Dr/ Mohamed Ayad - د. محمد عياد

21/04/2022

30/12/2019

القهوة من أكثر المشروبات الساخنة المفضلة للكثيرين إلا ان بعض الناس مفكرة انها مضرة ..لذلك تعالو نتعرف على أهم الاسباب اللى تجعلك تشرب قهوة بشكل يومى :
🔹 تحسن القهوة مستوى الكوليسترول فى الدم وبالتالى بتساعد فى الحماية من امراض القلب 👌
🔹تحسن القهوة من ردود الافعال للأشخاص لأنها تحسن الادراك الذهنى وتنشط الذاكرة
🔹تقلل القهوة من خطر الاصابة من سرطان الكبد وتليف الكبد والابحاث كثيرة جدا فى هذا المجال أن 2 فنجان في اليوم بيقلل مخاطر تليف الكبد بشكل ملحوظ 😍
🔹 وايضا تقلل القهوة من خطر الاصابة بمرض السكر
🔹 تقلل القهوة من خطر الاصابة بمرض الشلل الرعاش
🔹أيضا بتمنع تسوس الاسنان
🔹 القهوة تقلل من الشعور بالتعب والألم وتقلل من الاكتئاب
🔹بتخافظ علي البشرة وكمان بتقلل من الاصابة بمرض سرطان الجلد لاحتوائها على مضادات الأكسدة
والخوف من ارتفاع الضغط المصاحب للقهوة هى من أهم مشاكلها إلا ان الابحاث أكدت أن ارتفاعه يبقي بشكل مؤقت ويرجع لوضعه الطبيعي بسرعه
اشرب قهوة لأنها مفيدة لصحتك رزقكم الله العافية 😍

23/12/2019

كتير بنسمع عن القولون العصبى وان فلان ده مينفعش ياكل بقوليات ,أصل عنده قولون عصبى 😔
فتيجي في بالك يعني ايه القولون العصبي ده ؟ وازاى اتجنب الموضوع ده ؟وايه اصلا اسبابه ؟🤔
اولا هو مرض غير عضوى يعنى مش مرتبط بقرح أو اورام لا قدر الله , وهو عباره عن اضطرابات فى حركة القولون مش أكتر .
اكتر الناس المصابين بيه هم الشباب فى سن المراهقة والاكتر النساء أكتر من الرجالة ودايما بيحسو بوجع في البطن غالبا بتبقي معاها اسهال او امساك او تبادل بينهم .
وممكن يوصل لكركبة أو انتفاخات شديدة .😵
لازم نعرف أسبابه :
🔹اسباب نفسية وممكن تكون وراثية ساعات .
🔹زيادة الاحساس بالالم الصادر من جدار القولون .
🔹اضطراب فى حركة الأمعاء .
🔹زيادة نسبة البكتريا الضارة فى القولون .
أهم حاجة التشخيص الصح من الطبيب واستبعاد الامراض العضوية زى الجرثومة او القرح او مشاكل المرارة لأن اعراضهم متشابهة
والحل كله فى التغذية السليمة , والبعد عن التوتر وبعض الادوية اللى بتحسن من وظايف القولون وحركته 👌
رزقكم الله الصحة والعافية 😍😍
تابعونا وابعتولنا المواضيع اللى حابين نتكلم فيها 👌

17/12/2019

دكتور محمد عياد
أخصائي أمراض الكبد والجهاز الهضمى والحميات
العنوان : بركة السبع - شارع عبد المنعم رياض(العمومى) -مول الجابرى الجديد - الدور الرابع
للحجز والاستفسار : 📞01028913817

13/12/2019

الكبد الدهني او الدهون علي الكبد مصطلح بنسمعه من دكاتره الكبد وكتير مننا مش بياخد الموضوع بجد
طب ايه هو الكبد الدهني ؟
هو عبارة عن تراكم الدهون داخل خلايا الكبد وبالتالي مع مرور الوقت بتسبب إلتهابات لدرجة ممكن توصل للتليف الكبدي
طب ايه اعراضه :
في الاغلب للأسف هو مرض صامت وملهوش أعراض بس ممكن تلاقي اجهاد مزمن و غثيان ووجع في البطن
اسبابه
🔹السمنه
🔹مرضي السكر الغير منتظمين
🔹التغذية الغير سليمه وتناول الكحوليات.
زي ما صعب المريض انه يكتشفه لكن سهل جدا للدكتور انه يلاحظه لأن بالسونار بيقدر يلاحظ تضخم الكبد وترسب الدهون عليه كمان الطبيب يقدر يحدد اذا كانت الدهون دى مؤذية ولا لا عن طريق معادلات معينة بين انزيمات الكبد , وعمر المريض والصفايح الدموية
طب ازاي نقدر نتفادي الموضوع ده :
🔹خسران الوزن التدريجي لمرضي السمنه.
🔹تنظيم سكر الدم
🔹النظام الغذائي السليم
والأدوية مينفعش تكون غير للمريض اللى عنده التهابات او تليف لأن بتكون على حسب الحالة
وبالنسبة للكبد الدهنى ,فى مجموعة كبيرة من الأدوية فى طريقها للظهور عن طريق الابحاث
رزقكم الله العافية ، اكتبولنا عاوزين نتكلم في ايه الموضوع الجاي وتابعونا 😍

09/12/2019

بقينا نسمع كتير عن جرثومة المعدة فى الفترة الاخيرة وانها ليها مشاكل كتير على المعدة , بس خلينا نعرف هى ايه جرثومة المعدة اصلا
هي بكتيريا حلزونية الشكل، تعيش وتتكاثر في الجدران المبطنة للمعدة
وبتتنقل عن طريق الأطعمة، أو المياه والأواني غير النظيفة، أو الاتصال بلعاب الشخص المصاب أو مشاركة الأواني معه.
وليها اعراض عادية جدا ممكن تحصل لأي حد

🔹غثيان أو قيء.
🔹الانتفاخ.
🔹التجشؤ.
🔹ألم في البطن.
🔹حرقة في المعدة.
🔹نقص الشهية.
الجرثومة مش برد فى المعدة , ومش أى مسكن هيمشي الموضوع وخلاص وخصوصا ان اعراضها مشابهة لحاجات كتير , في نفس الوقت هي مش مرعبه وعلاجها مش صعب بس لو موجوده وكانت سبب الأعراض دي التحسن بيبقى درامي مع العلاج السليم، الادويه الموصوفه مباشرة من الصيدليات تأثيرها بقى ضعيف في الوقت الحالي لأن البكتريا غالبا اتعرفت عليها، الأبحاث بقت كتير في طرق العلاج الي بقت سهله وبتجيب نتائج هايله، رزقكم الله العافيه
اكتبولنا عاوزين نتكلم عن ايه في البوست الجاي😍

08/12/2019

تابعونا علشان تعرفو كل حاجة عن أمراض الباطنة وازاى تقدرو تتجنبوها بسرعة ومن غير قلق 😎