Dr. Mostafa Shehata Khalil.

Dr. Mostafa Shehata Khalil. الصفحة الرسميه للدكتور مصطفى شحاته استشاري الطب النفسي وعلاج الادمان و مدير مستشفى العباسيه سابقا

06/10/2025

وأنت بتقرأ في سورة الصافات هتمر عليك آية على هيئة سؤال وهي قوله تعالى: “فما ظنُّكم بربّ العالمين" ..

السؤال دا كل ما تضيق عليك الدنيا وتحس انها أظلمت في وجهك اسأله لنفسك ، ما ظنُّكِ يانفسي برب العالمين؟

سيدنا عبد الله بن مسعود كان يقول: "قسمًا بالله ما ظنّ أحد بالله ظنًا إلا أعطاه ما يظُن، وذلك لأن الفضل كُله بيد الله"..

ساعتها والله هتحس كأن باب كبير يوشك أن يُفتح ، ونور عظيم باين قدام في آخر الطريق ،و إحساس بيقولك انها هتف*ج من واسع وكُله هيعدي فَ طمئن قلبك.

25/02/2025

الدنيا هتبقى أحسن لو كل شخص جواه تعقيدات سلبية، أو بيعاني من صدمة نفسية مأثرة على تصرفاته، قرر يقف واقفة مع نفسه ويبذل مجهود ووقت أو حتى يطلب المساعدة بشكل سوي في سبيل إصلاح ذاته.

بدل ما يفضل يعاني ويخلي معاناته دي تطفح ع اللي حواليه ويفتكر إن دا مُبَرَّر بحجة إنه ضحية وإن المجتمع أو أشخاص معينة هما السبب في دا ولازم يتحاسبوا !!

آه الأشخاص المؤذية لازم تتحاسب، والأسباب لازم تتصلح، بس لحد ما دا يحصل، أو حتى لو محصلش خالص.. فـ استشفاءك من مشاكلك النفسية مسئوليتك انت وواجب عليك تنفذها.

06/11/2024

-مساء الخير :

انت بتستمر في تحسين نُسختَك الحالية وتطويرها وتعليمها وتهذيبها مع...مع بكرَّرها لثالث مره -مع - تقبلك لوضعها دلوقتي ، يعني هتحُط في دماغك انك بتحاول لمجرد المُحاولة والأخذ بالأسباب وعشان تحقق أهدافك ولأسباب أخرى خاصَّة بيك مش بتحاول وانت كارِه وحاسس بنقص من اللي بتعيشه!
تمام؟! بتتقبَّل وبتحسِّن
مش بتحسِّن وبتقلِّل من نفسك وبتجلد ذاتك!
وبصراحة قاعدة رقم واحد بالنسبالي مش هاتعرف تتحسِّن أصلًا بدون ما توافق وتصالح وتسلِّم باللي انت عليه دلوقتي وباللي كنتُه من قبل كده كمان.
ودايمًا خليك فاكر ان ربنا سبحانه و تعالى قال في كتابه الكريم:﴿إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ﴾
ودمتم بخير.

11/10/2024

﴿ قال رب إنى وهن العظم مني واشتعل الرأس شيبا ﴾

كل الأسباب كانت واقفه قدام زكريا عليه السلام ،كان عايز ابن وكل الطرق مقفوله قدامه ، وهن عظمه واشتعل رأسه شيبا ، ومراته عاقر !
فمش هيعرف يجيب ولد أبدا أكيد!
ومع كدا برضوا زكريا عليه السلام كان عارف أن ربنا قادر يحقق المستحيل ، فلما ساب التعلق بالأسباب ،
وشافها و لاحاجه قدام قدرة الله سبحانه وعلّق قلبه بربنا لوحده ..
جاله النداء الجميل :
﴿يا زكريا إنا نبشرك بغلام اسمه يحيي }
عشان كده افتكر: عامل ربنا بيقينك هيسخرلك كل حاجه بتتمناها ..♥️♥️♥️✨

23/07/2024

{وَسِعَ رَبِّي كُلَّ شَيْءٍ عِلْمًا}
من الحاجات المطمئنة جدًا في الدنيا وسبب أساسي للراحة النفسية إن ربنا عالم ومُطّلع على كل اللي بيحصل...
إزاي؟!
ربنا عالم إنك واجهت ضغوطات كتير، وخسرت كتير،وعشت مشاعر سلبية كتير، وندمت على حاجات كتير ،ربنا عالم بكل احوالك سواء حلوه او وحشة...
ربنا عالم بسلامة نواياك، وبسعيك وتعبك ، وهيجازيك على كل ده، إنت حاولت ومازلت بتحاول وربنا عالم باللي إنت بتعمله وده كفاية يا سكر💖💖💖✨.

24/06/2024

- ﴿ قَالَ قَدْ أُجِيبَتْ دَعْوَتُكُمَا فَاسْتَقِيمَا وَلَا تَتَّبِعَانِّ سَبِيلَ الَّذِينَ لَا يَعْلَمُونَ ﴾.
لازم تبقى عارف كويس إن ربنا مش بيخذل عباده، ومش بيتجاهل دعواتك اللي بتدعيها ابداً ، القصة بإختصار إن كل حاجه وليها وقتها وربنا وحده اللي عالم بيها، كل دعوة وليها لحظة هَتتحقق فيها و كل أمنية و حلم مؤجلين ليهم أوان وهتشوفهم بعينك وهتتعوض عن كل اللي فات ، ف يا سكر ماتستعجلش كله بأوانه انت بس توكل على الله وخليك واثق ان رب الخير لا يأتي إلا بالخير ، ودمتم بخير يا سكاكر❤️❤️❤️❤️✨"".

08/05/2024

- مساء الخير يا سكاكر🤍✨
من الحاجات الجميلة اللي هتفيدك جدًا لو طبقتها،إنك تقرر التعايُش مع أي وضع ومع كل أمور حياتك حتى لو كانت الأمور ماشية عكس ماكنت بتتمنى.

ده ليه ؟!
لأن كده كده أمر الله نافذ، سواء صبرت أو اعترضت، فالأمور تمشي وانت راضي احسن ولا تمشي وانت ساخط ياجميل؟

الصحابي عمر بن الخطاب قال لأبو عبيده: يا أبا عبيدة؛ إنَّا نَفِرُّ مِن قَدَرِ الله إلى قَدَرِ الله. أرأَيتَ لو كان لكَ إبِلٌ هَبَطَت وادياً له عُدْوَتان( جِهتان)؛ إحدَاهُما خَصِبَة، والأُخرى جَدْبَة؛ أليسَ إنْ رَعَيْتَ الخَصْبَة؛ رَعَيْتَهَا بقَدَرِ الله، وإنْ رَعَيْتَ الجَدْبَة؛ رَعَيْتَهَا بقَدَرِ الله؟!
فاللهم لك الحمد على كل شيء، الحمد لله قولًا وفعلًا وشكرًا ورضا
ودمتم بخير🤍🤍🤍✨.

31/01/2024

- ﴿إِنَّ ٱللَّهَ لَا یُغَیِّرُ مَا بِقَوۡمٍ حَتَّىٰ یُغَیِّرُوا۟ مَا بِأَنفُسِهِمۡۗ﴾.

الآية دي دايما لازم تكون في بالك، متستناش تتغير وانت اصلاً مش بتحاول لإن مفيش حاجة بتيجي بالسهوله اللي بنتمناها...
حاول واجتهد وجاهد نفسك وغير عاداتك الوحشه اللي فيك ،متبصش ل دا انه حاجة بسيطة هييجي الوقت اللي هتعرف فيه ان تغيرك دا كان الاصح ليك ...
اسعى لنفسك و حياتك للاحسن و ربنا هيعينك متقلقش ما دام التغير دا من قلبك بس انت ثق وتيقن بالله ياسكر 🤍🤍🤍✨ .

04/01/2024

‏﴿وألَنّا لهُ الحديد﴾
واللي ألَان الحديد رغم صلابته، هيليّن كل أمر صعب وهيجعله هين لين سهل بإذنه...لإن مفيش حد بيحاول و بيجيب صفر !!.
السعي هيعلمك حاجة من ثلاثة..
- يا أما هتنجح من أول مرة.
- يا أما لو منجحتش هيديك خبرة فى اللي جاي.
- يا أما هيخليك تتعلم إن مش ده الطريق اللى يستحق المجهود فتشوف طريق تاني غيره.
الخلاصة مفيش مجهود بيضيع خالص،انت بس خليك واثق فى ربنا وموقن في نفسك كده ان كل هم ليه ف*ج وكل ضيقه ليها مخرج وكله بتوفيق ربناا🥺🤍🤍🤍✨.

19/09/2023

- مساء الخير:

هو الشخص ال toxic ينفع يتغير ؟!
"almost "
أيوه لأن هو مبقاش toxic من فراغ كده ولا قرر فجأه أنه يكون مؤذي ساعات بتكون النفوس دي مريضة ودول بصراحة مينفعش يتغيروا ويكونوا كويسين إلا لما يشربوا من السم بتاعهم ، و في ناس ظروف العلاقات القديمة اللي مرت بيها هيا اللي صنعت منهم أشخاص مؤذية ووجودهم في أي علاقة ما هو إلا وجود متعب للطرف التاني لأن الشخص المؤذي لما يدخل في علاقة ف هو أساسا كان إنسان عادي لكن تراكمات العلاقات خليته معندوش طاقة يبذلها ويقع عليه هنا خطأ دخوله في علاقة وهو مش جاهز لتخطي القديم من حياته وفتح صفحة جديده مع شخص جديد ، لازم اي انسان يقفل صفحات علاقاته القديمة نهائيا لو ناوي يدخل علاقة عشان ميأذيش الطرف التاني ويكسر قلبه هونوا على بعض الدنيا مش مستاهله واحنا مش ملايكه خليك فاكر أنك إنسان فيك عيوب زي ما فيك مميزات ودمتم بخير🤍✨

09/09/2023

-مساء الخير يا لطيف
🥺🤍.
ربنا مخلقناش علشان نصاحب الأحزان والهموم ونلزمهم ، أنتَ موهوب وشاطر وعندك عقل يخليك مِن واحد شايف نفسه فاشل لِواحد ناجح ومعندهوش وقت للإحباط ،إنت تقدر تحول سلبياتك لإيجابيات وتحول همومك لأفراح أسعى وعافر وخليك دايماً مع ربنا وافتكر أن العمر مش باقي فيه كتير عشان لسه تقعد تضيع منه ف اعمل ليه ، ارمي كل حاجه ورا ضهرك وأبعد عن شيطانك اللي هدفه يحبطك ، وابدأ ، واترُك علامة كل الناس تفتكرك بيها ودمتم بخير 🥺🤍.

03/09/2023

- مساء الخير يا سكاكر🤍✨
حابب بس افكرك انك هتبقى شخص مهم في المجتمع باذن الله بتطويرك لذاتك انت في منافسة مع ناس كتير في نفس درجتك العلمية الفرق بينكم هو المهارات والخبرات بس يعني الموضوع محتاج منك جهد في السعي عشان تستمر في تطوير نفسك،ف دلوقتي قدامك فرص كتير عشان تبدأ في تطوير نفسك بنفسك، لو عاوز تبقى حاجة مستقبلاً باذن الله ف اسعى واجتهد...
ساعه او اتنين في اليوم كفيلة تغير حياتك وقضي الباقي لعب وخروجات و هزار عادي وكل دا هيفرق معاك سواء في نفسيتك او حياتك عموما و دمتم بخير🤍🤍🤍✨ .

Address

ميدان حلمية الزيتون برج الفهيم الدور الخامس من السبت للاربعاء من الساعة الثالثة إلى السابعة مساءا
Cairo

Telephone

+201029743062

Website

Alerts

Be the first to know and let us send you an email when Dr. Mostafa Shehata Khalil. posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Mostafa Shehata Khalil.:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category