09/10/2025
{وَأَن لَّيْسَ لِلإنسَانِ إِلَّا مَا سَعَى}
في الطب – وفي الحياة كلها – أنت مسؤول عن “السعي” مش عن النتيجة.
المذاكرة، التدريب، حضور المحاضرات، فهم المريض… دي خطواتك اللي لازم تعملها بإتقان.
النتيجة في الآخر مش في إيدك 100%:
ممكن تذاكر بجد وتيجي أسئلة صعبة.
ممكن تعمل عملية بكل دقة ويحصل مضاعفات.
ممكن تزرع البذرة وما تشوفش الثمرة دلوقتي.
لكن قيمتك الحقيقية مش في “النتيجة” قد ما هي في “الجهد”.
لأن ربنا سبحانه وتعالى حكم إن نصيبك في الدنيا والآخرة بيتحدد بسعيك، مش باللي فاتك أو اللي جالك صدفة.
فالطب يعلمك درس فلسفي عميق:
اتقن السعي… واترك النتائج على الله.
لأن النجاح مش وعد بالنتيجة، لكنه وعد بالطمأنينة إنك عملت اللي عليك
د.محمود الشوبكي
