15/09/2018
Back to school 👍
عشان صحة اولادنا و عشان نحافظ علي نموهم البدني و النفسي و العقلي هنقول شوية نصايح لدخول المدرسة ....
١- لازم ابنك يفطر قبل ما يخرج من البيت حتي لو فطار خفيف .. مينفعش ابدا يخرج من غير فطار ❌
٢- نجهز ازازة المية و نعرفه أهميتها قبل ما نجهز السندويتشات أو اللانش بوكس 🥛
٣- نختار العيش الصحي و نقلل من استخدام الفينو و في مخبوزات كتير ممكن نستخدم فيها الدقيق الاسمر أو الشوفان 🍪
٤- البطاطس المسلوقة او اتخبزت في الفرن افضل مية مرة من الشيبسي 🥔
٥- بيضة و كوب زبادي او رايب و جبنة هيكون مصدر افضل للبروتين 🥚
٦- الفاكهة مصدر افضل للسكر بديل عن حلويات السوبر ماركت🍐🍊🍎
٧- ياريت لو نقطع الخضار شرائح او بأشكال عشان نحببهم فيه 🥕🥒
٨- لو هتعملي اي حلويات أو بسكوتات في البيت هتكون افضل بكتير من كيكات الشارع و غيرها 🍩
٩- اتفقوا مع الأولاد علي توفير المصروف و يجيبوا بيها اي حاجة نفسهم فيها في كل أسبوع يلتزموا فيه بالاكل الصحي 🏀
١٠- اولادنا بيقلدونا ... ياريت نبدا نطبق نفس النصائح اللي بنقولها لهم عشان يصدقوا كلامكم 😊
🍏
