https://www.facebook.com/110485910771860/

عيادة امراض المخ والاعصاب والعمود الفقرى والطب النفسى د/امجد انيس, Benha (2026)

19/10/2025

سعدت بمشاركتى فى حفل اطلاق الجيل الجديد من عقار اذابة الجلطة المخية (Tenectplase) فى مصر.

متوفر فى مصر وقريبا جدا فى المستشفيات الحكومية التى تقدم الخدمة مجانا.

⚠️⚠️⚠️ انتبه ووعى قرايبك وجيرانك ومعارفك ⚠️⚠️⚠️
اذا لا قدر الله مريض اشتكى من اعراض جلطة فى المخ زى صعوبة فى الكلام او ضعف فى جانب من الجسم او اعوجاج فى جانب الوجه او الفم
فورا فورا توجه لاقرب مستشفى طوارئ بالنسبة لك.

ولا تستنى تسأل قريبك ، ولا تستنى تسأل الصيدلى ، ولا تروح للدكتور اللى بتحبه وتنتظره بالساعات 🧐🧐
اذهب للطوارئ فى المستشفى فورا بعد حدوث الاعراض
الساعات الذهبية المسموح باعطاء العقار المذيب هى اربعة ساعات ونصف

سكان مدينة بنها وضواحيها وكفر شكر وضواحيها
الخدمة متوفرة حاليا فى مستشفيات جامعة بنها ومستشفى كفر شكر التخصصى على مدار الساعة

26/04/2021

ازاى تحافظ على صحة دماغك مع صيام رمضان

الاول نعرف ان مشكلة الصيام بالنسبة للدماغ هى الجفاف .. عدم شرب الماء او السوائل بصفة عامة بالذات مع الحر الشديد بيزود لزوجة الدم وبالتالى خطورة ان لا قدر الله يحصل نقص فى الدم الواصل للمخ او جلطة حفظنا الله واياكم
وعلشان الموضوع دا خطير لازم تحافظ على نفسك بالذات لو انت مريض ضغط او سكرى او مريض قلب او عندك سمنة او دهون عالية او سنك كبير

1- تشرب ماء وسوائل عامة طول فترة الفطار ( 2 لتر على الاقل ) وليس عند الافطار او السحور فقط .. لازم تحافظ على تروية جسمك بشكل كافى
2- حافظ على علاجات السيولة بتوصيات من طبيب متخصص .. ودى بتحافظ بشكل كبير ان ميحصلش تجلطات
3- ابعد عن الحر او الشمس او المجهود اثناء فترة الصيام

#نفسيةوعصبية

#موبايل01007737126

15/10/2020

#نفسيةوعصبية

#موبايل01007737126

اضطرابات الجسدنة
عمرك شوفت او سمعت عن حد بيشتكى من شلل نصفى مثلا وراح كشف والدكتور قاله دى حالة نفسية !!!
بالظبط كده ، احيانا الانسان بيتعرض لضغط نفسى شديد ، المخ بيفشل نفسيا فى التأقلم معاه ، علشان كده بتظهر بالصورة دى ،، المخ بيجسد الضغط النفسى بالاعراض الجسمانية
ودا بيظهر فى صور كتير

الاغماءات المتكررة
حالات الشلل النصفى او الشلل السفلى
تنميل الاطراف
الصداع الشديد
الام شديدة متفرقة بالجسم
فقدان القدرة على الكلام

للاسف الاعراض بتشتبه بنسبة كبيرة جدا مع الامراض الحقيقية للمخ والاعصاب زى السكتة الدماغية مثلا وعلشان كده لازم المريض يتعرض على الطبيب المتخصص واللى بالفحص هيعرف اذا كان محتاج فحوصات اخرى او لأ
عرض المريض على الطبيب المتخصص هيوفر عليك القلق الزايد لما الدكتور يطمنك ومصاريف كتير زى اشعات وتحاليل مالهاش لازمة

07/10/2020

#نفسيةوعصبية

#موبايل01007737126

الجن والعفاريت مالهمش دعوة بالمرض النفسى

انا هنا مش فى مجال انى اقول اذا كان فى عفاريت وشياطين ويقدرو يأثروا على الانسان او لأ ,,, لكل شخص دينه وايمانه اللى مقتنع بيه

لكن الاعتراض على تحميل اى اعراض نفسية على الجن والشياطين والحسد والسحر وخلافه

اى حد مكتئب يبقى محسود ......... اى حد بيسمع هلاوس يبقى ملبوس

ودا ببساطة ممكن يأخر العلاج اللى لو بدأ من بدرى كانت النتيجة هتكون افضل بكتير من الانتظار

ودا لأن نسبة كبيرة من اهلنا الغلابة بيفضلو يقولو على مريضهم انه " ملبوس " او " محسود " اكتر من انهم يقولو انه عنده قلق وتوتر ولا وسواس قهرى ولا اضطراب وجدانى مع انها امراض كلها قابلة للعلاج والشفاء

اسأل نفسك سؤال : لو حسيت بأى اعراض نفسية هل ممكن استشير طبيب نفسى؟؟ ولا الافضل اروح للشيخ فلان او ابونا فلان وهو يفيدنى

04/10/2020

#نفسيةوعصبية

#موبايل01007737126

احيانا الانسان بيمر فى لحظات باضرابات نفسية زى الحزن الشديد او الاكتئاب ,, هل كل مريض بيحتاج علاج دوائى؟؟
الاجابة قطعا لأ .. مش كل من مر بظروف نفسية صعبة بيحتاج دواء لكن العرض على الطبيب مفيد لتقييم الوضع واختيار الافضل سواء المتابعة او كتابة الدواء المناسب
اومال امتى لازم يبقى فى علاج اجبارى ؟؟ او حتى دخول المستشفى؟
اذا كان الانسان المريض غير قادر على العمل او كسب عيشه بسبب مرضه
اذا كان مقصر بسبب مرضه فى وظايفه الاجتماعية والاسرية
اذا كان مدمن لاى نوع من الادمان
لو شعوره غير مريح بالنسبة له ,, يعنى لو شخص بقى مش قادر يفرح او مش عارف يجتهد او يشتغل ,, فاقد الشغف
لو الاعراض بسيطة ومع الوقت بتتطور وتزيد
لو المريض اصبح مؤذى لنفسه او للى حواليه
فى الحالات دى لازم استشارة الطبيب المتخصص اللى هيقيم الحالة ويوضح الارشادات اللازمة للعلاج

26/09/2020

#نفسيةوعصبية

#موبايل01007737126

الامراض النفسية هى الامراض اللى بتأثر على التفكير ، السلوك ، المشاعر ،، وكل ما يخص النفس البشرية
والمسؤل عنها اجزاء دقيقة فى المخ وناقلات عصبية معينة بتتحكم فى كل مايخص النفس

هل لو انا بعانى من مرض نفسى يبقى انا مجنون ؟!!!!!!

للاسف فى مجتمعنا والحقيقة فى دول كتير بيعتبرو المرض النفسى وصمة او جنون على الرغم انه مرض زى اى مرض وقابل للعلاج والتحسن جدا جدا ومش معنى ابدا ان حد بيتعالج من مرض نفسى انه يبقى مجنون .. الجنون هو جزء صغير من الامراض النفسية
وببساطة اكتر زى ما واحد ممكن يجيله دور برد ,, ممكن يجيله بردو سرطان .. الجنون هو سرطان الامراض النفسية

الجنون هو مرض نفسى وليس كل مرض نفسى جنون

اومال مين هو المجنون ؟؟ هو الانسان اللى بيفقد القدرة على التمييز او الحكم على الامور وبالتالى ميقدرش يدير عمل او بيت او حتى اموره الخاصه زى الاكل والشرب و نظافته الشخصية

طيب هل فى علاقة بين الجن والعفاريت والامراض النفسية ؟؟؟

23/09/2020

#نفسيةوعصبية

#موبايل01007737126

امثلة من الامراض النفسية
لو محتاج تسأل عن اى معلومة ,, متترددش ابعتلى فى رسائل الصفحة او الكومنتات او الواتس اب

20/09/2020

#نفسيةوعصبية

#موبايل01007737126
ازاى احمى نفسى من السكتة الدماغية؟؟
مراعاة الامراض المزمنة زى الضغط والسكر وتناول ادوية السيولة بانتظام لمرضى القلب والامراض الاخرى اللى بتحتاج ادوية سيولة مستمرة وشرب السوائل بانتظام يوميا ما لا يقل عن لتر ونصف والحركة المستمرة زى المشى او ممارسة اى نوع رياضة والتوقف عن التدخين

علاج جلطة المخ بحقنة اذابة الجلطة: دا بيتم خلال 3 ساعات فقط من بداية الاعراض والمريض بيتحسن بنسبة كبيرة لكن للاسف هذه الطريقة لا تصلح مع كل المرضى بالجلطات وقد تؤدى لسوء الاعراض او حتى الوفاة لو اعطت للشخص الخاطئ

علاج جلطة المخ بالقسطرة المخية: ودى تقنية جديدة زى قسطرة القلب لكن دى وظيفتها انها توصل للمخ تسحب الجلطة اللى سادة الشريان وبالتالى تعود الدورة الدموية لاجزاء المخ وتستعيد وظيفتها ومسموح باجراءها خلال 6 ساعات فقط من بداية الاعراض

17/09/2020

#نفسيةوعصبية

#موبايل01007737126

ما هى الاسعافات الاولية اذا لا قدر الله ظهرت اى من اعراض السكتة الدماغية؟؟
الانتقال الى المستشفى فورا او العرض على طبيب متخصص بشكل عاجل اللى هيقوم بالفحص وهيطلب اشعة على المخ وكتابة علاج حسب التقدير الاولى للمريض مع المتابعة واحيانا يحتاج المريض الى الحجز بالمستشفى اذا لزم الامر

مع اعتبار العرض الطبى هام جدا خاصة اذا كان المريض يعانى من الضغط المرتفع او السكرى او امراض القلب مثل الذبذبة الاذينية او كان السن اكبر من 40 سنة او كان مدخنا

ويحذر من اعطاء ادوية السيولة بدون مراجعة الطبيب او عمل اشعة على المخ ودا لأن زى ما قلنا قد يكون المسبب للاعراض هو نزيف بالمخ اللى هيزيد لو اعطينا المريض ادوية سيولة وقد تسوء حالته وتصل للوفاة لا قدر الله

15/09/2020

طيب نرجع للسؤال عن التسمية ان دا مرض وهو جلطة بالمخ . طبعا هذا الاسم غير صحيح لأن نفس الاعراض دى وبنفس طريقة ظهورها الفجائية ممكن تحصل مع اكتر من سبب مثلا الجلطة الشريانية فى المخ
او نزيف المخ بانواعه
او اورام الدماغ
او الجلطة الوريدية
او ممكن مع امراض تانية زى التصلب المتناثر
وكل مرض من دول له طريقة تعامل وعلاج تختلف عن الاخر .. زى مثلا الجلطة الشريانية ونزيف المخ ..
لكل منهما نفس الاعراض ولا يمكن التمييز بينهم بشكل قاطع بدون اشعة مقطعية على المخ لكن المرضيين مختلفين عن بعض تماما فى العلاج او الحقيقة هما علاجهم عكس بعض :
فى الجلطة بنعطى ادوية لسيولة الدم او حقنة اذابة الجلطة
اما فى النزيف بنعطى ادوية تمنع سيولة الدم والا النزيف هيزيد

وظهور الاعراض السابقة بصرف النظر عن سببها بشكل مفاجئ يسمى السكتة الدماغية اللى بتحتاج عرض على طبيب متخصص بالاعصاب بشكل عاجل جدا لتحديد مسار العلاج

12/09/2020

#نفسيةوعصبية

#موبايل01007737126

المريض دا عنده جلطة فى المخ : يعنى ايه جلطة فى المخ ؟؟

الجلطة معناها ان حصل انسداد فى شريان من الشرايين اللى
بتغذى اجزاء المخ المختلفة ودا معناه ان الجزء دا هيموت وبالتالى
هيفقد وظيفته اللى بتختلف على حسب المكان اللى اتأثر من المخ
لأن كل جزء من المخ له وظيفة معينة ونتيجة لكده بتظهر اعراض
معينة اللى الناس بتعرفها على انها جلطة بالمخ

ايه هى اعراض المرض دا ؟؟

اعراض المرض الشائعة هو ضعف او شلل بجانب من الجسم او بطرف
واحد فقط ــ اعوجاج الفم ــ تلعثم الكلام او فقدان القدرة على الكلام ــ
التشنجات ــ الصداع الشديد ــ الرؤية المزدوجة او الحول ــ تنميل الاطراف – التبول اللاارادى ــ ممكن كمان اضطراب فى درجة الوعى او الغيبوبة

طيب هو كل واحد ظهرت عليه الاعراض دى يبقى عنده جلطة فى المخ؟؟

تابعونا ـ ـ ـ

عيادة امراض المخ والاعصاب والعمود الفقرى والطب النفسى د/امجد انيس

19/10/2025

26/04/2021

15/10/2020

07/10/2020

04/10/2020

26/09/2020

23/09/2020

20/09/2020

17/09/2020

15/09/2020

12/09/2020

Address

Telephone

Website

Alerts

Shortcuts

Share

Category