18/01/2021
😣
أسئلة كتير بتتسال بخصوص بطانة الرحم المهاجرة وتاثيرها على الحمل والانجاب وهنجاوبك على كل الأسئلة في النقط دي 👇👇
🔴 #إيه_هي_بطانة_الرحم⁉️
👈 بطانة الرحم المهاجرة هو وجود بطانة الرحم خارج الرحم زي المبايض او الحوض والغشاء البريتوني المبطن للحوض وممكن في حالات نادرة توصل لأماكن خارج منطقة الحوض والبطن وممكن تيجي مثلا مكان جرح القيصرية وده في حالات نادرة .
⚠وجود بطانة الرحم المهاجرة على المبايض بتكون ما يسمى ب(الكيس الشكولاتي) ووجدها في الاماكن دي من مبايض او حوض بيسبب أعراضها المختلفة
🔴 #الأعراض⬇️
👈اولا:الشكوى ممكن تيجي بألم شديد في البطن مع نزول البيرود شهريا ويبدء الالم قبل نزول البيرود ويستمر لحد بعد البيرود بكام يوم (يعني الالم مستمر اغلب الوقت )
وممكن تسبب الم اثناء العلاقه
👈ثانيا:ممكن تسبب لغبطه في البيرود ونزيف
👈ثالثا: ممكن بطانة الرحم تسبب تأخر إنجاب وده لحدوث التصاقات ممكن تأثر على وظائف المبيض والأنابيب .
👈 رابعا:ممكن كمان بطانة الرحم تسبب اجهاض متكرر
🔴 ⬇️
✅ للحالات الي بتشتكي من الم بس 👇
بنبدء بعلاج دوائي او هرموني وغالبا بيجيب نتايج كويسة ...واخر حل هو الجراحة الي بتم بمنظار ومش بنلجأ ليها الا اذا العلاج مجبش نتيجه
✅ بالنسبة للحالات الي عندها بطانه رحم مهاجره على المبيض 👇
(المعروف بالكيس الشوكلاتي )
ده مش بنشيله في كل الحالات حتى لو معاها تأخر حمل
😯ايوة زي مبقولك كده هو 😯
🔴 ❓
📌لو حجمه كبر عن حد معين
📌لو عمل اعراض حادة مش بتتحسن بالعلاج
📌في بعض حالات تاخر الحمل لو اخدنا علاج ولسه محصلش حمل
❓يعني ممكن احمل والكيس الشوكولاتي ده موجود ..
طبعا ممكن جدا
🔴 وزي مقلنا بنشيله في حالات معينة بس و بيختلف القرار من حالة للتانيه⚠
🥺⚠لان شيل الكيس ممكن يقلل مخزون المبيض وممكن بعد ميتشال يرجع تاني
🔴 ولو قررنا انه يتشال بنشيله بالمنظار أحسن او جراحة على حسب الحالة وبطريقة معينة بحيث المبيض ميتأثرش معانا
# عيادة النساء والتوليد
ـــــــــــــــــــــــــــــــــــــــــــــــ
لِلحجز والاستعلام 📞
