19/10/2025
ايه افضل حاجه ممكن تقدميها لابنك بعد الحب
تخرجيه
اه والله افضل حاجه تعمليها لابنك انك تخرجيه على قد ما تقدري
من وهو لسه بيبي
يعني ايه خروج
يعني توديه مكان مفتوح فيه طبيعه
حديقه نادي جنينه عامه حتى لو تمشوا في الشارع
الخروج من بيت لبيت مش محسوب
الخروجه في كافيه مقفول مش محسوبه
لازم مكان مفتوح
كلنا بيوتنا صغيره وكلنا عندنا محاذير
متشيلش متوقعش متكركبش
بس كده بنزهقهم
طيب يعيش طفولته ازاي
الاطفال محتاجين مكان يخرجوا فيه طاقتهم من غير ما نقفل عليهم
يتنططوا يجروا يطلعوا ينزلوا يشوفوا الشمس
يحسوا بالراحه في مكان واسع مش بين حيطان
س طيب اخرجه كام مره
على قد ما تقدري لو تقدري كل يوم يبقى كل يوم
س طيب بشتغل
بعد الشغل اخرجيه شويه
س طيب حالتي الماديه مش متيسره
مكان عام او حديقه بسيطه حتى لو بجنيه
ولو مش هتقدري تمشوه في الشارع او الجناين العامه
س طيب الشتا
الابحاث بتقول ان الخروج في البرد بيقوي المناعه مش بيضعفها
القعاد في البيت هو اللي بيضعفها عشان مفيش تهويه
س طيب الواجبات والاكل
خدوا اكلكم معاكم وحلوا الواجبات بره
وخدي ترمس شاي معاكم عشان توفري المشاريب
خرجوا ولادكم خرجوا ولادكم خرجوا ولادكم
وشوفوا التغيير اللي هيحصل فيهم وفيكم
تلات اربع المشاكل هتتحل
العصبيه فرط الحركه ادمان الالكترونيات وغيره
