07/11/2025
فاكرين واحنا صغيرين اول مرة نمسك فيها القلم ونحاول نكتب وتنزل الكتابة عن السطر كاننا بنشرب م الترعة. بس ساعتها ما استسلمنا وكملنا وبقينا نعرف نقرا ونكتب زى اللى علمونا .عارفين ليه نجحنا فى ده مش بس الكتابةده ياماوقعنا لحد ما اتعلمنا نمشى وياما نطقنا الكلام بحروف غلط لغاية ما بقينا نتكلم لبلب.
عارفين ليه نجحنا لان اللى حوالينا ما قالوا لينا اننا هنفشل بالعكس شجعونا ولما لقينا نفسنا بنعرف نقرا ونكتب وقبلها نمشى ونتكلم صدقناهم فى كل حاجة قالو عليها حتى لو كانت ضد مصلحتنا .وهنا كانت غلطتنا اننا كنا بنصدق من غير ما نفكر.
نثق من غير مانتاكد.
ننفذ من غير ما نسال نفسنا احنا بنعمل كده لمصلحة مين احنا ولا غيرنا
بننفع مين ونضر مين احنا ولا غيرنا.
وكانت النتيجة انه ضاع عمرنا واحنا عايشين قصة مش بتاعنا ولا تشبهنا.
ان الاوان نعيش قصتنا.نستعيد شغفنا.نرجع قوتنا اللى اتنازلنا عنها لما قولنا اه واحنا بنصرخ من جوانا وعاوزين نقول لاء
لما تنازلنا وضحينا وقبلنا باقل م اللى نستحقه
لما اتخلينا عن احلامنا ودفنا طموحنا ونسينا احنا مين .يدوب فاكرين اسامينا
كن انت.كن نفسك.ده حق نفسك عليك.
امانى عبدالصادق لايف كوتش. مدربة تنمية ذاتية. ارشاد نفسى واسرى. ممارس برمجة لغوية عصبية
ارحب باجابة التساؤلات من خلال التعليقات
ولحجز الاستشارات يرجى التواصل من خلال الماسينجر.
