https://www.facebook.com/100831008302665/

د. أيمن حسين - استشاري جراحة عامة, العاشر من رمضان, Cairo (2025)

25/06/2025

فى حالة من الحالات النادرة
تم اكتشاف جنين متحجر في بطن امه بقاله اكتر من 30 سنة بالصدفة
وده بنسميه stone baby أو الجنين المتحجر
دي ظاهرة سببها حمل خارج الرحم خاصة في البطن
الجسم مش بيعرف يتخلص من الجنين أو يعمل اعراض حمل فيكون طبقات من الكالسيوم علي الجنين ويحصله calcification يتحجر يعني عشان يحمي الام من العدوي أو التسمم
- ممكن ما يعملش اي اعراض خالص ويفضل بالسنين الام ما تحسش بيه ويكتشفوه بالصدفه عن طريق X ray أو ممكن يعمل اعراض خفيفة زي وجع بطن وتقل
- الحل لو سبب اعراض أنه يتشال surgical removal

23/05/2025

كانت هناك طفلين توائم فى رحم ام ؛
نظر الاول للثانى وقال له
- هل تؤمن بأن هناك حياة بعد الولادة ؟؟!

قال الثانى
= بالطبع يجب ان يكون هناك حياة بعد الولادة وربما نحن هنا نستعد لها

رد الاول
- هذا غير منطقى لا توجد حياة بعد الولادة.. أى حياة قد تكون هذه ؟

رد الثانى
= انا لا اعلم .. لكنها ستكون أكبر من هذا المكان ربما سنمشي على اقدامنا ونأكل بأفواهنا .. ربما سيكون لدينا حواس اخرى لا نفهمها

قال الاول
- هذا سخيف المشي مستحيل والاكل بأفواهنا غير منطقى
علميا.. الحبل السري هو الذى يغذينا ويعطينا كل احتياجاتنا
الحياة بعد الولادة مستبعدة منطقيا

رد الثانى
= ماذا لو كان الامر مختلفا فحسب.. ربما لا نحتاج لهذا الحبل السري بعد ذلك

قال الاول
- مستحيل عدم وجود الحبل السري معناه نهاية الحياة
ثم لو كانت هناك حياة بعد الولادة لماذا لم يرجع احد من هناك ويخبرنا عنها.. انت تهزي
الولادة هى نهاية الحياة وبعدها لا يوجد سوى الظلام ونهاية الحياة

قال الثانى
= ربما سوف نقابل امنا وسوف تعتنى بنا

رد الاول
- سوف نقابل امنا ههههه .. هل انت تؤمن بوجود امنا .. لو كانت موجودة فأين هى الان ؟

رد الثانى
= هى محيطة بنا ونحن نعيش بداخلها وهى من تمدنا بالحياة

قال الاول
- كل ما تقوله من وحى خيالك اما انا فلا ارى امنا وليس لدى دليل مادي على وجودها اصلا وعقلي لا يستوعب وجود حياة اخرى بعد الولادة

قال تعالى( كما بدأنا اول خَلْقٍ نُعِيدُهُ وَعْداً عَلَيْنَا إِنَّا كُنَّا فَاعِلِينَ) صدق الله العظيم [الأنبياء:104]

24/03/2025

الطفل رقم ١١ يتوفى بحقنة مضاد حيوي من مادة سيفترياكسون بالرغم إن والده طبيب ووالدته أخصائية تمريض وقامت بعمل اختبار الحساسيه للطفل والذي كانت نتيجته سلبيه.. بلاش حقن خالص الفتره الجايه الموضوع مرعب فعلا والعيب في التشغيلات اللي فى السوق
نقلا عن صفحة د.محمد كمال عطوه.تعديل
بلاش الحقن دي الفتره الحالية ( في منها مغشوش كتير وتسبب الوفاة)
١- فولتارين حقن
٢- كيتولاك حقن
٣- ديبوفيت
٤- يونيكتام( شكل العلبه القديم)
٥- بيمفاست
٦-راميتاكس
٧- سيفتريكسون بكل التركيزات
٨- ديفارول اس
٩-تريكسوتاز
١٠-راميسيفتراكس
١١- حقنه البرد ٣*١ ( خلطه البرد )
⭕️الرجاء من الاطباء عدم كتابة هذه الاصناف الفتره الحالية
⭕️للصيادلة لو جاتلك روشته بها الاصناف دي غيرها لمثيل اخر
⭕️الامهات تخلي بالها
انا بعت المنشور لاغلب الناس الي عِنـدى علي الخاص
بالنسبه لأدوية الشراب المغشوشة نخلي بالنا من
١- برونشكيم دواء للكحه تشغيله رقم AEG015 ❌
2- ميجاموكس مضاد حيوي شراب ٤٥٧ رقم التشغيلية 215177❌
٣- هاي بيوتك شراب مضاد حيوي لونه بينك بعد بتحل البودره ❌( الطبيعي لون شفاف او ابيض )
٤- اوجمنتين شراب ٦٠٠ تشغيلية رقم 223059❌
٥- نيوكلاف اكسترا 642.9 رقم التشغيلات 214303-220398❌

حفظ الله الجميع من كل مكروه وسوء

29/01/2025

عارفة سواد العسل ::: اهو دا اللى حالك ليه وصل

29/01/2025

دكتور : محمد حسن ..
الحدوتة بدأت سنة 2020 لما كان بيخاطر بحياته ومطحون مع المرضى في عز كوفيد .. الفايروس اللى قعدنا كلنا في البيوت ولبسنا كمامات وجوانتيات .. والنتيجة انه اصيب اصابة شديدة جدا بسببها قعد شهر في العزل مش عارفين هيخرج منه ولا لأ ..
بعدها قعد 6 شهور غير قادر على العمل .. ضغط على نفسه ورجع الشغل بدأ جسمه ينتفض .. آلام مبرحة انتهت بشلل شبه كلي .. سنة ونص بيلف على اطباء ومراكز اشعة لحد ما عرف ان اللى عنده تآكل نيكروزي في الكتف والحوض .. من مضاعفات كورونا..
وزارة الصحة تقدره بقى وتعوضه عن اصابة العمل؟! لأ ..
شهور بيلف علشان يعمل 4 عمليات تغيير مفاصل .. ومفيش فايدة لحد ما فين وفين مجلس الوزراء عرف باللي حصل وعملوله اول عمليتين في الحوض ..
د. محمد كل الناس باعوه .. حتى نقابة الاطباء .. اتحركوا لما الحوار اتعرف .. بعتوله حد سابله قرشين واتصور معاه علشان ياخد اللقطة ومحدش شافهم تاني !!
وكيلة الوزارة منفضاله .. وبعتتله واحدة من الموظفات بتقوله واحنا ايه عرفنا ان اصابتك دي بسبب العمل ؟! اللى هو إحلفي !!
مسؤول صندوق مخاطر المهن الطبية بيشد في شعره .. ازاي لحد دلوقتي ورق د.محمد مخلصش ؟!!
دلوقتي د.محمد من ذوي الاحتياجات الخاصة .. أقل مجهود بيبذله بيصاب بألام مبرحة في المفاصل .. مجرد كشفه على حالة واحدة بيدمره .. وباع اللى وراه واللى ادامه في رحلة علاجه اللى المفروض أصلا تكون مهمة الوزارة. غير اصابته بضغط وسكر واكتئاب وأرق!!
لأ وفوق دا كله .. راح المديرية يستلم عمله .. رموه في وحدة على مسافة 25 كم من بيته اللى في الأرياف !! مكنش قادر يطلع السلم بسبب حالته .. فبدل ما يراعوا حالته ويشيلوه فوق دماغهم بسبب تضحيته الكبيرة .. تجاوزوا في حقه وقالوله ايه القرف دا !!
مش عايزين غير حق د.محمد في العلاج على نفقة الدولة وحياة كريمة له ولأسرته .. الراجل شاب أصغر مني ولسة بيبدأ حياته وتحول في لحظة من تمام العافية للعجز شبه الكامل ..
دا اللى كان بيتقال عليه هو واللى زيه في يوم من الأيام (( جيش مصر الأبيض )) .. في الوقت اللى اي حد كان بيقعد في بتيه ومنحسش بيه .. دول اللى شالوا الناس كلها على اكتافهم ومكنش ينفع يقعدوا في بيوتهم يوم واحد.. مينفعش تكون دي اخرتهم !!
ياريت الريس يتدخل .. مجلس الوزارة و وزارة الصحة بصفتهم الرؤوس الادارية والتنفيذية .. وزارة الأوقاف لإنها مسؤولة عن اوقاف المسلمين و اوجه صرفها اللى بلا شك د. محمد من مستحقيها ..
ياريت اللى يقدر يشير البوست على مجموعات كبيرة او على صفحته الشخصية على الاقل يعمل كدا عشان نوصل صوت د.محمد للمسئولين لعل وعسي حد يخلى عنده دم ويعمل اللى يمليه عليه ضميره

18/03/2024

كل عام وانتم طيبين ورمضان كريم
ياريت كل الناس تعمل شير حتى يصل المنشور لكل محتاج

22/02/2024

البقاء والدوام لله
إنا لله وإنا إليه راجعون

20/07/2023

#كفااااايه مسكنات.

المسكنات (أخوات الفولتارين والكتافلام والكتافست) >> سحر تخفيف ألام المفاصل والصداع، يقابلها كابوس الفشل الكلوي الحاد وتقرحات المعدة.

#التدخين >> سحر إزالة التوتر والقلق، يقابلها كابوس جلطة القلب وفشل وظائف التنفس.

#المقليات (عباد ودرة وغيره) >> سحر المقرمشات اللذيذة، يقابله كابوس السمنة وارتفاع الكولسترول بالدم وأمراض شرايين القلب والمخ.

#السكر >> سحر إدمان الحلويات، يقابله قلة حيوية ونشاط الجسم وارتفاع السكر بالدم وزيادة مقاومة الأنسولين .

#الأنتخة >> سحر قلة الحركة قدام الموبيل وفي إيدك كل الحاجات الحلوة دى(مسكنات ومقليات وسكريات)، يقابلها كل أمراض الدنيا في سن مبكر..

#دمتم في ستر وعافيه.

13/07/2023

معلومات طبيه هامة جدا

10/07/2023

السلام عليكم ورحمة الله وبركاته
اللهم اجعل هذا العمل خالصا لوجهك الكريم
(الحلقة الخامسة)
««الظفر الغائر»»
الحقيقة كنت عاوز اكمل حلقات الفتق بأنواعة فى الاطفال والبالغين ولكن طلب منى عدد كبير من الاصدقاء الكلام عن الظفر الغائر لانه بيعمل مشكله فعلا للى بيعانى منه وزى ما اتفقنا قبل كده ان معظم الامراض اللى بتحتاج تدخل جراحى يمكن تجنب حدوثها من الاساس وياريت الناس تركز فى سبب المرض عشان نتجنب حدوثه افضل ما نوصل لمرحلة الجراحة اللى بتستهلكنا فى الوقت والمال
نبدء على بركة الله
-اولا يعنى ايه ظفر غائر ؟؟
يعنى بدل ما الظفر بينموا للامام فى الهوا ودا الوضع الطبيعى لأ بينموا جوة اللحم
لا مش بس كده دا كمان بيدخل معاه ميكروب ويسكن جوة فى الحتة اللى نما فيها جوة اللحم ويعمل التهاب مزمن وما بيروحش لان دى بيئة رائعة بالنسبة للميكروب عشان كده استخدام المضادات الحيوية سواء عن طريق الفم او مراهم موضعية بتريح العيان فترة مؤقتة وبيرجع الالم والمعاناه تانى
««اسبابه»»
نركز شوية وحياة ابوكم فى الاسباب لانه بييجى بسبب غلطة بسيطة فى قص الاظافر
الناس فاكرة انه من النظافة اننا نقص الظفر للاخر لحد ما نجيب اللحم 😂😂😂
ماشي دا ممكن يمشي فى اى ظافر الا فى ظفر القدم الكبير !!!!!
ليه بقا ؟؟؟
-عشان طبيعة الظفر ده غير اى ظفر تانى سواء فى القدم او اليد ... ايوه هو ربنا خلقة كده عريض والاطراف بتاعته اقصر من منتصفه .. يعنى لو قصيته لحد اللحم قبل ما ينمو الظفر هينموا اللحم فوقه خصوصا من الاجناب
ولو سيادتك لابس شوز ضيق بقا هتضغط اللحم فوق الظافر اكتر خصوصا لو لابسه لفترة طويلة
ايه اللى هيحصل بعد كده ؟؟؟
هييجى الظفر يطول عادى هيدخل جوة اللحم ..
ودى المرحلة الاولى اللى هتبدء تحس بيها بالمشكلة ودى علاجها بسيط هنقولة فى الاخر..
حضرتك طنشت وما عالجتش 👇👇👇
هتدخل على المرحلة التانية .. اللى هى انه هيدخل ميكروب مع الظفر ويعمل التهاب مزمن .. ودا حله جراحى فقط ❗
طيب نقدر من اسبابه نستنبط طرق الوقايه
-طبعا 😎😎
-اولا لما حضرتك تيجى تقص ضوافرك يا اما تقصها بشكل افقى يعنى على خط واحد يا اما تخلى الجناب اطول من المنتصق .. وكمان ما تجيبهاش للاخر .. خلى حوالى مللى او 2 مللى عشان اللحم ما يغطيش عليها
-ثانيا .. نلبس شوز مقاسه مناسب للقدم بلاش تلبس بتاع ابنك اللى فى ابتدائى 😂😂😂 خصوصا لو حسيت بالم فى صباعك من الجنب
««العلاج»»
اولا ... علاج تحفظي
ودا بينفع للمرحلة الاولى .. قبل ما يحصل الالتهاب
ودا بيتعمل ازاى .. حضرتك او الطبيب المعالج بيرفع الجزء الحاد من الظفر اللى ناوى يدخل فى اللحم وندخل تحته حته قطنه متعاصة بيتادين او حتة من خيط تنظيف الاسنان ونغيرها كل يوم لحد ما الظفر ينمو لقدام ويسيب اللحم فى حاله
طب لو رفع الجزء دا صعب عشان ندخل حاجة تحته ؟؟!
حضرتك هتيجى فى نص الظافر وتشيل طبقات رقيقة منه باستخدام مشرط جراحى وبحرص وياريت الطبيب اللى يعمل الحركة دى عشان يضعف الظفر من النص ويبقى سهل ترفعة من الاطراف
ثانيا .... الجراحة 💝💝
التدخل الجراحى بيبقى فى حالة الالتهاب الشديد جدا و تلاقى الصباع وارم وبيطلع صديد .. وفى الحالة دى بنشيل الظفر كله عشان الالتهاب يروح .. وفعلا الالتهاب بيروح بسرعة بس لما الظفر بينموا تانى بترجع المشكلة تانى
طيب التدخل الجراحى السليم بيبقى امتى ؟؟؟
لما يكون الظفر عامل التهاب مزمن وشكله زى اللى فى الصورة اللى تحت
وهى جراحة بسيطة باستخدام بنج موضعى
بنشيل الجزء اللى عامل مشكلة وبيبقى حوالى 2 مللى من الظفر ونشيل معاه الانسجة الملتهبة واهم حاجة عشان ما يرجعش تانى ❗بنشيل الجزء اللى بيطلع منه الحته دى من الظفر وهى اسمها germinal matrix وفى ناس بتقول عليها الهلال الابيض .. دى موجودة ورا قرب مفصل العقلة الاولى ودى لو ما اتشالتش هيرجع الظفر الغائر تانى
اخر حاجة 📥📥
امتى نعمل غرز للجرح وامتى ما نعملش
-ما نعملش لو الالتهاب شديد بنشيل الانسجة الملتهبة ونسيبه يطلع انسجة جديدة
-ونعمل غرز مش مشدودة اوى او الالتهاب خفيف عشان ما يحصلش نزيف
خلصنا 💗💗💗💗
-ما تنساش تعمل منشن لصاحبك اللى بيعانى من المشكلة دى
-لو انت مش مشرفنى فى قائمة الاصدقاء اعمل متابعة عشان تستفيد
-لو انت من اصدقائى اعمل مشاركة تاخد بيها ثواب اللى هيستفيد
دمتم سالمين 💟💟💟

26/03/2023

الحقيقة اللى حصل النهاردة فى برنامج رامز جلال كارثة بكل المقاييس .
الضيف اللى هو المطرب محمد فؤاد كان عامل عملية فى المعدة للتخسيس ولسه ما فكش السلك وقاللهم فى الاول انه عامل عملية ومع ذلك عملوا معاه المقلب وشالوه وهبدوه اكتر من عشر مرات لحد ما خياطة العملية اتفكت ونزلت دم
توقعت ان لما يوقفوا العنف ده ويعرف انه مقلب يثور على رامز ويرفع عليه قضية ويمنع اذاعه الحلقة
ولكنى فوجئت انه بيضحك ويغنى مع رامز وايديه كلها دم من الجرح
عرفت ساعتها ان اللى بيعمله رامز فيهم شوية عليهم ويستاهلوا اكتر من كدا بكتير
عذرا لكل انسان قلبه اتخطف وصعب عليه اهات محمد فؤاد والدم اللى مالى ايديه .. بجد ما يستاهلش انه حد يتعاطف معاه
#يستاهلوا

د. أيمن حسين - استشاري جراحة عامة

25/06/2025

23/05/2025

24/03/2025

29/01/2025

29/01/2025

18/03/2024

22/02/2024

20/07/2023

13/07/2023

10/07/2023

26/03/2023

Address

Website

Alerts

Shortcuts

Share

Category