05/11/2025
🚩 ليه شباب وبنات النهاردة بيصرخوا من وجع المفاصل والعضلات والرقبة والظهر؟
وليه بنت عندها ٢٥ سنة بتصحى من النوم جسمها مكسر كأنها شالت طوب، وشاب عنده ٣٠ سنة مش قادر يقف نص ساعة؟
زمان كانوا الكبار يشتكوا بعد عمر طويل وتعب سنين…
دلوقتي الصغير بيصحى من النوم تعبان!
المفصل اللي ربنا خلقه يعيش ويستحمل سنين، بقى بيبقى عاجز قبل ما العمر يجري.
السر؟
إحنا عايشين حياة مش بتاعة البشر اللي اتخلقوا يتحركوا ويتنفسوا أكل طبيعي ويهتموا بنفسهم.
جسم بيشتغل ٢٤ ساعة… وبيعرف يقول "كفاية" بس احنا ما بنسمعش.
---
🎯 اسمع الجسم بيقول ايه
أنت دلوقتي يمكن قاعد على الكنبة، ضهرك محني، رقبتك قدّام، كتفك واقع، موبايل في ايدك…
وصدقني الوضع ده لو اتشال وحطوه في كتاب تشريح هيقولوا عليه "وضع تدمير الفقرات والأعصاب والمفاصل".
العضلات بتضعف لأنها مش بتشتغل
المفاصل بتتخشب لأنها ما بتتحركش
الغضاريف بتجف لأنها عطشانة
والجسم بيولع من جوة لأن الالتهاب بقى أسلوب حياة
مش وجع مفصل
ده جسم بينادي يقولك
أنا بنهار واحدة واحدة
---
♦️ الالتهاب المزمن… النار اللي مولعة جواك كل يوم
السكر، الزيوت المحرّجة، الفاست فود، العصاير، البسكوتات، عيش أبيض طول اليوم
دي مش أكل
ده وقود التهاب
بتدي نار جوا جسمك بدل ما تديله حياة
لو الأكل اللي بتاكله مصنوع في مصنع أكتر ما هو طالع من أرض
ما تستغربش جسمك يُستهلك بدري
---
♦️ العناصر اللي ناقصاك ومحدش بيقولك
مفاصلك مش بتوجع علشان سنك كبر
مفاصلك بتوجع علشان:
فيتامين د ناقص
ماغنسيوم مش مكفي عضلاتك
أوميجا ٣ قليلة فالتهابك عالي
مياه قليلة فالغضاريف نشفت
بروتين ضعيف فالعضلة ما بتتعالجش
ونومك قليل فجسمك ما بيصلّحش نفسه
انت مش كبير
انت منهك
---
🌪 أمعاء بايظة = جسم مولع = مفاصل بتموت بدري
الأكل المصنع بيبوظ بكتيريا الأمعاء
وده يرفع الالتهاب في الجسم كله
يعني وجع ركبتك يبدأ من بطنك
قلبك، مناعتك، جلدك، طاقتك… كل ده بيتحدد في الأمعاء
وأول علامة؟
مفاصل تلتهب
عضلات تتشنج
جسم يتعب على أقل مجهود
---
♦️ النوم مش دلع… ده مركز صيانة الجسم
نايم بعد ٣ الفجر؟
جسمك ما اتصلحش
عضلاتك ما اتبنتش
التهابك ما نزلش
كورتيزولك عالي
يعني هتصحى صباحًا كبير في السن… حتى لو عندك ٢٥ سنة
---
📎 الطب مش حقنة مسكن
أكتر غلط بيدمر الشباب؟
يا دكتور إديني حقنة وأبقى زي الفل
انت كده بتسكت الصوت مش بتصلح المشكلة
المسكن مش علاج
التصليح يعني تغذي، تتحرك، ترتاح، تنام، وتسيب جسمك يتنفس طبيعي
وده دورنا كأطباء تغذية
نرجّع جسمك يشتغل من الأساس، مش نخدره ويقع فجأة بعدين
---
🧪 تحاليل لازم تتعمل
مش فخامة… دي بوابة الفهم الصح
فيتامين د
ماغنسيوم
B12
فريتين (مخزون الحديد)
CRP و ESR
وظايف كبد وكلى
سكر صايم وإنسولين صايم
▪️تعرف قصتك من الورق
مش من التخمين
---
🔶 خطة البداية
طبقك نصه خضار
بروتين حقيقي مش لحوم مصنّعة
معلقة زيت زيتون
كباية مية كل ساعة
مشي ٢٠ دقيقة
تنفس عميق ٣ مرات يوميًا
نام قبل ١٢
لو تقدر تشرب مرقة عضم يومين في الاسبوع …
مفاصلك هتشكرّك
كبسولة أوميجا ٣ وسعرها بسيط
وبلاش سكر أسبوع واحد… وشوف الفرق
♦️تابع مع طبيب تغذيه ..لو حاسس بأي مشكله صحيه!!
---
✨ الجملة اللي لازم تحفظها بجد
الجسم مش بيكبر بسرعة
احنا اللي بنهرّسه وبنستنفذه بسرعة
اسمعه قبل ما يصرخ
ابدأ قبل ما تحتاج علاج
رجّع لجسمك اللي اتخلق عشانه
حركة، نوم بدري، أكل حيّ، مية، وهدوء
لو اديته حقه، بعد شهر هتفوق وتحس فعلا انك رجعت تعيش
ولو فضلت تأجل
الألم هيزحف عليك واحدة واحدة… لحد ما يوقفك غصب عنك
إعمل قرار من النهاردة
مش عشان تبقى قوي…
عشان متوصلش لمرحلة تبقى ضعيف
---
ده جسمك
لو مصنتوش النهاردة
هيطالبك بالفاتورة بكرة
وهتكون غالية أووي .. ف إبدأ
🚩جاوبني بقي
إيه أول علامة ظهرت عليك وقالتلك إن جسمك مش زي زمان؟
وجع الركبة؟ شد الرقبة؟ ولا التعب من أقل مجهود؟
اكتبها هنا…
يمكن تكون أول خطوة إنك تفتح عين حد غيرك قبل ما يوصل لنفس المرحلة.
☀🔥معانا في معمل سيجما هتقدر تبتدي صح ✅من خلال عمل التحاليل اللي تعرفك أنت وصلت لمرحلة إيه علشان تبدأ العلاج صح بخصومات 🔥🔥 . 👇👇
------
🔹 معمل سيجما بميدان الزراعين بني سويف بجوار مطعم وادي النيل أول شارع أحمد عرابي
واتس و تليفون - 01006052494 - 01284725223
