الربو شيوعًا والتي تحدث نتيجة استجابة الجهاز المناعي لتأثير بعض المحفزات، على عكس أنواع الربو الأخرى التي تنجم عن استجابة الشعب الهوائية لتأثير المهيجات الأخرى.

وبالرغم من اختلاف المحفزات المتسببة بظهور أعراض الحساسية الصدرية عن تلك التي تتسبب بظهور أعراض بقية أشكال الربو الأخرى، إلا أن هذه الأعراض قد تكون متشابه لحد كبير في طبيعتها.

وبشكل عام تتلخص أعراض الحساسية الصدرية بالاتي:

السعال وخاصة في أوقات الليل.
ضيق في التنفس.
صدور صوت يشبه الصفير أثناء التنفس والذي يدعى بصفير التنفس.
الشعور بألم وضيق في الصدر.
الشعور بضغط على الصدر.
في بعض الأحيان قد يرافق الحساسية الصدرية بعض الاضطرابات التحسسية الأخرى، مثل: حساسية الغذاء أو حساسية الأنف والتي تؤدي إلى حدوث مجموعة من الأعراض التي قد تكون أقل حدة من أعراض الحساسية الصدرية، وتشمل تلك الأعراض ما يأتي:

العطاس.
طفح جلدي.
انسداد الأنف.
حكة في العينين وجريان الدموع.

Dr.Sarah Hasham

07/12/2022

02/12/2022

20/11/2022

27/09/2022

16/04/2022

26/02/2022

15/02/2022

09/02/2022

09/02/2022

Address

Telephone

Website

Alerts

Shortcuts

Share

Category