26/11/2025
❓ يعني إيه ظاهرة أو متلازمة رينو؟
💁♀️ رينو هي حالة بتأثر على اليدين والقدمين لما نتعرّض للبرد أو التوتر،
وبيحصل فيها انقباض في الشرايين الصغيرة اللي بتغذي الجلد بالدم… وده بيخلي الأصابع تبرد ويتغير لونها.
❓ مين الأكثر عرضة للإصابة؟
✔️ النساء أكتر عُرضة للإصابة من الرجال.
❓ إيه أعراض رينو؟
💥 الأعراض الأساسية:
1️⃣ برودة الأصابع (اليدين أو القدمين) 🥶
2️⃣ تغير لون الجلد:
الأول أبيض
بعدين أزرق (مع خدر وبرودة)
ولما ترجع الدورة الدموية، يبقى أحمر مع نبض أو تنميل أو تورم ❤️🔥
❓ ليه بيحصل كده؟ (الأسباب)
✔️ تشنج الأوعية الدموية عند:
* التعرض للبرد ❄️
* أو التوتر والإجهاد النفسي 😣
زي لما تمسكي حاجة من الفريزر أو تحطي إيدك في ميّة ساقعة.
❓ إزاي بيتشخَّص؟
💥 من خلال:
1️⃣ التاريخ المرضي والفحص الإكلينيكي
2️⃣ فحوصات إضافية لاستبعاد أي أمراض تانية تعمل أعراض شبهها
❓ إيه هدف العلاج؟
🎯 هدف العلاج:
1️⃣ تقليل عدد النوبات وشدتها
2️⃣ حماية الأنسجة من الضرر الناتج عن انقباض الأوعية
❓ إزاي أقدر أقي نفسي من نوبات رينو؟
👌 باتباع الخطوات دي:
1️⃣ ارتداء ملابس دافية وقفازات وجوارب سميكة 🧤🧦
2️⃣ تجنّب التدخين بكل أنواعه 🚭
3️⃣ ممارسة الرياضة لتنشيط الدورة الدموية 🏃♀️
4️⃣ التحكم في التوتر والضغط العصبي 🧘♀️
❓ لو جاتلي نوبة.. أعمل إيه؟
✔️ دفّي إيديك أو رجليك فورًا:
* حطي إيديك تحت الإبطين
* استخدمي ميّة دافئة (مش سخنة) لتدفئة الأصابع 🚿
❓ هل في علاج دوائي؟
💊 في بعض الحالات الدكتور بيوصف أدوية تساعد على توسيع الأوعية الدموية وتحسين وصول الدم للأطراف.
🌸✨ دمتم بصحة وعافية…
➖➖➖➖➖➖➖
👩⚕️ د. منار أحمد عبد اللطيف
استشاري أمراض المفاصل والعمود الفقري
والأمراض الروماتيزمية والمناعة الإكلينيكية 🩺💙
➖➖➖➖➖➖➖
📍 بني سويف - أرض الحرية - برج الأطباء - الدور الثالث
📞 للحجز: 01221075422
