11/02/2026
بما إن الملح 🧂 هو من الحاجات اليومية اللي بنستخدمها في مطبخنا، فلازم نعرف نستخدم أي نوع وكميته وطريقة حفظه ⁉️
أولًا ما تصدقش اللي يقولك إن ملح الهيمالايا أصح من الملح العادي ❌
📌 لأن ببساطة ملح الهيمالايا فيه معادن آه مش موجودة في الملح العادي زي البوتاسيوم، بس بنسبة ضئيلة جدًا جدًا ممكن ناخدها عادي من ١ خيارة 🥒، غير إنه مش بيملح الأكل كويس فتضطر تحط كمية أكبر منه وبالتالي كمية صوديوم أعلى، غير إن الشركات الرديئة منه قد يكون ملوثًا بالمعادن الثقيلة ⚠️
✅ أفضل نوع ملح هو الملح المدعم باليود أو الملح اليودي، وده تقريبًا كل أنواع الملح الناعمة الموجودة دلوقتي في السوق، ركز بس يبقى مكتوب عليه كلمة “يود”.
⁉️ اليود مهم جدًا لنشاط الغدة الدرقية، ومش متوافر بكثرة في الأكل غير في الأسماك البحرية 🐟، فالملح المدعم باليود مهم لنشاط الغدة.
🚫 الملح اليودي بنحتفظ بيه في مكان مظلم (مكان مغلق أو علبة غير شفافة) لأن اليود بيتفاعل مع الضوء وبتقل كفاءته أو تركيزه.
❤️ جسمنا محتاج يوميًا حوالي ١.٥ ~ ٣.٢ جم صوديوم، وبما إن الملح عبارة عن كلوريد الصوديوم بنسبة ٤٠٪ صوديوم و٦٠٪ كلوريد.
❤️ فالمسموح اليومي من ملح الطعام 🧂 من معلقة صغيرة لمعلقتين من ملح الطعام.
🚫 الإفراط في الملح بيأثر على المدى القريب في ارتفاع ضغط الدم ⬆️
🚫 وعلى المدى البعيد بيأثر على وظائف الكلى والكبد والقلب
By
