What are the opening hours?

Monday 11am - 9:30pm Tuesday 11am - 9:30pm Wednesday 11am - 9:30pm Thursday 11am - 9:30pm Friday 11am - 9:30pm Saturday 11am - 9:30pm Sunday 11am - 9:30pm

https://www.instagram.com/m_gamal_2020/

كبسولة جمال, 14 شارع محمود عصمت/شيراتون المطار/مصر الجديدة/القاهرة/Office 9#, Cairo (2025)

11/10/2025

ولسه القادم .... أسوأ!!!
اللي فهم ريح وارتاح

10/10/2025

بس لو يصبروا عليا!
بس لو يعرفوا نيتي!
بس لو يعرفوا قد ايه انا مضغوط!
بس لو يعرفوا أنا حاولت قد ايه!
وغيرها بس وبس وبس وبس
لذلك علمتني الحياة والجلسات مع البشر من دول كتير
ان واحد من أكبر أسباب تدمير العلاقات في حياتنا
(الجهل وعدم الصبر)
يا أنا مش فاهم اللي أمامي بيعمل كده ليه!؟
أما اللي أمامي مش فاهم أنا بعمل كده ليه!؟
وطبعا مش من حقي أبدا أعرف كل حاجه وكل أسراره
وطبعا ولا من حقه أبدا معرفة كل حاجه وكل أسراري
لأن "طبيعي" في حاجات "مستحيييييل" تقولها عن نفسك أو عن أهلك أو عن شغلك أو عن اصحابك مهما حصل
(مش هنطق ولو على رقبتي) زي ما بيقولوا
إذن كل اللي يخصنا ان اللي أمامي ده مقدرش يقول كل حاجه وخلاص
والنتيجة والخلاصة ايه؟ يعني بتخلص على ايه الحالات والعلاقات دي يا جمال؟
النتيجة واحدة ومعروفة (ومن آلاف السنين) لكل هذا الضغط على أي إنسان
قَالَ هَٰذَا فِرَاقُ بَيۡنِي وَبَيۡنِكَۚ سَأُنَبِّئُكَ بِتَأۡوِيلِ """مَا لَمۡ تَسۡتَطِع عَّلَيۡهِ صَبۡرًا""" (78) صدق الله العظيم
اللي فهم ريح وارتاح
دُمتم بصحة وخير وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

17/09/2025

دي الحالة الوحيدة اللي أنت بجد مش محتاج حد يأذيك أو يظلمك!!!
كفاية عليك نفسك!
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

16/09/2025

مصاريف دخول المدارس + أدوية عدوى دخول المدارس + مصروف جيب المدارس + إيجار البيت + الأكل والشرب + دروس خصوصية + + + +
يخوض الأباء والأمهات حروب من أجل الأبناء لايعلمها إلا الله
فاللهم لا تكسر رجل أمام أهل بيته وأطفاله
ولا تكسر قلب أم أمام رغبات أطفالها
قريب سميع مُجيب الدعوات
آمين آمين آمين

01/08/2025

لأ بصوا أنا معالج نفسي اه بس خُلقي أضيق من الإبرة
فكلمتين ابرك من ١٠ في التعامل معايا أو مع أغلب المعالجين والدكاترة بس يمكن بيتكسفوا يكتبوا أو يقولوا!!!!
اللي عاوز يتعالج ويتعلم نفسية ووعي وكل الكلام الحلو ده بس فاكر أن المعالج ولا الدكتور ده هيستف ويرتب الهوا حوالين منه!
يبقى غلطان
ويروح يدور على واحد مخاوي من الآخر
اومال اجيلك ليه يا جمال!؟
علشان اخليك تتعامل مع مشاكلك وتحدياتك زينا كده عادي شوية
يعني من غير ما تبقى بارد أوڤر أو سخن أوڤر مثلا أو تتشنج أو تتهرب أو تترعب أو أو أو أو
أو اخليك تطلع بره نمط تفكير أو حياة جايبلك الكافية بشوية تدريبات سواء بسيطة أو معقدة
لكن..........
اللي فاكر إني هحلله مشاكل حياته! أو من بعد الجلسات مفيش مشاكل! أو هفصصلله الكوكو على الرز تحت مسمى أنت المعالج بتاعي!!!
ده ياخدها من سكات ومنشفش وشه أحسن لينا وليه علشان كلنا عندنا عيال عاوزين نربيها
اللي فهم ريح وارتاح
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

29/07/2025

دراسة استمرت ١٠ سنين كاملين!
دراسة شملت اكتر من ١٧٠٠ إنسان!
دراسة باستخدام مقياس الحزن المطول PG13!
دراسة جايه تفهمنا ليه اتقال لنا من اكتر من ١٤٠٠ سنه:
"وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ ۖ إِنَّ رَبَّنَا لَغَفُورٌ شَكُورٌ": (فاطر: 34).
وطبعاً غيرها آيات كتير جداً بس كلهم تقريباً كل ما أتذكر الحزن اتحط قبله (لا) نافيه واضحه!
وفي الكتاب المقدس برضه:
"لاَ تَحْزَنُوا، لأَنَّ فَرَحَ الرَّبِّ هُوَ قُوَّتُكُمْ." (نح 8: 10)
وختمها سيدي الإمام محمد متولي الشعراوي بقوله (سنكر (أقفل) باب الحزن بمسمار الرضا)
وسواء معايا أو مع اغلب المعالجين أو الدكاترة فأشد الحالات المتعبة ليا شخصياً والاكتر تلقي رعاية ومتابعة في الجلسات أو بين الجلسات هي حالات (الهم والحزن) لا قدر الله
عفانا وعافاكم الله العفو الكريم
فخلوا بالكم من نفسكم وخلوا بالكم من عيالكم
اللهم بلغت اللهم فاشهد
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

28/07/2025

(الخيال بلا علم كإنسان بأجنحة ولكن بلا قدمين)
جملة حلوة وعميقة بس ايه علاقتها بالجلسات النفسية!؟
وليه بنحتاج خطة واضحة في العلاج النفسي أصلا؟؟
لما بنتكلم عن العلاج النفسي Psychotherapy كتير ناس للأسف ممكن يفتكروا أن دي مجرد سلسلة من الجلسات اللي بنقعد وبنتكلم فيها ونفضفض والموضوع بيخلص على كده!!
ولكن ...
الحقيقة إن العلاج النفسي (الفعال) (وبغض النظر عن مدته) لازم يكون مبني على خطة واضحة
ولو مفيش خطة فالموضوع ممكن يتحول لأجنحة بتطير بينا في كل مكان ونتنقل من موضوع لموضوع وتقلب قعدة فضفضة فعلاً!
لأن خلاص مبقاش فيه قدمين نعرف هترسي بينا فين بالظبط؟؟؟
وجود خطة للعلاج النفسي مهم جداً زي بالظبط ما بيقولوا بلغة السياسة خارطة طريق أو الـ Roadmap
الخطة دي مش بس بتحدد الأهداف العلاجية
لكن كمان بتحدد إزاي هنوصل للأهداف دي
والمعالج النفسي أو Therapist أو الدكتور بيشتغل معاك علشان يبني الخطة دي بس بناءا على احتياجاتك أنت والـ Diagnosis أو التشخيص بتاعك بالتحديد
وجود خطة واضحة = يساعدك على تحقيق أهداف واضحه
زي تقليل أعراض القلق (Anxiety) أو تحسين المزاج (Mood) أو التعامل مع الضغوط في البيت أو الشغل (Stress) أو بناء علاقات صحية برضه في البيت أو الشغل (Healthy Relationships) أو علاج الصدمات النفسية (Trauma Healing) وغيره وغيره من الأهداف النفسية
فكل هدف من دول ليه مسار وطريق وتكنيكات وتدريبات وليلة كبيرة
وطبعاً فيه مرونه في الخطط وحسب سرعة كل إنسان وحسب ظروفه وحاجات تانيه كتير الخطة بتتغير وتتعدل على مقاسه
ولكن اللي بيخلي الجلسات اكتر فاعلية أصلا هو الخطة الجيدة وبعدها المعالج يقدر يعدل عليها بناءا على الـ Response أو استجابتك للعلاج أو أي ظروف جديدة ممكن تحصل
وده بيضمن حاجه مهمه جدا وهي أن العلاج بيفضل Relevant يعني متعلق باحتياجاتك المتغيرة
لذلك أنا مثلا بوقف جلسات لبعض الناس معايا!
ليه!؟
علشان قرر ياخد الموضوع لفضفضه وشايف أنه عاوز يتكلم براحته!
وفاكر أنه الجلسات معايا هتبقى لمصلحته بالشكل ده!
وناسي أنه علاج زي أي علاج وان أي طبيب أو معالج أو دكتور أو ميكانيكي أو نجار عاوز يسمعك ويخليك تتكلم براحتك (علشان يحدد المشكلة وطريقة العلاج أو الحل أو التصليح) مش لمجرد الرغي وخلاص
عارفين إنك متألم
عارفين إنك خسران
عارفين إنك موجوع
عارفين إنك مجروح
عارفين إنك مظلوم
عارفين إنك مدبوح
وعارفين أن ٨٠% من العلاج في انك تتكلم وتطلع وتعبر وتنضف
ولكن مش ١٠٠%!!!!
نصيحتي والخلاصة ...
سواء كان العلاج قصير الأجل لـ Specific Issue (مشكلة محددة) أو طويل الأجل للتعامل مع Complex Trauma (صدمات معقدة) أو Chronic Conditions (حالات مزمنة)
امسك في خطتك العلاجية وتبت فيها بايدك واسنانك وبلاش تحاول تمشي الجلسات بدماغك
لأن الخطة هي اللي بتدينا القدمين اللي بنقف بيهم على أرض ثابتة حتى واحنا بنستخدم أجنحة الخيال والمرونة والتكيف والصدر الواسع لأن الهدف حياة أفضل إن شاء الله مش شوية فضفضه!!!
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

14/07/2025

هتفتكروا كلامي ده وتقولوا جمال قال! والأيام بيننا
خلوا بالكم من عيالكم وأخواتكم خاصة من ١٠ إلى ١٨ سنة
المشاكل والبلاغات بدأت بس بيتم التكتم عليها!!!
ليه!؟ ومن ايه!؟ للدرجادي يعني!؟
هقولك
هل أنت مستعد تراهن على صحتك النفسية وحياتك وكمان حياة أولادك أو أخواتك؟
لو أنت من بتوع no risk no fun ya gamal في الأمور الحساسة اللي زي دي يبقى متمكلش واقلب
لأن ايه اللي هيحصل لما ترمي مشاكلك النفسية لبرنامج ذكاء اصطناعي يعني!؟؟؟
ناس كتير بتتصور إن ده حل سهل
ومفيش فيه إحراج
ومتاح ٢٤ ساعة
وأرخص كمان
و و و و
ولكن الحقيقة المُرة إن الاعتماد على الـ AI كمعالج نفسي مش بس وهم! ده خطر حقيقي بيهد حياتك من أساسها
وهقولك إيه اللي بيحصل معاك وحواليك وفي بيتك دلوقتي
أولا وهم "الأمان" الزائف يعني بتفتكر إنك بتتكلم مع حد "محايد" مش هيحكم عليك
ده أكبر وهم! لأن البرنامج ده بيجمع بياناتك بيحللها وبعدها يتوقع سلوكياتك
ثانياً مفيش خصوصية (Privacy) حقيقية وده بيخليك مكشوف وضعيف من غير ما تحس
معلوماتك دي ممكن تتسرب أو تستخدم ضدك وساعتها مفيش حد هينقذك
وادينا كل يوم والتاني نسمع عن تسريبات بيانات لإيميلات وكلمات مرور لكبار قادة العالم وملايين المستخدمين
وفي الآخر محدش بيتحاسب!!
ثالثاً موت التعاطف البشري لأنك لما تتكلم مع واحد صاحبك بيحس بيك وبيطبطب عليك
الـ AI ميعرفش يعني إيه إنسانية (Humanity) أصلا
هو مجرد خوارزميات بترد على كلامك باللي يريحك وخلاص مفيش دفء إنساني (Human Warmth)
ولا فيه فهم حقيقي لمعاناتك
بتحس إنك بتتكلم مع حيطة! وده بيزود إحساسك بالوحدة! من غير ما تاخد بالك ويدخلك في حالة أسوأ من اللي رايحله بيها
رابعاً تزييف "العلاقة العلاجية" لأن العلاقة بين المعالج والمريض دي أساس الشفا
ثقة
تفاهم
تطور
مع الـ AI مفيش علاقة أصلاً! مجرد تفاعل آلي!
ده بيخلي أي محاولة للعلاج أشبه بـ تمثيلية Charade بجد وكمان سطحية
يعني عمرها ما هتوصل لجذور المشكلة
خامساً التشخيص الغلط = كارثة محققة
وكام واحد مننا حالته تدهورت عشان تشخيص غلط؟
الـ AI بقى بيشتغل على بيانات! مجرد شوية بيانات!
مش على رؤية شاملة لشخصيتك وظروفك ممكن يديك تشخيص غلط أو نصيحة توديك في داهية
وده في شغلنا بنسميه سوء التشخيص (Misdiagnosis)
وهنا ده مش مجرد خطأ ده ممكن يكون حكم بالإعدام على صحتك النفسية أو على حياتك
سادساً تأخير إنقاذك الحقيقي لأن لما تعتمد على الـ AI فأنت بتضيع وقت غالي اوي كان ممكن تروح فيه لمعالج حقيقي ينقذك ده وبيأخر التدخل المهني والعلمي اللي ممكن يكون هو طوق النجاة الوحيد ليك
كل يوم بتضيعه مع روبوت حالتك بتسوء أكتر!
سابعاً تدمير مهارات التواصل الاجتماعي لأن لما تتعود تتكلم مع آلة! ده بيفقدك قدرتك على التعامل مع البشر! (خاصة مع الشباب الصغير من أولادنا وأخواتنا)
بتنسى إزاي تتفاعل إزاي تفهم تعابير الوش وإزاي تبني علاقات حقيقية
الـ AI بيخليك منعزل اجتماعيًا (Socially Isolated) أكتر وأكتر وهو ده أكبر عدو للصحة النفسية أصلا
ثامناً الهروب من المواجهة لأن الـ AI بخيبته والتعود عليه بيخليك تهرب من مواجهة نفسك ومشاكلك الحقيقية
وتفضل عايش في فقاعة وهمية من الراحة الزائفة
لكن العلاج الحقيقي فيه تحدي ومواجهة وكل اللي جرب العلاج عارف ده وعارف قوة نتائجه
الـ AI بقى بيحرمك من فرصة النمو الشخصي وتطور الوعي اللي بيجي من الصعوبات دي
تاسعاً غياب "المساءلة الأخلاقية" يعني لو الـ AI ده غلط أو أذاك
مين المسؤول؟
مين هيتحاسب؟
طيب أهلك يكلموا مين؟
مفيش حد!
لأ بجد مفيش حد!!
ولا في جهة تقدر تحاسبها!!!
ولا فاكر نفسك هترفع قضية على أكبر رجال أعمال في العالم! ولا أكبر حكومات العالم!
يعني بالبلدي كده صحتك النفسية وحياتك في مهب الريح من غير أي "ضمانات أو حماية"
يعني أنت وحدك اللي هتدفع التمن
عاشراً الإدمان على التكنولوجيا الزائف يعني بدل ما تتعلم إزاي تتعامل مع ضغوط الحياة
لأ أنت بتتعلق ببرنامج بيدي لك حلول جاهزة
وده بيخلق حالة نفسية إسمها الاعتماد التكنولوجي
Technological Dependence
اللي بيخليك عاجز من غير الشاشة
١١. فقدان معنى الـ "شفاء" للأسف لأن الشفاء الحقيقي بيجي من الله بعد رحلة
بعد تجربة إنسانية متكاملة مع معالج بيفهمك وبيحتويك
لما تعتمد على الـ AI بتفقد كل ده
يعني بتفقد أهم حاجه في شغلنا اسمها جوهر العلاج
Essence of Therapy
وبتتحول العملية كلها لمجرد تفاعل آلي سطحي!
ودلوقتي السؤال تاني وتالت ورابع ليك وليكي
هل أنت مستعد ترهن صحتك النفسية وحياتك لمجرد برنامج!؟
ولا تستاهل إنك تحصل على رعاية حقيقية من إنسان زيك يقدر يفهمك ويساعدك بجد؟؟؟
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

11/07/2025

حصل وبيحصل وهيحصل
في اللحظة اللي تسمعي كلام المعالج بتاعك
وتحاولي تطبقي الـ isolation وتسيبي الموبايل
بتلاقي إشعارات الموبايل بالشكل ده!
وده المعنى الحرفي لحكمة بتقول
(عندما تقرر تنفيذ الفعل الواحد الصحيح يتكالب عليك الكوكب لاختبار قوة قرارك وإيمانك بيه)
في دماغك: ده لو أنا رئيس وزراء العيلة والشارع والشغل والشلة مش هيبقى موبايلي كده!
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

03/07/2025

فخ القبول والتغيير!!!
وليه الاتنين دول من أكبر الافخاخ اللي بيوقع فيها بعض الدكاترة والمعالجين النفسيين!! قبل الناس العادية!!
امتى أتقبل؟ وامتى أتغير!؟؟
هقولك
كتير مننا بيسمع عن أهمية التغيير في حياتنا و إزاي لازم نطور من نفسنا ونحاول نوصل لأحسن نسخة مننا وكل الكلام الكبير الحلو ده
بس في المقابل لازم برضه نعرف إمتى نقبل اللي مش ممكن يتغير
لأن المعادلة دي هي جوهر التوازن بين القبول والتغيير
واللي هي من الآخر مفتاح للراحة النفسية وتحقيق السعادة
بين أتقبل ايه يا جمال؟ واغير ايه يا جمال؟
في علم النفس الإيجابي فيه حاجه اسمها
Acceptance and Commitment Therapy (ACT)
وده فيه بخلي الناس تركز على إنها تقبل أفكارها ومشاعرها زي ما هي في الأول حتى لو كانت سلبية
من غير ما تحاول تقاومها أو تغيرها بالعافية
لأن الزتونه هنا إن المقاومة بتزود المعاناة مش أكتر
فلما بنقبل الواقع بنقدر نتحرر من الصراع الداخلي ده أولا وبنوفر طاقة نقدر نوجهها لحاجات تانية مفيدة ثانياً وده الأهم والمطلوب
فمش معنى القبول إننا نستسلم أو نبطل نحاول نطور
بالعكس ده بيخلينا (لما نتعلمه ونتدرب عليه كتير وعلى مستوياته) نشوف الصورة أوضح (لو) فيه حاجة في حياتنا ممكن نغيرها سواء سلوك معين أو عادة سيئة أو حتى طريقة تفكير
هنا بيجي دور الـ Self-Efficacy وده يا جماعه ممكن تعتبروه (قنبلة الإنسان النووية الخفية / بركان طاقة رهيبة / بير بترول كامل / ...)
وملخصها وتبسيطها يعني هو "إحساسنا بالقدرة على إحداث التغيير"
وكل ما إحساسنا بالقدرة ده يزيد كل ما بنبقى متشجعين أكتر إننا ناخد خطوات حقيقية طبعاً
لذلللللك اللي معندوش الإحساس (القنبلة النووية) ده مش بحاول معاه في أي تكنيك أو خطوات للتغيير أصلا
وانصحك أنت كمان متحاولش مع حد معندوش الإحساس بالكفاءة الذاتية دي لأن النتيجة هتبقى وحشه جدا بينكم
النقطة اللي بعدها في التوازن بين التقبل والتغيير
حاجه مهمه اسمها الـ Growth Mindset
وده معناه إنك تؤمن أصلا بأن قدراتك وذكائك ممكن يتطوروا بالمجهود والممارسة والتدريب
وده عكسه تماماً هو الـ Fixed Mindset
اللي بيخلي الشخص يعتقد إن قدراته ثابتة ومش ممكن تتغير! ويردد حاجات زي هو أنا كده! (وكلنا بنقولها على فكرة في حاجات معندناش فيها الـ Self-Efficacy)
اللي عنده Growth Mindset بقى بيشوف في التحديات فرص للتعلم والتطور (((والتغييييير)))
التوازن ده مش سهل أبداً يا جماعة
ولازمه تدريبات كتير
وبعد التدريب عليه بتدخل في مستوياته كمان
وده بيطور اخطر حاجه في الإنسان وهي الـ
Emotional Intelligence
يعني يبقى عندك قدرة عاليه ودائمة على فهم مشاعرك ومشاعر غيرك وإزاي تتعامل مع الاتنين؟؟؟
بالبلدي كده بيخليك تفرق بين اللي في إيدينا نغيره واللي مالناش سلطة عليه
الخلاصة والعلاج في كبسولة سريعة كعادتنا مع بعض:
ابدأ بممارسة حاجه سهله شوية ومنتشرة على الإنترنت بشكل مجاني تماما وهي الـ Mindfulness
يعني إنك تكون حاضر في اللحظة اللي أنت فيها دي وتلاحظ أفكارك ومشاعرك من غير حكم (مهما كانت سيئة في نظرك أو نظر عيلتك أو دايرتك)
ده بيساعدك تفهم نفسك أكتر وتعرف إمتى نقبل وإمتى تبدأ تتحرك وتغير
لما بنوصل للتوازن ده بنحس بسلام داخلي كبير
وميبقاش هري على الفاضي! أو زق نفسك أو زق حد على حاجه وخلاص! خاصة لو مش شايف في نفسك او اللي قدامك مش شايف أن عنده الـ Self-Efficacy اللي اتكلمنا عنها فوق
وقتها نقدر نقول هتعيش حياتك بجودة أعلى ومرونة أكبر في مواجهة تحديات الحياة اللي بيسموها بتوع الترند (نسخه أفضل من نفسك)
لذلك السؤال ليك دلوقتي ودائماً
إمتى أقبل وإمتى أغير؟؟؟؟؟؟؟
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

19/06/2025

كبسولة في لعنة الكفاءة!!
وليه دايما في صراع في أي تجمع بشري بينا!
من أول الشغل لحد قعدة البيت والاصحاب!
وإزاي اطلع من الفخ ده أو أطلع حد منه؟؟؟
هقولك
أوقات كتير بنشوف ناس بتتكلم بثقة كبيرة في مواضيع معرفتها بيها سطحية أساساً أو لسه جديدة في المجال!
وإنتي عارفه ان معرفتها بيها سطحية
لأ وبتدي نصايح كمان أو رأي قاطع في حاجات حساسة في حياة ناس تانيه! أو قرارات مهمه في الشغل!
الظاهرة دي ليها اسم علمي وهو تأثير دانينغ-كروجر
Dunning-Kruger Effect
اللي بتخلي ناس عندهم كفاءة قليلة في مجال ما بس بيبالغوا جداً في تقدير قدراتهم ومعارفهم!
لأ ويفتكروا أنهم خبراء كمان فيه في حين أنهم عكس كده خالص
الغريب بقى في نفس الظاهرة الهباب دي إن كل ما زادت معرفة الشخص وخبرته في مجال ما
كل ما بقى متواضع اكتر More Humble والالعن أنه يبقى أقل ثقة في إنه وصل للكفاءة!
وده لأن الكفاءة الحقيقية بتخلي الإنسان عارف مدى تعقيد الموضوع أو عمق التفاصيل اللي لسه محتاج يتعلمها
وده كارثة لكتير من العلماء أو الدكاترة أو المعالجين أو المديرين أو الموظفين القدام وغيرهم وغيرهم
ودي حاجه اسمها وهم الجهل
Illusion of Ignorance
أو إدمان عقلية النمو
Growth Mindset
بعكس فلانه التانية قليلة الخبرة بيكون عندها وهم المعرفة
Illusion of Knowledge
وده بيخلي عندها ثقة مفرطة Overconfidence
الباحثان ديفيد دانينغ وجاستن كروجر هما اللي اكتشفوا الظاهرة المنيلة دي في التسعينيات
وكتر خيرهم بصراحه لأني كنت على وشك الجنان من ناس حواليا علشان نازلين فتي وهري وتقديم نصايح تودي ناس تانيه حواليهم في داهيه
المهم
علشان لسه التقيل جاي
الظاهرة دي أثبتت أن الناس اللي بيعانوا من ضعف الكفاءة ده
بيواجهوا حاجه أخطر وهي صعوبة في إدراك نقص كفاءتهم أصلا!!!
بمعنى أن مش بس معندهمش المعرفة
لكن كمان معندهمش القدرة على تقييم مدى جهلهم ده
هما شايفين نفسهم اسطوات الكوكب واعمام المجال كمان!
وده بنشوفه وبنعاني منه في كل مجالات حياتنا زي
الشغل
النقاشات العامة
أب وابنه عامل فلحوص
أم وبنتها عامله فلحوصه
اخ اصغر
أخت اصغر
عروسة جديدة
أم جديدة
صاحبتك أو زميلتك في الشغل أم العريف
وهكذا
طيب والحل يا جمال؟؟؟
دول ودونا في داهيه أو ودوا ولادنا في داهيه في الشغل أو خناقات كتير في البيت على أنا عارفه كل حاجه!
والعيال فاكرين نفسهم فاهمين الدنيا وقفلوا منهج الكوكب والحياة علشان معاهم الزفت الموبايل والزفت النت!!!
الخلاصة
اللي مصابة بالظاهرة دي
اسأليها انتي متأكدة من الكلام ده؟
جبتي الكلام ده منين؟
وريني الدليل علشان هعمل اللي بتقوليه ده؟
طيب سألت ومرجعتش عن اللي في دماغها برضه!
احرجيها فوراً
اثبتي مهارتك انتي وكفاءتك إنتي
قوليلها لأ والصح كذا وكذا
والدليل أهو لأني عيشته هنا
ولأني درسته هنا
ولأني اشتغلته هنا
ولأني اتخزوقت فيه هنا
طيب ولو أنا اللي بيتقالي الكلام ده وبيتم احراجي؟
دربي مخك على حاجه إسمها التعلم المستمر واطلبي feedback من الناس اللي حواليكي دايما
من أفضل الحاجات اللي اتعلمتها في حياتي من علوم الوعي دي هي (شجاعة طلب الـ feedback دايما)
والحمدلله عليها نعمة بجد
دُمتم بصحة ووعي وسعادة وراحة بال
ادعيلي ولك مثل دعوتك وأكثر إن شاء الله تعالى
• For Questions or Reservation please send a Message.
• Sessions are available IN Center and Online.
#جراح.العقل.الباطن #كبسولةجمال

كبسولة جمال

11/10/2025

10/10/2025

17/09/2025

16/09/2025

01/08/2025

29/07/2025

28/07/2025

14/07/2025

11/07/2025

03/07/2025

19/06/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	11am - 9:30pm
Tuesday	11am - 9:30pm
Wednesday	11am - 9:30pm
Thursday	11am - 9:30pm
Friday	11am - 9:30pm
Saturday	11am - 9:30pm
Sunday	11am - 9:30pm