13/03/2023
👌
👉
😇
❗️
🤷♂️
🔳الأم الرغاية اللي كلت دماغي 😯 واللي بتقعد تسأل وتعيد وتزيد علي الحالة المرضية بتاع إبنها ؛ طلعت جايباه بعد ٨ سنين ...
🔳الأب اللي فضل يزعق في العيادة عشان يدخل وماكانش دوره عشان إبنه مولع ؛ إتضح إن كان عنده ابن قبله توفاه الله بسبب حمى شوكية ...
🔳جدو اللي جاى زعلان علي حفيده وبيبكي مع إن الولد مش تعبان قوى يعني وإيه الأوفر ده ياأونكل 🙄 ؛ طلع أبوه متوفي وهو اللي مربيه !
🔳تيتة اللي بتيجي مع حفيدتها دايماً ؛ والفضول دفعني مرة اسأل هي مامتها فين 🤔 طلعت الأم منفصلة عن الأب وسايبة البيت وستها اللي مربياها !
🔳طب الطفل الشقي اللي عمال يجرى ويكسر ويفرك ومش سامع كلام حد وكل اللي يشوفوه يقول عليه مش متربي وأهله سايبينه كده ليه ؟
ده طلع عنده مرض (فرط الحركة ونقص الإنتباه ) وبيتعالج !
🔳الأب اللي عمره مابشوفه بييجي العيادة لما ابنه يتعب وعلطول أمه اللي بتجيبه وانا اللي فاكره مقصر مع بيته ! أهو ده طلع شقيان طول النهار في شغل عشان يوفرلهم تمن الكشف والعلاج ...
🔳الأم اللي رافضة تحويل بنتها المستشفي عشان عندها جفاف ومحتاجة محاليل وبتقاوح معاك عشان تتعالج في البيت ... وانا بيني وبين نفسي عمال اقول انها بتريح دماغها ومش عاوزة تتعب ولا توجع قلبها .. إتضحلي فيما بعد إن كان عندها بيبي مات في الحضانة في نفس المستشفي وهي إتعقدت !
🔳الأم المحجوزة بإبنها ومحتاج يقعد كام يوم وهى عاوزة تخرج وتكمل في البيت ! وأنا فاكرها مش حريصة علي صحتها .. عرفت إنها سايبة طفل رضيع تاني في البيت مع سلفتها ومش هينفع تسيبه أكتر من كده !
🔳 الأب اللي قلقان جداً علي البيبي وصداع من كتر التوتر وعمال يكشف عند كذا دكتور ويسألني مية مرة علي حالته وأاكدله إنه كويس .. ده مراته حملت ٣ مرات قبل كده والعيل بيموت في بطنها لسبب غير معروف !
🔳حديث الولادة اللي داخل معاه عشرين نفر يطمنوا عليه وأنا بقول عليهم بيجاملوا وخلاص وإيه الزحمة دى ! طلع أمه إتوفت وهي بتولده .. وأبوه متدمر ❗
✔في بعد في حياة كل واحد مش متشاف ومش معروف .. ومهما فكرت مش هتعرف الدوافع اللي عند الناس 🤔
✔حاول تلتمس الأعذار للناس .. بلاش تسرع في الحكم عشان هترجع تتضايق من نفسك جداً لما تعرف المبررات 😔
ً_عادلاً⚖️
😎
❗️
د.سامر ثروت
