18/04/2019
#هتخس بالعقل_مش بالأكل
الحلقه 1
هو انت لو حبيت تخس ياترى تبدأ
بزيارة الجيم؟
ولا بالامتناع عن المطبخ؟
ولا بالانتظار امام عياده الدكتور؟
خدها صريحه بدون بهارات... اقعد فى الجيم وبص كويس للناس اللى بتولع فى جسمها لدرجة ان انت ممكن تسيح لو قربت منه واسأل نفسك هو ليه رغم أن الناس دى بتعمل نفس التمارين بس النتايج مش واحده😬
أو خش المطبخ وافتح حله الرز وبصلها كويس هو له اخويا ابن امى وابويا اللى بياكل معايا فى نفس الطبق مبيزدش زيي😬
أو وانت قاعد مستنى الدكتور اللى هينسف وزنك ويخليك فيت بص على كروش اللى حواليك هو ليه رغم أن وزن اللى اتنين اللى قاعدين تحت المروحة وبينهجوا واحد بس الكرش مدلدل بزيادة عند واحد ومرفوع عند التانى🤣
الحقيقه اللى لازم تتأكد منها لو حبيت تخس أو تزيد أن انت محتاج تتصل بواحد وتقله انا مستنيك ضرورى وتقعده قدامك وتشربه شاى بالياسمين وتسأله❗
عارف مين ده..... هو عقلك وكفى....
مشروع التحكم فى الوزن زى اى مشروع ممكن تعمله فى حياتك تعمله دراسه وتفهمه وتتوكل على الله وتنفذه وعشان انت فاهم فهتعافر معاه لغايه لمى ينجح وتصر على استمرار نجاحه
اول شئ لازم تفهمه الحلقه دى
أن النظام المتبع لمتابعة الوزن اطور زى كل حاجه ما بتتطور
كنا زمان بنقيس الوزن والطول
ولما ربنا فرجها دخلنا الBMI
والان ال BC وده ظهر عشان نفهم أجسامنا بكل حتحوته
والمقصود به Body compsition
اواول شئ فى الBc لازم تبقى عارفه ال4C model
LBM وده معناه وزن الجسم بدون دهون
DBM وده معناه وزن الجسم بدون ماء
DLM وده معناه وزن الجسم بدون ولا مياه ولا دهون
TBWودى معناه كمية المياه بالجسم كامله
لازم تعرف انت عايز تزود اه وتقلل اه وتابعة الزاى
انت محتاج تفهم يعنى اه
ICWوده معناه كميه المياه جوه الخلايا
ECW وده معناه المياه بين الخلايا
محتاج تفرق بين الدهون تحت الجلد subcutaneous fats والدهون الداخليه visceral fats
وتعرف ان النسبه بينهم مهمه جدا
لازم تفرق بين وزن الدهون وحجم الدهون
نسيبكوا ونقابلكوا على خير الحلقه اللى جايه
اللهم انفعنا بما علمتنا وعلمنا ما ينفعنا 📢
