https://www.facebook.com/124122591656782/

عيادة الدكتورة نانسي السعدني لأمراض النساء و التوليد

Home
Egypt
Beni Suef
عيادة الدكتورة نانسي السعدني لأمراض النساء و التوليد

عيادة الدكتورة نانسي احمد السعدني لأمراض النساء و التوليد ببني سويف

عيادة الدكتورة نانسي احمد السعدني لأمراض النساء و التوليد

مدرس بكلية الطب جامعة بني سويف
دكتوراه امراض النساء و التوليد من الجامعه التقنيه بميونيخ، المانيا
زميله مركز بوجين هوسين بميونخ، المانيا
حاصله علي زماله البورد الاوروبي - تورين ايطاليا

ميدان المديريه.برج القدس الشريف.اعلي خيرات زمان ماركت.الدور السادس

للحجز والاستعلام

01124653294
01102529559

21/10/2025

إلتهاب المسالك البولية في الحمل: خطر ماتتجهلهوش🚨

❗إلتهاب المسالك البولية أثناء الحمل شائع جداً وبيحصل بسبب التغيرات في الجهاز البولي والهرمونات المشكلة دي مش بس بتسبب ألم، لكن لو متمش علاجها بسرعة، ممكن تؤثر على الحمل نفسه وتسبب مشاكل زي إلتهابات الكلى أو الولادة المبكرة🤰🏻❗

️أعراض إلتهاب المسالك البولية في الحمل:
🔥 حرقان أثناء التبول
😖 ألم في أسفل البطن أو منطقة الحوض
🔄 تكرار التبول لكن كمية قليلة
💧 رائحة بول غير طبيعية أو لون البول غامق
😴 شعور بالتعب العام أو إرتفاع في درجة الحرارة

❗إزاي تحمي نفسك من إلتهاب المسالك البولية؟
اشربي مية كفاية: شرب المياه 🫗 يساعد في تخليص الجسم من السموم وبيقلل من فرص البكتيريا في التراكم في المسالك البولية

🚻 التبول المنتظم: خلي بالك من التبول بإنتظام علشان ما يحصلش إحتباس للبول في المثانة

🚿 النظافة الشخصية: حافظي على نظافة المنطقة الحساسة عن طريق المسح من الأمام للخلف لتجنب إنتقال البكتيريا من المنطقة الشرجية

👚 اختاري الملابس القطنية: الملابس الداخلية القطنية تساعد على تقليل الرطوبة التي قد تكون بيئة مثالية للبكتيريا.

🚫 تجنبي الإمساك: لأنه بيضغط على المثانة ويساهم في زيادة الإلتهاب

أهم حاجة لو لاحظتي أي أعراض:
⚠️ لازم تراجعي الدكتور فوراً ، لأنه كلما تم العلاج بسرعة، كلما كانت فرصتك في الشفاء أسرع بدون أي مضاعفات

🩺 الحفاظ على صحتك أثناء الحمل شيء مهم جداً لحمايتك وحماية البيبي 💛

14/10/2025

عنق الرحم جزء حساس جداً في الجهاز التناسلي للمرأة… وأحياناً بيظهر فيه تقرّح، واللي مش مجرد كلمة… ده ممكن يسبب مشاكل لو ما اتعالجش بدري👩‍⚕️

📌 ايه سبب التقرحات؟
• إلتهابات متكررة: زي البكتيريا أو الفيروسات 🦠
• تغيرات هرمونية: بتأثر على خلايا عنق الرحم خاصة أثناء الحمل أو بعد الولادة

الأعراض اللي لازم تنتبهي لها:👀
• إفرازات غير طبيعية أو لها رائحة.
• نزيف خفيف بعد العلاقة الزوجية🩸
• شعور بألم أو حكة في المنطقة أحياناً
• أحياناً مفيش أعراض، وده السبب اللي بيخلي الفحص الدوري مهم جداً

✅ العلاج والمتابعة:
• معظم التقرحات تتعالج بسهولة بالأدوية أو بالمضادات الحيوية💊 إذا كانت بسبب إلتهاب.
• بعض الحالات تحتاج إجراء بسيط للكي لإزالة الخلايا المصابة
• المتابعة الدورية مهمة جداً عشان نتأكد إن التقرح ما تسببش مضاعفات أو مشاكل مستقبلية

✅ النصيحة الأهم: متستنيش الأعراض تزيد… الكشف المبكر هو الطريق الأفضل للحفاظ على صحتك وصحة خصوبتك

07/10/2025

نقص السائل الأمنيوسي… التفاصيل اللي كل حامل لازم تعرفها 👏🏻

السائل الأمنيوسي هو الدرع الطبيعي حوالين البيبي 🤰🏻بيحمية ويساعده يتحرك وينمو بشكل سليم ولما يقل عن الطبيعي، لازم ناخد الموضوع بجد، لأنه ممكن يكون له أسباب متعددة ويأثر على صحة البيبي ⚠️

🌀 الأسباب الشائعة:
1️⃣ مشاكل عند الأم: إرتفاع ضغط الدم أو سكري الحمل ومشاكل في المشيمة تقلل وصول الدم والأكسچين للجنين
2️⃣ مشاكل عند الجنين: ضعف وظائف الكلى أو مشاكل المثانة اللي بتقلل إنتاج البول
3️⃣ أسباب عامة: تسرب مياه الجنين من غير ما تحسي 💦و الحمل بعد الأسبوع 42

⚠️ الأعراض اللي ممكن تلاحظيها:
❗ حركة البيبي أقل من المعتاد
❗نزول مياه أو بلل متكرر من غير سبب واضح
❗حجم البطن أصغر من الطبيعي بالنسبة لعمر الحمل

💡 الوقاية والمتابعة:
✅المتابعة المنتظمة بالسونار تكشف أي نقص بدري

🩺الكشف المبكر يسمح للأطباء بحماية البيبي وضمان سلامة الحمل ❤️

30/09/2025

آلام ظهرك مش "ضعف".. ده تأثير الحمل على جسمك 🤰🏻❗

↩️ مع الحمل، مش بس جسمك بيتغير… ظهرك كمان بيتحمل ضغط جديد
⬅️ ألم أسفل الظهر من الوقوف أو المشي الطويل
⬅️ توتر أو شد في العضلات بدون سبب واضح
⬅️ صعوبة في الحركة أو الإنحناء 🙇🏻‍♀️

📌 ده طبيعي… بسبب زيادة وزن الرحم وتغير مركز الثقل، وكمان هرمونات الحمل اللي بترخي العضلات لكن تسبب تعب للظهر

👈🏻 لو الألم بدأ يأثر على نومك، مشيتك، أو حياتك اليومية… لازم تراجعي دكتور أو تاخدي نصيحة طبية

🩺 اهتمي بظهرك دلوقتي… عشان راحتك وعشان حملك يمشي بأمان 💛

23/09/2025

جاهزة ليوم الولادة 🤱🏻 ؟ ليكي خطوات ذكية تسهّل عليكى اليوم الكبير 👏🏻

👜 جهزي حقيبتك بدري: ملابس مريحة ليكي ولطفلك، مستلزمات العناية الشخصية، وسناكس صحية.د
🤌🏻 قللي القلق: تمارين تنفس، موسيقى هادئة، أو مشاركة مخاوفك مع شريكك أو دكتورك

⏰ أعرفي علامات المخاض: تقلصات منتظمة، نزول ماء أو دم،🩸شعور بالضغط أسفل البطن.
خففي الآلام: مشي خفيف، تغيير الوضعية، حمام دافي، أو مساچ خفيف للظهر.

💬 اسألي كل اللي محتاجة تعرفية وخليكي مستعدة لخطة الولادة

✨ خطوة خطوة… استعدي ليومك الكبير براحة وإطمئنان! 💖

16/09/2025

إنخفاض ضغط الدم عند الحامل🤰
من الأعراض الشائعة إنخفاض ضغط الدم🩸 عند الحوامل خصوصاً أثناء الثلثين الثاني والثالث من الحمل، علشان كده لازم تحرصي المرأة الحامل على زيارة الطبيب، وإجراء الفحوصات الروتينية، ومنها قياس ضغط الدم
👈أسباب إنخفاض ضغط الدم عند الحامل مختلفة, و من أهمها

1️⃣ تتوسع الأوعية الدموية لدى المرأة الحامل للسماح بتدفق الدم إلى الرحم، وقد يؤدي توسّع الأوعية الدموية إلى إنخفاض ضغط الدم في الأسابيع الأربعة والعشرين الأولى من الحمل
2️⃣ تحدث العديد من التغيرات الهرمونية أثناء الحمل، وتؤدي إلى إرتخاء الأوعية الدموية🩸 وتمدّدها، مما قد يؤدي إلى إنخفاض نخفاض ضغط الدم
3️⃣ إن لم تكن المرأة الحامل تحصل على ما يكفي من السوائل أثناء فترة الحمل، فقد تصاب بالجفاف، وبالتالي يقل حجم الدم وتتعرض لهبوط الضغط
4️⃣ تعد الأنيميا من الحالات الشائعة بين النساء الحوامل، وقد يؤدي فقر الدم أو انخفاض مستوى فيتامين ب12، أو الفولات، إلى انخفاض حجم الدم، وبالتالي انخفاض ضغط الدم🥹

09/09/2025

الرحم المقلوب بيمنع الحمل🤰🚫

🔹 الحقيقة الرحم المقلوب في أغلب الحالات ما بيمنعش الحمل هو إختلاف تشريحي طبيعي عند بعض السيدات ممكن يكون مصاحب أحيانًا لإلتصاقات أو بطانة مهاجرة وهي اللي تأثر على الخصوبة
🔹 إزاي نتعامل؟ فحص بالسونار لتحديد السبب بدقة وعلاج أي مشكلة مصاحبة زي الإلتهابات أو الإلتصاقات ومتابعة التبويض والتأكد من سلامة قنوات فالوب 👏

🔹 الخلاصة
الرحم المقلوب لوحده مش سبب مباشر لتأخر الحمل
✅الأهم هو تشخيص الحالة كاملة وإتخاذ خطوات علاج مناسبة

02/09/2025

تكيس المبيض مش دايماً مانع للحمل🤰🏻
📌 بنقدر نبدأ رحلة الإنجاب لما:
1️⃣ تكون الدورة منتظمة أو نقدر ننظمها
2️⃣ نتابع التبويض ونحفّزه حسب الحالة
3️⃣نقيّم المخزون ونظبط الوزن لو محتاج

📌 في الحقن المجهري:
1️⃣ بنختار بروتوكول التنشيط بعناية
2️⃣ نستخدم جرعات محسوبة لتفادي فرط الإستجابة
3️⃣ نتابع البويضات بدقة لضمان أفضل جودة
كل حالة ليها خطة تناسبها

والمتابعة الدقيقة تفرق في النتيجة 👏🏻

26/08/2025

كتير بنفكر إن الفيتامينات مجرد مكملات بسيطة…لكن الحقيقة إنها بتلعب دور أساسي في صحة المبايض وفرص الحمل🤰🏻

👌🏻أهم الفيتامينات والمعادن اللي بتفرق فعلاً :

1️⃣ فيتامين D: ليه علاقة مباشرة بتنظيم الدورة وزيادة الإستجابة للتبويض
2️⃣ فيتامين E: مضاد أكسدة قوي يحمي البويضات من التلف 🌸
3️⃣ فيتامين C: بيساعد في تحسين الدورة الدموية للمبيض
4️⃣ فيتامين B9 (الفوليك أسيد): أساسي لنضج البويضات ومنع تشوهات الجنين بعد الحمل
5️⃣ الزنك والمغنيسيوم: بيساعدوا على توازن الهرمونات.

⚡الموضوع مش "حبوب وخلاص"، لازم يتحدد حسب إحتياجات الجسم وتحت إشراف طبي
الغذاء السليم + الفيتامينات المناسبة = دعم حقيقي لصحة المبايض ❤️

19/08/2025

حامل من غير ما تعرفي؟! 🤫
تخيلي تصحي في يوم، وتروحي المستشفى بسبب مغص… وتكتشفي إنك على وشك الولادة !
ده مش مشهد من فيلم، ده اسمه الحمل الخفي، وبيحصل فعلًا

📍 إزاي ممكن يحصل؟
• الدورة ما تنقطعش أو تيجي خفيفة ومنتظمة
• أعراض الحمل ضعيفة أو تتفسر غلط زي إرهاق أو زيادة وزن بسيطة
• شكل البطن ما يتغيرش بسبب وضع الجنين أو قوة عضلات البطن

👩‍⚕️ بيكون شائع أكتر عند:
• اللي عندهم إضطرابات دورة🩸أو تكيس مبايض
• اللي بيرضعوا أو لسه والدة قريب
• السيدات أصحاب الوزن الزائد

👈🏻 أي تغيير غريب في جسمك، حتى لو الدورة منتظمة… يستاهل فحص. لأن أحياناً الحمل بيختبئ لحد اللحظة الأخيرة

12/08/2025

الوقاية من الأنيميا أثناء فترة الحمل🤰🏻لازم نخلي بالنا من 👇🏻

1️⃣التغذية السليمة والإلتزام بتناول نظام غذائي متوازن، والتركيز على الأطعمة التي تحتوي على كميات عالية من الحديد زى الكبدة والعسل الأسود والبنجر والرومان و السبانخ واللحوم الحمراء

2️⃣الحرص على تناول الفيتامينات والمكملات الغذائية المتعلقة بالحديد 💊👌

3️⃣تجنّب تناول المنبهات بما فيها الشاي والقهوة والنسكافية وغيرها، والتي تعيق بشكل كبير على إمتصاص الجسم للحديد، ممّا يجعلها سبب لحدوث فقر الدم

4️⃣التركيز على تناول الخضراوات والفواكهة التي تزيد من إنتاج كريات الدم الحمراء

5️⃣قياس نسبة الهيموجلوبين فى أول الحمل بالثلاث أشهر الأولى من الحمل والشهر السابع نظراً لأنها أكثر فترة تظهر فيها إصابةالحامل🤰 بالأنيميا

05/08/2025

أشربي ماية كتير كلمة بنقولها تقريباً لكل اللي بنشوفه بس انتي تعرفي ايه هي أهمية المياة 💦

✅مهمة جداً لأى واحدة حامل🤰لأن قلة المياة ممكن تسبب تقلصات في الرحم وكترها تحميكي من الإمساك والبواسير و إلتهابات المثانة يعني حتى لو بتعاني من الغثيان والقيء ، ممكن تشربي🫗بطريقة الرشفات يعني شوية شوية على مدار اليوم، أحسن من كله مرة واحدة و تقدري تتابعي نفسك هل بتشربي مياة كفاية ولا لأ من خلال متابعتك للون البول

👈لو لون البول غامق أو معكر ، أعرفي أنك مش بتشربي مياة كفاية. لكن لو أصفر أو صافي ، يبقى انتي بتشربي مياة تمام

Address

Beni Suef

Telephone

01102529559

Website

facebook.com

Alerts

Be the first to know and let us send you an email when عيادة الدكتورة نانسي السعدني لأمراض النساء و التوليد posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Beni Suef?

Our Story

عيادة الدكتورة نانسي احمد السعدني لأمراض النساء و التوليد - مدرس بكلية الطب جامعة بني سويف - دكتوراه امراض النساء و التوليد من الجامعه التقنيه بميونيخ، المانيا - زميله مركز بوجين هوسين بميونخ، المانيا - حاصله علي زماله البورد الاوروبي - تورين ايطاليا

للحجز والاستعلام :-

زورونا في : بني سويف ميدان المديريه - برج القدس الشريف - اعلي خيرات زمان ماركت - الدور السادس او اتصل بنا علي رقم : 01124653294 - 01102529559