Horus lab

20/08/2021

🔹️ أهم السمات وأشهر الأمراض لنقص الفيتامينات موضحا ومختصرا بصورة لطيفة ومفيدة ..

👨‍🔬 .

08/11/2020

-كل البرتقانه دي علشان vitamen c علشان تبقي قوي🏋️‍♂️
-اشرب عصير ليمون علشان مفيد
مفيش حد فينا مسمعش الجمله دي من ماما و كثير طنشوها 😂
-عمرك سالت نفسك ليه ماما بتقولك كده ليه‼️
الفاكهة زي الجوافه و الفراوله و الكيوي و البرتقال طبعا بتحتوي علي vitamin c
-هو vitamin c مهم اوي كده❓
=اه طبعا
🔴أولا: هو حاجه اساسيه في جسمنا علشان بيعمل collagen اللي عامل زي اللزق اللي بيمسك انسجه الجسم في بعض.
🟣ثانيا بينتج بروتينات اخري تدينا طاقه
🟣بيساعد جسمنا انه يمتص الحديد
-يعني طلع مهم جدا بيدينا طاقه و حديد و بيمسك الانسجه بتاعه جسمنا.
=طب لو حصل نقص vitamen c في جسمنا بيعمل ايه؟
مشاكل كثيره اوي 😥
انيميا و تعب🥱 و وجع في العظم و ممكن تفقد اسنانك كمان و تقرح في اللثه و فقد الشهيه و الوزن كمان وحاجات كثيره اوي
-بعد كده منقعدش ناكل بطاطس و مناكلش فاكهه و خضار
=طب بيجي منين النقص ده؟
×السن
×الكحول و المخدرات
×سوء التغذيه
×انظمه الرجيم الغلط

طب نعالج النقص ده ازاي؟
-ناكل فاكهه و خضار كثير و ممكن ناخذ مكملات غذائية فيها vitamin c
ناكل كويس علشان صحتنا تبقي افضل


Post credit
Amal amr

01/07/2020

الكورونا عند الأطفال سؤال وجواب ⁦⁉️⁩.....عرفوا غيركم

🔶١- هل الاطفال بييجي لهم الفيروس؟

🔺- نعم

🔶٢- هل الاطفال بينقلوا العدوى لغيرهم؟

🔺- بالتأكيد

🔶٣- هل اعراض الاطفال مختلفة عن الكبار ؟

🔺 هي هي..

🔶٤- هل شدة الاعراض مختلفة عن الكبار؟

🔺- مختلفة جدا.. اخف بكتيييير..

🔶٥- هل ممكن الاطفال تيجي لهم عدوى من غير ما تظهر عليهم اعراض؟
🔺. هذا صحيح

🔶٦- هل ممكن يحصل تدهور للاطفال زي الكبار؟
🔺. ممكن بس ده قليل الحدوث جدا جدا ومش بنشوفه ..
٦٪؜ فقط من الاطفال بيحتاجوا دخول المستشفى واقل من ١٪؜ بيحتاجوا رعاية مركزة..

🔶٧- هل ممكن الاطفال تيجي لهم ثورة في الجهاز المناعي زي الكبار؟
🔺. بييجي لهم حاجه اسمها : المتلازمة الالتهابية متعددة الاجهزة لكنها نادرة الحدوث ومعظمهم بيخفوا منها بمضادات التهاب واجسام مناعية بتتاخد في المستشفى بالوريد..

🔶٨- يعني مافيش اطفال بيموتوا من الكوفيد؟
🔺. فيه بس نسبة قليلة جدا..واغلبهم بيبقى عندهم امراض مزمنة ضاعفة مناعتهم ومأثرة على كفاءة الرئتين او القلب وبصراحة ماشفتهمش..

🔶٩- هل تطبق نفس قواعد العزل على الاطفال؟
🔺. المفروض..ولكن بيبقى شبه مستحيل تطبيق ده عمليا في الاطفال لاسباب لا تخفى على احد..فبنكتفي بعدم خروجهم وعدم اختلاطهم باطفال اخرين خارج الاسرة..

🔶١٠- هل يرتدي الاطفال الكمامات؟
🔺.فقط اذا كانوا فوق ال٦ سنوات..

🔶١١- هل هناك خطورة على الاطفال من مطهرات اليدين؟
🔺.لا

🔶١٢- هل توجد خطورة على الاطفال من لمس الاسطح خارج المنزل؟
🔺.لا داعي للمبالغة في هذه النقطة..نكتفي بالتباعد الاجتماعي والكمامات ومطهرات اليدين بقدر الامكان..

🔶١٣- هل توجد خطورة من حمامات السباحة والبحر؟
🔺.لا توجد خطورة من الماء نفسه..الخطورة فقط في الاختلاط مع الزحام..

🔶١٤- هل توجد خطورة من الالعاب الجماعية خارج المنزل؟
🔺.نعم في حالة الاختلاط باطفال اخرين قد يكون احدهم او اكثر حاملين للعدوى..

🔶١٥- هل يوجد علاج وقائي للاطفال؟
🔺.فيتامين د اذا كان عندهم نقص..
قد يجدي
Betadine cold defense nasal spray

🔶١٦- اذا ظهرت الاعراض..ما هو العلاج؟
🔺. علاج للاعراض..باراسيتامول مثلا للحرارة او اي الام..
دوا للكحة ودوا للاسهال ..وهكذا..
قد يجدي فيتامين سي والزنك

🔶١٧- هل نعطي الاطفال مضاد حيوي او اسبرين او كليكسان او دواء الملاريا؟
🔺.ممنووووووووووع منعا باتاااااااااااااا كل هذا..
هذه جرائم حرفيا..
ضرر كل هذا اكبر من نفعه بكثييييييييييييير..

🔶١٨- متى نأخذ الطفل للمستشفى؟
🔺في حالة حدوث صعوبة في التنفس او تدهور في حالته العامة او عدم قدرة على السيطرة على الحرارة او رفض الطفل للأكل او ظهور اعراض غريبة: بقع على الجلد مثلا..

🔶١٩- ينفع نعمل للاطفال مسحة زي الكبار؟ وهل نتيجتها بتبقى دقيقة؟
🔺ينفع..مافيش اختلاف في النقطة دي بين الكبار والصغار..

🔶٢٠- فيه تحاليل دم للاطفال تبين ان كان عندهم الفيروس؟
🔺لا..لا للكبار ولا للاطفال..لكن ممكن الدكتور يطلب التحاليل لتشخيص امراض اخرى قد تتشابه اعراضها او للتفرقة بين العدوى البكتيرية اللي محتاجة مضاد حيوي والعدوى الفيروسية سواء كوفيد او غيره..

🔶٢١- ينفع نعمل اشعة مقطعية للاطفال للتشخيص؟
🔺.جريمة اخرى...ممنوع منعا باتااااااااا..
تعريض الطفل لاشعة مقطعية بدون داعي قوي بيزود كمية الاشعاع في جسمه بشكل خطر..
ومافيش داعي قوي هنا لان مافيش تشخيص مؤكد للكوفيد بأي اشعات سواء للكبار او الصغار..

🔶٢٢- هل الطفل بياخد نفس الوقت للتعافي وبيفضل معدي اد ايه؟
🔺. الاطفال عادة مابيطولوش في المرض اكتر من اسبوع..
ومابيبقوش معديين بعد مرور ١٠ ايام من بداية ظهور الاعراض

30/06/2020

😟سلامتك مالك في ايه؟
⛔️خرجت في البلكونة وبعدها جالي كحة يا دكتور وصداع وجسمي مكسر وشكلي عندي دور برد🤧

لا للاسف 😕 ... غالبا دي كورونا الا أن يثبت العكس.. ها وبعدين الي بعده

⛔️دكتور نمت تحت المروحة وصحيت جسمي مهدود وشكلي عندي دور برد 🤧

لا للاسف😕 .. غالبا دي كورونا الا أن يثبت العكس.. ها وبعدين الي بعده

⛔️دكتور ، أنا سخنة🤒 وحرارتي عاليه وعندي صداع مستمر عشان زعلت شوية في البيت مش أكثر ؟

لا للاسف😕 حرارتك مرتفعة غالبا دي كورونا الا أن يثبت العكس... ها وبعدين الي بعده

⛔️دكتور عندي دور رشح🤧 ومناخيري مسدودة وفاقدة حاسة الشم وخايفه الا تكون كورونا

لا للاسف😕 .. غالبا دي كورونا الا أن يثبت العكس.. ها وبعدين الي بعده

⛔️جسمي مكسر وصداع جامد مش بيروح يا دكتور وعندي ضيق نفس لاني مخنوق من لبس الماسك😷 ؟

لا للاسف😕 ده مش من الماسك ... غالبا دي كورونا الا أن يثبت العكس.. ها وبعدين الي بعده

⛔️حاسس بهمدان🥴 بقالي كام يوم مش قادر أقف أو أعمل مجهود ومش باكل ولا بشرب لكن معنديش كورونا ؟

لا للاسف 😕 ... غالبا دي كورونا الا أن يثبت العكس.. ها وبعدين الي بعده

⛔️يا دكتور عندي اسهال غريب وحرقان في صدري وهمدان ومعنديش كورونا ؟

لا للاسف😕 .. غالبا دي كورونا الا أن يثبت العكس .. ها وبعدين الي بعده

⛔️ جسمي دافي 🤒وكحة بقالي يومين وسيلان أنف وبتروح وتيجي بس معنديش اي اعراض تاني و معنديش كورونا ؟

لا للاسف😕 .. غالبا دي كورونا الا أن يثبت العكس .. ها وبعدين الي بعده

⛔️ والدتي يا دكتور عندها كحة ببلغم علي صدرها ونهجان وضيق نفس جديد عليها ومفيش سخونية بس بتتعب من أقل مجهود اليومين دول وهي مبتختلطش بحد وطبعا معندهاش كورونا ؟

لا للاسف😕 .. غالبا دي كورونا الا أن يثبت العكس ..

احنا في جائحة وباء عالمي منتشر في مصر يعني متوقع ان الكورونا تصيب آلاف من البشر

🔴المهم خلي بالك خد حذرك وخليك حريص لو عندك شكوى من غير مبالغة ومن غير استهتار 👈عشان متعديش غيرك واعزل نفسك وغالبا ٩٠٪؜ من الناس الأعراض بتروح وبيبقى زي الفل

⛔️الراحة التامة والتغذية المناسبة وشرب السوائل ودعم الحالة النفسية أهم علاج لتقوية المناعة لعلاج الكورونا

14/03/2020

من أفضل و أرخص الطرق لتعقيم المنازل وضع كوب كبير كلور 200 ملي علي جردل مياه 10 لتر ومسح الأرضيات به وتركها حتي تجف دون تنشيف و تخفيف كمية أخري ووضعها في عبوات بخاخة ورشها علي الأسطح والأثاث في كافة أنحاء المنزل وبرضه دون تنشيف الخليط دا يفقد فعاليته بعد 24 ساعه يعني نكرر التخفيف والمسح يومياً و دي الطريقة المشابهه اللي بنعقم غرف العمليات و المستشفيات ، الكحول كمان ممتاز بشرط أن لا يقل تركيزة عن 70% وطبعا ده مكلف ونحتاج منه كميات أكبر لتعقيم مكان كبير.
الكلور أفضل من الديتول

21/12/2019