01/07/2023
وفاة جو ليندر
سيب ال ف ايدك وركز معايا ,,,, بعد اذنك !
كل كام اسبوع نسمع خبر وفاة شاب صغير تحت ال 35 سنة او حتي تحت ال 25 سنة ,,, وللاسف فعلا الموضوع بقي منتشر جدا جدا
ربنا يسترها علي الجميع
لكن انا انهاردة للمرة التانية عاوز اعلق خصوصا ع الحالة دي عشان للاسف انتشر كلام بيقول ان سبب الوفاة هو شدة التمرين العالية !!
اصلا اجدع جدعان لعبة كمال الاجسام شدة تمرينته وتحميلها ع قلبه واوعيته الدموية متجيش رُبع رياضات تانية كتير زي البوكسينج مثلا او السباحة
فشدة التمرين بريئة من الكلام دا وعلميا كلام غير منطقي
!!
زي من شهرين لما البطل الاردني رحمة الله عليه وافته المنية
وكان ف كلام بيحاول ناس معينة تنشره وان سبب الوفاة ساعتها كان وجبة فري !
Cheat Meal!
❌❌❌❌❌
فالكلام دا او دا عاري تماما من الصحة … والمتهم وااااحد ومعروف … متخليش حد يضحك عليك او يجمل ويزوق ال بيحصل !
❗️❗️❗️❗️❗️
#الهرمونات ! هي السبب ,,, هي السبب ,,, هي السبب !!
السمـــــــــــــــــــــ..موم ال بقت منتشرة ف كل مكان
وبقت حتي تتباع اونلاين عيني عينك ,,, وحسبي الله ونعم الوكيل
!!!
احكيلكم ع دراسة بتاريخ 2021
شاب استرالي كان بيستخدم هرمونات تحت ايد متخصص
" ودول ناس ف استراليا يعني منتجات نضيفه وناس دارسة "
المهم حب يروح يتطمن ع نفسه ويعمل تحاليل واتشيك اب !
المفارقة هنا انه وهو مستني نتايج التحاليل ,,, حصله #سكته #قلبية !
واتحز تاني يوم ف الرعاية ! تحس انه كان حاسس ان ف حاجة هتحصل !
وبعد دخوله المستشفي ومراجعة تحاليله
كانت النتيجة ان القلب فيه قصور ف الوظايف
وان كل انزيمات الجسم مش مظبوطة
والاهم والطامة الكبري كانت ان دهون الدم الكوليسترول والدهون الثلاثية مرتفعة ارتفاع بشع ! فهو دا ال عمله انسداد ف الشرايين
وعمله سكتة قلبية !
وغيره برده شاب بريطاني بعد استخدام المنشطات 6 شهور متواصل
حصله
" تضخم ف القلب - بقي مريض سكر من النوع الثاني - قصور ف الكلية "
وغيرها من القصص الاف ,,, لو هنقعد نتكلم او احطلك ف لينك دراسات
مش هيكفينا سنة !
ال عاوز اقوله هنا هو كالتالي :-
🔴 احذر ثم احذر ثم احذر من الهرمونات والاسترويدز !
طريق سريع لتق.صير عمرك ودم.ا.ر مستقبلك !
🔴 بالمناسبة عشان لو متعرفش او مش فاهم ! الدنابول دا هرمون ! … اه والله !
🔴 الشكل الحلو وال6باكس ممكن تيجي بالسعي وبالتمرين وبالانتظام
مش عشان مستعجل او عاوز تبقي اقوي من صاحبك تدخل ف سيكل
وتقض.ي ع مستقبلك !
🔴هيفيدك باي شكلك ؟ وهتفيدك باي فيديوهات التيك توك وانت
قال.ع هدومك فيها ,,, لما يكون صحتك ضا.عت ,,, وبقيت ماشي بالعلاج !
🔴 لو متضطر تدخل السكة دي
" والحقيقة انا مش موافق ع اى مبرر لاي حد يقول انه متضطر "
" اى اغلي من صحتك ومستقبلك ! "
ولكن ما علينا ,,, لو متضطر فارجوك ثم ارجوك ثم ارجوك
تحاليل وفحوصات كاملة كل 6 شهور ,,, ع الاقل !!! ع الاقل !!!
وتأكد من المنتجات ال هتستخدمها ومن الراجل ال هيكتبلك الجرعات
وتاخد اى وازاى !
اى جرعة غلط ,,, اى جرعة مشموم,ة ,,, اى اى حاجة زيادة
كفيلة تدخلك العناية المركزة ,,, او تخليك بعد كدا مش عارف تعيش حياتك
بشكل طبيعي يناسب سنك واحلامك
!!
🔴السبب الرئيسي ف حكايات الموت للشباب بتوع كمال الاجسام او حتي المشاهير ال بيروحوا الجيم وبيلعبوا كمال اجسام وبيتوفاهم الله ف سن صغير ,,, هو الهرمونات ! هو تضخم القلب وتشوه الاوعية الدموية الناتج عن الهرمونات
هو انسداد الشرايين والسكتات الناتجة عن ارتفاع دهون الدم والكوليسترول بسب الهرمونات !
,,,
خدوا الدروس من القصص ال بتحصل وال بتسمعوها
كل دي اشارات ,,, لكن انت ال عاوز تعمل نفسك مش واخد بالك
!!
ربنا يسترها ع شبابنا
واتمني منسمعش الخبر دا تاني ابدا ابدا
! .... نقطة !
