Dr Asmaa Saleh

23/04/2026

ماله الاستانلس زي الفل

18/04/2026

مش حبالغ لو قولت ان الطعميه سبب الكولستيرول والكبد الدهني للمصريين

ومش علشان مكونات الطعميه لان مكوناتها صحيه ( فول - خضروات )
ولكن لطريقة تحضيرها بالقلي
ولنوع الزيت المقلي بيها

اشتغنى عن الطعميه المقليه في فطارك وشوف النتيجة بنفسك
By

15/04/2026

لو عايزه فيلر طبيعي للوش

او عايزه اعظم multivitamins طبيعي

او نفسك تقوي مناعتك خصوصا مناعة الجهاز الهضمي

عليكي وعلى مشروب الخميره

ومن تاني يوم استخدام حيبان نضارة البشرة

❤️طريقتها ❤️

❤️معلقة خمرة بيره (١٥ جم ) على نص كوب لبن فاتر ( لوفي اي حساسيه لبن ممكن ماء ونص معلقه سكر ) وتغطى لمده ١٠ دقايق وتشرب يوميا مساءً قبل النوم

🚨الخميرة تكون طبيعية مش مجففه التجفيف بيقلل فيتاميناتها

❤️الخميرة تحتوي على ( فيتامين ب ٦ وب ١٢ و ب ٣ وفوليك اسيد وب ٢ وحديد وبوتاسيوم ) كومبو الاعصاب

❤️تحتوي على ( زنك - سيلينيوم - مولبيديوم - مانجانيز ) كومبو المناعة والنمو

❤️تحتوي على ( جلوتاثيون ) اقوى مضاد اكسدة وممتاز للشعر والبشره

❤️ ماكروبيوم طبيعي وببلاش ( البكتريا النافعه للجهاز الهضمي ) وبالتالي صحة الجهاز الهضمي والمناعة

🚨الخميرة مش بتخن هي بس بتحسن جدا عملية الهضم فلو عندك بس مشكله في الهضم فطبيعي لما يتحسن وتستفاد بالاكل تزيد في الوزن

🚨الوصفة دي ممتازه للنباتيين (vegan ) ومرضى مشاكل الجهاز الهضمي والاعصاب الطرفيه ومرضى السكري لاحتوائها على فيتامينات ب المركبه اللي بيبقى عندهم نقص فيها

🚫الخميرة بتموت عند درجة حراره ٧٠ فلا نستخدم ماء مغلي عليها ولا نعتمد على الموجوده في الخبز

By

11/04/2026

جيلي صحي ومليان فوائد وكمان بيشبع جدا وسعراته الحراريه لا تتعدى ٥٠ سعر حراري

منقوع كركديه عليه معلقه جيلاتين حيواني ومعلقه بذور شيا

غني بمضادات الاكسده
يدعم صحة الكبد والقلب
يحارب الالتهابات
يقوي المناعة
يقلل الكوليسترول الضار

‏by

08/04/2026

(الحمد لله ابني بعد ما كان بياكل بس ارز وشوربه بقى بياكل معانا كل الاكل )

الجملة اللي ممكن أتعب شهور علشان أسمعها من الأم
لو ابنك انتقائي فابنك مريض مش مدلع
ومحتاج تعرف سبب رفضه للاكل وتعالجه
وبعدها تدخل انواع تدريجيا حسب استجابة الطفل وحالته
و نركز على بعض العناصر الغذائية المهمه للتذوق سواء من الأكل او المكملات

الموضوع مش سهل لا على الدكتور ولا على الأم ولا على الطفل بيحتاج صبر و فهم وعلم

الاطفال الإنتقائية مش مدلعين دول أبطال محتاجين بس اللي يفهمهم

By

05/04/2026

الكرسي اللي ببقى عايزه اقعد عليه اي ام بتجيب لعيالها لانشون في البيت
قريبا في العيادة 😡

04/04/2026

دايما اهم خطوة نعملها قبل ما نظبط اكلنا هي ان يكون عندنا ميزان شخصي ديجيتال نتابع بيه وزننا كل فترة لان احيانا المقاسات بالعين فقط بتكون غير دقيقه خصوصا من الشخص لنفسه لان في ناس بتشوف نفسها رفيعه وهي عندها سمنة مفرطة وناس بتشوف نفسها تخينه وهي وزنها مثالي
الميزان لوحده مش كافي ولا المقاسات لوحدها كافيه غير لو بتقيسها بالظبط

30/03/2026

"ابنك بيشرب 'مية بسكر' ولابسة قناع عصير! 🧃💀

كلنا بنجري نجيب "علبة العصير" عشان نحطها في اللانش بوكس أو نديها للطفل وهو بيعيط.. فاكرين إننا بنديله فيتامينات، بس الحقيقة إنك بتديله "كبد دهني" في علبة!

🤔ليه العصير المعلب "كارثة" على كبد طفلك؟
🥤🧃سكر مش من الفاكهة: أغلب العصائر المعلبة (حتى اللي مكتوب عليها نكتار) فيها كمية سكر مضاف مرعبة، الكبد مش بيعرف يتخلص منها فبيحولها لدهون فوراً.

🧃بدون ألياف (الفرامل): العصير ده متصفي تماماً من الألياف، يعني السكر "بيضرب" في الكبد والدم في ثانية، وده بيخلي جسم الطفل يفرز أنسولين بجنون.

🧃مواد حافظة وألوان: الكبد عند الأطفال لسه صغير، ومعالجة المواد الكيماوية دي بتمثل "حمل" تقيل عليه بيضعف وظائفه.
خطر السمنة الصامتة: الدهون بتتراكم حول الكبد (Fatty Liver) والطفل ممكن يبان جسمه عادي، بس الكبد متغطي بدهون!

اعملي كدة بدل العصير:
✅ الفاكهة "تتاكل مش تتشرب": التفاحة أو البرتقالة فيها ألياف بتحمي الكبد من صدمة السكر.
✅ لو لازم عصير: اعمليه في البيت (فريش) وبلاش تصفيه ويكفي نص كوب في اليوم .
✅ اللانش بوكس: استبدلي علبة العصير بزجاجة مية فيها قطع فاكهة بتدي طعم وشكل يفتح النفس.

💬 بصي كدة على علبة العصير اللي في تلاجة بيتك.. مكتوب فيها كام جرام سكر؟

By

28/03/2026

"إحنا بنرمي أغلى حتة في البصلة وإحنا مش فاهمين!" 🧅🧪
لو فاكر إن قشر البصل ده مجرد قمامة نتخلص منها ، فالحقيقة غير كدا
القشرة الخارجية (خصوصاً في البصل الأحمر) هي "مخزن" لمركبات كيميائية معقدة ومفيدة جداً لجسمك، أهمها مادة الـ Quercetin (كيرسيتين).

طيب،ليه "شاي قشر البصل" للبرد ؟

1️⃣ أقوى مضاد أكسدة طبيعي: القشر فيه تركيز كيرسيتين أعلى بكتير من البصلة نفسها ودي ماده بتقلل الالتهابات في الجهاز التنفسي وبتهدي رد فعل الجسم التحسسي، وده اللي بيخلي الشاي ده فعال في تخفيف الكحة والرشح ونهجان الصدر. 🛡️

2️⃣ صديق لشرايين القلب: الدراسات بتأكد إن مركبات الـ Flavonoids اللي في القشر بتساعد في تقليل مستويات الكوليسترول الضار (LDL) وبتحسن مرونة الأوعية الدموية، يعني حماية طبيعية للقلب والضغط. ❤️

3️⃣ تنظيف الجسم (Detox): البصل غني بمركبات الكبريت العضوية اللي بتساعد الكبد في عملية طرد السموم، وده بينعكس على نضارة بشرتك وصحتك العامة. ✨

⚠️ لازم تاخدي بالك من "الآثار الجانبية":
العلم سلاح ذو حدين؛
شاي البصل غني جداً بالـ FODMAPs، يعني لو عندك "قولون عصبي" (IBS)، الشاي ده ممكن يقلب معاكي بانتفاخ ومغص شديد بدل ما يريحك.
كمان هو بيشتغل كـ Natural Blood Thinner (مسيل طبيعي للدم)، فلو بتاخدي أدوية سيولة أو داخلة عملية، لازم تبعدي عنه عشان تتجنبي خطر النزيف.

👩‍🍳كيفية تحضيره ( قشره بصله حمراء مغسول جيدا وعليه ٢ كوب ماء ويترك يغلي ١٠ دقايق ثم يصفى ، وضيفي عليه ليمون وعسل عشان تكسري الطعم القوي وتزود فايدته وتستفيدي من "صيدلية طبيعية" ببلاش! ☕
جربت قبل كدة تشرب مشروبات "غير تقليدية" وجابت معاك نتيجة في المناعة؟ قول لنا في الكومنتات! 👇
By

28/03/2026

27/03/2026

🥜 عمرك فكرت قبل كده إن القشرة الخفيفة الحمراء للفول السوداني ممكن يكون مفيد؟!

كتير مننا بيرميه من غير ما يعرف إنه كنز صحي حقيقي 💥

قشر الفول السوداني غني
بـ:✨ مضادات أكسدة قوية زي الـ Polyphenols و Resveratrol
✨ ألياف مفيدة للهضم
✨ عناصر بتدعم صحة القلب والمناعة

💪 أهم فوائده:✔️ بيحارب الشوائب الحرة وبيقلل خطر الأمراض المزمنة(الضغط -السكر - السرطان -القلب)
✔️ بيساعد في تقليل الكوليسترول الضار (LDL) ورفع الكوليسترول النافع (HDL)
✔️ بيحسن صحة الجهاز الهضمي وبيغذي البكتيريا النافعة
✔️ بيساعد على الشبع وتنظيم سكر الدم
✔️ ليه تأثير مضاد للالتهابات

🔥 المفاجأة:مضادات الأكسدة فيه قريبة في قوتها من الشاي الأخضر وقشر العنب!

⚠️ ملاحظة مهمة:طعمه ممكن يكون قابض شوية، علشان كده أفضل طريقة تاكله بيها تكون مع الفول السوداني المحمص او لو مطحون معاه 👌

💡 الخلاصة:بلاش ترمي القشر تاني… جسمك هيستفيد منه أكتر ما تتخيل 😉

By

27/03/2026

خل التفاح للتخسيس… ترند ولا فعلاً ليه فايدة؟ 🤔

📌 خل التفاح ممكن يساعد في:
✔️ تنظيم سكر الدم: بيبطّأ امتصاص الكربوهيدرات فبيقلل ارتفاع السكر بعد الأكل
✔️ المساعدة في التخسيس: ممكن يقلل الشهية ويساعد على نزول وزن بسيط مع الوقت
✔️ تحسين الدهون في الدم: بعض الدراسات بتشير لتحسن الكوليسترول والدهون الثلاثية
✔️ الهضم: في ناس بتلاحظ إنه بيساعد، لكن مفيش دليل قوي كفاية

⚠️ لكن خليك فاهم الأضرار:
❌ ممكن يآكل مينا الأسنان بسبب حموضته العالية
❌ يعمل حرقان في الزور أو المعدة لو اتاخد من غير تخفيف
❌ ممكن يسبب غثيان أو ارتجاع
❌ الإكثار منه ممكن يقلل البوتاسيوم في الجسم
❌ ممكن يتعارض مع أدوية زي مدرات البول أو الإنسولين

✅ الاستخدام الصح:
✔️ لازم يتخفف: من 1 لـ 2 معلقة كبيرة على كوب مية كبير
✔️ يفضل يتاخد مع الأكل أو يتحط على السلطة بدل ما يتشرب لوحده
✔️ استخدام شفاطة أو المضمضة بعده يساعد يحمي الأسنان

💡 الخلاصة:
خل التفاح مفيد… بس مش سحر، ومش هيعوض نظام غذائي غلط 👌

👇 قول رأيك: جربت خل التفاح قبل كده؟ وفرق معاك ولا لأ
By