El Reyad Pharmacy- صيدلية الرياض

29/01/2026

متوفر لوجه الله تعالي ٨ حقن كليكسان ٨٠
موجوده ف صيدلية الرياض
للتواصل 01065075070

17/01/2026

مهم ومفيش حد مش بيستخدمهم، اعرف ووعي غيرك

11/12/2025

⚠️ تنبيه مهم بخصوص دور البرد المنتشر اليومين دول
اللي بيظهر مع الناس اليومين دي غالبًا سلالة جديدة من الإنفلونزا Influenza A – H3N2 Subclade K
وده تطوّر جديد من الإنفلونزا الموسمية وبدأ ينتشر في كذا
🦠 أعراض الموجة الحالية
المرض شكله أشد من دور البرد العادي شوية، وبيظهر فيه:
🔥 سخونية ممكن توصل 39 و ساعات ماتنزلش بسهولة
🥵 تكسير جامد في الجسم
🤢 قيء – مغص – غثيان
🤒 صداع قوي
😮‍💨 التهاب حلق شديد
⚠️ عند كبار السن واللي عندهم أمراض مزمنة ممكن يحصل مضاعفات وتحتاج مستشفى

✔️ ده دور إنفلونزا/برد موسمي
الراحة والنوم الكافي أهم علاج
✅ اشرب سوائل دافئة طول اليوم
✅ حافظ على تغذية كويسة وفيتامين C وزنك
✅ قلل التدخين والمجهود الزائد
✅ ما تاخدش مضاد حيوي من نفسك —باستشاره طبيب
✅ لو الحرارة عالية أو الكحة زادت أو في ضيق نفس → راجع الطبيب فورًا
خافض حرارة
👈بروفين وبارسيتامول بالتبادل
👈والكحة طبيعي تقعد حتي 10–14 يوم..
👈غسيل الأنف بمحلول ملحي من أول يوم = يقلل الفيروس ويخفف الأعراض..
👈شريط برد نعالج بيها مشاكل الرشح والاحتقان
مهم جدًا: بلاش “الحقنة الثلاثية”
(كورتيزون + مضاد حيوي + مسكن)
لأن:
الكورتيزون بيضعف المناعة وقت الفيروس و ممكن يعمل مضاعفات زي ارتفاع السكر/الضغط
⚠️⚠️المضاد الحيوي مالوش لازمة لأنه فيروس مش بكتيريا وممكن تحصل منه حساسية قد تصل للوفاة

المضادات الحيوية لازم بوصفة طبيب في حالة حدوث عدوي بكتيرية ثانوية مثلا لكن ملهاش دور في علاج البرد نفسه

دايمًا خليك فاكر:
مش كل دور برد بسيط… ومش كل تعب لازم نستنى عليه!
الفحص المبكر والتشخيص السليم بيمنع المضاعفات ويريّحك أسرع
اخوكم محمد حسن

04/12/2025

الحمدلله
الفكره مفيده جدا والموضوع كبر معانا وبقينا سبب للناس كتيره فعلا محتاجه وربنا بعتنا ليهم و ف تزايد مع الوقت ان شاء الله
حابب اشكر ناس كتيره وشباب الي ساعدتنا ف الموضوع سواء بالجانب المادي او الفعلي او حتي ب شير بسيط او كلمه طيبه
كملوا وربنا ينفع بيكم وبينا وصدقوا بتشيلوا حرج عن ناس كتيره متعففه وربنا يكرمكم وإيانا

20/11/2025

متوفر مجانا لوجه الله تعالي ٣ شرايط Entresto 100
٣ شرايط Entresto 50
وربنا يرحم المتبرع ويسكنه فسيح جناته
موجوده ف صيدلية الرياض د احمد عبدالجواد
للتواصل 01140388354
01065075070
تعديل: طلعت كلها الحمد لله

12/11/2025

يا دكتور عاوز حقنة البرد تلاته في واحد (القنبلة) هي فعلا قنبلة بس هتنفجر فيك انت ي باشا 😂... إليكم الخلطه
⬅️مضاد حيوي 👈 البرد عدوي فيروسيه مش بكتيريه يبقي مينفعش نستخدمه ❌
⬅️كورتيزون 👈ديكساميثازون هترفع الضغط والسكر وتهد المناعه خالص

⚠️ ممنوعه علي مريض الضغط والسكر حرفيا بتخليه يسافر فوق 👆

⬅️ مسكن ومضاد التهابات زي ادولور وغيرهم..
انا صحيح ممكن استخدم مضاد حيوي بس لما تتحول secondary infection بعد كام يوم والاعراض مبتخفش وتقلب معايا بالتهابات الحلق واللوز
لكن الافراط في استخدام المضاد الحيوي هيخليك تعمل مقاومه منه ..

👈 اهم حاجه في دور البرد اننا نعالج الاعراض ونستخدم اي برشام برد تركيبته
⬅️مضاد للحساسيه والرشح
⬅️مضاد احتقان زي pseudoephedrine يفك الكتمه ويفتح التنفس من الانف
⬅️مسكن وخافض حراره زي Paracetamol او Ibuprofen
مع vitamin c, zinc والدنيا هتبقي فل الفل بعيد عن عك المضادات الحيويه..
اخوكم محمد حسن

19/10/2025

لوجهِ اللهِ تعالى، قاصدينَ ابتغاءَ مرضاتِه وحدَه، واستكمالًا لسلسالِ الخيرِ عن مَن كان لهم الفضلُ علينا، راجينَ من حضراتكم الدعاءَ لهم بالرحمة والمغفرة —

تُعلن صيدلية الرياض
لصاحبها الدكتور أحمد محمد عبدالجواد (رحمه الله)

عن مبادرةٍ لتوفير العلاج والأدوية الشهرية وغير الشهرية لغير القادرين نهائيًا،
مع وجود خصومات تصل إلى ٥٠٪؜ للحالات ذات الدخل المحدود.

والباب مفتوح أمام الجميع للمشاركة،
سواء بالكلمة الطيبة، أو بالدعم المادي، أو بتوفير الأدوية.

قال الله تعالى في كتابه الكريم:

“مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً”
(سورة البقرة – الآية 245)

وقال سيد الخلق ﷺ:

“من كان في حاجةِ أخيه، كان الله في حاجتِه”
(رواه البخاري ومسلم)

وقال ﷺ أيضًا:

“أحبُّ الناس إلى الله أنفعُهم للناس”
(رواه الطبراني)

قاصدينَ بذلك رضا الله وتوفيقَه،
وداعينَ بالرحمة والمغفرة لأهلِنا الراحلين،
وأن يُسكِنهم الله فسيحَ جنّاته، ويجعل هذا العمل في ميزان حسناتهم

010 19862212 رقم للتواصل لو حد محتاج اي حاجه عليه محفظه وعليه انستا باي
وتحت امر اي حد بليل قبل النهار

23/07/2025

مهم جدا ❌

عندك انيميا ؟؟؟
كده لازم تاكلى كبدة كتير ❌❌

نصيحة شائعه جدا ومنتشرة بشكل كبير
وخصوصا لو ست حامل 🙅

🥩❌ الكبدة مش دايمًا مفيدة !
لان الكبدة مليانة فيتامين A و الزيادة منه وقت الحمل، خصوصًا في أول 3 شهور، ممكن تسبب تشوّهات للجنين!

#اعرف • #افهم • ًا_جاهز
✍️ dr Ahmed

08/07/2025

مبروووووك الفائز الاول ❤️
Amr Mero

08/07/2025

🔥🔥انتظرووووونااااا بعد صلاة العشاء سحب ال 600 جنيه 😍♥️

19/06/2025

انتظرونا فى مسابقات وهدايا تانى كتيييير 🔥♥️

19/06/2025

نتيجة المسابقة
مبروووووك 🔥♥️
Ghadeer Alaa المركز الاول
تسنيمةه أنس المركز الثاني